තලංගම පොලිසිය ගණිකා නිවාසයක් වටලන්න යනවා. නිම්රෝස් මීඩියා කියල පාදඩ යූටියුබ්කාරයො ටිකක් තමයි තලංගම පොලිසියේ මීඩියා පබ්ලිසිටිවලට පාවිච්චි කරන්නෙ. පොලිසිය විසින් මේ කියන ගණිකා නිවාසයෙන් කාන්තාවන් පිරිසක් එලියට අරගෙන එනවා. කිසිදු උසාවියකින් තවමත් වරදකරුවන් කර නැති මේ කාන්තාවන් ඒ කැමරා ඉදිරියේ නිරුවත් කරනවා. ගර්භනී කාන්තාවන් වෙනම අරගෙන පෙන්නනවා.
මොකක්ද මේ නීතියේ සදාචාරය? මේ පොලිස් නිලධාරීන්ට විරුද්ධව පුද්ගලිකව නඩු පැවරිය යුතුමයි. යූටියුබ්කාරයන්ට මෙවන් අවස්ථා වීඩියෝගත කරමින් තමන්ගේ චැනල්වල විව්ස් වැඩි කරගන්නට කාන්තාවන් බිලිදීමේ වරද කරන්නෙ මෙතන පොලිසියයි. මේක අශිෂ්ට අසභ්ය අමුනුස්ස ක්රියාවක්. නීතිය ක්රියාත්මක කරන අය එය කරන්නේ මෙයාකාරයෙන් නම් මේ රටේ මිනිස් ගරුත්වය සහ මිනිස් අයිතිවාසිකම් ගැන කවර කතන්දරද? පොලිසිය කරන්නෙ කුණු රහ බෙදන එකයි. ඒ වෙනුවෙන් මිනිස් ජීවිත බිලිදෙන එකයි. අපි කියන සදාචාරය මේකයි.
ලංකාවෙ නීතියෙන් ගණිකා වෘත්තියේ යෙදීම වරදක් නෙමෙයි. මේ කාන්තාවන් වරදකරුවන් වෙන්නෙ නිරෝධායන නීති උල්ලංඝනය කිරීම සම්බන්ධයෙන් විතරයි. ගණිකා නිවාසයක් පවත්වාගෙන යන ලද්දේ නම් ඒ අයිතිකරුවන් හෝ තැරැව්කරුවන්ට විරුද්ධව නීතිය ක්රියාත්මක වනු ඇති. නමුත් මෙතන බරපතලම වරද කරන්නේ පොලිසියයි.
කාන්තාවක් ගර්භනීව හිඳිමින් මේ අවදානම් කාලෙදි ලිංගික ශ්රමිකයෙක් විදිහට රස්සාව කරන්න එනවා කියන්නෙ ඒක ඒ මිනිස්සු මුහුණ දෙන දැඩි ආර්ථික අර්බුදය ගැන මානුෂීය ප්රකාශනයක්. එහෙම දුක් විඳින කාන්තාවන් කැමරාව ඉස්සරහට ගෙනත් අවමන් කරනවා කියන්නෙ අමානුෂිකත්වයේ පාදඩම මොහොතක්.
මේ පණිවුඩය අපිට දැනුම් දෙන්නෙ උපුල් සන්නස්ගල. රාත්රී 11ට ලැබෙන ප්රවෘත්තිය දැකලා කැළඹෙන සන්නා වහාම ලයිව් ඇවිත් මේ අසභ්ය පොලිස් සංස්කෘතිය එලිකරනවා. මාධ්ය සහ නීති අංශවල අයගෙන් වගේම පොලිස්පති, පොලිස් ඇමති ආදීන්ගෙනුත් මේ වෙනුවෙන් සාධාරණය ඉල්ලා සිටිනවා. මේ සිදුවීම වෙනුවෙන් පුරවැසියෙක් විදිහට වගකීම්සහගතම මැදිහත්වීම කිරීමෙ වෙනුවෙන් සන්නස්ගලට අපේ ගෞරවය හිමිවෙනවා.
එතනදි සන්නා මේ වගේ මීඩියා චැනල් කරන අයට නිවැරදිම වචනය පාවිච්චි කරනවා. යූටියුබ් ගණිකාවො. මේ වගේ පබ්ලිසිටි වෙනුවෙන් නීතිය ගණිකා වෘත්තියේ යොදවන පොලිස් නිලධාරීන්ටත් නිවැරදිම වචනය වෙන්නෙ ඒක. පොලිස් ගණිකාවො. ගණිකාවන් යැයි කියමින් අත්අඩංගුවට ගත් පිරිස ගැන සාක්ෂි නැති වුනාට සදාචාරයේ වේශයෙන් එතනට ගිය යූටියුබ් සහ පොලිස් ගණිකා පිරිසගේ වීඩියෝ සාක්ෂි තියෙනවා.
නීතියෙන් යුක්තිය ඉටු කරන හැටි, කාන්තා සහ මානව අයිතිවාසිකම් වෙනුවෙන් මැදිහත් වෙන හැටි අපි බලාගෙන ඉන්නවා.
