ප්‍රශ්නය

ඇතැම් දැනඋගත් අය විසින් පවසන පරිදි ධර්ම යනු මෙලොව දේට සම්බන්ධ කාරණා නොවේ. එනිසාම එය පොතින් මැනවින් උගත හැකියි. අර්ථ යන්නද එසේමයි. එය පුහුණු කළ හැක්කේ නිවැරදි උපක්‍රම යොදාගැනීමෙන් හෙයින් මේ නිවැරදි උපක්‍රම උගත හැක්කේ ඉගෙනුමෙන් සහ පොතින් පමණකි.  නමුත් කාම මීට වෙනස්ය. එය වනචාරී සතුන් විසින්ද පුහුණු කරන්නකි. සෑම තැනකම පවතින්නකි. එනිසා ඒ විෂයෙහි උගන්නට දෙයක් නැත.

පිළිතුර

එය එපරිදි නොවේ. ලිංගික සංවාසය පිරිමියා සහ ගැහැණිය මත රඳා  පවතින හෙයින් ඔවුන් විසින් නිවැරදි උපක්‍රම යොදා ගත යුතුයි. එම උපක්‍රම කාම ශාස්ත්‍රයෙන් උගත යුතුයි. වන සතුන් මෙම නිවැරදි උපක්‍රම යොදා නොගන්නේ ඔවුන්ට ඔවුන් ගැන පාලනයක් නොමැති නිසාය. ඔවුන්ගේ ස්ත්‍රී සතුන් වසරේ නිශ්චිත කාලයකට පමණක් ලිංගික ක්‍රියාවට සුදුසු වන නිසාය. එමෙන්ම ඔවුන්ගේ සංවාසය හැගීම් මගින්මෙ හෙයවන්නේ නැති නිසාය.

ප්‍රශ්නය

ලෝකායතවාදීන් කියන පරිදි (භෞතිකවාදීන්) ආගමික පිලිවෙත් කළ යුතු නැත. ඒ ඒවායේ ප්‍රතිඵල ඇත්දැයි නැත්දැයි නිශ්චිතව කිව නොහැකි නිසාය. තමන්ගේ අතැති දේ අන් කෙනෙක් අත ඇති දෙයක් වෙනුවෙන් අත්හරින්නේ කවර මුග්ධයෙක්ද? අද අල්ලාගන්නා පරෙවියා හෙට අල්ලාගන්නා මොනරාට වඩා වටින්නේය. අප සතුව ඇති තඹ කාසිය හෙට ලැබෙතැයි විශ්වාස නැති රන් කාසියට වඩා වටින්නේය.

පිළිතුර

එය එපරිදි නොවේ. පළමුව, ධර්ම පුහුනු කරන්නැයි පැවසූ දිව්‍යමය වචනයෙහි සැකයට ඉඩක් නැත. දෙවෙනුව, සතුරන් විනාශ කිරීමෙහි සහ වර්ෂාව ලබාගැනීමෙහි කළාවූ පූජාවන් ඵලදැරූ බවට සාක්ෂි ඇත. තෙවනුව, ඉර හඳ තාරකා ග්‍රහයන් සහ අනෙකුත් දිව්‍යමය ශරීර ලෝකයේ යහපත පිණිසම පවත්නේය. සිව්වෙනුව, මෙලොව පැවැත්ම රඳා පවත්නේ සිව් කුලයන් විසින් කළ යුතු කාරණා සහ ජීවිතයේ සිව් අවධීන් තුල කළ යුතු කාරණා නිසි ලෙස පිළිපැදීමෙනි. පස්වෙනුව, අප විසින් පොලොවට විසි කරන බීජ පසුව අස්වනු බවට පත්වනු අප විසින් දැක ඇත.
මේ නිසා වාත්ස්‍යානගේ අදහස වන්නේ අප විසින් ආගමික පිළිවෙත් පිරිය යුතු බවය.

ප්‍රශ්නය

දෛවය සියල්ලෙහි තීරකයා ලෙස විශ්වාස කරන්නවුන් පවසන්නේ, අප විසින් ධනය ඉපැයීමට වෙහෙසිය යුතු නැති බවයි. අප කෙතරම්වෙ හෙසුනද ඇතැම් විට එය ඉපැයීමට නොහැකිවන බවයි. ඇතැම් විට කිසිදු වෙහෙසක් නොදරාම ධනය අප කරා ළඟාවන බවයි. එනිසා සියල්ල තීරණය වන්නේ දෛවයට අනුව බවයි. ලාභයේ සහ අලාභයේත් සාර්ථකබවේ සහ අසාර්ථකබවේත් සතුටෙහි සහ දුකෙහිත් අධිපති දෛවයම බවයි. බාලි නම් යක්ෂයා විසින් ඉන්ද්‍ර පරදා සිහසුන ලබාගත්තද නැවත විෂ්නු විසින් බාලි නෙරපා හැරි අයුරු අප විසින් දැක ඇත. යම් තැනක කෙනෙක් පිහිටුවිය හැක්කේ දෛවයටම පමණි.

පිළිතුර

එය එපරිදි නොවේ. සෑම අවස්ථාවකම සෑම දෙයක්ම ලඟාකර ගැනීම විෂයෙහි මිනිසුන් විසින් කළ යුතු කොටසක් ඇත. අප විසින් ළඟා කරගන්නා සෑම දෙයක්ම සඳහා නිවැරදි උපක්‍රම යොදාගත යුතු වෙයි. එනිසාම දෛවය විසින් යමක් සිදුවීමට ලියැවී තිබුනත් මෙම නිවැරදි උපක්‍රම ඒ සඳහා අත්‍යාවශ්‍ය වෙයි. කිසිවක් නොකරන මිනිසා කිසිදු සතුටක් හිමි කර නොගනී.