එයාගෙ කෙඳිරිල්ලකට පුළුවන් නම් ඔයාව ගොඩක් දුර අරන් යන්න ඔයත් ASMR ලෝලියෙක් වෙන්න පුළුවන්.
හීන් කෙඳිරිල්ලක්, මේසෙකට නියපොතුවලින් දාන යාන්තම් තට්ටුවක්, සුමුදු සීරුමක්, සමහර විට කෑම කන එක වෙන්න පුළුවන්, මේවායින් අපිව මාර රිලැක්සේෂන් එකකට හරි, ස්වර්ගාස්වාදය වගේ තත්වයකට හරි ගෙනියනවා නම් ඒක ASMR (ඔටොනමස් සෙන්සරි මෙරිඩියන් රෙස්පොන්ස්) තත්වයක් කියල කියනවා. ඉන්ද්‍රිය ස්වායත්ත කූටප්‍රාප්ති ප්‍රතිචාරයක් කියල දල වශයෙන් කියන්න පුළුවන්. කොන්ඩෙ කපද්දි කතුර කන ළඟින් එහා මෙහා යන සද්දෙටත් මෙහෙම එකක් දැනෙනවා. ඒක ඇඟම කිළිපොලා යන අත්දැකීමක්
කොහොම වුනත් මේ තත්වය බහුතරයකට තියෙන එකක් නෙමෙයි. ඒ වගේම තියෙන අයටත් ඒ ගොල්ලොන්ව ටි්‍රගර් වෙන දේවල්වල රේන්ජ් එක මාර ලොකුයි. ASMR තත්වයක්ම නැතත් ශබ්ද සහ සංවේදන වලින් ඕන කෙනෙකුගෙ ශෘංගාරය අවදි කරන්න පුළුවන්. ළාවට කොන්ඩෙ අතරින් බෙල්ල දිගේ පහලට යන සුමුදු ස්පර්ශයක හැඟීම කොයි වගේද? ඒක සුරතාන්ත අත්දැකීමක් වගේ නැද්ද? මේ අත්දැකීමත් ඊට බෙහෙවින්ම සමීපයි. මේ එස්එම්ආර් වලින් පුළුවන් අපේ සෙක්ස්ලයිෆ් එක වෙනම තලයකට අරන් එන්න.
ASMR කියන්නෙ මූලිකවම ශබ්දය සහ රූප වලින් ඇති කරන කිතිකැවෙන, ආස්වාදජනක හෝ රිලැක්ස් කරනසුලු සංවේදනයට. මුක්බාන්ග් කියන ඉන්ටර්නෙට් ටේ‍රන්ඩ් එක මේ විදිහෙ ASMR ලෝලීන්ගෙ වැඩක්. කවුරු හරි කැමරාවක් ඉස්සරහ කෑම කන එකේ වීඩියෝ තමයි එතනදි පාවිච්චි වුනේ. ඒ කෑම කන, උරන, ලෙවකන, හපන රූපය සහ ශබ්ද ඒක නරඹන්නන්ට අර යුෆොරික් හැඟීම දෙනවා. මුක්බාන්ග් ස්ටාර්ස් ලා ඉන්නවා.
කොඳුරන සද්දෙට, හුළඟක් වදින සද්දෙට, හීරුමක සද්දෙට, මොකක් හරි ලියද්දි, ටයිප් කරද්දි එන සද්දෙට, කොටින්ම ඔරලෝසුවෙ කටු දුවන සද්දෙට වුනත් ASMR අවදි වෙන්න පුළුවන්.
මේ අත්දැකීම පෝර්න් එකකින් ගන්න එක්සයිට්මන්ට් එකට වඩා වෙනස්. පෝර්න් එකක් බලද්දි අපි ආස්වාදයකට ගියත් අපේ හාර්ට් එක ගැහෙන වේගය වැඩි වෙනවා. ASMR කියන්නෙ අපිව ගොඩක් සංසුන් කරන අත්දැකීමක්. සෙක්ස්වලට ගියත් ඒක හරියට සෙන් භාවනාවක් වගේ. මේකෙන් ඇන්සයටි ඩිප්‍රෙෂන් අඩුවෙනවා කියලයි කියන්නෙ. හාර්ට් එක ගැහෙන වේගය පවා තත්පරයට වාර තුනකින් අඩුවෙනවා කියල පර්යේෂණවලින් පෙන්නනවා.
ASMR තියෙන අය වුනත් ඒක ගොඩක් වෙලාවට පාවිච්චි කරන්නෙ කෙලින්ම සෙක්ස්වලට නෙමෙයි. ඒක මොලේ ඇතුලෙ ඒ රහ ඇති කරන තැනම උපදින තෘප්තියක් වගේ දෙයක්. චොක්ලට් කේක් එකක් දැක්කම කෙනෙකුට ම්ම්ම්ම් ගාලා කියවෙන්න පුළුවන්. ඒක අපේ මොලෙන් නිර්මාණය කරන ත්‍රිල් එකක්.
ASMR වැඩ කරන්නෙ සෙක්ස්වලට නොවුනට ඒ හරහා වෙන රිලැක්ස් වීම සෙක්ස්වල උපරිම ආස්වාදයක් කරා යන්න උදව් වෙනවා. මුලින් කරන සිහින් කෙඳිරිලිවලට පුළුවන්, ඒ කොඳුරන දේ තේරුමට නෙමෙයි ඒ සද්දෙට, අපිව ශෘංගාර ලෝකෙක මංමුලා කරන්න. ඒ හුස්මට, කන අද්දරින් වදින හුස්ම හුළඟට පුළුවන් අපිව ආදම්ගෙ උයනට කැඳවන්න. අල්ලන මිරිකන මොහොතට කලින් ඇඟ පුරා දුවන සිහින් ස්පර්ශයකට පුළුවන් හැම තැනක්ම අවදි කරන්න.
ASMR වීඩියෝ ගොඩක් යූ ටියුබ් තියෙනවා. ඒවා බලලා කෙනෙකුට පුළුවන් තමන්ව කිතිකවන ASMR වර්ගය හොයාගන්න. මේ වීඩියෝ බලද්දි අනිවාර්යෙන්ම හෙඩ්ෆෝන් පාවිච්චි කරන්න ඕන. මේවා අන්තිම පර්සනල්. ඔයත් එක්ක, කෙලින්ම ඔයාගෙ මොලෙත් එක්ක විතරයි ගනුදෙනු කරන්නෙ. සමහර අය කෑම කන හැටි, තොල් හොලවන හැටි, දිවෙන් තෙත් කරන හැටි අපිව තෙත් කරනසුලුයි.
අපිට අලුත් සංවේදන කලාපයක් විවෘත කරන හැම විදිහකින්ම සිද්ද වෙන්නෙ අපේ ශෘංගාරය ඉරොතිකය පුළුල් වෙන එක. අල්ලනවා, මිරිකනවා, හපනවා, ඉඹිනවා, සංසර්ගය කරනවා කියන හැමදාම කරන ටික වෙනුවට ASMR කලාපයත් අපේ රාග වියමනට එකතු කරගන්න පුළුවන් නම් අපිට පුළුවන් වළාකුල් අතර තටු ගහන්න.
