ඩොක්ටර් කින්සි 1920 දි ඉන්දියානා විශ්ව විද්‍යාලයට එන්නෙ හාවඞ් විශ්ව විද ්‍යාලයෙන් ආචාර්ය උපාධිය අරගෙන අවුරුද්දකින්. එයා එතන ඉඳන් අවුරුදු 20ක් බඹරුන් ගැන අධ්‍යයන කරනවා. 1938දි කින්සි කසාදය සහ පවුල ගැන උගන්නන්න පටන් ගන්නවා. ඒක විශ්ව විද ්‍යාලයේ ජ්‍යෙෂ්ට ශිෂ්‍යයන්ට සහ විවාහක අයට වෙන්වුනු පාඨමාලාවක්. සෙක්ස් ගැන කින්සිගෙ උනන්දුව වැඩිවෙන්නෙත් එයා විවිධ පුද්ගලයන්ගේ ලිංගික ඉතිහාසයන් එකතු කරන්න පටන්ගන්නෙත් මේ කාලෙදි.
1947 දි කින්සි සහ එයාගෙ පර්යේෂණ කණ්ඩායම ලිංගික පර්යේෂණ ආයතනය ආරම්භ කරනවා. ලාබ නොලබන, විවිධාකාර මූල්‍ය සහයෝග මත පර්යේෂණ පවත්වන, ඒ පර්යේෂණ දත්ත රහස්‍යභාවය උපරිමයෙන් ආරක්ෂා කරන, ආයතනයක් බවට කින්සි ඉන්ස්ටිටියුට් එක පත්වෙනවා. කින්සි එයාගෙ පර්යේෂන තොරතුරු ඔක්කොම මේ ආයතනයට ඩොලර් එකක මුදලට ලබාදෙනවා. එතෙක් එයා මේ පර්යේෂණ කරන්නෙ එයාගෙම සල්ලි වලින්.
1948දි මේ ලිංගික පර්යේෂණ ආයතනය ඒ ගොල්ලොන්ගෙ පලවෙනි ප‍්‍රකාශනය නිකුත් කරනවා. සෙක්ෂුවල් බිහේවියර් ඔෆ් හියුමන් මේල් කියන්නෙ ඒ පොත. ඒක එසැනින් නිව්යෝර්ක් ටයිම්ස් බෙස්ට් සෙලර් බුක් ලිස්ට් එකට වැටෙනවා. ඒ මුදල් තවදුර පර්යේෂණ වෙනුවෙන් මේ ආයතනයට බැර වෙනවා.
1953දි සෙක්ෂුවල් බිහේවියර් ඔෆ් ෆීමේල් පොත මුදහැරෙනවා. මේ පොත් මීඩියාවල හඳුන්වන්නෙ කින්සි රිපෝර්ට්ස් විදිහට. මේ පොත් දෙකේම කින්සි එයාගෙම හඳුන්වාදීමක් වුනු කෙනෙකුගෙ හෙට්‍රොසෙක්ෂුවල් හොමොසෙක්ෂුවල් ප‍්‍රතිශතය මැනගන්න පුළුවන් කින්සි ස්කේල් එක හඳුන්වාදෙනවා.
ඉන්දියානා යුනිවර්සිටි එකේ සභාපති හර්මන් බී වෙල්ස් නොහිටින්න කින්ස් ඉන්ස්ටිටියුට් එකක් නෑ කියලයි කියන්නෙ. කින්සිට බරපතල අර්බුද එද්දි වෙල්ස් කින්සි වෙනුවෙන් පෙනී සිටීම විසි වෙනි සියවසේ ඇකඩමික නිදහස වෙනුවෙන් පුරෝගාමී මොහොතක් විදිහට සලකනවා.
සෙක්ෂුවල් බිහේවියර් ඔෆ් ෆීමේල් නිකුත් වීමෙන් පසු වෙල්ස් මෙහෙම කියනවා.
ඉන්දියානා යුනිවර්සිටිය මෙතෙක් අවුරුදු 15ක් පුරා එය පෙනීසිටි ස්ථාවරයන් මත පිහිටාම අපේ කාලයේ විශිෂ්ටතම බයොලොජිස්ට් කෙනෙක් වූ ඇල්ෆ‍්‍රඞ් කින්සිගේ පර්යේෂණ ව්‍යාපෘතිය වෙනුවෙන් පෙනී ඉන්නවා. අප ආයතනය විශ්වාස කරන්නෙ මානව වර්ගයා විසින් අත් කරගත් යම් ප‍්‍රගතියක් එසේ අත්පත් කරගත්තේම ජීවිතයේ විවිධ පැති ගවේෂණයට තිබුනු නිදහස නිසාම බවයි. ඒ වගේම සමාජයේ අපි මුහුනදෙන හැගීම්මය සහ සමාජමය අර්බුදවලට විසඳුම් සොයාගත හැක්කේ විද්‍යාත්මක දැනුම තුලින් පමණක්ම බව අපි විශ්වාස කරනවා. මං කියන්නෙ අපිට දැනුමේ වටිනාකම් ගැන විශාල විශ්වාසයක් පවතින්නා සේම නොදැනුම ගැන අල්පමාත‍්‍ර විශ්වාසයක් නැති බවයි.
කින්සි සහ කණ්ඩායම විසින් 18000ක් දෙනාගෙ අප‍්‍රකාශික ලිංගික ඉතිහාසයන් එකතු කරනවා. සෙක්සොලොජි නැත්තම් ලිංගිකවේදය කියන්න පුළුවන් විෂයේ පුරෝගාමී චරිතයක් විදිහට කින්සිව අඳුන්වන්නෙ මේ මානව ශිෂ්ටාචාරයේ පිටුවහල් අර්ධය නැවත විවෘත කරන්නට කළ කැපකිරීම නිසාමයි.
