රෑට ෆේස්බුක් එකේ ගොඩක් ගැහැණුන්ට අනවසරයෙන්ම මේ වගේ සෙක්ස්ට් ලැබෙනවා. ඒවායින් ඒ ගොල්ලො තිගැස්සෙනවා. ඒ අයට අප්පිරියාවක් ඇතිවෙනවා. කේන්ති යනවා . ස්ක්රීන්ෂොට් අරගෙන ෆේස්බුක් දානවා. බ්ලොක් කරනවා. මේ කිසි දෙයක් වැරදි නෑ. මේ තියෙන්නෙ මෑතක එහෙම කෙනෙකුට ලැබුන සෙක්ස්ට් එකක්.
“මට කියන්න ඔයා තොන්ග් එකක් ඇඳන් ඉන්නෙ කියල.
නෑ?
එහෙනම් මට මෙහෙම කියන්න දෙන්න. මට ඕන ඔයාගෙ පස්ස මිරිකන්න. කියන්න ඔයා ඒකට ආසයි කියල.
ඔයා එහෙම කරන්න. මට ඔයාගෙ පස්ස පෙන්නන්න”
හැම ගෑහැනු හතර දෙනෙකුගෙන් තුන්දෙනෙක් මේ විදිහෙ බලහත්කාරයන්ට මුහුණ දෙනවා.
මේ පණිවුඩවල ඇති වැරැද්දක් නෑ. ඒවා හරිම සුන්දර කතාබහ. හැබැයි අන්යොන්ය අවසරයෙන් සිද්ද වුනා නම්. අනවසරයෙන් කරන මේ විදිහෙ කඩාපැනීම් නිසා ගැහැණියකට තමන්ව නිරුවත් කළා වගේ දැනෙන්න පුළුවන්. තව කෙනෙක් කම්පනයට ආතතියට පත්වෙන්න පුළුවන්. මේ වගේ බලහත්කාරී පණිවුඩ ගැනෙන්නෙ ලිංගික අතවර විදිහට. අනවසරයෙන් සිදුකරන කවර හෝ ලිංගික පෙළඹවීමක් ලිංගික අතවරයක්.
2019 කැනඩාවෙ මේ ගැන කරපු පර්යේෂණයක් අනුව කෙනෙක් මේ විදිහෙ බලහත්කාරී ලිංගික පණිවුඩ යවන්න කාරණා දෙකක් මුල්වෙනවා. එකක් නාසිසිසම් අනෙක සෙක්සිසම්. ඒ කියන්නෙ තමන් ගැන තියෙන ඕනවට වඩා ඇති ආත්මරාගය සහ අනෙක් ලිංගිකයා පහත් හෝ දුර්වල ලෙස දැකීමේ පෙළඹවීම. ඩිජිටල් අවකාශයේ මේ කෙරෙන බලහත්කාරයන්ට කියනවා ඩිජිටල් සෙක්සිසම් කියල.
රෙඩිට් ෆෝරම් එක හරහා මේ පෙළඹවීම ගැන ඉතාම විවෘත සාකච්ඡාවක් ඇතිවුනා. එතනදි පේන්න තිබුනා කරුනු ගණනාවක් මේ බලහත්කාරය පිටිපස්සෙ තියෙන්න පුළුවන් කියල. ඉතාම පහලට ඇදවැටුනු ආත්ම අභිමානය යලි නගාසිටුවීම, ලිංගිකව උත්තේජනයක් ලැබීම, කොහොම හරි අවස්ථාවක් ලැබේ යැයි ඇති අපේක්ෂාව ආදිය මේ අතර තිබුන. බොහොමයක් අය මේ විදිහෙ පණිවුඩ යැවීම කරන්නෙ ගැහැණියක් සමග සම්බන්ධතා ගොඩනගා ගැනීම ගැන තියෙන වැරදි අවබෝධයක් නිසා බවත් පේන්න තිබුන.
ඇමරිකානු සායනික මනෝ වෛද්ය ඩේවිඩ් ලේ කියන විදිහට ප්රධානවම මේක පිටිපස්සෙ තියෙන්නෙ පිරිමියා විසින් ස්ත්රියගේ ආශාව වැරදි ලෙස තේරුම් ගැනීම. රහස්මය තැන්වලදි පිරිමින් වඩාත් ලිංගික ආවේගයන් සහිතව හැසිරෙනවා කියල ඩේවිඩ් කියනවා. ඒක පරිණාමීය විදිහට පිරිමි ලිංගික හැසිරීමේදී පාවිච්චි වුනු නිර්භීතබව සහ ප්රචන්ඩ බව තාමත් ඉස්සරහට ඒම නිසා වෙන්නත් පුළුවන්. තව කොටසක් මෙතනදි අකමැති වීම සහ ප්රතික්ෂේප වීම ඇතුලෙත් යම් අවධානයක් ලැබීමේ තෘප්තියක් විඳිනවා.
නමුත් බහුතරයක් පිරිමි තමන්ගේ බලහත්කාරී ලිංගික පණිවුඩ යවලා තිබුනෙ ඒ හරහා ඇයව පොළඹවා ගන්න පුළුවන් කියන බොළඳ අදහස ඇතුව. 18%ක පිරිසක් හිටියා ඇය විසින් ප්රතික්ෂේප කිරීමෙන් තමන්ගේ ලිංගික උත්තේජනය ලබන.
මේ විදිහෙ බලහත්කාරී ලිංගික අතපෙවීමකින් සමහර කෙනෙක් ඇය තමන්ගේ බලයට නතු කරගැනීමේ ආස්වාදයක් විඳිනවා. ඒක ස්ත්රී දූෂණයක් හා සමාන වර්චුවල් අත්දැකීමක්.
ඒ අයට ගැහැණියගේ කලබලය, කේන්තිය ආදිය අනුරාගී විදිහට දැනෙනවා. ඒ අනුරාගය වෙනුවෙන් තමන්ගේ සිවිල් සමාජයේ සියලු පිලිගැනීම් සහ වටිනාකම් පරදුවට තියනවා. එහෙම තමන්ටත් අනුන්ටත් හානිකර තැනකට මේ තත්වය පත්වෙද්දි ඒක ප්රතිකාර ගත යුතු තත්වයක් හැටියෙන් තේරුම් ගන්න වෙනවා.
මේ සෙක්ස්ට් වගේම අනිත් දේ තමයි ඩික්පික් යවන එක. මටත් හැමදාම උදේට ඩික්පික් කීපයක් එනවා. කෙල්ලෙකුට අනිවාර්යෙන්ම ඊට වඩා එනවා. ගොඩක් අය මේක නොතකා හරිනවා. ඒත් විට්නි බෙල් එයාටයි එයාගෙ යාළුවන්ටයි පිරිමි එවපු ඩික්පික් 150කින් එක්සිබිෂන් එකක් කළා.
මට හිතෙන්නෙ ලංකාවෙ ඒ වගේ අනවසර සෙක්ස්ට් වලිනුත් අපිට පුළුවන් ප්රදර්ශනයක් කරන්න. ඒ බලහත්කාරය ආර්ට් ෆෝම් එකකට පෙරලන්න. ඩිජිටල් සෙක්සිසම් ගැන කතාබහක් හදන්න. අනිත් පැත්තට ඒක අපේ රහස් ලිංගික පණිවුඩ සාහිත්යය ගැනත් හොඳ අධ්යනයක් කරන්න.
මේ කමෙන්ට්වල වැඩිහරියක් උපහාසයට නගන්නෙ මේ අසූ වියැති පෙම්වතා සමග මේ කාන්තාවගේ සංවාස අභ්යාසයි. මෙතනදි මෙවන් තරුණියකගේ පහස ලැබීමේ වාසනාව ගැනත් කතා වෙනවා. ප්රශංසාත්මකව හෝ ආස්වාදනීය ආකාරයකින් නෙමෙයි. හියුමිලියේෂන් ආස්වාදයකට.
සමහර විට ඇය සමලිංගික වෙන්නත් පුළුවන්. සමලිංගික විවාහයකට අවසර නැති රටක ඇයට ඇති වඩා තේරුම් ගන්නාසුලු, පහසු මාර්ගය මේ විවාහය වෙන්න පුළුවන්. ඒ විවාහය ඇතුලෙ ඇගේ සමලිංගික ප්රේමයකට අවසර තියෙන්න පුළුවන්. එය ඉතාම ඉහලින් අගය කළ යුතු මානුෂීය සම්බන්ධතාවයක් වෙන්න පුළුවන්.
