ටික දවසකට කලින් මට කෝල් එකක් ආවා. දන්නෙ නැති නම්බර් එකක් නිසා ආන්සර් නොකර ඉන්න ගියත් වැරදිලා අතවැදිලා කෝල් එක ඔන් වුනා.
අයියෙ, කකෝල්ඩ් අය ගැන ලියන්න බැරිද ෆැකල්ටි ඔෆ් සෙක්ස් එකේ?
අනිත් පැත්තෙ තරුණයා ඇහුවා.
පුළුවන්. ලියන්න ඕනි.
මං මේ පැත්තෙ ඉඳන් කිව්වා.
අයියෙ, මං කකෝල්ඩ් කෙනෙක්. මගේ කෙල්ලත් ඒක දන්නවා.
ඒ තරුණයා විවෘත වුනා. ෆැකල්ටි ඔෆ් සෙක්ස් හින්ද මට ලැබුනු ආස්වාදජනකම දේ මිනිස්සුන්ගෙ මේ විවෘතකම අත්විඳින එක තමන් කිසිදවසක කිසි කෙනෙකුට කියන්න නොහිතපු දේවල් බෙදාගන්න තරම් විශ්වාසයක් හැදුන එක.
ඉතින් මොකක් හරි ප්‍රශ්නයක් තියෙනවද?
අපොයි නෑ. අපි දෙන්නම ඒක හොඳටම එන්ජෝයි කරනවා. මට තියෙන්නෙ පුංචි ඩික් එකක්. ඉතින් එයා මට හිනාවෙනවා. ලොකු ලොකු ඒවා තියෙන අය එක්ක එයා සෙක්ස් කරන්න කතා කරනවා. ඒක මට හරිම එක්සයිටින්.
ඒ විදිහෙ අමුතු අපූර්ව සම්බන්දයක් තියන් ඉන්න පුළුවන් වීම ගැන මට ඒ කොල්ලයි කෙල්ලයි ගැන සතුටු හිතුන.
උන් උන්ට දැනෙන දේවල් අනිත් මනුස්සයෙක් එක්ක ෂෙයාර් කරගන්න තරම් නිර්ලෝභී වීම ගැන ආදරේ හිතුන.
කකෝල්ඩ් ගැන ලියන්න මං තීරණය කලා.
කකෝල්ඩ් කියන්නෙ ෆෙටිෂ් එකක්. ඒ කියන්නෙ අර්චනකාමයක්. යම් වස්තුවක් හෝ ශරීරයක් ක්‍රියාවක් මගින් අසාමාන්‍ය අන්දමේ මානසික පරිකල්පනයක් ලබාගනිමින් තෘප්තිමත් වීමක්. සරලව කකෝල්ඩ් කියන්නෙ තමන්ගෙ පාට්නර් (පිරිමි හෝ ගැහැණු වෙන්න පුළුවන්) වෙන කෙනෙක් එක්ක ලිංගිකව එකතු වීම ගැන දැනීම දැකීම තුලින් විඳින ආස්වාදය.
මේ වචනෙ ආවෙ කුකූ බර්ඩ් නැත්තං කොහා හින්ද කියලත් කියනවා. මොකද කොහා බිත්තර දාන්නෙ වෙන උන්ගෙ කූඩුවක. මේ විදිහට සැමියාට හොරෙන් බිරිඳ විසින් වෙනයම් සම්බන්ධයක් කරගෙන යද්දි දුර්වලයෙක් හැටියට පේන සැමියා හඳුන්වන්න ඉස්සර මේ වචනෙ පාවිච්චි වුනා.
ඒත් දැන් මේක ෆෙටිෂ් එකක්. ඒ කියන්නෙ එහෙම දුර්වලයන් ගැන කතාවක් නෑ. මේක රංගයක්. තවදුරටත් කකෝල්ඩ්ලා වෙන්නෙ විෂම ලිංගිකයන් හෝ ලිංගික දුර්වලතාවයන් ඇති අය විතරක් නෙමෙයි. ඕනම කෙනෙකුට මේ ආස්වාදය ගන්න පුළුවන්. සහකරුවාට හෝ සහකාරියට හොරෙන් කරන සෙක්ස් කියන කතන්දරයත් යල් පැනලා. නූතන කකෝල්ඩ් සම්බන්ධතාවලදි සහකරුවන් ඒ ගැන දැනුවත්. ඒක දෙපාර්ශ්වයෙම පූර්ණ කැමැත්තකින් සිද්ද වෙන දෙයක්. කකෝල්ඩ් කියන ජොන්රා එක බීඩීඑස්එම් එක්ක ඉතා සම්බන්ධයි. මොකද මේ ආශාව ඇතුලෙ ඩොමිනේෂන් (බලය මෙහෙයවීම), සබ්මිෂන් (යටත්වීම), හියුමිලියේෂන් (අපහාස විඳීම) කියන කාරණා ඔක්කොම සම්බන්ධ වෙනවා. මේ ආස්වාදය ලබන පිරිස සුළු පිරිසකුත් නෙමෙයි කකෝල්ඩ් පෝර්න් කැටගරිය ගත්තොත් ඒක මේ වෙද්දි වැඩිම පිරිසක් සර්ච් කරන කැටගරි කීපයෙන් එකක්.
කකෝල්ඩ් කියන්නෙ පිරිමින්ට විතරක් කියන එකක් නෙමෙයි. ඕනම ලිංගිකයෙක් කකෝල්ඩ් කෙනෙක් වෙන්න පුළුවන්. ඒක භූමිකාවක්. මෙතනදි මේ ලිංගික ක්‍රියාවට සම්බන්ධ වෙන තුන්වෙනි පාර්ශ්වය හඳුන්වන්නෙ බුල් කියලා.
මනෝවිද්‍යාඥයො කකෝල්ඩ් ආස්වාදය ලැබීම ගැන එක එක විදිහෙ මත පලකරනවා. ලංකාවෙ වගේ අය නෙමෙයි හින්ද කිසි කෙනෙක් මේක රෝගී තත්වයක් හරි පිටුදැකිය යුතු තත්වයක් හරි විදිහට දකින්නෙ නෑ. ඒ වෙනුවට පුද්ගල තෘප්තිය සම්බන්ධයෙන් ඇති නිදහසට ගරු කරමින් ඒ ගොල්ලො මේ මානව චර්යාව ගැන කරුණු හොයනවා.
බයොලොජිකල් කාරණයක් විදිහට ස්පර්ම් කම්පිටිෂන් තියරි එක මේ ආස්වාදයට බලපාන්න පුළුවන් කියල සමහරක් අය කියනවා. ස්පර්ම් කම්පිටිෂන් කියල කියන්නෙ එක ඩිම්බයක් සංසේචනය කිරීමට පිරිමි කීපදෙනෙකුගේ ශුක්‍රානු තරග කිරීමේ තත්වයක්. කෙටි කාලයක් තුල පිරිමින් කීපදෙනෙක් සමග ගැහැනිය සංසර්ගයේ යෙදීම මෙතෙනදි සිද්ද වෙනවා. මෙතනදි ඩිම්බයට වඩා විශාල තෝරාගැනීමක් ලැබෙනවා. ඒක පිරිමින්ට තියෙන පරිණාමීය පීඩනයක් විදිහටයි ගනන් ගන්නෙ.
ඒ වගේම මනෝවිද්‍යාඥයන් කියනවා තමන්ගේ සහකාරිය (සියලු ලිංගික ප්‍රජාවන් වෙනුවෙන් මේ වචනය යොදනවා) වෙන කෙනෙක් සමග ලිංගිකව එක්වන බව දැනගැනීම කෙනෙකුට ඉතාම ආස්වාදජනක ලිංගික උත්තේජනයක් ඇති කරනවා කියල. මේ නිසා කක් චරිතයට ඉතාම හොඳ සුරතාන්තයක්, ශුක්‍ර මෝචනයක් වගේම නැවත ඉක්මනින් ප්‍රානවත් වීමක් ඇති කරනවා.
මෙතනදි ඇතිවෙන ඊර්ශ්‍යාව සම්බන්ද තත්වය ගැනත් සයිකොලොජිස්ට්ලා උනන්දුවෙලා තියෙනවා. තමන්ගෙ සහකාරිය වෙනත් කෙනෙකු විසින් ආශා කරනවා කියල දැනගැනීම අවුස්සනසුලු දෙයක්. මේකෙන් පිරිමියෙක් තමන්ගේ සරුභාවය පිලිබඳ තරගයට පුබුදුවනවා කියලයි කියන්නෙ. සෙක්ෂුවල් ජෙලසි කියන දේ සෙක්ස්වලදි හරිම ඉන්ටෙන්ස් සෞන්දර්යයක් ගේනවා.
තව තත්වයක් තමයි අනෙකාගේ සතුටුවීම දැකීමෙන් සතුටක් ලැබීම. තමන්ගේ සහකාරිය වෙනත් කෙනෙක් සමග ඉතා දැඩි ආස්වාදයක් ලැබීම නිසා කෙනෙක් සතුටු වෙන්න පුළුවන්. පොලිමරස් ඒ කියන්නෙ බහුසහකාර ජීවිත පිලිගන්න අය ගොඩක් වෙලාවට ඉන්නෙ මේ තත්වෙ. මොනොගමස් අයට නං මේක දරාගන්නම අමාරු තැනක්.
තව දෙයක් තමයි අපිට එලියෙ මහා හෙට්‍රො සමාජෙ අපහාසයන් ලැජ්ජාවන් විදිහට දැනෙන දේවල් ශෘංගාර ලෝකය ඇතුලෙදි ඉතාම ආස්වාදනීය දේවල් බවට හැරෙනවා. සුවඳ ගඳ තත්වයන් පවා වෙනස් වෙනවා. මේ නිසා පොන්නයා කියල එලියෙදි කියන අපහාසය වුනත් ඇඳ උඩදි ආස්වාදයක් වෙනවා.
කකෝල්ඩ් සම්බන්ධතාවලදි තමන්ගෙ සහකාරිය තමන්ව රවටනවා දැකීමෙන් කෙනෙක් ලිංගිකව සතුටට පත්වෙනවා. මරාගන්න යන්නෙ නෑ.
තමන්ගෙ සහකාරිය වෙන කෙනෙක් එක්ක ඉන්නවා බලන් ඉන්න. ඒ වගේ තැනකදි සහකාරිය බුල් සමග එකතුව තමන්ට උසුළු විසුළු කිරීම ආදිය මේ රතියෙ උපරිම තැන් වෙනවා.
ඒ වගේම කකෝල්ඩ්වල තියෙන්නෙ උපරිම යටත්වීමක්. තමන්ගෙ සහකරුවා සතුටු කිරීමට තමන් සතු බලය වෙන කෙනෙකු වෙත පාවාදීමක්. ඒ වගේම තුන්වෙනි පාර්ශ්වයකට යටත්වීමේ සතුටක්. ඒකම එක්සයිට්මන්ට් එකක් වෙනවා.
කකෝල්ඩ් කියන්නෙ සමාජයෙන් තහනම් ලිංගික හැසිරීමක්. ඒ කියන්නෙ ටැබූ එකක්. ටැබූ එකක් කඩන එකම ශෘංගාරය උපරිස කරන අත්දැකීමක්. ඒක නිසාමත් මේක ආස්වාදනීය වෙලා තියෙනවා.
කෙනෙක් හිතන්න පුළුවන් තමන්ගෙ සහකරුවා හෝ සහකාරිය කකෝල්ඩ් වීමෙන් එයාට තියෙන වාසිය නැත්තං විනෝදය මොකක්ද කියල. පලවෙනිම දේ තමයි තෘප්තිය. සාමාන්‍ය ලිංගික හැසිරීමකින් ලබන්න බැරි තරමෙ නිදහස් තීව්ර තෘප්තියක් මේ අසම්මතකමේ තියෙනවා. තමන් ආශා කරන බුල් කෙනෙක් එක්ක කිසිම බැඳීමක් නැතුව සෙක්ස් කරන්න පුළුවන් නිදහස මේ නිසා කකෝල්ඩ් සම්බන්ධයක් ඇතුලෙ තියෙනවා. ඒ වගේම මේ ගැන කරලා තියෙන සමීක්ෂන වලින් කියන්නෙ මේ නිසා මීට සම්බන්ධ වෙන පෙම්වතුන් දෙදෙනා අතර ලිංගික ආකර්ශනය සහ ආස්වාදය එන්න එන්නම ඉහල යනවා කියලයි. සම්බන්ධතාවයන් නැවත නැවත අලුත් වෙනවා වගේ දැනීමක් මේ කකෝල්ඩ් පෙම්වතුන්ට මේ නිසා ලැබිලා තිබුන.
වැදගත්ම ලාභය තමයි ඉමෝෂනල් ඉන්ටිමසි එක. ඒ කියන්නෙ හැඟීම්මය අතින් අපි කොයිතරම් ලං වෙලා සිතින් සිත රමණය කරනවද කියන එක. කකෝල්ඩ් සම්බන්ධතා ඇතුලෙ තමන්ගේ ගැඹුරුම තැන්වල හැංගුන සදාචාරය විසින් පිටමං කරපු හැඟීම් ආදරය කරන අනෙකා එක්ක බෙදාගන්න ඉඩකඩ විවෘත වෙනවා. එහෙම සම්බන්ධතාවයක තෘප්තිය කායික තෘප්තියට එහා ගිහින් සම්පූර්ණ පැවැත්ම තෘප්තිමත් කරන එකක වෙනවා.
කකෝල්ඩ් සම්බන්ධතාවයක තුන්වෙන්නා සමග සම්බන්ධ වෙන සහකාරියට කියන්නෙ කකෝල්ඩ්‍රස් කියල. ඇත්තටම මේ සමස්ත ඇක්ට් එකේ බලය තියෙන්නෙ එයාට. තමන් කැමති කෙනෙක් එක්ක ලිංගිකව එකතු වෙන්න ආස්වාදය ලබන්න වගේම තමන්ට අවනත, තමන් වෙනුවෙන්ම කැපවුනු පිරිමියෙක් ලබාගන්නත් කකෝල්ඩ්‍රස් කෙනෙකුට හැකියාව තියෙනවා.
තුන්වෙනි පාර්ශ්වයක් විදිහට එකතු වෙන බුල්ට මේකෙන් මොනවද ලැබෙන්නෙ? කිසිම වගකීමක් බැඳීමක් නොදරා තමන් කැමති අනුන් සතු යැයි සිතූ කෙනෙක් එක්ක කැමති විදිහට සෙක්ස් කරන්න ලැබීමම ලොකු ආස්වාදයක්. ඒ වගේම තව කෙනෙකුගෙ නිදන කාමරයේ සමහර විට ඒ ඇඳ උඩම ඒ සහකාරිය තමන් සතු කරගැනීමේ පර්වර්ට් ආසාවත් මෙතන තියෙනවා.
කක්හෝල්ඩ් හැසිරීම්වලට අපි කියනවා කකින්ග් කියලා. මේ කකින්ග් කියන කියන්නෙ තමන්ගේ සහකාරිය වෙන කෙනෙන් එක්ක ඉන්නවා බලන් ඉඳීමම විතරක් නෙමෙයි. සහකාරිය වෙන කෙනෙක් එක්ක සෙක්ස් සම්බන්ද දේවල් කතා කරනවා අහන් ඉන්න එකත් මේකෙම දිගුවක්. ඒ වගේම ඒ අය කැමති වෙන වෙන අය ගැන විස්තර අහන එක, දිගට දිගට කතා කරන එක වගේ දේවල් හරහාත් කෙනෙක් ලබන්නෙ මීට ආසන්න ආස්වාදයක්.
කවුරු හරි කකෝල්ඩ් සම්බන්ධතාවක් පුහුණු කරනවා නම් එකපාරට උපරිම දේවල් අත්හදා බලන්න යන එක බයානකයි.
මුලින් තමන්ගේ සහකාරිය වෙන කෙනෙක් එක්ක ෆ්ලර්ට් කිරීම තමන්ට දැනෙන්නෙ කොහොමද කියල බලන්න. ඒ වගේ තැනකින් රසවිඳීම පටන් ගන්න. ඊට පස්සෙ එයා කැමති කෙනෙක් එක්ක ඩේට් එකක් යන තැනකට එන්න පුළුවන්. ඒ ආගිය විස්තර අහලා ආස්වාදය ලබන්න පුළුවන්.
සම්පූර්ණ දුර යනවා කියන්නෙ ඒ විදිහෙ ලිංගික එක්වීමක් අතරට ඔයත් එකතු වෙනවා කියන එක. හැබැයි ඊට කලින් ගොඩක් දේවල් ගැන කතා කරලා ගොඩක් පැහැදිලි කරගැනීම් දෙන්නෙක් අතර සිද්ද වෙන්න ඕන.
එකපාරට ගහෙන් ගෙඩි එන්නා වගේ තමන්ගේ සහකාරිය එක්ක තමන්ගේ කකෝල්ඩ් ආශාවන් කතා කිරීම ෂොක් එකක් ඇති කරන්න පුළුවන්. විශේෂයෙන් අහන් ඉන්න කෙනා සාම්ප්‍රදායික කෙනෙක් නම් හාර්ට්ඇටෑක් එකක් වුනත් එන්න පුළුවන්. ඒ නිසා ඕනම දෙයක් ගැන කතා කර හැකි විවෘත සංවාදයක් ඉස්සෙල්ලම තමන්ගෙ සහකාරිය එක්ක තිබීම අවශ්‍යම වෙනවා.
ඒ වගේම කකෝල්ඩ් කෙනෙක් වෙන්න කෙනෙකුට ලොකු ධෛර්යයක් පෞර්ෂයක් තියෙන්න ඕන. සමාජයෙන් පිලිගත්ත අනුදැන වදාල ලිංගික චර්යාවක් නෙමෙයි මෙතන තියෙන්නෙ. මේ වගේ තෘප්තියක් සොයායන්නෙක් අනිවාර්යෙන්ම සමාජයෙන් පිටස්තරයෙක් වෙනවා. ඒ වගේම මෙතනදි තමන්ගෙ සහකාරිය විවෘතව තවත් කෙනෙක් ගැන කියන සියලු ආශාවන් විනිශ්චයකින් තොරව අහගෙන ඉන්න පුළුවන්කමක් තියෙන්න ඕන. ඒ විනිශ්චය නොකිරීම කියන්නෙ කකෝල්ඩ් ශික්ෂාවක් වෙනවා.
තමන්ගෙ සහකාරිය මේ අත්දැකීම ලබන්න කැමතිද කියන එක ගැන පැහැදිලි කතාබහක් කරන්න ඕන. සමහරු ඉන්නවා ඒ ෆැන්ටසියට කැමතියි ඒත් ඒක රියැලිටියක් කරන්න අකමැතියි. එහෙම කෙනෙක් එක්ක ඒ ෆැන්ටසි සීමාවෙ විතරක් සැරිසරන්න පරිස්සම් වෙන්න ඕන. එහෙම නැත්තං ඒක බලහත්කාරයක්.
අනෙකාගේ ආශාව සම්පූර්ණයෙන්ම නොසගවා කියන්න තරම් තියෙන එක සම්බන්දතාවයකදි හරිම වැදගත්. ඒ වගේම මේක ඇත්තටම තමන් කැමති දෙයක්ද කියල තීරනය කරන්නත් කෙනෙක් යම් කාලයක් ගන්න ඕන. හදිස්සියෙන් කොහෙන් හෝ ලැබෙන මේ විදිහෙ ෆැන්ටසියක් ඇත්තට රසවිඳින්න ගියොත් ඉතාම අමිහිරි විදිහට කෙලවර වෙන්න පුළුවන්. ඔබේ සහකාරිය මේ අත්දැකීමට අකමැති නම් එයාව ඒ පැත්තට තල්ලු කරන්න උත්සාහ ගන්න එපා. ඒක ඒ විදිහට බාරගන්න. කකෝල්ඩ් විතරක් නෙමෙයි ඕනම ෆැන්ටසියක් සුවපහසු අත්දැකීමක් වෙන්නෙ දෙන්නම කැමැත්තෙන් ඒක විඳිනවා නම් විතරයි.
පියවරෙන් පියවර අත්දැකීම තුලට යන්න. එකපාර ගැඹුරට පනින්න එපා. හැම පියවරකදීම තමන් ඉන්නා වග සහකාරියට දනවන්න. සියලු හැගීම් විවෘතව බෙදාගන්න.
තවත් වැදගත්ම දෙයක් තමයි විශ්වාසවන්ත බුල් කෙනෙක් හොයාගන්න එක. වැරදි තෝරාගැනීමක් ජීවිතේම අවුල් කරන්න පුළුවන්. ඒ නිසා කොයිම වෙලාවකදිවත් first මුනගැහීමට නිදන කාමරය තෝරගන්න එපා. එලිමහන් තැනක මුනගැහිලා කතාබහ කරන්න. නුවුමනා පරිදි පුද්ගලික තොරතුරු හුවමාරු කරගන්න එපා. එකිනෙකා හොඳින් තේරුම් ගන්න. දෙන්නා තුලම විශ්වාසයක් ගොඩනැගෙනවා නම් විතරක් ඊලග පියවරට යන්න. ලිංගිකව එක්වෙන හැම වෙලාවකදිම කොන්ඩම් මතක තියාගන්න.
ඕනම ලිංගික ක්‍රියාවකදි වගේම මෙතනදි වැදගත්ම කාරණා තුනක් තියෙනවා. සන්නිවේදනය, කැමැත්ත සහ ගෞරවය කියන්නෙ ඒ තුන. එකිනෙකාගේ හැගීම් උවමනා එපාකම් හොඳින් සන්නිවේදනය වීම වැදගත්. ඒ වගේම අනෙකාගේ කැමැත්ත ගැන ඉතා හොඳින් සාවධාන වීම වැදගත්. ඕනෑම මොහොතක කෙනෙකුට නවතින්න උවමනා නම් ඒකට සම්පූර්න ඉඩකඩ තියෙන්න ඕන. එකිනෙකා කෙරෙහි ගෞරවය තමයි ලිංගික ක්‍රියාවක් ලස්සන කරන්නෙ. සිතින් කයෙන් වචනයෙන් ඒ ගරුත්වය ආරක්ෂා කරන්න පුළුවන් අය විතරයි මේ අසම්මතයේ වගකීම දරන්න සුදුසු වෙන්නෙ.
කකෝල්ඩ් අත්දැකීමක් සාර්ථක වෙන්නෙ ඊට සම්බන්ධ සියල්ලන් පූර්ණ වශයෙන් අවංක නම් විතරයි. වංචාව කියන්නෙ ශෘංගාර ලෝකයට අයිති සංකල්පයක් නෙමෙයි.
එහෙනං මේ ප්‍රායෝගික පුහුණුවට කාලයයි.
