දැන් ලංකාවෙත් ලොකුම ප්‍රශ්නයක් වෙලා තියෙන්නෙ ලීක් වෙන එක. මේ ලීක් හින්ද මිනිස්සුන්ට රටවල් අත්ඇරලා යන්න පවා සිද්ද වෙනවා. ගොඩක් වෙලාවට සමූහ සමාජ ප්‍රතිචාරය හැදෙන්නෙම මානසික රෝගී තත්වයක් විදිහට. අන් කෙනෙකුගේ නිරුවත අනවසරයෙන් නැරඹීමේ වරද කරන පිරිසම ඒ නිරුවත පාවිච්චි කරලා අදාල චරිතවලට අවමාන කරමින් තෘප්තියක් ලැබීම කරගෙන යනවා. නිරුවත මහා වරදක්, අසාමාන්‍ය දෙයක් විදිහට සලකන එකයි සාමාන්‍ය වෙලා තියෙන්නෙ. හැමෝම උත්සාහ කරන්නෙ තමන්ගෙ ඒවා ලීක් නොකර තියාගන්න. අනිත් අයගෙ ලීක් නරඹන්න.
ඒත් මේක කරන්න පුළුවන් දෙයක් නෙමෙයි. කැමරාව පුංචි වෙමින් එන්නෙම රහස් දේවල් නිරාවරණය කරන්න. ආශාවේ සීමා මායිම් තරණය කරන්න. ප්‍රශ්නෙ තියෙන්නෙ තාක්ෂණය දියුණු වෙන වේගෙට අපේ ඇටිටියුඞ් නැත්තං අපි දෙයක් බාරගන්න තරමෙ පරිණත වීමක් සිද්ද වෙන්නෙ නෑ. පසුගාමී සංස්කෘතික පෙළඹවීම් නවීකරනය වෙන්නෙ නෑ. අපිට සිද්ද වෙනවා දැනුවත්ව අපි හිතන, අපි අවට මිනිස්සු හිතන විදිහ වෙනස් කරන්න පුළුවන් තරමෙ මැදිහත් වීමක් කරන්න.
මේ වෙනුවෙන් නොයෙක් රටවල නොයෙක් පිරිස් එක එක විදිහෙ දේවල් කරනවා. ඔන්ලයින් නිරුවත සාමාන්‍යකරනය කිරීමේ ලොකු ව්‍යාපෘති සිද්ද වෙනවා. එතිකල් පෝර්න් විදිහට අපේ විපරීත පරිකල්පනයන් පවා අනෙකාට හිංසාවක් නැති සදාචාරයක් ඇතුලට ගේන්න නිර්මාණශීලී වැඩ කෙරෙනවා.
මේ අතර එකක් තමයි සාමූහිකව තම තමන්ගේ නිරුවත් ශරීර ලැජ්ජාවක් බයක් නැතුව අන්තර්ජාලයට මුදාහැරීම. ඒක දරුණු වෙනසක් ඇති කරන ප්‍රවේශයක්. විරෝධාකල්පයක්.
එක පැත්තකින් සික්ස් පැක් පිරිමි ශරීර, කෙට්ටු මොඞ්ල් ගැහැනු ශරීර වෙළඳපොල විසින් අධිතක්සේරු කිරීම හරහා සාමාන්‍ය පියවි ශරීර ලැජ්ජාවට පත් කිරීමට එරෙහිව මේ නිරුවත් වීම් සටන් කරනවා. මහත, බඩ තියෙන, කොට, දිග කාගෙ වුනත් ශරීරයේ අනන්‍ය වූ සුන්දරත්වයක් තියෙනවා. ඒ විවිධත්වයට ගරු කිරීම වෙනුවට එක විදිහක අසාමාන්‍ය ශරීර විලාසිතාවක් ජනප්‍රිය කිරීමයි සිද්ද වෙන්නෙ. මේ වෙළඳපොල ප්‍රයෝගය ඇතුලෙ අවාසනාවන්ත විදිහට හැමකෙනෙකුටම තමන්ගේ ශරීරය ගැන ලැජ්ජාවක්, අඩුවක් දැනෙන්න පටන් ගන්නවා. තමන්ගේ නිරුවත ගැන හීනමානයක් ඇති කිරීම කියන්නෙ ජීවිතේ හැම තෘප්තියක්ම කප්පාදු කිරීමක්.
ඒ වගේම හුදු ලිංගික, සරාගී අරමුණුවලින් තොරව නිරුවත එහි සමස්තයේ සුන්දරත්වය විඳින්න පුළුවන් අවකාශයකට අරන් එනවා කියන්නෙ මේ මොහොතේ විප්ලවීය වැඩක්. මොකද නිරුවත කියන්නෙම සංසර්ගය කියන තැනට ලඝු වීම නරක ප්‍රතිඵල ඇති කරන විකෘතියක්. හැම නිරුවතකම ඒ ශරීරය හිමි මනුස්සයාගෙ මනසත් තියෙනවා.
කවුරු හරි තමන්ගේ කැමැත්තෙන් තමන්ගේ නිරුවත අන්තර්ජාලයේ මුදාහැරලා තියෙනවා නම් ඒ අය දන්නවා ඒ ක්‍රියාවම කොයිතරම් නිදහසක් දනවන එකක්ද කියල. සමාජයේ ප්‍රතිචාරය ගැන කිසිදු තැකීමක් නැතුව තමන්ට නිරුවත් වෙන්න පුළුවන් වීම තරම් ආත්ම විශ්වාසය වැඩි කරන වෙන කිසි දෙයක් නෑ. ඒත් මේ නිදහස විඳින්න අපිට ඕන වෙනවා යම් කිසි සාමූහිකත්වයක්. ආරක්ෂාවක්.
ෆැකල්ටි ඔෆ් සෙක්ස් අපි තීරනය කළා කැමති හැමෝටම තමන්ගේ නිරුවත් ශරීර ප්‍රකාශනය මුදාහරින්න ඉඩක් දෙන්න. ඒක ගෲප් එකක්. ඒ ගෲප් එකේ ඕනම කෙනෙකුට තමන්ගේ නිරුවත් රූපයක් පෝස්ට් කරන්න පුළුවන්. ඇත්ත නමකින් හෝ බොරු නමකින්. සම්පූර්ණ නිරුවත හෝ මූන නැතුව.
හැබැයි ඒ නිරුවත සෙක්ස් පෝස් එකක් වෙන්න බෑ. ලිංගික උත්තේජනයක් ඇති කරන අරමුනෙන් කරපු එකක් වෙන්න බෑ. මොකද මේ ගෲප් එකේ අරමුනම නිරුවත් ශරීරය හුදු ලිංගික දෙයක් කියන තැනින් එහාට අරන් යන එක. ඒ නිරුවත් ශරීරය ඇතුලෙ ජීවත් වෙන මනුස්සයාගෙ සුවිශේෂ සෞන්දර්යය මතු කරන එක. ඒ හින්ද මේ පිංතූර සාමාන්‍ය ශරීරය පෙන්නන ඒවා වෙන්න ඕන. කැත ලස්සන, මහත කෙට්ටු, ආබාධිත ඕනම කෙනෙකුට තමන්ගෙ නිරුවත් රූප මෙතන පලකරන්න පුළුවන්.
අනිත් පැත්තෙන් ඕනම කෙනෙකුට පුළුවන් ඒ ෆොටෝවලට කමෙන්ට් කරන්න. ඒත් කිසිම විටක ඒ කමෙන්ට් අපහාසාත්මක, කෙනෙක් ලැජ්ජාවට හෝ අපහසුතාවයට පත් කරන ඒවා වෙන්න බෑ, ඒවා ලිංගික ග්‍රාම්‍ය ඒවා වෙන්න බෑ. එහෙම කමෙන්ට් එසැනින් අයින් කරනවා. ඒ වරදට ගෲප් එකේ සාමාජිකත්වයත් අහිමි වෙනවා.
ඒ වෙනුවට අර පිංතූරය හිමි කෙනාගෙ ශරීරයේ සුන්දරත්වය ගැන කතා කරන්න අපිට පුළුවන්. ඒ හරහා කමෙන්ට් කරන අයගෙ විනයක් ඇති කරනවා. අනෙකාගෙ නිරුවතක් දිහා මිනිස්සු වගේ බලන්න, යාලුවො වගේ කතා කරන්න අපිට නුහුරු දේ හුරු වෙන්නයි මේ ප්‍රැක්ටිස් එක. නිරුවතින් පෙනී ඉන්න මිනිස්සු වඩාත් එම්පවර් කරන එකයි සාමූහිකයේ අරමුණ.
මේක අනාගත නිරෝගී සමාජයකට අවශ්‍යම පුහුනුවක් කියල අපි විශ්වාස කරනවා. දැඩි මැදිහත්වීමක් ඇතුව නිරුවත පිලිබඳ අලුත් සදාචාරයක් ගොඩනැංවීමක් මේ ගෲප් එකේ පරමාර්ථය වෙනවා.
