ආචාර්ය කැතරීන් බ්ලැක්ලෙජ් කියන්නෙ බ්‍රිතාන්‍ය ජාතික සෙක්ස් සම්බන්ධ විද්‍යාවෙන් සමාජය දැනුවත් කරන්නියක්. ඒ වගේම සෙක්ස් සහ ප්‍රජනනය ගැන කැම්පේන් කරන කෙනෙක්. එයා සමාජයේ ටැබූ බිඳගෙන විද්‍යාවේ දැනුම අරගෙන යනවා. මේ පොතේ කැතරීන් ඉතිහාසයේ පටන් නූතනය දක්වා වැජයිනාව සතු බලය පිළිබඳ අපිට කියනවා. ගැහැණියක් වීමේ ආශ්චර්ය ගැන ලියනවා.
වැජයිනාවේ (vagina) බලය ගැන නොගැයූ ගීතය
ඇය කතා කරන්නේ ඇගේ කකුල් දෙක මැද්දෙනි.
වැජයිනාවක් ඇතුව ඉපදුනු හැමකෙනෙක්ම බෙදාගන්නා එක මොහොතක් තියෙනවා. ඒ මොහොත තමයි ගැහැණු ජීවිතය ආපහු හරවන්න බැරි විදිහට වෙනස් කරන්නෙ. හැඩයක් හදන්නෙ. ඒ තමයි ඔයා ඔයාගෙ තියෙන මොකක් හරි හින්ද පීනසයක් (penis) ඇති විශේෂ කණ්ඩායමකට වඩා වෙනස් විදිහක සැලකුම් ලබන බව වටහා ගන්නා මොහොත.
මේ අවබෝධයේ මොහොත සාමාන්‍යයෙන් කෙල්ලෙකුගේ මුල්කාලෙදිම ලැබෙනවා. මට ඒ මොහොත මුනගැහුනෙ මං ප්‍රයිමරියෙ ඉඳිද්දි. මට අක්කලා දෙන්නෙකුයි අයියලා දෙන්නෙකුයි ඉන්නවා. මගේ අයියලට බයිසිකල් තිබුන. ඒත් මට පදින්න තහනම්. කෙල්ලෙකුට ඒක නරකයි කිව්වා. අයියලට ගෙදර වැඩ මොකවත් නොකලත් ඒ වැඩ ඔක්කොම කරන මටයි අක්කලටයි සමානවම පොකට් මනී ලැබුන.බ්‍රිතාන්‍ය
මට ඒකට තරහ ගියා. ඒ වගේම මොකක්ද මේ කියල හිතුන. මගෙයි අයියලගෙයි තිබුන එකම වෙනස මගේ වැජයිනාව විතරයි. වැජයිනාව නරක වෙලා පීනසය හොඳ වුනේ කොහොමද? කවුරුවත් කිව්වෙ නැතත් අදහස ඒක නේද? මං දන්නවා මේක දැනෙන්නෙ මට විතරක් නෙමෙයි කියල. මගේ නෙගටිව් හැඟීම් මගේ වැජයිනාව මත පටවපු එකම කෙනා මං නෙමෙයි. වැජයිනාව නිසා මගේ වටිනාකම අඩුයි කියල දැනුන එකම කෙනා මං නෙමෙයි.
මේ විදිහට වැජයිනාව කියන්නෙ පාපය නැත්තං නරක විදිහෙ සම්බන්ධයක් හැදුනම කෙල්ලෙකුට හෝ ගැහැණියකට තමන්ගේ ලිංගේන්ද්‍රය ගැන ආඩම්බරයක් දැනෙන්නෙ කොහොමද? අපි කොහොමද අපේ වැජයිනාව උපරිමයෙන් විඳින්නෙ? මොකද ඉතාම ගැඹුරෙන් අපිට දැනෙනවා ඒක තමයි අපේ ජීවිතේ මුහුනදෙන වේදනාවෙ සහ අසමානතාවයෙ මූලය කියල. කොහොමද මේ වැජයිනා තුවාලය සුව කරන්නෙ?
හිතන්න. හැම දෙමාපියෙකුම, භාරකරුවෙකුම, ආච්චි සීයා කෙනෙකුම, යාළුවෙකුම වැජිනාවක් තිබීම ගැන රැඩිකල් විදිහට වෙනස් කතාවක් තමන්ගේ දරුවන්ට කියන ලෝකයක් ගැන. ගැහැණියක් වීමේ අභිමානය සහ ශක්තිය ගැන කතා කියන කාලයක් ගැන. ගැහැණු ලිංගේන්ද්‍රයේ, ගැහැණුකමේ වටිනාකම ගැන කතා කියන කතන්දර ගැන. මේ වගේ කතන්දර ඇත්තටම තියෙනවා. වැජයිනාවේ ගැහැණු බලය ගැන ඒ වගේ කතා ලෝකෙ තියෙනවා. ඒවා තමයි රෙද්ද ඉස්සීමේ කතා. හැම ගැහැණියෙක්ම ඒ කතා දැනගන්න ඕන.
ලෝකෙ ඕනම රටක ඉතිහාසයේ, මිත්‍යා කතා ඇතුලෙ, ජනකතා ඇතුලෙ මේ කතා ඕනතරම් හොයාගන්න පුළුවන්. ඒ හැම කතාවකින්ම කියන්නෙ ගැහැණියක් රෙද්ද ඉස්සුවොත් සිද්ද වෙන්න පුළුවන් මහා වෙනස්කම් ගැන.
මේ විදිහට වැජයිනාව විදහාපෑමෙන් ගැහැණු ලෝකය පාලනය කිරීමේ බලය අතට ගන්නවා. තමන්ගේ සැමියන් රකින්න චණ්ඩ මාරුත මැඩපවත්වනවා. මහ මුහුදු කුණාටු සමනය කරනවා. රෙද්ද ඉස්සීම කියන්නෙ නරක පාලනය කිරීමේ බලයක්. මහ වලස්සු සිංහයො වැජයිනාවට බයේ පලායනවා. යක්කු පෙරේතයො පැනලා දුවනවා.
