නත්තලේ වැදගත්ම පුරාවෘත්තයක්නෙ නත්තල් සීයා. ශාන්ත නිකලස් කියන ග්‍රීක – ක්‍රිස්තියානි සාන්තුවරයා මත පදනම්ව ගොඩනැගුනා කියලා විශ්වාස කරන චරිතය. එයා උත්තර ධ්‍රැවයෙ ඉඳන් හොඳ නරක ලෙජරයක් පවත්වාගෙන යනවා. හොඳ ළමයින්ට තෑගි අරන් නත්තල් දවසෙ පිනිමුවන් විසින් ඇදගෙන යන කරත්තෙක සීයා එනවා. ගෙවල්වල චිමිනියෙන් බැහැලා තෑගි තියලා යනවා. මේ නත්තල් සීයාව බඩමහත රතු අඳින ජොලි රැවුලෙක් බවට පත්කළේ තෝමස් නාෂ්ගෙ හාපර්ස්-ලී මැගසින් එක. නාෂ් නත්තල් සීයාට පයිප්පයක් දුන්නා. එතනින් මේ නත්තල් සීයා කොකාකෝලාවලට පවා ගියා. ඒ ගොල්ලො පයිප්පෙ වෙනුවට කොකාකෝලා බෝතලයක් දුන්නා.

නත්තල් සීයා ගැන කතාව මේ විදිහට තිබුනට නත්තල් සීයාගෙ වයිෆ් ගැන කතාවක් කොතනවත් නෑ. නත්තල් සීයාගෙ වයිෆ් ගැන මුලින්ම කතාව ඇහෙන්නෙ 1849දි වගේ. ඒ ජේම්ස් රීස් කියන මිෂනරිවරයා ලියන කෙටිකතාවක. නත්තල් දවසෙ ගෙදරක නවාතැන් ගන්න එන සැමියෙක් සහ බිරිඳක් ගැන ඒකෙ තියෙනවා. උදේ බලද්දි මේ නවාතැන් ගත්ත දෙපල තෑගි බෝග ගොඩක් ගෙදර අයට තියලා යන්න යනවා. ඒ ගෙදර අය හිතනවා මේ නත්තල් සීයයි එයාගෙ පවුලයි කියල. පස්සෙ එලිවෙනවා ඒ ඇවිත් තියෙන්නෙ නැතිවුනු වුනු ඒ ගෙදරම දුව සහ එයාගෙ සැමියා කියල. ඊට පස්සෙ මිසිස් සැන්ටාව අපිට මුනගැහෙන්නෙ 1851 යේල් සාහිත්‍ය සඟරාවක. ඒකෙ A.B කියලා විතරක් සඳහන් වෙන නිර්මාණයක සැන්ටා පාටියකට ආපු හැටි ගැන කියනවා. ඒ තරම් ලස්සනට සැන්ටාව හැඩකරන්න මිසිස් සැන්ටා මහන්සි වෙන තරම ගැන මතක් කරනවා.

හැබැයි මිසිස් සැන්ටාට මිස්ට සැන්ටාගෙන් ‍වෙන්වුනු පැවැත්මක් නෑ. එයාට කොටින්ම එයාගෙම කියල නමක්වත් නෑ. මිසිස් සැන්ටා නිතරම නිරූපනය වුනේ වැඩිහිටි කාන්තාවක් විදිහට. ඉවසීම, කරුණාවන්ත බව, අම්මා කොලිටීස් එක්ක. සැන්ටාගේ ගෙදර වැඩ බලාගන්නෙ එයා. සැන්ටාගෙ එල්ව්ස්ලා බලාගන්න එකත්, කුකීස් බේක් කරන එකත්, සෙල්ලම් බඩු හදන එකත් පැවරෙන්නෙ මිසිස් සැන්ටාට. 1960 ගනංවලදි ෆිලීස් මැගින්ලි ලියන ‘හව් මිසිස් සැන්ටා සෙව්ඩ් ද ක්‍රිස්ට්මස්’ ළමා කතාවත් එක්ක මිසිස් සැන්ටාව ජනප්‍රිය සංස්කෘතියට හඳුන්වාදෙනවා. එතනින් පස්සෙ කාටූන්, කාර්ඩ්, සැරසිලි, ඇඳුම් ආයිත්තම්, නැප්කින්වලට පවා මිසිස් සැන්ටා එනවා. ඒ අතරෙ කාගෙ ආරාධනාවකින්ද කියල හිතාගන්න බැරි විදිහට මිසිස් සැන්ටා පෝර්න්වලටත් එනවා.

පෝර්න්වල මිසිස් සැන්ටාගෙ බැක්ස්ටෝරි එක මෙහෙමයි. සැන්ටා අනුන්ගෙ ගෙවල්වල චිමිනිවලින් රිංගන වෙලාවෙදි මිසිස් සැන්ටා ගෙදර ඉඳන් මොකද කරන්නෙ? එයා එල්ව්ස්ලා එක්ක තමන්ට ඕන විදිහට විනෝද වෙන්න මේ නිදහස පාවිච්චි කරනවා. තෑගි හදලා, කුකීස් බැදලා මහන්සිවෙලා ඉන්න මිසිස් සැන්ටා මේ වෙලාවෙ කලබලකාර මිස්ට සැන්ටාගෙනුත් නිදහස්. රාත්‍රිය තාම උණුසුම්.

මිසිස් සැන්ටා අතෙත් සෙල්ලම් බඩු තියෙනවා. හැබැයි පොඩි උන්ට සෙල්ලම් කරන්න සුදුසු වර්ගයේ ඒවා නෙමෙයි. සැන්ටාගෙ නෝටි ලිස්ට් එකේ තමන්ගෙ ගෙදර ඉන්න නෝටිම එක්කෙනාගෙ නම නෑ.

අනෙක් අතට කොහොමත් සැන්ටාගෙ කතාවත් පොර්න් එලිමන්ට් බහුල එකක්. මේ කාලෙ නම් රෑට චිමිනියෙන් බැහැලා එන මිනිහෙක් ගැන සම්ප්‍රදායක් කොහොම බාරගනීද? ඒ වගේම පොඩි උන්ව තමන්ගෙ ඔඩොක්කුවෙ වාඩිකරගන්න නන්නාඳුනන වයස පිරිමියෙක් චයිල්ඩ් මොලෙස්ටින්වලට අත්අඩංගුවට ගන්නවා අනිවාර්යයි.

නත්තල් සීයා නොහොත් ශාන්ත නිකලස්ගෙ චරිතය ගණිකාවන්ගේ පීතෘවරයා හැටියටත් හඳුන්වනවා. ඒක වෙන්නෙ ශාන්ත නිකලස් වරෙක තමන්ගෙ දියණිවරුන්ව ගණිකාවෘත්තියේ යොදවන්නෙ නැතුව සිටිය හැකි පරිදි පියෙකුට මුදල් ලබාදීම නිසා. ඒ වගේම ශාන්ත නිකලස් කියන්නෙ සිරකරුවන්ගේ සාන්තුවරයාත් වෙනවා.

පොප් කල්චර් එකට එද්දි සැන්ටාට හොඳටම සෙක්ස් කාර්ඩ් එක වදිනවා. ‘අයි සෝ මමී කිසින්ග් සැන්ටා ක්ලොස්’ සහ ‘සැන්ටා බේබි’ වගේ සිංදු ගෙවල්වල පොඩි උන් එක්ක අහන්න පුළුවන් නත්තල් සිංදු නෙමෙයි.

හැබැයි මේ වෙද්දි සැන්ටා පරද්දමින් මිසිස් සැන්ටා ශෘංගාර කලාපයන් ආක්‍රමණය කරමින් ඉන්නවා. මිස්ට සැන්ටා කොකාකෝලා වගේ දුඹුරු පාට බුබුළු නගින දේ ප්‍රිය කරද්දි මිසිස් සැන්ටා සුදුපාට ඇලෙනසුලු දේ ප්‍රිය කරමින් නිර්මාණය වෙනවා.

පෝර්න්හබ් ස්ටැට්ස්වලට අනුව නත්තල් දවසෙ මිසිස් සැන්ටාගෙ පෝර්න් සර්ච් කරන ප්‍රතිශතය 400%කින් ඉහළ ගිහින් තියෙනවා. පැහැදිලි හේතුවක් නැතුව මිසිස් සැන්ටා ගැන උනන්දුව 2018දි වැඩිවුනු බවක් පේනවා. මියුසිකල්, ෆිල්ම් වගේ වෙනත් නැරටිව් වලිනුත් මිසිස් සැන්ටා නිර්මාණය වෙන්න ගන්නවා. ඒ හැම වෙලාවකම තමන්ගේ සැමියාගේ‍ සෙවනැල්ලෙන් වැසුනු සුදු කෙස් ඇති, පරිණත, කාරුණික ගැහැණිය කියන ආකෘතිය තමයි තියෙන්නෙ.

මේ මාතෘ ගුණය පෝර්න්වලදි වෙන තැන්වලට ගමන් කරනවා. මිසිස් සැන්ටා කියන්නෙ මිල්ෆ් MILF චරිතයක්. මේ චරිතය හරහා නත්තලේ උණුසුම, ආදරය සහ පොඩිකාලෙදි අපිට දැණුනු හැගීම් එකතු වෙනවා. මේ ආරක්ෂිත,රැකබලාගන්නා, අම්මාකම සහිත චරිතය සමග ලිංගිකව එකතුවීම කියන එක ලොකු ‍පිරිමි ෆැන්ටසියක්.

ලිංගික ශ්‍රමිකයෙක් සහ ආර්ටිස්ට් කෙනෙක් වන මීෂා මේෆෙයාර් මේක තමන්ගේ අත්දැකීම් ඇසුරින් විස්තර කරනවා.

තමන්ට අවුරුදු විස්සෙ ඉඳන් මිසිස් සැන්ටා ඇඳුම් අඳින මෙන් තමන්ගේ සේවය ලබාගන්නා පිරිමින්ගෙන් ඉල්ලීම් ලැබුනු බව ඈ කියනවා. ‘මේ ආධිපත්‍ය දරන, අම්මා වගේ චරිතයට පිරිමි ඉතාම ආශක්තයි. එක්කෙනෙක් මගේ උකුල උඩ වැතිරිලා තමන් ඒ අවුරුද්දෙ කළ වැරදි පාපොච්චාරණය කරන අතරෙ තමන්ගේ නිරුවත් තට්ටම්වලට පහරදීමෙන් තමන්ට දඩුවම් කරන මෙන් ඉල්ලා සිටියා. ඊට පස්සෙ මං එයාට ලොලිපොප් එකක් තෑගි දුන්නා. ඒක හරිම අහිංසක අත්දැකීමක්. ඒ වගේම ගැඹුරින් මාතෘ හැගීමක් ඒකෙ තිබුනා’.

මිසිස් සැන්ටාට නිශ්චිතවම දුන්නු රූපකායක් නෑ. සැන්ටා බඩමහත රැවුල්ධාරියෙක් වුනත් මිසිස් සැන්ටා එක එක වෙලාවට වෙනස් වෙනවා. ‘මං කැමති වුනේ මිසිස් සැන්ටාගෙ තිබුනු මහත සිරුරට. ඒක තමන්ගේ ශරීරය ගැන පොසිටිව් හැගීමක් දනවන රූපයක්. ඒ වගේම මිසිස් සැන්ටා කියන්නෙ දැඩිවම MILF චරිතයක්. මගේ ඕඩියන්ස් එක ගොඩක් ආසයි ඒ අම්මා ගතියට සහ වටකුරු සිරුරට’ ග්වෙන් ඇඩෝරා කියන ඇඩල්ට් කන්ටෙන්ට් නිර්මාණය කරන්නිය කියනවා.

මේ මිසිස් සැන්ටා චරිතය ‍ස්ත්‍රීවාදී කතිකාවන් එක්ක දැඩිව සම්බන්ධයි. ලෝකයට වැඩ කරන්න යන තමන්ගේ සැමියා තමන්ගේ සතුට සහ ජීවිතය ගැන නොතකන කලදි තමන්ගේ සතුට සොයාගෙන යන විවාහක ගැහැණියකගේ චරිතයක් ඇය දරනවා. මිසිස් සැන්ටා කියන්නෙ ගෙදර වැඩවලටම දියවෙන ගැහැණියක් ගැන කතාවක්. ඇයව නිතර නිරූපණය වෙන්නෙත් සැන්ටාට මෙහෙවර කරන ගෘහණියක් විදිහට. හැබැයි පෝර්න්වලදි ඇය තමන්ට අහිමි ශෘංගාර බලය නැවත අත්පත් කරගන්නවා. අනුරාගයෙන් ලෝකයම මත් කරන්න ගැහැණියකට වයස බාධාවක් නොවෙන බව කියනවා. ඒ වගේම ඇගේ නිදහස සොයායාම විසින් සැන්ටාව කකොල්ඩ් කෙනෙක් කරනවා.

‘පෝර්න්වල කොහොමත් සීරියස් දේවල් අරගෙන පැරඩි කරන සම්ප්‍රදායක් තියෙනවා. පෝර්න් ඇතුලෙදි හැමදෙයක්ම සරලයි සැහැල්ලුයි. ඒ හින්දම මේන්ස්‍ට්‍රීම් මීඩියාවල කිසිම දවසක නොපෙන්වන ලිංගික අනන්‍යතාවයන්, චරිත සහ ස්වභාවයන් පෝර්න් ඇතුලට ගේන්න පුළුවන්’ පෝලිටා පැපල් කියන ස්ත්‍රීවාදී පෝර්න් නිර්මාණකාරිනිය විස්තර කරනවා.

පැපල් කියන්නෙ ලස්ටරි LUSTERY කියන ප්ලැට්ෆෝම් එකේ නිර්මාතෘවරිය. ප්‍රදර්ශනකාමයෙන් පසුවන අයට තමන්ගේ ලිංගික ක්‍රියාකාරකම් නැරඹුම්කාමීන් වෙනුවෙන් ප්‍රදර්ශනය කරන්නයි මේ ප්ලැට්ෆෝම් එක විවෘත වෙන්නෙ. ඒ වගේම සෙක්ස් ගැන ඉතාම වැදගත් තොරතුරු සහ ඉන්සයිට්ස් ඒ ගොල්ලො ෂෙයාර් කරනවා. ඉතා මෑතක මිසිස් සැන්ටා ඇසුරෙන් ලිිංගික අධ්‍යාපනය ලබාදෙන පෝස්ට් සීරිස් එකක් ලස්ටරි වෙතින් නිර්මාණය වුනා. එකක මිසිස් සැන්ටා විසින් මිස්ට සැන්ටාට බ්ලෝජොබ් එකක් දෙනවා. ඒක ව්‍යවහාරික විදිහට නම් හොඳ බ්ලෝ ජොබ් එකක් නෙමෙයි. ඒත් මෙතනදි සැන්ටාට තේරුම් යනවා නරක බ්ලෝජොබ් කියල ජාතියක් නැති වග. මොකද බ්ලෝජොබ් එකක් දෙනවා කියන ක්‍රියාවම උත්කෘෂ්ට තෑග්ගක් හින්ද.

මිසිස් සැන්ටාට හරියටම නිශ්චිත ඇඳුමක් නෑ. රතු සහ සුදු ඕනම එකකින් එයාට සැරසෙන්න පුළුවන්. ඒ වගේම මිස්ට සැන්ටා පොඩි උන් එක්ක දඟකරන අතරෙ මිසිස් සැන්ටා නෝටි වැඩිහිටියො පැත්තට එනවා. නත්තලේ මගහැරෙන වැඩිහිටි අනුරාගයේ පැත්ත සම්පූර්ණ කරන්නෙ මිසිස් සැන්ටා. නත්තල් රාත්‍රිය කියන්නෙ පොඩි උන් නටලා නටලා නිදාගත්තම මිසිස් සැන්ටා එක්ක ඇඳ උඩ රසවත් වෙන්නම ඕන දවසක්.

මිසිස් සැන්ටා කියන්නෙ පෝර්න්වලට ලැබුණු නත්තල් තෑග්ග.


Vice ලිපියක් ඇසුරෙන්