Faculty of Sex

Tag: featured

  • ෆැන්ටසියට බයවෙන්න එපා!

    ෆැන්ටසියට බයවෙන්න එපා!

    Sexual fantasies කියන්නේ සැබෑ කරගන්න අවශ්‍ය දෙයක් නෙමෙයි කියන එකත් සැබෑ කරගන්න දේකට තව දුරටත් fantasy එකක් කියලා හදුන්වන්න බැරි බවත් තමයි sex fantasy එක ඇතුලේ මම දකින සුන්දරතම ලක්ෂණය.

    ගොඩක් වෙලාවට, බහුතරයක් ලංකාවෙ ජීවත් වෙන කාන්තාවන් තමන්ගේ පෙම්වතා ගෙන් හෝ ස්වාමියා ගෙන් පිට වෙන දෙයක් ගැන Fantasy එකක් තියෙන එක වැරද්දක් විදිහට සලකනවා, යම්කිසි වරදකාරි හැගීමක් විදිහට ඒක බාරගන්නවා.
    ඒක හරිම බොලද, අනුවණ සිතිවිල්ලක්.

    Fantasies තිබීම තුලින් සිද්ධ වෙන්නේ ලිංගික ජීවිතය තව තවත් ආස්වාදජනක වෙන එක ඇරෙන්න ඒ තුලින් නරකක් වෙයි කියලා හිතන්න හරිම අමාරුයි.

    අනිත් වැදගත්ම කාරණය තමයි, තමන් හිතන විදිහ හෝ තමන්ගේ personal thinking space කියන එකට කවුරුවත්ම නිසා බාධා ඇති කර ගන්න හොද නැති බව තේරුම් ගැනීම.

    Sexual fantasies ගැන ‘Journal of sexual medicine’ විසින් නිකුත් කරපු සමීක්ෂණයක පැහැදිලිව කියනවා ගොඩක් කාන්තාවන්ට තියෙන fantasies සැබෑ ජීවිතයේදි අත් හදා බලන්න බහුතරයක් වෙලාවට ඒ කාන්තාවන් කැමැත්තක් දක්වන්නේ නැති බව.

    එහි දත්ත අනුව ගොඩක් කාන්තාවන් ඉමහත් ලෙස submissive, එහෙමත් නැත්තන් ලිංගික ඇසුරකදි පිරිමියාට යටත් වෙන්න කැමැත්තක් දක්වන බව සදහන් කෙරෙනවා.

    තවත් එකක් තමයි සාමාන්‍යයෙන් sex නොකරන තැනක sex කරන එක, පොදු තැනක් වෙන්න පුලුවන්, එළිමහන් තැනක වෙන්න පුලුවන්, පූජනීය තැනක් වෙන්නත් පුලුවන්.

    ඒ සමීක්ෂණයේ මගේ හිත් ගත්ත ආකර්ශනීයම කාරණය තමයි, Sexual fantasy එකක් විදිහට submissive වෙන්න කැමති කාන්තාවන්ගේ ලිංගික ජීවිතය එහෙම නොවන කාන්තාවන්ගේ ලිංගික ජීවිතයට වඩා ඉතා තෘප්තිමත් බව. ඒකෙන් කියවෙන්නේ fantasies තමන්ගේ ලිංගික ජීවිතයට දෙන ධනාත්මක බලපෑම.

    තව එහි සදහන් කෙරෙනවා submissive වෙන එක වගේම, පිරිමියා විසින් තමන්ව masturbate කරන එක, පිරිමියාව masturbate කරන එක, ඔහුව oral sex මගින් සතුටු කරවන එක, තුන් දෙනෙක් හෝ ඊට වැඩි දෙනෙක් එක්ක sex කරන එක වගේ දේවල්.

    බහුලවම කැමති fantasies වලට අමතරව තවත් කිහිපයක් එහි සදහන් කරනවා.

    කාන්තාවක් තවත් කාන්තාවන් දෙන්නෙක් සමග sex කරන එක, වෙනත් කාන්තාවන් දෙන්නෙක් sex කරන එක නරඹන එක, නන්නාඳුනන දෙන්නෙක් sex කරනවා නරඹන එක, නන්නාදුනන කෙනෙක් එක්ක sex කරන එක, විරුද්ධ ලිංගික ඇදුම් අදින එක, එකිනෙකාගේ ශරීර මත මුත්‍රා කරගන්න එක, සතෙක් සමග ලිංගිකව හැසිරීම වගේ ආසාවන්.

    මේ මොනයම් ආකාරයේ fantasies මනුස්සයෙක්ට තිබුනත්, වෙන කෙනෙක්ට හිරිහැරයක් නොවන තාක් ඒ හැම fantasy එකක්ම වලංගුයි සහ අහිංසකයි කියන නිගමනයට අපි හැමෝටම එන්න පුලුවන් වෙන්න ඕනේ.

    Fantasies තුලින් කියවෙන්නේ තමන්ගේ ලිංගික ජීවිතයේ නිර්මාණශීලීත්වයයි.. එය සුබවාදී නොවන්න හේතුවක් නැත්තේ ඒ නිසයි.

    ශේනි විජේසුරේන්ද්‍ර

  • අප්පච්චි මළා

    අප්පච්චි මළා

    ලංකාවට මහින්ද වගේ පිරිමියෙක් හරි සිරිමාවෝ වගේ ගැහැණියක් හරි ඕන වගේ අදහසක් නිර්මාල් පෝස්ට් කරලා තිබුන. ඒ සඳහා කිසි කෙනෙක් නෑ කියල එයා සලකුණු කරලා තිබුන.

    ලංකාවෙ ඊළඟ නායකත්වය ගන්නෙ බොහෝවිට ගැහැණියක් නැත්නම් සමරිසි පිරිමියෙක් කියලයි මගේ අනාවැකිය. ඒ දක්වා විෂම ලිංගික පිරිමි නායකත්වයන් ජෝක් වෙලා ඉවර වෙනවා. සිරිසේනට හිනාවෙලා ආතල් ගනිද්දි ලංකාවෙ මීට පස්සෙ සිරිිසේනට වඩා ඉහල ජනාධිපති කෙනෙක් බිහිවෙන්නෙ නෑ කියල මං කාලෙකට කලින් කිව්වා. ඒ කියන්නෙ මං අනාවැකි කියන්න දන්නවා කියන එක නෙමෙයි. ඒක මං සළකුනු කරන්නෙ සමාජ ලිංගිකත්වය පිළිබඳ සංස්කෘතික තත්වවලට සාපේක්ෂව.

    මහින්ද කියන්නෙ ලංකාවෙ විෂම ලිංගික පිරිමියාගේ සංකල්පයේ සුරතාන්තය. ඒ තමයි අප්පච්චි. අප්පච්චිගෙ විදිහ තමයි පාලනය කියන එක. ආධිපත්‍යය. බලය. ඒකත් එක්කම මහින්ද යක්ෂයාගේ පැතිකඩත් අපිට පෙන්නුවා. ඒ තරම් පරිපූර්ණ තාත්තෙක් ජාතියකට හම්බුවෙන්නෙ නෑ.

    ඒ අප්පච්චිගෙ බලයේ යුගය අවසානයි. සියලු තාක්ෂණයන්, සියලු නිෂ්පාදන සම්බන්ධතා විෂම ලිංගික මානයෙන් මෙට්‍රො තැනකට මාරුවෙනවා. සියලු දැනුම් පද්ධතීන් මාරු වෙනවා. නෙට්ෆ්ලික්ස් එකේ පවා සියලු වීරයො ගැහැණු වෙනවා. ලෝකය විෂම ලිංගික පිරිමියාව අත්හැර දමමින් ඉන්නවා. එකම සම්බන්ධතා ස්වරූපය පිරිමියා සහ ගැහැණිය නෙමෙයි කියන බාරගැනීමත් එක්ක ලෝකය විස්තාරණය වෙන ප්‍රමාණයට අප්පච්චිලා බ්ලැක්හෝල්වලට අහුවුනා වගේ වෙනවා.

    සිරිමාවො ගැහැණියක් වුනත් එයා ගැහැණු ශරීරයක හිටපු පිරිමියෙක් කියලයි මං හිතන්නෙ. එයා ගැහැණු ආකෘතියක් ගෙනාවෙ නෑ. පිරිමි ආකෘතිය පිරිමියෙකුට වඩා හොඳට කරගෙන ගියා විතරයි. මෙතනදි අඳුරගන්න ඕන ජීව විද්‍යාත්මක ශරීරය නෙමෙයි පිරිමි ගැහැණු බව තීරණය කරන්නෙ. අපි ජීවත්වෙන සංස්කෘතිය.

    බලය විෂම ලිංගික පිරිමියාගෙන් විතැන් කරන එක ලෝක මතවාදී ව්‍යාපෘතියක්. මං කියන්නෙ මේක කවුරු හරි සැලසුම් කරලා සල්ලි දාලා කරනවා වගේ කතාවක් නෙමෙයි. විෂම ලිංගික ලෝකය එහි අවසානය කරා ගමන් කරමින් තියෙනවා. තව ගොඩක් සම්බන්ධතා ස්වරූපවල කතන්දර කියවාගත නොහැකිව හිරවෙලා තියෙනවා. ඒ සංස්කෘතික නිෂ්පාදන කලාප ඉතිහාසයක් පුරා ඇහිරිලා තියෙනවා. මහා පුරුෂ ලිංගයේ බලය අඩපණ වෙනවා.

    ලංකාවෙ දේශපාලනයේ අසමත් වීම හුදකලා අහම්බයක් නෙමෙයි. මහා පිරිමියාගේ අවසානය දිහා අපි බලාගෙන ඉන්නවා. ඊට වඩා පිරිමියෙක් නැවත බිහිවෙන්නෙ නෑ. නැවත අමාරුවෙන් ප්‍රාණවත් කරන කුඩා පුරුෂ ලිංගයන් විහිලු බවට පත්වෙමින් කඩන් වැටෙනවා. බලය, පාලනය, අනුහස, කේන්ද්‍රගතබව තවදුරටත් ප්‍රජාපාලනයෙදි වැඩ කරන්නෙ නෑ. ඒ වෙනුවට වඩා විමධ්‍යගත, ඇහුම්කන්දෙනසුලු, බාරගන්නාසුලු නායකත්වයක් ඕන කරනවා. අපි හතරගාතෙන් ලෝකෙ ඉස්සරහ වැටිලා ඉන්නකොට ගෝරිල්ලො වගේ පිරිමින්ට කරන්න පුළුවන් බිබික්කමක් නෑ.

    මේ ලිංගික දේශපාලන ආකෘතික වෙනස ඉස්සරහයි ලංකාව ඉන්නෙ. මීට කලින් අපිට සමරිසි නායකයන් ඉඳලා තියෙනවා. මංගල ඇරුනම ඒ හැම කෙනෙක්ම වගේ තමන් සමරිසිබව හංගන්නයි දේශපාලනයෙදි වෑයම් කළේ. ඒත් අපිට ඒ ‍අනාගත මෙට්‍රො ලෝකය දරාගන්න පුළුවන්, ඒ සංස්කෘතික භාෂාව වැටහෙන නායකයෙක් අවශ්‍ය වෙනවා. ඒක අනිවාර්යෙන්ම ගැහැණු හෝ සමරිසි පිරිමි තැනකින් විතරයි පිරවෙන්නෙ.

    තාම ජාතිවාදී ආගම්වාදී පුරුෂවාදී ග්‍රාමීය සුලුතරයක් ගැන ලොකුවට මවාගත්ත අදහසක් ඇතුවයි තාමත් ගොඩක් අය ලංකාව දිහා බලන්නෙ. ඒ බලය තමයි අප්පච්චිගෙ බලය. ඒක ජෝක් වෙලා අවසන් වෙනකල් ඉවසන්න සිද්ද වෙනවා. ඊට පස්සෙ තමයි අලුත් ලංකාව පටන් ගන්නෙ. ඒකෙ දේශපාලන සංස්කෘතිය වෙනස් එකක්.

    රාජපක්ෂ කියන්නෙ ලංකාවෙ ඇල්ෆාමේල් විෂමලිංගික පිරිමි සංස්කෘතියෙ අවසානය සලකුණු කරන රූපකය.

    කාලෙකට කලින් විජිත් විජිතමුනි මේ කතාව ඓතිහාසික විදිහට කිව්වා.

    අප්පච්චි මළා. දැන් මිනිය කරගහන් ගිහින් වැඩක් නෑ.

    අපි එදා ඉඳන් තාමත් ට්‍රයි කරන්නෙ ඒ මිනිය කරේ තියාගෙන යන්න. මං හිතන්නෙ දැන් අපි කනත්ත ළඟටම ඇවිත්.

    චින්තන ධර්මදාස

  • සිංහල සිනමාවෙ සෙක්ස්

    සිංහල සිනමාවෙ සෙක්ස්

    ලංකාවෙ ෆිල්ම්වල කිස් කරන හැටි ගැන ඉන්ටරෙස්ටින් පෝස්ට් දෙකක් ෆේස්බුක් එකේ තිබුන. එකක් ගුනසිරි සිල්වාගෙ. අනික කපිල ගල්පිහිල්ලගෙ. ගුනසිරි කිස් එකට වුන දේ ගැන කියද්දි කපිල සෙක්ස්වලට වුන දේ කියනවා.

    හාද්දට බයේ මුහුණ – නහය – කට ඇතුල්ලූ කාලේ – ගුණසිරි සිල්වා

    සිංහල සිනමාවට හාද්ද – ලිංගිකත්වය තහනම් දෙයක්ව තිබුණු කාලේ ‘සිංහල සිනමාවට හාද්ද ඕනෑද? එපාද?’

    ‘නිරුවතක ඕනෑද’එපාද?’ ආදී වශයෙන් එදා සිනමා පත්‍ර පිටු පුරා සංවාද වලට ජනප්‍රිය මාතෘකා වූයේය.

    ඒ කාලේ හින්දි සිනමාවටද හාද්ද තහනම්ව පැවැති නිසා මල් ගස් වටේ දුව දුවා සිංදු කියු පෙම්වතුන් සිප ගන්නා අකාරය ‘සංකේතාත්මකව’ තිරයේ පෙන් වූයේ, මලක රොන් ගන්නා බඹරෙකි! නැතිනම් මලක් මත වසා සිටින සමනලයෙකි!

    ඒ බඹරාත් සමනලයාත් පසුව අපේ සිනමාවටද බෝ විය.

    එසේ හාද්දට බය වුණු කාලේ සිංහල සිනමාපටයක පළමුවෙන්ම දෙතොල් සිප ගැනීමක් රූ ගත කළේ සුගතපාල සෙනරත් යාපා ‘හන්තානේ කතාව’ චිත්‍රපටය තුළින් බව කීවද එය සෘජුව ප්‍රදර්ශනය කෙරුණේ නැත. ඒ තරමටම අපේ ‘සුචරිතවාදීන්’ හාද්දට බය වූ නිසා සුගතපාල සෙනරත් යාපාටද එය සෘජුව පෙන්වීමට, කපන මණඩලයෙන් අවසර නොලැබෙන්නට ඇත. ඒ නිසා එම දෙතොල් සිප ගැනීම පෙන්වූයේ චලනය වන සෙවනැලි දෙකක බොඳවූ රූප රාමු කිහිපයකිනි. එසේ වුවද ඒ ගැන එකල සිනමා පත්තරයකට සම්මුඛ සාකච්ඡාවක් දෙමින් සුගතපාල සෙනරත් යාපා කීවේ තම චිත්‍රපටය රූපගත කිරීමෙදී එහි අවසාන දර්ශනය වෙනුවෙන් විජයත් ස්වර්ණාත් සිත් සේ දෙතොල් සිප ගත් බවකි.

    ‘හන්තානේ කතාව’ චිත්‍රපටයෙන් අනතුරුව සෘජුව දෙතොල් සිප ගැනීමක් ඉදිරිපත් කළේ මණික්සන්ද්‍ර සාගර ය. ඒ, ඔහු විසින් අධ්‍යක්ෂණය කරන ලද ‘කළු දිය දහර’ චිත්‍රපටයේ ඉන්දිරා ජොන්කොලොස් සහ රවීන්ද්‍ර රන්දෙණිය ගේ දෙතොල් සිප ගැනීමය.

    1970 දී ‘හන්තානේ කතාව’ මගින් හාදු තහනම කඩන්නට සුගතපාල ට කොන්දක් තිබුණද, ඉන් වසර කිහිපයකට පසු නිපදවූ ‘සමනල සිහින’ චිත්‍රපටයේ මෙබඳු සෘංගාරාත්මක පෙම් රැගුමකදීවත් දෙතොල් සිප ගන්නට ඉඩක් නැතිව විජයටත් ස්වර්ණාටත් මෙසේ නහය – මුහුණ – දෙතොල අතුල්ල අතුල්ලා ඉන්නට සිදුවූ සැටියි මේ!.

    සිංහල සිනමාවේ ලිංගික කර්තව්‍යය සැකෙවින් – කපිල ගල්පිහිල්ල

    1. ගැහැණියගේ ලිංගික එකතුවීමට ඇති අකමැත්ත. මෙය නානාප්‍රකාරයෙන් ඇය ඉදිරිපත් කරයි, කාන්තාවන් විසින් සෑම අවස්ථාවකදීම ලිංගික එකතුවීමක් ප්‍රතික්ෂේප කල යුතුය වැනි අදහසක් මින් හුවා දැක්වීමට උත්සාහා කරයි.සැමියා තම බිරිඳ සමග එක්වීමට උත්සාහා කලත් සිංහල සිනමාවේදී තත්ත්වය එසේමයි.

    2. ලිංගික කර්තව්‍යය. මුහුණ සිප ගැනීමේදී එයට ඉඩ නොදී විරැද්ධ අතට මුහුණ හරවයි. තොල් සිප ගැනීමකදී දත කට පූට්ටු වූ ආකාරයෙන් දෙතොල් තද කරගෙන එකිනෙකට හේත්තු කරයි. කාන්තාවගේ දණහිසේ සිට අඩියක් පමණ උඩටකලවා දිගේ අත ගෙනියයි. පියයුරු වල සිට නාබිය දක්වා සිපගන්නා බව පෙන්වීමට කට අතුල්ලගෙන යයි. ඉඳහිටක පියයුරැ මතුපිටින් බෝම්බයක් උඩින් අත තියන ආකාරයේ බියකින් අත තියයි කිසිම අවස්ථාවක ගැහැණිය පිරිමියාව සිප ගැනීමක් හෝ අඩුම තරමින් ඇඟට අතක්වත් නොතැබීමට වග බලාගයි.. ගැහැණිය බෙඩ් ෂීට් එක මිරිකාගෙන සිටිය යුතුය. ගැහැණිය කෙඳිරි ගාන අතරතුර පිරිමියා තදින් හුස්ම ගයි. ඇත්තේ එකම ලිංගික ඉරියව්වකි.

    3. ලිංගික කර්තව්‍යයෙන් පසු සීන් එක. ගැහැණිය ඇඬිය යුතුය. පිරිමියා ඇඳේ දිගාවී සිගරට් එකක් ගැසිය යුතුය.

  • තමන්ට ආදරය කරන්න

    තමන්ට ආදරය කරන්න

    හො‍ඳ තෘප්තිමත් ලිංගික ජීවිතයක් ගත කරන්න පිරිසිදුකම සහ තමන්ගේ ශරීරය ගැන සැලකිලිමත් වීම කියන්නේ අත්‍යවශ්‍ය අංගයන් දෙකක්.

    Sex කියන්නේ අඩුම වශයෙන් දෙදෙනෙක් අතර සිදු වන ක්‍රියාවක්.. එතනදි තමන්, අනිත් කෙනාගේ ආස්වාදය ගැන සිතීමත් කල යුතුම දෙයක්.

    කිසි කෙනෙක් කැමති වෙන්නෙ නැහැ අපිරිසිදු හෝ තමන් ගැන නොසලකා හරින කෙනෙක් එක්ක ලිංගික ඇසුරක් පවත්වන්න. එක එක fetishes තියෙන්න පුලුවන්, ඒ ගැන විවාදයක් නැහැ, මේ කියන්නේ බහුතරයක් වෙලාවට බලපාන හේතු සම්බන්ධයෙන්.

    පිරිසිදුකම කිව්වම, නිතිපතා ස්නානය කරන එක, දත් මදින එක, mouthwash එකක් පාවිච්චි කරන එක, තමන්ගේ ලිංගික අවයව පිරිසිදුව තබා ගන්න එක වගේ දේවල් දවසේ චර්යාවට අනිවාර්යයෙන්ම එකතු විය යුතුයි.

    තමන්ගේ ශරීරයට තමන් ආදරෙයි කියන කාරණය මනුස්සයෙක් අදින පළදින විදිහෙන්, තමන්ගේ ඇඟ පිටතට ප්‍රදර්ශනය කරන විදිහෙන් ගොඩක් දුරට පේනවා. මේක ලිංග භේදයකින් තොරව අදාලයි.

    ලස්සන ඇඟක් හිමියි කියන්නේ තමන්ගේ ශරීරයට ආදරෙයි කියන එක සහ තමන්ව ආදරෙන් බලාගන්නවා කියන එකයි.. ඒක හරිම positive attitude එකක්.

    කිසියම් කාන්තාවක් තමන්ගේ ඇඟ ලස්සනට තියාගෙන ඉන්නවා කියන එකෙන් අදහස් කරන්නේ තමන්ව හොදින් නඩත්තු කරනවා කියන එකයි.

    ආකර්ශනීය වෙන්න size zero වෙන්න අවශ්‍ය නැහැ.. පිරිමියෙක්ට ආකර්ශනීය වෙන්න six pack ම අවශ්‍ය නැහැ.

    ශරීරයේ ප්‍රමාණය, හමේ වර්ණය, මේ හැම දෙයක්ම තම තමන්ට ආවේණිකයි, ඒ ආවේණික ලස්සන තමන් මුලින් අගය කරනවා නම්, පිටතටත් ඒ ලස්සන බොහෝ වෙලාවට දැනෙනවා. තමන් තමන්ට දෙන තක්සේරුව අනිත් අයටත් පේනවා.

    ලස්සනට අඳින එක, ශරීරය ගැන හිතන එක වගේම තමයි හොද perfume/cologne එකක් පාවිච්චි කරන එක.. සුවඳ කියන්නේ අපේ ජීවිත එක්ක තදින්ම බද්ධ වෙච්ච දෙයක්. අවුරුදු ගානකට පස්සේ උනත් කාලෙකට කලින් පාවිච්චි කරපු Perfume එකකට පුලුවන් පරණ මතකයන් අවුස්සලා ගන්න, ආගිය තැන්, ඇසුරු කරපු අය මතක් කරවන්න.

    Sex වලදි අපි අනිත් කෙනාගෙ සුවඳ එක්ක බැඳෙනවා, ඒ සුවඳට පුලුවන් වෙනවා කෙනෙක්ව තමන්ගේ වසඟයට පත් කරගන්න. පාවිච්චි කරන සුවඳින් තමන්ගේ personality එකට ආයාසයකින් තොරව එසවීමක් ලැබෙනවා.

    බාහිර පෙනුමට වඩා සැලකිලිමත් වියයුතු කාරණයක් තමයි, sexual hygiene කියන්නේ.

    උඩින් මොන ආලේපන දාලා, ලස්සනට ඇදලා හිටියත් වැඩක් නැහැ තමන්ගේ යට ඇඳුම ඉරිලා වැහිරිලා ගිය අපිරිසිදු එකක් නම්.

    That’s a turn off.

    ලිංගාශ්‍රිත රෝග, එහෙමත් නැත්තන් STDs සම්බන්ධයෙන් අවධානය යොමු කිරීමත් ඉතා වැදගත්.

    එවැනි රෝග වැළදීම වළක්වා ගන්න පියවර ගත යුතුයි වගේම රෝගයක් වැළදුනොත්, ඒ සම්බන්ධයෙන් අවශ්‍ය වෛද්‍ය උපදෙස් හා ප්‍රතිකාර ගන්න එකත් අත්‍යවශ්‍ය දෙයක්.

    එය කිසිසේත්ම ලැජ්ජ විය යුතු කාරණයක් විදිහට සලකන්න බැරි ලිංගාශ්‍රිත රෝග කියන්නේ ඕනම කෙනෙක්ට ඇති විය හැකි තත්වයක් නිසා.

    රෝග තත්වයක් තිබුනත් නැතත් විවිධ ලිංගික සවඳතා පවත්වන කෙනෙක් මාස 6කට වරක් හෝ අවුරුද්දකට වරක් වත් checkup එකක් කරගැනීම අවශ්‍යයි.

    ලිංගික අවයව කියන්නේ අපේ ශරීරයේ වැඩිපුරම අවධානයක් දැක්විය යුතු කොටසක්.

    Sex කලාට පසුව තම ලිංගික අවයව හො‍‍ඳින් පිරිසිදු කිරීම අතිශයින් වැදගත් කාරණයක්. කාන්තාවන් sex වලින් පසුව මුත්‍රා කිරීමෙන් විෂබීජ ඇතුලු වීම බොහෝ දුරකට වළක්වා ගන්න පුලුවන් කම ලැබෙනවා.

    ශරීරය කියන්නේ තමන්ගේ නවාතැන.
    ඒ ගැන නොතකා හරිනවා කියන්නේ ආකර්ශනීය ලිංගික ජීවිතයක් වෙනුවට සම්පූර්ණයෙන්ම අඩපණ වුන ලිංගික ජීවිතයකට හිමිකම් කියන්න සිද්ධ වෙන එක.

    ඒකෙන් හානියක් සිද්ධ වෙන්නේ ලිංගික ජීවිතේට විතරක් නෙමෙයි, තමන්ගේ සමස්ත personality එකටයි.
    මොන දේ කරන්නත් කලින්, අපි අපිට ආදරේ කරන්න ඕන.

    එසේ නොකර, වෙන කෙනෙක් තමන්ට, තමන්ගේ ශරීරයට ආදරේ වෙයි කියලා බලාපොරොත්තු වෙන එක පවා අසාධාරණයි.

    ජීවිතේ සතුටට ලිංගික ජීවිතයේ සතුට දැඩිවම බලපානවා. තමන් තමන්ට ආදරේ කරන තැන තමයි ඒ සතුට රැදෙන එකම තැන.

    ශේනි විජේසුරේන්ද්‍ර

  • ට්‍රිප් එකක් යන්න එනවද ?

    ට්‍රිප් එකක් යන්න එනවද ?

    මිනිසාගේ පැවැත්මේ තේරුම මොකක්ද, ඒකෙන් කාට හෝ තියෙන ප්‍රයෝජනය මොකක්ද කියල අචල සොලමන්ස් පෝස්ට් එකක් දාලා විමසලා තිබුන. මේක ඉතිං අතිදාර්ශනික ප්‍රශ්නයක්නෙ. එක්කො දර්ශනයෙන් නැත්තං ආගමෙන් මිනිස්සු මේ ප්‍රශ්නෙට උත්තර හොයනවා. ඒ ගැන චන්දන ප්‍රසන්න මෙහෙම අදහසක් ලියලා තිබුන.

    “තේරුම” කියන්නෙත් මිනිස්සු විදියට අපි හදාගත්ත සංකල්පයක් නිසා අපෙන් බාහිර ව “තේරුමක්” කියල එකක් (අඩු තරමේ අපි මේ “තේරුම” කියල හිතන ජාතියෙ තේරුමක්) හොයන එක තේරුමක් නෑ, මම හිතන්නෙ.

    හැබැයි අපි දැනට දන්න විදියට මෙහෙම “තේරුමක්” ගැන හිතන්න පුළුවන් එකම සත්ත්ව වර්ගය අපි නිසා, එහෙම හිතන්න බැරි අනිත් සත්ත්ව වර්ග ජීවත්වෙන එකේ තේරුම මොකක්ද කියල බලන එකෙන් පොඩි අයිඩියා එකක් ගන්න පුළුවන්.

    පේන විදියට උන්ගෙ පැවැත්⁣මෙ එකම “තේරුම” පැවැත්ම ම තමයි: ජීවයක් විදියට නොනැසී පැවතීම සහ තමන්ගෙන් පස්සෙ ඒ ජීවය තවදුරට ගෙනියන්න පුළුවන් ජීවියෙක් බිහිකිරීම. Survival and breeding.

    හැබැයි උන්ට ඒ ක්‍රියාවලිය ප්‍රශ්නකරන්න බෑ. ස්වභාවික ඉවකින් ඒක කරගෙන යනව විතරයි.

    හැබැයි අපි මිනිස්සු විදියට භාෂා ලෝකයක් හදාගෙන තියෙන නිසා අපට පුළුවන් මේවා වියුක්ත සංකල්ප විදියට අරන් මේ විදියට කතාකරන්න. ඒ වගේ ම ඕන නම් අර ස්වභාවික ඉවෙන් කියන දේට වෙනස් දෙයක් කරනව කියල තීරණය කරන්න.

    දැනට අපි දන්න විදිය⁣ට මේ වගේ ඇබ්ස්ට්‍රැක් කන්සෙප්ට් හිතන්න පුළුවන් ගාණට භාෂාවක් හැදෙන්නෙ දැනට අවුරුදු ලක්ෂෙකට විතර කලින්. ඒ කියන්නෙ පරිණාමික ඉතිහාසයත් එක්ක ගත්තොත් අපි තාම “ඇටෙන් පොත්තෙන් එළියට ආවා” විතරයි. පොඩි ළමයෙක් මුලින් ම වචන කීපයක් ඉගෙනගත්තම වගේ අපි මේ විදිය⁣ට ඒ සංකල්ප එක එක විදියට පාවිච්චි කරන්න ට්‍රයි කරමින් ඉන්නවා.

    ඉතිං මම හිතන්⁣නෙ “ඇටෙන් පොත්තෙන් එළිය⁣ට ආපු ගමන්” නිසා අපට තාම මේකේ තේරුම මොකක්ද වගේ දේවල් තේරුම්ගන්න අමාරු නම්, තියෙන සේෆ් ම ඔප්ෂන් එක තමයි අපි මීට කලින් පැවතුණු විදිය, එහෙම නැත්තම් අනිත් සත්තු දැනටත් පවතින විදිය ගයිඩ්ලයින් එකක් විදියට තියාගෙන හෙමීට ඉස්සරහට යන එක. මිනිස්සු විදියට (කවද හරි, පුළුවන් වුණොත් ) අපට මේක ගැන මීට වඩා ස්ථිරසාර අදහසක් නිර්මාණය කරගන්න පුළුවන් කාලයක් එනකල්. මොකද පැවැත්ම ගැන, පැවැත්මේ තේරුම ගැන කතාකරන්න නම් ඔක්කොටම කලින් අපි පවතින්න එපායැ.

    ඒ කියන්නෙ අපට පේන විදිය⁣ට අනිත් හැම සතෙකුගෙ ම පැවැත්මේ “තේරුම” ඒ සත්ත්ව වර්ගයේ, එහෙම නැත්නම් ජීවයේ අඛණ්ඩ පැවැත්ම නිසා, මිනිස්සු කියන සත්ත්ව වර්ගයේ සහ සමස්තයක් විදියට ජීවයේ අඛණ්ඩ පැවැත්ම තහවුරු කරන එක තමයි අපේ පැවැත්මේ අල්ටිමේට් “තේරුම” කියල අපට හිතන්න පුළුවන්. අඩු තරමේ ඊට වඩා සෑහීමකට පත්වෙන්න පුළුවන් “තේරුමක්” හොයාගන්නකල්.

    චන්දනගෙ අදහස හරිම මැදිහත් උද්දච්ඡ නැති එකක්. පැවැත්මේ තේරුම හොයන්න යනවා වෙනුවට පැවැත්ම තුලින් පැවැත්මට තේරුම් තනා ගැනීම. ඒ තේරුම් සමග පරිණාමය වීම. මට හිතන්නෙ පැවැත්ම යනු කුමක්ද කියන ප්‍රශ්නය අහන නැරටිව් එකේ අර්බුදයක් තියෙනවා කියල. ආර්ට් යනු කුමක්ද කියල අහන කතිකාවෙම දිගුවක් ඒක. ආර්ට් එකක් කුමක්ද යන අදහසක් දෙන්න බෑ. ඒක අර පණිවුඩ දෙන කලාව. ආර්ට් එකක් කියන්නෙ ආත්මීය විඳීමක්. ඒ විඳීම ඇසුරෙන් අපිට විවිධ සංකල්ප නිර්මාණය කරගන්න පුළුවන් . ඒත් ඒකෙන් ඒ ආර්ට් එක විස්තර වෙන්නෙ නෑ. ඒක විඳීමක්. ඒ විඳීම බෙදාගන්න පුළුවන් . ඒත් කුමක්ද වර්ගයේ භාෂාත්මක මැදිහත් වීමකින් ඒකට කිසි දෙයක් කරන්න බෑ, දේශපාලන මුහුණුවරක් දෙනවා ඇරුනම.

    එහෙම කරන එකේ කිසි වරදක් නෑ. ඒත් ඒක පැවැත්මේ ස්වභාවය කියන දාර්ශනික ප්‍රශ්නයේ පැවැත්ම පවත්වාගෙන යන්න කරන දායක වීමක් විතරයි. අපි හොයන්නෙ අර්ථයක් නම් ඒ අර්ථය අපිට නිපදවා ගන්න පුළුවන් . ජාතිය ගොඩනැගීම, පරපුර රැකගැනීම , නිවන් අවබෝධ කරගැනීම මේ ඕන තේරුමක් අපිට නිර්මාණය කරන්න පුළුවන් . ඒ නිර්මාණය ඇතුලෙ අපිට නිර්මාණාත්මක පැවැත්මක් ගොඩනගන්න පුළුවන් . ඒ වගේ පැවැත්මන් අනන්ත සංඛ්‍යාවක් එකවිට අතිපිහිත වෙමින් පවතිනවා. අපි ඒකට ජීවිතය කියල කියනවා. ඒ ජීවිතය විඳලා ඉවර කරන්න පුළුවන් එකක් නෙමෙයි. ඒක ට්‍රිප් එකක්.

    ට්‍රිප් එකක තේරුම මොකක්ද ? එහෙම එකක් අහන්නෙ කවුද ?

  • හැට වසරක ප්ලේබෝයි උපදේශන සේවයෙ අපූරු මතක සටහන්

    හැට වසරක ප්ලේබෝයි උපදේශන සේවයෙ අපූරු මතක සටහන්

    මේ ඉතා කෙටි ලිපිය නම් ලියැවෙන්නේ ස්වීඩනයේ ප්ලේබෝයි සඟරාවේ මේ වසරේ 2021 නොවැම්බර් කලාපයේ පළ වූ ලිපියක් ඇසුරෙන්. ලිපිය ටිකක් දිගට තිබුනත් අප සිත්ගත් එක පාඨක ප්‍රශ්නයක අනුවර්තනයක් පමණක් මෙහි ඇත.

    මේ අකෘතියේ ප්‍රශ්න සහ පිළිතුරු ලංකාවේ අපට ද අරුමයක් නොවේ.
    අසූ ගණන්වල සිරිකත තරුණයා වැනි පුවත්පත්වල ද මෙවැනි විශේෂාංග ජනප්‍රියව පැවතුණි.

    මේ ඇත්තේ ද එවැනිම අසූ ගණන්වලත් ප්‍රචලිතව තිබූ ප්‍රසිද්ධ සඟරාවල පවත්වා ගෙන ආ පාඨක ප්‍රශ්නවලට පිළිතුරු ලබා දීම හරහා සිදුකළ ලිංගිකත්වය පිළිබඳ පැහැදිලි කිරීම් සහ දැනුවත්භාවය වර්ධනය කිරීමේ වැඩපිලිවෙලක් යැයි සිතිය හැකි විශේෂාංගයකි‍න් උපුටා ගත්තකි. මේ අයුරු වූ විශේෂාංග ඔස්සේ ඇමතු විශය පථය වන යම් ආකාරයේ සැඟව පැවති ලිංගිකත්වය පිළිබඳ රසාලිප්ත ගැටළු පුවත්පත හෝ සඟරාව වඩාත් තරුණ අය අතර ජනප්‍රිය කරවීමට යෙදු උපක්‍රමයකි. කාලයාගේ ඇවෑමෙන් මේවා සංස්කරණය හා නිර්මාණය කිරීමෙහිලා යෙදුනු අය එළිදරව් කර ඇත්තේ මේසයක් වටා වාඩි වී සේරම ප්‍රශ්නත් පිළිතුරුත් පිළිසඳරේ යෙදෙමින් ලියා පළ කළ බවකි. එනම් කිසිදු පාඨකයෙකු සිය අවංක ප්‍රශ්නයක් ලියා කවදාවත් පුවත්පත වෙතට තැපැල් කොට නැති බවය.

    පසුකාලීනව ගුවන්විදුලිය සහ දුරකතනය එකට මුහුවීමේ තාක්ෂණික කඩඉම පැනීමත් සමගම මෙවැනිම විපර්යාසයක් සිදු විය.

    සමහර රේඩියෝ ද අසන්නන් යැයි දැනෙන සේ මුදල් ගෙවා හොඳින් නිරවුල්ව පොයින්ට් එකට කතා කළ හැකි අය ලව්වා ස්වාභාවික ලෙස තම රේඩියෝවට කතා කරන අය සේ ඇඟවෙන සේ නොයෙකුත් වැඩසටහන් මැද්දේ රැඩිකල් අදහස් දක්වන්නට ඉඩකඩ සැලැස් වූ බව නොරහසකි. පොදුවේ අසන්නන් මේවා දන්නේ නැත‍.

    ලංකාවේ එසේ විය හැකි වුවත් ස්වීඩනයේ එසේ විය නොහැකියැයි අපට සිතිය හැකිය.

    මේවා කවුරුන් හෝ ඇත්තටම පුවත්පතේ සංස්කාරකවරු වෙත එවා අසන්නට ඇතැයි අපි සිතමු. මේ තෝරාගත් ප්‍රශ්න සහ පිළිතුරු ප්ලේබෝයි ස්වීඩන් සගරාවේ සංස්කාරකවරු පවා විමතියටත් විනෝදයටත් පත් කළේ යැයි සඳහන් බැවින් අවධානය යොමු කිරීමට වැදගත් යැයි සිතේ.

    මුල් ලිපියේ අන්තර්ගත ප්‍රශ්න බොහොමයක් ලංකාවේ අපට අදාළත්වය ඉතා අඩු බැවින් ඒවා අතැර දමා මදක් රසවත් කොටසක් පමණක් තෝරා ගන්නට සිතුවෙමු.

    මේ ප්‍රශ්නය දෙදාස්ගණන්වල යොමු වූවකි. සඳ පිළිබඳ ඇති වූ කුතුහලමය ප්‍රහේලිකාවකි. රසවත්ය.

    මේ පිළිතුරු සම්පාදනය කරන උපදේශක තුමා වඩාත් ප්‍රසිද්ධ ඕනෑම ගැටළුවකට සීරියස් පිළිතුරු දෙන්නකු ලෙසය. එමෙන්ම සෑම ගැටළුවකටම ගෞරවාන්විතව සැළකූ අයෙකු ලෙසය. එබැවිනි මේ මතුපිටින් විකාරසහගත බවක් පෙනෙන මේ ගැටළුවටත් අවධානය යොමුවී ඇත්තේ.

    ප්‍රශ්නය

    මගේ බිරිඳ පවසන්නේ පුර පෝය සඳ පෑයු දවස්වල මගේ ප්‍රාණවත් වූ ශිශ්ණය වඩාත් විශාලව පේන බවය. නමුත් ඇය කී දේ මා විශ්වාස කරන්නේ නැති බැවින් ඇය සෑම රාත්‍රියකම මගේ ප්‍රාණවත් වූ ශිශ්ණය පුරා මාස දෙකක් තිස්සේ මැන වාර්තාවක් සකස් කරන්නට ගත්තාය. ඇත්තටම පුර පෝයට කලින් සහ ඒ දිනයේ මෙන්ම පසුදිනත් මගේ ප්‍රාණවත් ශිශ්ණය අඟල් බාගයක් අනෙකුත් දිනවලට වඩා දිගින් වැඩි බැව් නිරීක්ෂණය විය. මේ ගැන ඔබ මීට පෙර අසා ඇත් ද? මේ සංසිද්ධියට ස‌ඳේ ගුරුත්වාකර්ෂණ බලයේ බලපෑමක් තිබේ ද?
    -ආර් ජේ නිව්යෝක්‍

    පිළිතුර

    ඒ්ක නම් හරිම අලුත් දෙයක්. ඔබගේ ලිංගික පෙදෙස ආශ්‍රිත රෝමවලත් ඝණකම වැඩිව දැනෙනව ද ඒ කාලයේ? අපට සැකයක් නෑ ඔබගේ ශිශ්ණය වර්ධනය වන වගට නමුත් ඒ සඳහා බලපාන එකම සඳ නම් ඔබගේ බිරිඳගේ තට්ටම්වල ප්‍රමාණය බව නම් නිසැකය. ඔබ දෙපළම එය සඳ එලියේ දී විශාලව පෙනෙන බවට සිතමින් ඔබ සහ බිරිඳ ඒ මිනුම ගැනීමට පෙළඹෙන ක්‍රියාවලිය තුළ සිදුවන පිබිදීම හෙයිනි ඒ විශාල බව නිරීක්ෂණය වන්නට ඇත්තේ යැයි අපට සිතේ. අන්න ඒ පිබිදීම නිසා ඇති වූ ප්‍රතිඵලයක් ලෙස අර වැඩි වූ අඟල් බාගය මිනුමට හසු වන්නට ඇතිය කියා අපි සිතමු. නැත්නම් සාමාන්‍ය තත්වයන් යටතේ එවැන්නක් බලාපොරොත්තු විය නොහැකිය. සඳට ඔබගේ සිරුරේ රුධිරය හෝ දියර චලනය කිරීමට හැකියාවක් නොමැති මුත් මහ සයුරේ වඩදිය සහ බාදිය නිර්මාණය කිරීමේ හැකියාවක් නම් ඇත. අනික් අතට ගුරුත්වාකර්ෂණ බලය රඳා පවතින්නේ සඳ සහ පෘථිවිය අතර ඇති දුර ට ඇති සම්බන්ධයකිනි‍ නොඑසේ නම් කාලයේ රටාවකට නොවේ. කොහෙම වුණත් ඔබගේ බිරිඳ දෛනිකව ඔබගේ ශිශ්ණය ප්‍රාණවත් කර පරීක්ෂාවට ලක් කිරීම දිගට ම කරගෙන යාම ඉතා හොඳය.

    අනුවර්තක අඥාතයි

  • කෙල්ලන්ගෙ සෙක්ස් ෆැන්‍ටසි

    කෙල්ලන්ගෙ සෙක්ස් ෆැන්‍ටසි

    Sexual fantasies ගැන කතා කරද්දි, සාමාන්‍යය ජීවිතයේ ලේසියෙන් ලගා කරගන්න බැරි කාමුක ආසාවන් fantasies ලෙස මිනිස්සු විදිහට අපි හැමෝටම තියෙනවා. මේ fantasies කෙනෙක්ගේ සාමාන්‍යය ජීවිතයේ සහ ලිංගික ජීවිතයේ ලබන අත්දැකීම් කෙසේද යන කාරණය අනුවත් වෙනස් වෙනවා.

    සාමාන්‍යය ජීවිතයේ leadership role එකක් කරන කාන්තාවක්, පවුලක් පාලනය කරන කාන්තාවක්, රස්සාව තුල අන් අයට අණසක ලබා දෙන කාන්තාවක් බොහෝ විට sex වලදි පිරිමියාට submissive හෝ යටත් වෙන්න ඉමහත් කැමැත්තක් දක්වනවා. අනිත් පැත්තට, පිටත ලෝකයේ එසේ නොවන කාන්තාවක්, dominant පිරිමියෙක්ව sex වලදි තමන් යටතට පත්කර ගැනීමට විශාල ඇල්මක් දක්වනවා.තම තමන්ගේ fantasies මොන ආකාරයේද කියන එකටත් මේ කාරණා බලපාන්න පුලුවන්..
    Google ආයතනයේ ඉන්ජිනේරුවන් කිහිප දෙනෙක් විසින් සිදු කරන ලද සමීක්ෂණයකට අනුව බොහෝ කාන්තාවන් මනංකල්පිත ජීවින් සමග sex කරන porn videos බහුලව නරඹන බව Jordan Peterson කියන මනෝවිද්යාඥයා කරපු සාකච්ඡාවක දි ඔහු පවසනවා. Vampires, werewolves වගේ අපි චිත්‍රපට තුලින් හෝ පොත් වලින් දකින, කියවන, භයානක ජීවින් කෙරෙහි ලිංගික ආසාවක් බොහෝ කාන්තාවන්ට තියෙන බවයි ඔහු එහිදී පැහැදිලි කරන්නේ.

    ඒ ආසාව ඇති වෙන්නේ ඒ වගේ භයානක ජීවින්ව තමන්ගේ ශරීරය ලග, sex කිරීමේ ආසාව ලග හීලෑ කර ගැනීමේ කැමැත්තයි. Vampire diaries, Twilight වගේ චිත්‍රපට කාන්තාවන් අතර අතිශයින් ජනප්‍රිය වෙන්න හේතුවත් මෙය විය හැකියි.

    පිටත ලෝකයේ ලේසියෙන් කරන්න අමාරු, විශේෂයෙන්ම male dominance උපරිමයටම තියෙන සාමාන්‍යය ලෝකයේ පිරිමියාගේ masculinity එක තමන් කැමති ආකාරයකට හසුරුවා ගැනීමේ හෝ නම්ම ගැනීමේ අවස්ථාව කාන්තාවකට sex තුලදි අසීමිත ලෙස ලැබෙනවා.කෙනෙක් Sex තුලින් සුරාන්තයකට පත්වෙන මොහොතක් කියන්නෙ තමන් තමන්ට සීයට සීයක් එකඟ වෙන මොහොතක්. කාන්තාවකට මේ තත්වයට ළගා වෙන්න කායික සහ මානසික සහයෝගය කියන දෙකම අවශ්‍යයි.

    Fantasy එකක් reality එකක් කරගන්න උත්සහ කරන එක තුල තව දුරටත් fantasy එකක් පවතින්නේ නැහැ. ඒ සුන්දරත්වය තියෙන්නේ ඒ පරිකල්පනය තුලයි..
    ඒ මවාගන්න රූප තුලයි.Fantasies තියෙනවා කියන්නේ ඒ ආසාවන් යතාර්ථයක් කරගන්න හිතන එක නෙමෙයි, ඒ මවන දේ ඇතුලේ ඒ රහ විදීමින් ඒ තුලින් ලිංගික උද්දීපනයක් සහ ආස්වාදයක් ඇති කරගැනීමයි.
    සුරතාන්ත අතරිනුත්, උපරිම තෘප්තිමත් සුරතාන්තයක් ලබන්න තම තමන්ට ආවේණික වූ fantasies උදව් වෙන එක රහසක් නෙමෙයි.

    ‍ශේනි විජේසුරේන්ද්‍ර

  • ගැහැනු සෙක්ස් ගැන විවෘත අඩු ඇයි?

    ගැහැනු සෙක්ස් ගැන විවෘත අඩු ඇයි?

    මම මොකක් හරි ආර්ට් එකක් අඳිද්දි හරි මොනා හරි දෙයක් ලියද්දි මං කැමතියි ඒක erotic පැත්තට බර වෙන්න කරන්න. ඒකෙ සෞන්දර්යය දන්නෙ creative කෙනෙක්ම තමයි. කොටින්ම කිව්වොත් මං R-rated නැති, සෙක්ස් නැති නිර්මාණයක් කියවන්න, බලන්න කැමතිත් නැති තරම්. ඒත් මම ගොඩක් වෙලාවට මගේ නිර්මාණ පෝස්ට් කරන්නෙ නෑ. ඒකට හේතුව එහෙම දෙයක් පළ කරාම පිරිමි පාර්ශවයෙන් එන requests සහ Messages තොගය. එතකොට මට හිතෙන්න ගන්නවා මේ මගේ ආර්ට් එක හරි ඒකෙ යම්කිසි හොඳක් හරි නිසාම ලැබෙන ප්‍රතිචාරද කියල. ඒ වගේම මෙහෙම ප්‍රතිචාර දක්වන බහුතරයක් පිරිමි පාර්ශවය erotic නිර්මාණයක් කරන්න තරම් ගැහැනියක් විවෘත නම් ඇය වෙනත් ඕනෑම දෙයකට විවෘතයි කියලා වරදවා වටහා ගන්නවා. සමහරු එය විවේචනයක් හා අපහාස කිරීමක් දක්වා ගෙන යනවා. මේක මේ මාතෘකාව ගැන නිතර ලියන කියන පිරිමි පුද්ගලයෙකුට පවා සිද්ධ වෙන දෙයක්. එහෙම කෙනෙකුට ‘බඩු කාරයෙක්’ ‘අසහන කාරයෙක්’ වගේ නම් පට බැඳෙන්න පුළුවන්. ගැහැනු කෙනෙක් සෙක්ස් ගැන ලියන කියනවා නම් එය හෙලා දකින පාර්ශවය ඇයට පට බැඳිය හැකි නම් ගැන අමුතුවෙන් කියන්නට අවශ්‍ය නෑ. ඒත් මේ සටහන ඒ පාර්ශවය ගැන නෙවෙයි. මේ කියන්න උත්සහ කරන්නෙ erotic නිර්මාණ කරන ඒ ගැන විවෘතව අදහස් පළ කරන ගැහැණියක්‌ උත්කර්ෂයට නගමින්, (ඒ නිර්මාණ ගුණාත්මක නැති අවස්ථා වලදී පවා) ඇයගේ පෞද්ගලිකත්වයට බාධා කරමින් වෙනත් අරමුණු ඉටු කර ගන්නට උත්සහ කරන පාර්ශවය ගැන.

    දෙදෙනෙකු කැමැත්තෙන් කරන පෞද්ගලික සංවාද හා සබඳතා ගැන කතා කරන්න මට අයිතියක් නෑ. නමුත් කාන්තාවක් සෙක්ස් ගැන යමක් විවෘතව කතා කළ පමණින් ඇයට massages යවමින්, ඒවාට පිළිතුරු නැති විට “පෙන්නන තරම් විවෘත නෑ”, “ලියන ඒවයේ හැටියට කිසි ගැම්මක් නෑනෙ.” කියමින් අපහාස කරමින් හා විවේචනයට ලක් කරමින් සමහරෙකු හැසිරෙන අවස්ථා ගැන ගොඩක් කාන්තාවන්ට අත්දැකීම් ඇති.

    සෙක්ස් ගැන ලියන කාන්තාවකට එසේ ලියන පමණින් ඔබ හා විවෘත වෙන්න අවශ්‍යද? (ඔබ හා පෙර සිටම මිත්‍රත්වයක් තිබෙන තත්වයකදී වුණත්.) ඇයට ඔබ කරන කියන ඕනෑම දේකට එකඟ වෙන්න ගැම්මක් තිබිය යුතුද? උදාහරණයක් විදිහට ඇය ඇයගේ ෆැන්ටසියක් ගැන ලියනවා කියමු. ඇය සැබෑ ජීවිතයේදීත් ඒ ෆැන්ටසිය ක්‍රියාත්මක කිරීමට නොබිය විය යුතුද? එය ඇය සිතින් නිර්මාණය කරන හුදු ෆැන්ටසියක්ම පමණක් විය නොහැකිද? එය ක්‍රියාත්මක කිරීම අවශ්‍යමද? ෆැන්ටසියක් කියන අදහසම ඔබ වැරදියට වටහාගෙන නෙවේද? ක්‍රියාවට නංවන්නට ගියොත් තම ෆැන්ටසිය විනාශ වීමක් වෙයි හරි අප්‍රසන්න වෙයි හරි කෙනෙක්ට හිතෙන්න පුළුවන් නේද? කෙනෙකුට තමන්ගේ ෆැන්ටසි සිතේ මැවෙද්දි හරි porn video එකක බලද්දි හරි පමණක් රසවත් වෙන්න පුළුවන් නේද? ගොඩක් කාන්තාවන්ට ඔවුන්ගේ ෆැන්ටසි ඒ වගේ. මේ අතරේ සියළු දේ අත් හදා බලමින් අත්විඳින්න ආශා කරන කාන්තාවන් කොටසක්ද ඉන්නවා. (ආශාවන් යටපත් කර ගැනීම උරුම වෙච්ච කාන්තාවන්ට ලිංගික නිදහසේ උපරිමය භුක්ති විඳීමට හැකි විය යුතුයි.) මේ සටහන හැබැයි ඔවුන් ගැන නෙවෙයි.

    උදාහරණයකින් පැහැදිලි කරනවා නම්, හැම කාන්තාවක්ම මද වශයෙන් හරි සමලිංගිකයි එහෙම නැත්තන් හැම කාන්තාවක්ම මුළුමනින්ම විරුද්ධ ලිංගික නෙවේ ද්වී ලිංගිකයි කියල කියන තර්කයක් තියෙනවා. හැබැයි මේ උපකල්පනය සංකීර්ණ කරන සාධක කීපයක් සැලකිල්ලට නොගෙනයි ඉහත අධ්‍යයනය කරලා තියෙන්නෙ. එකක් තමයි කාන්තාවකගේ ලිංගික අවයව කරන දේයි ඇගේ මානසික, ආත්මීය මට්ටමේ උද්දීපනයයි අතර ගැලපීම 10%ක්‌ අවස්ථා වලදි පමණක් පවතින එක. අනික් අවස්ථා වලදි කාන්තාවන්ගෙ උද්දීපනයේ නොගැලපීමක් (Arousal nonconcordance) ප්‍රදර්ශනය වෙනවා. ඒත් පිරිමින්ගෙ ලිංගික අවයවයි ඔවුන්ගේ ආත්මීය උද්දීපනයයි, ඒ කියන්නෙ මොළයේ ක්‍රියාකාරීත්වයයි අතර ගැළපීම 50% ක්‌. ඒ නිසා ඔහුට ලිංගිකව ආකර්ශනීය යැයි පෙනෙන දෙයක් නිසා ශිෂ්නය ඍජු වීම 50% ක් අවස්ථා වලදී වෙනවා. ඒත් කාන්තාවන්ගෙ 90% ක්ම ඇගේ ශරීරය හා මොළය සම්පූර්ණයෙන්ම වෙනස් තරංග ආයාමයක පවතින්නෙ. වෙනත් වචන වලින් කිව්වොත්, කාන්තාවකගේ ලිංගික අවයව ලිංගිකව අදාළ යැයි සලකන ඕනෙම උත්තේජකයකට ප්‍රතිචාර දක්වනවා. (චිම්පන්සියන් ලිංගිකව හැසිරෙන අයුරු දැකීමෙන් පවා), ඒත් එයින් අදහස් කරන්නේ කාන්තාවන්ට අනිවාර්යයෙන්ම තමන් දකින උත්තේජක ලිංගිකව ආකර්ශනීය බව හරි රහසිගතව ඒවා අත්හදා බලමින් ක්‍රියා කරන්න අවශ්‍ය බව හරි නෙවේ.

    මේ උද්දීපන නොගැලපීම (Arousal nonconcordance) කාන්තාවන්ට ව්‍යාග්‍රා නිර්දේශ කිරීම වැඩ නොකරන්න එක හේතුවක්‌. ව්‍යාග්‍රා පිරිමි සහ ගැහැනු යන දෙපාර්ශවයේම ලිංගික අවයව වලට රුධිර ප්‍රවාහය වැඩි කරනවා. ඒත් කාන්තාවන්ගේ ලිංගික අවයව වලට සාපේක්ෂව මොළයේ සැබවින්ම උද්දීපනයක් එහිදි සිදු වෙන්නෙ නෑ. මානසික උද්දීපනය කාන්තාවන්ට ඇදහිය නොහැකි තරම් වැදගත් දෙයක්. එය සරලව lubricants වලින් කරන්න පුළුවන් දෙයක් නෙවේ.

    කාන්තාවන් rape scene එකක් animal sex scene එකක් දැකීමෙන් වුණත් ශාරීරිකව උත්තේජනය වෙන්න පුළුවන්. ඒත් එහි අදහස ඇය ඊට කැමැත්තක් දක්වන බව හෝ එය අත්විඳීමට ආශා බව නෙවේ. ඇය අකැමැත්තෙන්ම ඇගේ ලිංගික අවයව එයට ප්‍රතිචාර දැක්විය හැකියි. අනෙක් කරුණ තමයි ගැහැණු ශරීරය ලිංගිකව උත්කර්ෂයට නංවා ඇති සංස්කෘතියක කාන්තාවක් තවත් රූමත් ශරීරයක් හිමි කාන්තාවක් හැම්බර්ගර් එකක් පාව්ච්චි කරමින් ලිංගික ක්‍රියාවලියේ යෙදෙනවා දැකීමෙන් උත්තේජනය වීම සාමාන්‍යයි. ඒත් එයින් කියවෙන්නෙ ඇය තවත් කාන්තාවක් සමග හරි හැම්බර්ගර් එකක් එක්ක හරි ලිංගිකව හැසිරීමට කැමති බව නෙවේ. ලිංගික ආශාව, උද්දීපනය සහ අනන්‍යතාවය කියන සියල්ලම කාන්තාවන් සම්බන්ධයෙන් ගත්තම නිතර එකිනෙකා සමඟ ගැටෙන සංකීර්ණ බලවේග. මේ අනුව හැම කාන්තාවක්ම අඩු වැඩි වශයෙන් ද්වී ලිංගික නැඹුරුතා දක්වනවා යන තර්කයේ ගැටළු සහගත බවක් මතු වෙනවා. කොහොමත් ලිංගිකත්වය කියන්නෙ හැමදාමත් අධ්‍යයන මට්ටමේ පවතින ඉතා සංකීර්ණ විෂයක්. එයිනුත් ගැහැණු ලිංගික ආශාවන් සම්බන්ධයෙන් ගත්තම අපට ඇසට පෙනෙනවාට වඩා නොපෙනෙන බොහෝ දේ තියෙනවා.

    ඔබ ඇතැම් කාන්තාවො සෙක්ස් සම්බන්ධ විවෘත පිරිමින්ව අසහනය යයි කියමින් උපහාසයට ලක් කරන අයුරු දැක ඇතුවාට සැක නැහැ. පුරුෂ ලිංගික උද්දීපනයේ ස්වභාවය ගැන දැනුමක් නොමැති කම ඊට හේතුව වෙන්න පුළුවන්. ඒ වගේම ගැහැණු ලිංගික උද්දීපනයේ සංකීර්ණ භාවය ගැන මැසිවිලි නගන පිරිමිත් ඔබ දැක ඇති. මේ දැනුම ලබා ගන්න හොඳම විධි නම් දෙදෙනා අතර එකිනෙකා ගැන සංවේදී, හොඳ සන්නිවේදනයක් පවත්වා ගැනීමත් අත්දැකීම් තුළින් ඉගෙන ගැනීමත් කියන දේවල්. ඒත් විද්‍යාත්මක කරුණු දැන සිටීම අඟහරු හා සිකුරු ජීවීන්ට සමාන පිරිමියා හා ගැහැණිය අතර සබඳතා වලදි වැදගත් වෙන්න පුළුවන්.

    ඉහත උදාහරණය වගේ උපකල්පන මත රඳා පවතිමින් සෙක්ස් ගැන විවෘතව කතා කරන ගැහැනියක් කාන්තා ලිංගික නිදහස හා විවෘත භාවය නාමයෙන් දේශනා දෙමින් අපහසුතාවයට පත් කරන එක අනුමත කරන්න බැරි දෙයක්. එය එවන් ගැහැනියක් හෙලා දකිමින් අපහාස කරනවා වගේම වැරදි ක්‍රියාවක්. අපි නිදහස පිළිගන්න ගරු කරන, ඒ වචනයේ තේරුම දන්න මිනිසුන් නම් ගැහැනියක් හෝ වේවා හෝ පිරිමියෙක් වේවා ඕනෑම ආකාරයක බලහත්කාරයක් අශිෂ්ටයි. ඕනෑම පුද්ගලයෙක්ට තමන්ගේ terms වලට අනුව නිදහසේ විකසිත වෙන්න දිය යුතුයි. ගැහැනියකගේ ලිංගික ආශාවන් හා කැමැත්තත් ඒ වගේ. බලපෑම් වෙන තැන ඇය හැඟීම් දැනීම් හකුළා ගෙන කිසි දාක විවෘත නොවී සිටින්න පුළුවන්. සෙක්ස් ගැන කතා කරන්න උනන්දු කාන්තාවොත් මේ තත්වය නිසා විවෘත අවකාශයේ ඒ ගැන කතා කරන්න මැළි වේවි. ලංකාව වගේ රටක කාන්තා ලිංගිකත්වය, ආශාව, සුරතාන්තය, ලිංගික නිදහස ගැන අපේ දැනුමට හැමදාම මග ඇහිරිලා තියේවි. විවෘත නෑ කියමින් බලපෑම් කරනවා වෙනුවට ඇයටම විකසිත වෙන්න ඉඩ හරිමින් දිරියක් වෙන්න පිරිමි පාර්ශවයට පුළුවන්. සමාජ මාධ්‍ය අවකාශයේ පමණක් නෙවේ හොඳ සන්නිවේදනයක් එක්ක පෞද්ගලික සබඳතා වලදිත් ඒක උදව්වක් වේවි.

    නැතිනම් ගැහැනු ලිංගිකව විවෘත අඩු ඇයි යන ප්‍රශ්නෙ අපිට හැමදාම අහන්නට වේවි.

  • අම්මා

    අම්මා

    ගොඩක් වෙලාවට ගැහැණියක් අම්මා කෙනෙක් උනාම පලවෙනියටම කරන දේ තමයි තමන්ව අත් අරින එක. තමන් ඇතුලේ ඉන්න නිදහස් ගැහැණියව මරා දමන එක. අලුතින් ලෝකෙට ගෙනාපු ජීවිතේ වෙනුවෙන් සම්පූර්ණයෙන්ම කැප වෙලා, මනුස්සයෙක් විදිහට තමන්ගේ අවශ්‍යතාවයන් තව දුරටත් නොසලකා හැරීම.

    මේ චරිත ලක්ෂණ තමයි අම්මා කියන චරිතයෙන් අපි බොහෝ වෙලාවට දකින්නේ.

    ‘බැන්දට පස්සේ ලමයෙක් හදන්න ඕනේ’ කියන තේරුමක් නැති වාක්‍ය විතරක් ප්‍රමාණවත් මදි අම්මා කෙනෙක් වෙන්න කියලයි මම හිතන්නෙ.

    බැන්දට පස්සේ ගොඩක් couples සාමාන්‍යයෙන් කියන දෙයක් තමයි, ‘sex කරන එක කාලෙත් එක්ක එපා වෙනවා’ කියලා. මේක ඕන කෙනෙක් නිතර අහලා තියෙන දෙයක්. එහෙමනම්, මුලින්ම කල යුතු දේ තමයි ඒ මැරිච්ච spark එක නැවත ගෙන එන්න උත්සහ කිරීම. ළමයෙක් හැදෙන්න ඕන හොඳ තෘප්තිමත් ලිංගික ජීවිතයක් ගත කරන දෙන්නෙක් ළඟයි.

    couple එකක ලිංගික ජීවිතය කාලෙත් එක්ක එපා වෙලා ගිහින් කියන්නේ අලුත් දේවල් අත්හදා නොබලන නිසා, තමන්ගේ sexual capacity එක ගවේෂණය නොකරන නිසා වෙන දෙයක්. Sex කියන්නේ එහෙම එපා වෙන දෙයක් කියලා ඇහෙන්නෙ ඇත්තටම අපේ වගේ රටවල් වල විතරයි. කසාදයක ඉන්න දෙන්නගෙන් එක්කෙනෙක්ට එහෙම උනා කියලා දෙන්නටම එහෙම වෙනවා කියලා නිගමනයකට එන්නත් අමාරුයි.

    Couple එකක් විදිහට, දිගු කාලීන කසාදයක ඉන්න දෙන්නෙක්ට ඒ සතුට එහෙම නැත්නම් spark එක නැවත ඇති කරගන්න පුලුවන් පිලියම් තියෙනවා. පලවෙනිම දේ තමයි කාලයක් එකට ඉන්න දෙන්නෙක්ගේ ලිංගික ජීවිතය මළානික වෙන එක සාමාන්‍යය දෙයක් බව පිලිගැනීම. දෙවෙනි දේ තමයි ඒ ආස්වාදය යළි අත්පත් කරගැනීමේ උවමනාව තිබීම. ඒ වෙනුවෙන් විවිධ ඇඩ්වෙන්චරස් දේවල් අත්හදා බැලී‍මේ නිදහස සහ නිර්භීතකම. මෙතනදි දෙන්නා අතර ඉතා හොඳ සන්නිවේදනයක් සහ තේරුම් ගැනීමක් තිබීම අත්‍යවශ්‍ය වෙනවා. බොරු කරන දෙන්නෙක් අතර සතුටක් පවතින්නෙ නෑ.

    sex life එක දුර්වල වෙන තැනදි එතනට තව ළමයෙක් ගේන එකෙන් කරන්නේ, අම්මා තාත්තා කියන roles වෙනුවෙන් ජීවත් වෙන්න තෝරගන්න එක. ඒ තමයි අපිට නිතර ඇහෙන, ‘දරුවන් වෙනුවෙන්’ කසාදයේ ඉදීම’ කියන කතාවෙ උපත.

    වල පල්ලට යන කසාදයක් ගොඩ දාන්න පුලුවන් මායා බලයක් ළමයින්ට නැහැ, හැබැයි sex වලට තියෙනවා. තමන් තුල ඉන්න නිදහස් ගැහැණිය මරා දැමීමෙන් වෙන්නේ ‘පවුල’ කියන සමස්ත සංස්ථාවම සොහොනක් විදිහට පවත්වාගෙන යාමයි.

    මේ මොනයම් අකාරයේ couple එකක් උනත්, ළමයෙක් හදනවා කියන්නේ සෑහෙන්න study කරන්න ඕන දෙයක්. ළමයෙක් ලැබුනට පස්සේ ශාරීරිකව මුහුණ පාන්න වෙන වෙනස්කම්, අලුත් වගකීම් සහගත භූමිකාවන් නිසා දෙපාර්ශ්වයටම මුහුන දෙන්න සිද්ද වෙන anxiety තත්වය, ඇතැම් විට තමන්ගේ දරුවා මරා දැමීමට පවා හිතෙන postpartum depression වගේ කියන තත්වයන් ගැන දැනුවත් වීමක්, මේ සියල්ල සම්බන්ධයෙන් මානසික සූදානමක් අත්‍යවශ්‍යයි.

    තමන් ජීවත් වෙන්නෙත් ඉතාම සීමිත සම්පත් එක්ක නම්, ඒ සම්පත් ටික තව ජීවිතයක් එක්ක බෙදාගන්න පුළුවන්කම තියෙනවද කියන කාරණය ගැන සැලකිලිමත් වෙන්නත් ඕනේ. ආදරේ නම් දරුවෙක් මේ ලෝකෙට ගේන්න ඕන දුක් විඳින්න නෙමෙයි.

    ඒ විතරක්මත් මදි.

    තමන් ඇත්තටම මේ addition එකට කැමතිද, ඒ වෙනස්කම කොච්චර postive attitude එකකින් බාරගන්න පුලුවන් කම තියෙනවද කියන එක ගැන වෙලාව අරගෙන හිතන්න වෙනවා.

    එහෙම නැතුව, ඉස්කෝලේ යනවා, degree එකක් ගන්නවා, රස්සාවක් කරනවා, කසාද බඳිනවා, ළමයෙක් හදනවා, ළමයින්ටත් ඒකම කරවන්න උදේ හවස මැරෙනවා කියන මේ cycle එක පදින එකෙන් බහුතරයකට හොඳ ප්‍රතිඵල ලබන්න පුලුවන් කමක් නැහැ.

    හැමෝම කරන නිසා ඒ විදිහට ජීවිතේ තීරණ ගන්න ගියාම වෙන්නේ, මේ හැම experience එකක්ම තමන්ට බලෙන් විඳින්න සිද්ධ වීමයි. Parental instinct කියන දේ බලෙන් තමන් තුල ඇතිකර ගන්න හදන එකයි.

    ඊට පස්සේ මේ හදපු ජීවිතේ ජීවත් කරවන්න දරන මහන්සිය නිසා දැනෙන විඩාවට compensation එකක් ළමයින්ගෙන් අනාගතේ දි බලාපොරොත්තු වීම ඉබේම වගේ සිද්ධ වෙනවා.. කාටවත් සෙතක් නැති නිශ්ඵල cycle එකක් මේක.

    මේ ක්‍රමය ඇත්තටම කරන්නේ මිනිස්සුන්ට ජීවිතේ විඳවන්න දෙන එක. ලංකාවේ ජීවත් වෙන ළමයින්ට තමන්ගේ අම්මා සතුටින් ඉන්නවා දකින්න පුලුවන් වෙනවා කියන එකත් ඇත්තටම luxury එකක්. හැම අම්මා කෙනෙක්ම වගේ අනේක දුක් විඳිනවා, දර දිය අදිනවා වගේ දේවල් අහන්න තමයි අපි උනත් පුරුදු වෙලා ඉන්නේ. අම්මා ගැන සිංදුවක ඇහුවත් බොහෝ වෙලාවට තියෙන්නෙ ඔය කතන්දරේමයි.

    ‘කඳුළු හෙලා නෑඹිලියට සහල් ගරණ අම්මා
    සුසුම් හෙළා ගිණි දළු ගෙන ලිප මොලවන අම්මා

    ‘අම්මලා දුක් ගන්නේ පුතුන් හදන්ටා, පුතුන් රජුන් කරන්ටා’

    ‘නැති බැරිකම් මගෙ දෑසින් හංගා
    සෙනෙහස දුන් මාගේ අම්මා….’

    එතකොට මේ කිසිම අම්මා කෙනෙක්ට ජීවිතේ සතුටක් කියලා දෙයක් නැද්ද? තමන්ගේ කියලා ජීවිතයක් නැද්ද?

    අම්මායි, නිදහස් ගැහැණියයි කියන දෙන්නටම එකට පවතින්න බැරි ඇයි කියන එකයි මෙතන තියෙන ප්‍රශ්නය. ළමයෙක් හැදුවට පස්සේ, ඊට කලින් හිටපු ගැහැණියටම පවතින්න බැරි බව ඇත්ත, ඒ වෙනස් වීමට මුහුණ දෙන්න වෙනවා.

    ඒ වුනත්, මේ සියල්ල මැද තමන් තුල පවතින නිදහස් ගැහැණිය පිලි අරගෙන, ඒ ගැහැණියට නොමැරී ජීවත් වෙන්න ඉඩදෙන එක අම්මා කියන චරිතය සාර්ථක කරගැනීමට උදව් වෙනවා. ඒ තුලින් තමන්ගේ දරුවාට වුනත් ලැබෙන්නේ නිරෝගී, සතුටින් කල් ගෙවන්න උත්සහා කරන මවක්.
    ඒ නිසා, හැමවෙලේම තමන් තුල ඉන්න නිදහස් ගැහැණියට සලකන්න.

    තමන්ගෙ සිරුර ගැන නොසලකා හරින්න එපා, ලස්සනට අඳින්න පළඳින්න, ආස දේවල් කරන්න, නිරෝගී ලිංගික ජීවිතයක් ගත කරන්න. අමාරුවෙන් ජීවත් වෙන්න හෝ ළමයාව ජීවත් කරවන්න වෙහෙසෙන එක නෙමෙයි ගැහැණියක් අම්මා කෙනෙක් විදිහට කළ යුතු දේ වෙන්නේ….

    ‘මගේ අම්මා නම් සතුටින් ජීවත් උන ගැහැණියක්’ කියන එක දරුවන්ගෙන් අහන්න පුලුවන් නම් ඒ අම්මා ඇත්තටම සාර්ථකයි.

    ශේනි විජේසු‍රේන්ද්‍ර ලියයි

  • සරාගී උපන්දිනයක් වේවා පියුමි

    සරාගී උපන්දිනයක් වේවා පියුමි

    පියුමි හංසමාලි කියන නිරූපිකාව ගැන මට ලොකු ආදරයක් වගේම ගෞරවයක් තියෙනවා. ඒ ලංකාව වගේ රටක තනියම ගැහැණියක් විදිහට අනුරාගය වෙනුවෙන් බය නැතුව පෙනී සිටීම නිසා ඇතිවුනු එකක්. කෙල්ලෙක් විවෘතව ලිංගික යමක් ගැන කමෙන්ට් කරන පරක්කුවෙන් බහුතරයක් පිරිමි හිතන්නෙ ඇය ඕනම කෙනෙක් එක්ක සෙක්ස් කරන්න ලෑස්තියි කියල. ඒ ඇසිල්ලෙන් ඇගේ ඉන්බොක්ස් පිරී යනවා. රෝගී මානසිකත්වයකින් පෙළෙන මිනිස් රංචුවක් ඇයව වට කරගන්නවා. පියුමි ඒ සියලු පිරිමි පීඩන දරා ගනිමින් ඇය කැමති දේ කළා. වරදක් නොකර විඳින සුවිසල් ජනතා අපවාද අතර හිනාවෙවී ජීවත්වෙනවා කියන්නෙ ලේසි නැති වැඩක්. දරුවෙක් ඉන්න අම්මා කෙනෙක් විදිහට ඒක හිතාගන්න බැරි තරම්.

    මෑතකදි කාන්තාවන්ගේ සුරතාන්තය ගැන කතා කරන්න ඉතාම ප්‍රබුද්ධ සමාජ කතිකා නියෝජනය කරන කාන්තාවන් කීප දෙනෙකුට මං ආරාධනා කළා. එතනදි එක කාන්තාවක් කියපු කතාවකින් මාව තිගැස්සුනා.

    ‘මල්ලි, ඉස්කෝලෙට ගියාම අම්මලා එක එක කතන්දර කියනවා මදිවට ටීචර් වෙනම කතා කරලත් අවවාද දෙන්න එනවා. මගේ දුවගෙ අධ්‍යාපනයටත් ඒක බලපානවා’

    ඇය මගේ ආරාධනාව වේදනාවෙන් බැහැර කළා. සදාචාරය කියන්නෙ ඒ වගේ බලහත්කාරයක්.

    පියුමි තමන්ගේ ආකර්ශනීය විදිහට පිටතට නෙරා ආ දෙ‍ෙතාල්, පියයුරු විදහා පාමින් ඇගේ සොඳුරු ගත සළු උනා දමමින් ලංකාවෙ එකම අනුරාගී තරුව වීමේ කිරුළ දරාගෙන හිටියා. පියුමිට කලින් මේ එඩිතර බව තිබුනෙ සුමනා ගෝමස්ට විතරයි.

    අවාසනාවට පියුමි එකතු වුනෙත් ඒ කාන්තාවන් අපහාසයට අපහරණයට ලක්කරන සමාජ ධාරාවටමයි. ඒ ඉරාජ්ලා විසින් පවත්වාගෙන ගිය කුහක ලාංකික ප්‍රජාවයි. ඒ අයම තමයි කාන්තාවන්ට සමලිංගිකයන්ට සංක්‍රාන්ති ලිංගිකයන්ට අපවාද අපහාස කරමින් ඒ ජීවිත සමාජීය වශයෙන් පීඩාවට ලක් කරන්නෙත්. පියුමි තමන්ගේ හිතුවක්කාර බවේ ප්‍රතිලාභ පිරිනැමුවෙ ඒ ප්‍රතිගාමී රෝගී මිනිස් රොත්තටමයි.

    මං කීපවිටක්ම විවිධ සංවාදවලට පියුමිට ආරාධනා කරලා තියෙනවා. ඒ වඩා නිදහස් සහ විවෘත කතිකාවක් වෙනුවෙන් පියුමිගේ මැදිහත්වීම උදව් කරගන්න. ඒත් ඒ හැම වතාවකම පියුමි ඒ ආරාධනා බැහැර කළා.

    තමන් කරමින් ඉන්නෙ මොකක්ද කියන එක ගැන අදහසක් නැතිවීම නිසා එයාට කළ හැකි විසල් දේ වෙනුවට ඉතාම සිල්ලර දේ වෙනුවෙන් දියවී අවසන් වෙන්න නියමිතයි. දැනටත් තමන්ට ලංකාව අත්හැර යන්න උවමනා බව පියුමි කියන්නෙ මේ වෙහෙස නිසාම වෙන්න ඕන.අන්තිමට පියුමි දෙරණට ඇවිත් චතුර එක්ක කරපු සංවාදයෙන් පස්සෙ මං පියුමිව හිතෙන් අත්ඇරලා දැම්මා. එතනදි කිසිම දවසක ඇගෙන් අපේක්ෂා නොකළ තරමෙ දෙබිඩිකමක් විද්‍යාමාන වුනා. තමන්ගේ කොටට ඇඳීමේ නිදහස ගැන කතා කරන අතරෙම පියුමි ටික්ටොක්වල නාකි ඇන්ටිලා නටන එකට හිනාවුනා. ඒක ලැජ්ජා විය යුතු දෙයක් විදිහට කතා කළා. එයාට අනුරාගය සහ විලාසිතා ගැන තිබුනෙ තරුණ වයස එක්ක ගැටගැහුණු පටු අදහසක්. මේ වයසට මේවා කරන්න ඕන කියන එකයි පියුමිගේ දර්ශනය වුනේ. එහෙම නැතුව කැමති කෙනෙකුට, කැමති වයසකදි, කැමති විදිහකට ජීවත් වීමේ අයිතිය තියෙන්න ඕන කියන එක ගැන එයාට කොහෙත්ම හැඟීමක් තිබුනෙ නෑ. හැබැයි සුමනා ගෝමස් කියන නිළියට ඒ නිදහස ගැන වැටහීමක් තිබුන.

    යම් අදහසක් එක්ක පාවිච්චි වෙන්න තිබුණු නිරුවතක් අනුරාගයක් හුදු ස්වයං වින්දනමය රූපකායක් විදිහට විතරක් අවසන් වීම අපේ වගේ රටක ඛේදවාචකයක්. ඒ වගේම ලිංගිකත්වය සහ ශෘංගාරය පිළිබඳ තියෙන ගරුත්වය සෞන්දර්ය හෝ බාරගැනීම තවත් පටු කරන්නත් ඒක බලපානවා. ඇත්තටම කාමය වරදවා හැසිරීම කියන්නෙ ඒකට. කාමය හරි සමාජ දේශපාලන අදහසකින් තොරව පාවිච්චි කරන එක.

    ඒ මොනවා වුනත් අද අපේ රටේ එකම ශෘංගාර තරුව පියුමි හංසමාලිගේ උපන්දිනය. තමන් කැමති විදිහට ජීවත් වෙන්නත්, තවත් බොහෝ අය වසඟ කරන්නත් පියුමිට ශක්තිය ධෛර්යය ලැබේවා කියල මම ප්‍රාර්ථනා කරනවා. මේ කාන්තාරයක් වගේ රටේ පිරිමි සරතැස නිවන සිසිල් පොදක් වීමේ මහා පින ඇයට තියෙනවා.

    චින්තන ධර්මදාස