කින්ක් කියන එක වෙනම ඇහුවම නුහුරු වගේ දැණුනට අපි හැමෝගෙම කින්කි තැන් තියෙනවා. ඒවා කිසිම අමුත්තක් නැතුව සම්ප්‍රදාය එක්ක එකතුවෙලත් තියෙනවා. ඒ කියන්නෙ කින්කි දේවල් හැංගිලා තියෙනවා වගේම ප්‍රධාන ධාරවෙත් තියෙනවා. උදා විදිහට අම්මි තාත්ති කියල කතා කරන පෙම්වතුන් කොයිතරමක් ඉන්නවද? තමන් ලිංගිකව හැසිරෙන කෙනෙකුට අම්මි කියල කතා කරන එක කින්කි වැඩක්. ඒක අසම්මත පරිකල්පනයක්. අපේ සාම්ප්‍රදායිකම දෙයක් වෙන කන්‍යාභාවය ගැන ආශාව වුනත් කින්ක් එකක්. ස්වභාවික කියන ලේබලයට අනුව එහෙම කන්‍යා සිවියක් ගැන ආශාවකින් පසුවෙන්න විදිහක් නෑ. ඒක කොයිතරම් ප්‍රබල කින්ක් එකක්ද කිව්වොත් කන්‍යාවියන් බලාපොරොත්තුවෙන් බෝම්බ පුපුරගෙන මැරෙන්න පවා පිරිස් ඉන්නවා. ඒවා ආගම් විදිහට ප්‍රචලිත වෙනවා. මේ මෑතක මං දැක්කා පෝස්ට් එකක්. කකුල් දෙක අල්ලලා වඳින කෙල්ලෙක් ලබන්න පිං කරන්න ඕන කියල ඒකෙ තිබුන. තමන් එක්ක නිරුවතින් ලිංගිකව හැසිරෙන කෙල්ල තමන්ගේ කකුල් ළඟ වැටිලා වඳිනවා බලන්න තියෙන ආසාව කින්ක් එකකට වඩා දෙයක් නෙමෙයි. අපි නිතර අහන සිංදු ඇතුලෙත් කින්කිමය සංකල්ප තියෙනවා. එක ප්‍රසිද්ද සිංදුවක් තමයි ඔබේ දෙපා ළඟ දූවිල්ලක් වගේ දැවටෙන්න ආසයි කියන එක. මේ විදිහට ආදරය, පාරිශුද්ධත්වය වගේ කාරණා පිටිපස්සෙත් කින්කි ආශා පැටලිලා තියෙන්න පුළුවන්. හැබැයි අපි සාම්ප්‍රදායික විදිහට කින්කි කියල දකින්නෙ පොදුවෙ සම්මතය විසින් පිළිනොගන්නා දේවල්. ෆැන්ටසි.
මොකක්ද කින්ක් කියන එකේ අදහස? කින්ක් කියල හඳුන්වන්නෙ ගතානුගතික නැත්නම් පැවත එන ආකාරයේ නොවන, වෙනස් ආකාරයේ ලිංගික රසයන්, පරිකල්පනයන් සහ චර්යාවන්. මේ අර්ථගැන්වීම ටිකක් ගැටලුකාරී එකක්. මොකද දරුවන් බිහිකිරීමට අදාල නොවෙන ඕනම දෙයක් මේ හඳුනාගැනීම අනුව කින්කි කියල දාන්න පුළුවන්. ලිස් පවෙල් කියන සෙක්ස් තෙරපිස්ට් පෙන්නලා දෙන විදිහට ඒක හින්ද මේ ලෝකෙ ඕනම දෙයක් කින්ක් වෙන්න පුළුවන්.
කින්ක් සහ ෆෙටිෂ් කියන වචන දෙකම නිතර එක ළඟ යෙදෙනවා. ෆෙටිෂ් කියන්නෙ මොකක් හරි ශරීර අංගයක්, නැත්තං දෙයක්, උපකරණයක් නිසා ලිංගික උත්තේජනය ඇතිවෙන එකට. කින්ක් ෆැන්ටසියක් ඇතුලෙ ෆෙටිෂ් තියෙන්න පුළුවන්. අපිට හිතාගන්න බැරි දේවල් ගැන එක එක අයට ෆෙටිෂ් නිර්මාණය වෙන්න පුළුවන්. උදා විදිහට ජාතිය ආගම වගේ දේවල්වලින් පවා සමහර අයගෙ ෆෙටිෂ් හැදෙන්න ඉඩතියෙනවා. සිවුරක් විසින් කෙනෙකුට ලිංගික උත්තේජනයක් ඇති කරන්න පුළුවන්. ෆෙටිෂ් කියන එකට නම් සිංහලෙන් තියෙන නම ලස්සනයි. අර්චනකාමය. ඒත් කින්ක් කියන එකට නම් වචනයක් නෑ.
එක එක පුද්ගලයා අනුව කින්කි ආශා වෙනස් වෙනවා. ඒක කොහෙත්ම පොදු තත්වයක් නෙමෙයි. එකම කින්ක් එකක වුනත් විවිධ පරිකල්පනයන් එක එක අය ළඟ තියෙනවා. මේ නිසා කින්ක් ලෝකය හරිම විචිත්‍ර එකක්. කොහෙත්ම බෝරිං එකක් නෙමෙයි. අන්‍යොන්‍ය කැමැත්ත ඇතුව කරන කිසිම කින්ක් එකක කිසිම වරදක් නෑ.
ලෝකෙ ප්‍රසිද්ධ කින්ක් ෆැන්ටසි කීපයක් ගැන අපි කතා කරමු.
1. වොයරිසම් Voyeurism
මේක අපි හැමෝම හොඳටම දන්න දෙයක්. බීච් එකේ පාක් එකේ ලව් කරන්න ගියත් අපි දකින හිල්මරන්නො කියන්නෙ මේ වොයරිසම් වින්දනය ලබන අය. ඒ ගොල්ලො විතරක් නෙමෙයි පෝර්න් බලන, ෆිල්ම් බලන අපි ළඟත් වොයරිසම් උත්තේජනය තියෙනවා. මේකෙ අදහස තමයි වෙන කවුරු හරි ලිංගික ක්‍රියාවේ යෙදීම බලාගෙන ඉඳලා ඒකෙන් ආස්වාදයක් ලැබීම. මේ බැලීම කියන කාරණය ඊට වඩා දුර යන්නත් පුළුවන්. කවුරු හරි සෙක්ස් කරන සද්ද අහගෙන ඉන්න, ඒ අයගෙ ලිංගික අත්දැකීම් දැනගන්න තියෙන ආශාවත් වොයරිස්ටික් එකක්ම තමයි.
2. Breath play
මේ හුස්ම ක්‍රීඩාව වැටෙන්නෙ බීඩීඑස්එම් කැටගරියට. ඒ ගැන අපි ඊළඟට කතා කරනවා. මෙතනදි වෙන්නෙ කෙනෙකුගෙ හුස්ම හිරකරන අතරෙ ලිංගික ක්‍රියාවේ යෙදෙන එක. මේක ඉතාම අනතුරුදායක ආස්වාදයක්. අපි කවුරුත් දන්න ඩේවිඩ් කැරඩේන් මියයන්නෙත් මේ ක්‍රීඩාව වැරදීමකින් කියලයි කියන්නෙ. අපේ තෘප්තියේ සීමාව අනුව අනෙකාගෙ හුස්ම හිරවීම කොයිතරම් වෙයිද කියල නිශ්චිත නොවෙන්න පුළුවන්. ඒක නිසා ලිංගික උපදෙස් දෙන අය කියන්නෙ සංසර්ගය අතර තමන්ම හුස්ම හිරකරගැනීමෙන් මේ ආස්වාදය ලබන්න පුරුදු වෙන්න කියලයි. ඒත් ඉතින් මේක එහෙම කරලා ලබන්න පුළුවන් අත්දැකීමක් නෙමෙයි.
3. BDSM
ෆිෆ්ටි ෂේඩ්ස් ඔෆ් ග්‍රේ ෆිල්ම් එකත් එක්ක මේක ලෝකෙ පුරාම උන්මාදයක් විදිහට ජනප්‍රිය වුනු කින්ක් එකක්. මේකට අයිති වෙනවා ප්‍රධාන කාණ්ඩ කීපයක්.
B සහ D – බොන්ඩේජ් සහ ඩිසිප්ලින්. ඒ කියන්නෙ බන්ධනය සහ ශික්ෂණය කියන එක. මාංචු, ලණුවලින් ගැටගැසීමෙන් සහ දඬුවම් කිරීමේ විවිධ ක්‍රමවලින් මේක ක්‍රියාවට නැගෙනවා.
D සහ S – ඩොමිනේෂන් සහ සබ්මිෂන්. ඒ කියන්නෙ යටපත් කරගැනීම සහ යටත්වීම කියන එක.
S සහ M – සේඩිසම් සහ මැසොකිසම්. ඒ කියන්නෙ පරපීඩකකාමය සහ ස්වපීඩකකාමය කියන එක.
මෙතනදි වැදගත් කාරණයක් තමයි බීඩීඑස්එම් ක්‍රියාවල යෙදෙන්න අනිවාර්යෙන්ම ඒ අයගෙ කැමැත්ත අනුමැතිය තියෙන්න ඕන. මේක ආර්ට් එකක් විදිහට වේදනාව පුහුණු කිරීමේ සහ ඉන් ආස්වාදය ලැබීමේ සම්ප්‍රදායක්.
4. රංග රතිය Scene play
මේකට ඉංග්‍රීසියෙන් කියන්නෙ සීන්-ප්ලේ කියල. ඒ කියන්නෙ කින්කි රංගනයක් පවතින කාලය. මෙතනදි චරිත ආදිය ඒ අය විසින්ම නිර්මාණය කරගන්නවා. අදාල ෆෙටිෂ් එකතු කරගන්නවා. සාමාන්‍ය කෙනෙකුට නිකංම හුකප් එකක් වගේ පේන දෙයක් කින්කි මනසක් තියෙන කෙනෙකුට සැලසුම් කළ රංගයක් වෙන්න පුළුවන්. ඒ අය පිටපතකට අනුව තමන්ගේ ගැඹුරු අඳුරු ආශාවන් තෘප්තිමත් කරන කවුළුවක් නිර්මාණය කරගන්නවා.
5. ඩොමිනේෂන් සහ සබ්මිෂන් Domination Submission
සෙක්ස්වලදි ඩොමිනේෂන් කියන්නෙ තමන්ගේ ආධිපත්‍යය පැතිරීම. වදහිංසා කිරීම. අපහාස අපවාද කිරීම වගේ දේවල්. මේවා කායික හෝ මානසික වෙන්න පුළුවන්. ඒ වගේම සබ්මිෂන් කියන්නෙ ඒවා ලබාගන්නා පාර්ශ්වය. පහර කෑමට, අපහාස විඳීමට කැමැත්තෙන් බඳුන්වෙන පැත්ත. මේක අනන්‍යතාවය මත හැදෙන නිශ්චිත පාර්ශ්ව දෙකක් නෙමෙයි. ක්‍රියාව අනුව එකිනෙකා මේ භූමිකා මාරු කරගන්න පුළුවන්.
6. සේඩිසම්- මැසොකිසම් Sadism Masochism
සේඩිසම් කියන්නෙ අනෙකාට කායික හෝ මානසික වේදනාවක් දීමෙන් ලිංගික ආස්වාදයක් ලබන එකට. මැසොකිසම් කියන්නෙ ඒ වේදනාව විඳීමෙන් ලිංගික ආස්වාදයක් ලැබීමට. මේක ඩොමිනේෂන් සබ්මිෂන් එක්ක සමානයි වගේ පෙනුනත් හැමතිස්සෙම ඩොම් කෙනෙක් සේඩිස්ට් කෙනෙක් වීම හෝ සබ් කෙනෙක් මැසොකිස්ට් කෙනෙක් වීම අනිවාර්යයක් නෙමෙයි.
7. ස්වර්ණ ස්නානය Golden shower
මේකට පිස්-ප්ලේ කියලත් කියනවා. ඒ කියන්නෙ මුත්‍රා සමඟ රති ක්‍රීඩාවේ යෙදීම. අනෙකාගේ මුත්‍රාවලින් තමන්ගේ මුහුණ ශරීරය නහවා ගැනීමෙන් ආස්වාදය ලැබීමක් මෙතනදි වෙනවා. මේ ආස්වාද කලාපයෙන් බැහැර කෙනෙකුට මේක එක්ස්ටී්‍රම් විදිහට පේන්න ඉඩ තිබුනත් මෙතන සිද්ද වෙන අත්‍යන්ත බෙදාගැනීමකුත් තියෙනවා. සමාජ සම්මතය ඇතුලෙ පහත් කිළිටි ලෙස බැහැර කරන කිසිවක් අප්‍රිය නොකර උත්කර්ෂයෙන් බාරගැනීම ඇතුලෙ එකිනෙකා විඳින ශෘංගාරයක් මේ සම්බන්ධතාවය ඇතුලෙ තියෙනවා.
8. ආන්තික ක්‍රීඩා Edge play
මේකට කියන්නෙ එජ්ප්ලේ කියල. ගොඩක් වෙලාවට දරුණු කායික වේදනා ආදිය සමග කරන ශෘංගාර ක්‍රීඩා මේ ගනයට වැටෙනවා. පිහි, ඉඳිකටු පාවිච්චි කරමින් තරමක් දරාගත නොහැකි වේදනාවන් සමග ආස්වාදය ලබන වර්ගයේ කින්ක් මේ කොටසට අයිතිවෙනවා. ඒ වගේම ඉතාමත් අපහාසාත්මකයි අපචාරීයි වගේ බාහිරින් දකින චර්යාවනුත් මෙතනට අයිතියි. උදා විදිහට ස්වර්ණ ස්නානය වගේ දෙයක් වුනත් කෙනෙකුට එජ්ප්ලේ එකක් විදිහට දකින්න පුළුවන්.
9. RACK
මේ අකුරු හතරෙන් කියන්නෙ රිස්ක් අවෙයාර්නස් කන්සෙන්ෂුවල් කින්ක් කියන එක. ඒ කියන්නෙ කින්ක් එකක් කරන්න කලින් ඒ සම්බන්ධ හැමෝටම මුහුනදීමට සිද්ද වෙන අවදානම් ගැන හොඳ දැනුවත්භාවයකින් කින්ක් එක කරනවා කියන එකයි. මෙතනදි තමන් ගැන වගේම අනෙකා ගැනත් සිතීම වැදගත් වෙනවා. කින්ක් චර්යාවන්ගේ යෙදෙන අය මේක ආචාර ධර්මයක් වශයෙන් ආරක්ෂා කරනවා.
10. අපවාද ශෘංගාරය- Erotic Humiliation
කුණුහරුප, පහත් වචන පාවිච්චි කරමින් අනෙකාට අපහාස කිරීමත් ඒ අපහාස විඳීමත් මේ කින්ක් එකට අයිතියි. ඒ වගේම වෙන අය එක්ක සෙක්ස් කරන මෙන් බලකිරීම වගේ දේවලුත් ඉරොටික් හියුමිලියේෂන්වලම කොටසක් වෙන්න පුළුවන්. මෙතනදි අපවාද කරන්නා වගේම අපවාද විඳින්නාත් ඒකෙන් ආස්වාදයක් ලැබීම වැදගත්.
11. කකෝල්ඩින්ග් Cuckolding
මේක ගැන අපි කලින් ලිපියක වෙනම කතා කරලත් තියෙනවා. කකෝල්ඩින්ග් කියන්නෙත් ඉරොටික් හියුමිලියේෂන්වලටම අදාල කොටසක්. මුලදි මේ වචනෙ පාවිච්චි කළේ තමන්ගේ පෙම්වතිය හෝ බිරිඳ වෙන කෙනෙක් සමඟ යහන්ගත වෙන ආකාරය බලමින් සතුටුවෙන පිරිමින්ට. මේ පිරිමියාට කියනවා ‘කක්’ කියල. සහකාරිය හෝ පෙම්වතිය කකෝල්ඩ්‍රස් කියන නමිනුත් තෙවන පාර්ශ්වය ‘බුල්’ කියන නමිනුත් හඳුන්වනවා. ඒත් අද වෙද්දි මේක විෂම ලිංගික සම්බන්ධතාවලට සීමාවුනු දෙයක් නෙමෙයි. ලිංගභේදයක් නැතුව ඕනම කෙනෙකුට කකෝල්ඩින්ග් කරන්න පුළුවන්.
මෙතනදි අනෙක් පිරිමියා ‘බුල්’ සමග සංවාසයේ යෙදීමට අමතරව තමන්ගේ සහකරුවාගේ ශිෂ්නයේ ප්‍රමාණය ආදිය ගැන අපහාස කිරීමත් මේ ශෘංගාරයේ කොටසක්. ‘කක්’ එකම කාමරයේ සිටීම හෝ වෙනත් තැනක තමන්ගේ සහකාරිය තව කෙනෙක් හා යහන්ගත වන බව දැනසිටීම, නොඑසේ ඒ බව දුරකථනයකින් හෝ දැන්වීම මගින් මේ ශෘංගාරය ක්‍රියාවට නැගෙන්න පුළුවන්.
12. CBT
සාමාන්‍යයෙන් සීබීටී කිව්වම එකපාර මතක් වෙන්නෙ කොග්නිටිව් බිහේවියරල් තෙරපි කියන එක. ඒ කියන්නෙ හැඟීම්මය ආවේගයන් පාලනය කරගන්න දැනුවත්ව ඇති කරන චර්යාත්මක වෙනස්කම්වලට. ඒත් මෙතන කතා කරන්නෙ වෙන දෙයක් ගැන. කින්ක් වලදි සීබීටී කියන්නෙ කොක් ඇන්ඩ් බෝල් ටෝචර් කියන එක. මං හිතන්නෙ වචනෙන්ම අදහස තේරෙනවා. පිරිමියාගේ කැමැත්ත පරිදි එයාගෙ ශිෂ්නය සහ වෘෂන වේදනාවට ලක්කිරීමෙන් ආස්වාදයක් ලැබීම/ලබාදීම මේකට අයිති වෙනවා. සමහර විට වෘෂනවලට පහරදෙන්න, මිරිකන්න, පාගන්න ආදිය කරන්න පුළුවන්.
13. ෆුට් ෆෙටිෂ් Foot fetish
මේක නම් ඉතාම සාමාන්‍ය ෆෙටිෂ් එකක්. දැන හෝ නොදැන ගොඩක් අය රසවිඳින දෙයක්. ගැහැණියකගේ පාද පිළිබඳ ශෘංගාරය තමයි මේකට අයිති වෙන්නෙ. ඇගේ පාද ශුද්ධ වූ වස්තු ලෙසින් වන්දනාමාන කරනවා. ඒවා සිඹින්න, ඒවාට පෑගෙන්න ආශාවෙන් බලාඉන්නවා. ඒ පාද සුන්දර කරන හීල්ස්, ආලේපන ආදිය ෆුට් ෆෙටිෂ් තවත් මනෝරම්‍ය කරනවා. ගොඩක් වෙලාවට කෙල්ලන්ගෙ ෆේස්බුක් ඉන්බොක්ස් ෆුට් ෆෙටිෂ්කාමීන්ගේ ඇරයුම්වලින් පිරිලා යනවා.
14. ඉම්පැක්ට් ප්ලේ Impact play
තදින් පහරදීම් කරන ශෘංගාර ක්‍රීඩාවන් අයිති වෙන්නෙ ඉම්පැක්ට් ප්ලේ කියන වර්ගයට. ස්පෑන්ක් කිරීම නැත්නම් තට්ටම්වලට තදින් අතුල් පහරවල් දීම, කසය පාවිච්චි කිරීම ආදිය මෙතනදි ප්‍රධානයි. මේ වර්ගයේ කින්ක් වලදි සේෆ්වර්ඩ් එකක් පාවිච්චි කරනවා. පහර ලබන අයට වේදනාව දරන්න අමාරු නම් ඒ මුරපදය කීමෙන් රංගය අවසන් වෙනවා. මොකද මේක රති ක්‍රීඩාවක් මිස වධ හිංසනයක් නොවෙන හින්ද.
15. 24/7
මේක නම් පිස්සුවක්. මෙතනදි වෙන්නෙ කින්ක් එකක නිර්මාණය කරන බල හුවමාරුව හෝ චරිත පැය 24 පුරාම පවත්වාගෙන යන එකයි. ඔෆිස් වැඩ, අනිත් වැඩ අතරෙදිත් කින්ක් එක දිගටම පවතිනවා. ඒකට අවනත වෙන්න සිද්ද වෙනවා. නිශ්චිතව අවසන් කරන තෙක්ම දවස් ගානක් වුනත් මේ ශෘංගාරය පවත්වාගෙන යන්න පුළුවන්.
16. වයස් ක්‍රීඩාව Age play
ඒජ්-ප්ලේ කියන්නෙ ටිකක් අමතු චරිත හුවමාරුවක්. කෙනෙක් වයස්ගත විදිහටත් අනෙකා ළාබාල විදිහටත් චරිත ආරෝපණය කරගනිමින් ආස්වාදයක් ලබනවා. උදා විදිහට තාත්තා සහ දුව අතර හෝ අම්මා සහ පුතා අතර ආකාරයේ, සම්මතයෙන් අපචාරී විදිහට හඳුන්වන ලිංගික සම්බන්ධතා ෆැන්ටසි විදිහට මෙතනදි ක්‍රියාත්මක වෙන්න පුළුවන්.
17. රැහැන් බැඳුම් Rope Bondage
කඹයකින් තදින් ගැටගැසීමෙන් ආස්වාදය ලැබීමේ සහ ලබාදීමේ ක්‍රමයක් මේක. කෙනෙක් අනෙකාගේ අත් තදින් ගැටගැහනවා වෙන්න පුළුවන්. එහෙම නැත්තං ෂිබාරි කියන ජපන් කලාව අනුව ශරීරයම කඹයකින් වෙළමින් නොයෙක් ආකාරයෙන් එල්ලා තබමින් ලබාදෙන තියුණු ආස්වාදයක් වෙන්නත් පුළුවන්.
18. ෆිස්ටින්ග් Fisting
මේක තරමක් දරුණු ආකාරයේ සෙල්ලමක්. කෙනෙකුගේ අතක ඉදිරි කොටස සම්පූර්ණයෙන් යෝනියට හෝ ගුද මාර්ගයට ඇතුල් කිරීමෙන් ලබන ආස්වාදයක්. ඉතාම හොඳ පුහුණුවක් සහ විශාල ලූබ් ප්‍රමාණයක් පාවිච්චි කරන්න ඕන වැඩක්.
19. සුරතාන්ත පාලනය Orgasm Control
ඕගස්ම් කොන්ට්‍රෝල් කියන එකෙන් අදහස් කරන්නෙ අනෙකාගේ සුරතාන්තය ලැබීමේ අයිතිය උදුරා ගැනීමක්. ඒ කියන්නෙ සුරතාන්තය ලබන ආසන්නයටම ගෙනත් නැවත අත්හැර දැමීමේ රති ක්‍රීඩාවක්. මෙහෙම කරන එකට එජින්ග් කියල කියනවා. තමන්ට අවශ්‍ය වෙලාවට තමන්ට අවශ්‍ය පරිදි සුරතාන්තය ලබාදීමේ ආධිතපත්‍යය තමයි මෙතනදි ශෘංගාර නිමිත්ත වෙන්නෙ. අනෙකා සුරතාන්තය ඉල්ලා ආයාචනා කරමින් මේ පීඩාවේ ශෘංගාරය විඳිනවා.
මේක කින්ක් එකක් නෙමෙයි. නමුත් කින්ක්වලදි වැදගත්ම දෙයක්. හැම ක්‍රියාවකටම පස්සෙ අනෙකා එය විඳිනවද, ඉන් යම් අපහසුතාවයක් ඇතිවෙනවද වගේ කාරණා විමසා දැනගන්න එක වැදගත්. ඒක කින්ක් සම්බන්ධයකදි අනිත් කෙනා ගැන දක්වන ආදරය සැලකිල්ල ගැන කාරණයක්. සමාජ සම්මතයෙන් බැහැර මේ විචිත්‍ර ආශා ලෝකයේ තමන් සමග එන ගමන් සගයාට ගෞරව දැක්වීමක්. ඒ වගේම කින්ක් ඇක්ට් එකකට පස්සෙ ඒ ගැන කතාබහ කරමින් ආශා කරන නොකරන දේවල් ගැන වටහා ගැනීමක් ඇති කරගන්න එකත් වැදගත්.
ඉතිං කින්ක් විශ්වයේ කෙන්දක් තරමෙ සංචාරයක් අපිට ඔය විදිහට සලකුණු කරන්න පුළුවන්. ඒත් මේ කිසිම දේකින් කින්ක් කියන්නෙ මේකටයි කියල සීමා පැනවෙන්නෙ නෑ. ඒක අතිශයින්ම පුද්ගලික දෙයක්. තමන් කැමති අසම්මත ආශාවන්, කාටවත් හානියක් නොවන පරිදි, අන්‍යොන්‍යව තෘප්තිමත් කිරීමේ සහ තෘප්තිය බෙදාගැනීමේ කින්කි සම්බන්ධයක් කියන්නෙ,
ඕනම කෙනෙකුට ලොකු ආස්වාදයක්.
