Swingers Club කියන්නෙ මේ වෙබ්සයිට් එකේ නැගලම ගිය සීරීස් එක. ඒක ලියන්නෙ ඇත්තටම ස්වින්ගින් කල්චර් එකේ ඉන්න කෙනෙක්. අවාසනාවට ඒ ලියන්නා දේශපාලනයට ඇබ්බැහි වුනු හින්ද මේ දවස්වල ස්වින්ගර්ස් ක්ලබ් මග නැවතිලා. ලංකාවට ස්වින්ගින් සංස්කෘතිය හඳුන්වාදීමේ ඉතාම වැදගත් ලියවිල්ලක් ඒ කතා පෙළ.
මට නිතරම ස්වින්ගින් වලට කැමති අය කතා කරනවා. ඒ වගේ තවත් අය ඇසුරු කරන්න තියෙන අවකාශ ගැන අහනවා. ඒත් ස්වින්ගර්ස්ලා එහෙම ලේසියෙන් තවත් අය එකතු කරගන්න පිරිසක් නෙමෙයි. අපේ වගේ රටක ආරක්ෂාව ගැන ඒ ගොල්ලො ගොඩක් සැලකිලිමත්. ඒ නිසා මේ සමාන රසයක් විඳින අය මුනගැහෙන්න වෙන්නෙ ඕගනික් විදිහටමයි. තමන් කැමති දේ තමන් කරා ආශක්ත වෙනවා කියලා කතාවක් තියෙනවනෙ. ඒ නිසා වඩවඩා ස්වින්ගින් ලයිෆ් ස්ටයිල් එක ගැන උනන්දු වෙන්න. ඉබේටම සමාන වයිබ් එක තියෙන අය මුනගැහේවි.
මේ අතර කලම්බු ස්වින්ගර්ස් ක්ලබ් කියල එකක් හදිස්සියෙ දකින්න ලැබුනා. ඒක ප්‍රසිද්ධියේ ස්වින්ගර්ස්ලට ආරාධනා කරන ඔන්ලයින් ව්‍යාපාරයක්. ක්ලබ් එකට බැදෙන්න කියල කීප දෙනෙකුගෙන්ම මුදල් අරගෙනත් තිබුනා. ඊට පස්සෙ ෆෝන් කෝල් එකක්වත් ආන්සර් නොකර සැගවී පලායාමක් තමයි සල්ලි දීපු අය එක්ස්පීරියන්ස් කරලා තියෙන්නෙ.
මතක තියාගන්න. ස්වින්ගර්ස්ලා කිසි දවසක එහෙම මුදල් පරමාර්ථයෙන් මේ සංස්කෘතිය පවත්වාගෙන යන්නෙ නෑ. මුදල් අය කරනවා කියන්නෙම එතන තියෙන්නෙ වංචාවක්. ආරම්භක සාමාජික මුදල් අය කරලා, කපල්ස් මුනගස්සන්නම් කියල වෙනම මුදල් අරගෙන ස්වින්ගර්ස් ක්ලබ් කරගෙන යන්නෙ නෑ. අඩුම තරමෙ මං දන්න තරමින් ලංකාවෙ එහෙම තත්වයක් නෑ. ස්වින්ගර්ස්ලා නිතරම ඉන්නෙ මිතුරු සමාජයක. ඉතාම කිට්ටුවෙන් දන්න විශ්වාසවන්ත අය එක්ක.
ඒ හින්ද ආසාව තිබුණට බොරුවලට රැවටෙන්න එපා.
අපි මුල ඉඳන් පටන් ගමු. ස්වින්ගින්ග් කියන්නෙ මොකක්ද ඇත්තටම?
ස්වින්ගින් කියන්නෙ වැඩිහිටියන් දෙන්නෙකුගේ එකගතාවයෙන් පවත්වාගෙන යන සමාජමය ලිංගික පිළිවෙතක් කියන්න පුළුවන්. මේ දෙන්නා අතර සහකරුවන් හුවමාරු කරගැනීම හෝ විවිධ කණ්ඩායම් සමග ලිංගික සබඳතා ඇතිකර ගැනීම සිද්ද වෙනවා. නමුත් වැඩිපුරම මෙතනදි සිද්ද වෙන්නෙ දෙන්නා දෙන්නා වශයෙන් හුවමාරු කරගනිමින් ලිංගික සබඳතා ආස්වාද කිරීමක්. ඒක ලිංගික ඉරිසියාව මත පදනම් යුගලන විවාහය කණපිට ගහන ක්‍රමයක්.
ස්වින්ගර්ස්ලා ඒ දෙන්නා අතර ඇති ප්‍රධාන සම්බන්ධයට අමතරව වෙනත් අය සමග ලිංගිකව එක්වෙමින් දෙන්නාගේ බැඳීම තවත් වැඩි කරගන්නවා. බොහෝ විට ස්වින්ගර්ස්ලා කරන්නෙ තමන්ගේ සහකරුවාට හෝ සහකාරියට පෙනෙන, නැත්නම් එයත් සම්බන්ධ වන ආකාරයෙන් ලිංගික ක්‍රියාවල යෙදීමයි.
ස්වින්ගර්ස්ලා මේකට කියන්නෙ ‘ලයිෆ් ස්ටයිල්’ කියලයි. ඒ කියන්නෙ ස්වින්ගින්ග් එක්ක කින්ක්, බීඩීඑස්එම් වගේ චර්යාවනුත් සම්බන්ධ කරගනිමින් ඒ අයගෙ ලිංගික අනන්‍යතාවයක් සහ සබඳතා විලාසයක් නිර්මාණය කරගෙන තියෙනවා කියන එක.
මතක තියාගන්න ඕන. ස්වින්ගින් කියන්නෙ cheat කරනවට නෙමෙයි. ස්වින්ගින් පදනම් වෙලා තියෙන්නෙ කන්සෙන්ෂුවල් නොන්මොනොගමි (consensual non-monogamy) ඒ කියන්නෙ එකිනෙකාගේ අනුමැතිය සහිත බහු සේවනය කියන තැනින්. ස්වින්ගින්වලට සම්බන්ද සියලු පාර්ශ්ව සිදුවන සියල්ල ගැන දැනුවත් වෙන්නත් ඒක අනුමත කරන්නත් අවශ්‍යයි.
ගොඩක් ස්වින්ගර්ස්ලා හැමෝම එක්ක සෙක්ස් කරන්න විවෘත නෑ. ඒක එක වගේ හිතන පතන අය අතර ඒ අයගෙ සම්බන්ධතා තවත් තීව්ර කරගන්න නිර්මාණය කරගන්නා චර්යාවක් විදිහට තේරුම් ගන්න ඕන. ස්වින්ගර්ස්ලා කියන්නෙ commit වෙන්න නැත්තං සබඳතාවයකට කැපවෙන්න අසමත් අය කියලා කියන කතාව බොරුවක්. ඒ අයගෙ සම්බන්ධතා අවුල් හින්ද මේ වගේ දේවල් කරනවා කියල හිතන එකත් නොදන්නාකම නිසා එන අදහසක්. ඇත්තටම මේකෙ ප්‍රතිවිරෝධයයි ඇත්ත.
ස්වින්ගින් කියන එක ගැටුම් සහිත සම්බන්ධතාවයකට කොහෙත්ම සුදුසු එකක් නෙමෙයි. ඒකෙන් cheat කරන කෙනෙක් ඉන් වළක්වාගන්න හෝ සබඳතාවයක් අලුත්වැඩියා කරගන්න හැකියාවක් නෑ. ස්වින්ගින් ගැලපෙන්නෙ තමන්ගේ සබඳතාවය ඉතාම නිරෝගී සහ ස්ථාවර අයට විතරයි.
Swinging සහ Open relationships
ස්වින්ගින් කියන්නෙ විවෘත සම්බන්ධතා කියන එක නෙමෙයි. හැම ස්වින්ගර් කෙනෙක්ම කරන්නෙ ඕපන් රිලේෂන්ෂිප් එකක් වුනාට හැම ඕපන් රිලේෂන්ෂිප් එකක් කරන කෙනෙක්ම ස්වින්ගර් කෙනෙක් නෙමෙයි. ඕපන් රිලේෂන්ෂිප් වලදි සහකරුවා හෝ සහකාරිය අනෙකාගේ සහභාගීත්වයක් නැතිව වෙනත් අය සමග සබඳතා පවත්වනවා. ඒ වගේම බොහෝ අය ‘අහන්නත් එපා. කියන්නත් එපා’ වගේ එකගතාවයක් පවත්වාගන්නවා. ඒත් ස්වින්ගින් කරන අය මේ සිදුවීම්, කතන්දර, අත්දැකීම් සියල්ල අනෙකා එක්ක ෂෙයාර් කරගන්නවා. ස්වින්ගින් කරන අයට ඒක ආස්වාදයක්. සමහර අය බාහිර ලිංගික සහකරුවෙක් සම්බන්ද කරගන්න වි‍ශේෂ අවස්තා පනවාගෙන තියෙනවා. ඒ දෙන්නම එකග කාලයක හෝ අවස්ථාවක පමණක් ස්වින්ග් කරන්න තීරණය කරනවා.
ස්වින්ගින් කියන එක පොලියමරි (Polyamory) නැත්නම් බහුසබඳතා ක්‍රමයටත් වඩා වෙනස්. පොලියමරිවලදි රොමැන්ටික් බැඳීම් ඇතිවෙනවා. ඒත් ස්වින්ගින් තනිකරම ලිංගික ගනුදෙනුවක් විතරයි. එතනින් එහා ඉමෝෂනල් පැටලීම් නෑ.
මේ තුන් වර්ගයේම තියෙන සමානකම තමයි මේ තුනම කන්සෙන්ෂුවල් නොන්මොනොගමි සබඳතා වෙන එක. ඒ වගේම විශ්වාසය, හොඳ සන්නිවේදනය. අවංකත්වය වගේ කාරණා මත පදනම් වෙන එක.
ඔයාට ස්වින්ගින් හරියයිද?
මේ ප්‍රශ්න ගැන හිතලා බලන්න. ඒවා බහුතරයකට ඔයා ළග තියෙන්නෙ ‘ඔව්’ කියන උත්තරේ නම් ඔයාට ස්වින්ගින් ට්‍රයි කරලා බලන්න පුළුවන්.
- සහකරුවා හෝ සහකාරිය බාහිර කෙනෙක් සමග ලිංගික ආස්වාදයක් ලැබීම ගැන ඔයාට ෆැන්ටසියක් තියෙනවද?
- වෙනත් කෙනෙක් සමග ඔබේ සහකරුවා/සහකාරිය ලිංගිකව හැසිරීම ගැන අදහස ඔබව කුල්මත් කරනවද?
- අලුත් අත්දැකීම් සහ නව්‍යතාවයන්ට කැමති කෙනෙක්ද?
- ඕනෑම තත්වයකදී හොඳින් කතාබහ කළ හැකි සන්නිවේදනයක් ඔබ දෙදෙනා අතර තියෙනවද?
- ආදරය සහ සෙක්ස් වෙන් කර තබාගන්න සමත්ද?
- පෝර්න්වල ගෲප් සෙක්ස්, වයිෆ් ස්වොපින්ග්, වොයරිසම් (අනෙක් අයගේ සබඳතා නැරඹීම) ආදියට කැමතිද?
- ඔබ දෙදෙනා අතර හොඳ විශ්වාසයක් පවතිනවද?
- කලින් ගෲප් සෙක්ස් ආදී වෙනස් අත්දැකීම් ලබා තියෙනවද?
- විවෘත මනසක් ඇති සම්මතයෙන් පිටස්තර ඇඩ්වෙන්චර්ස් ලබන්න කන්ෆිඩන්ස් තියෙන කෙනෙක්ද?
ට්‍රයි කරන්න කලින් මේවා ගැන සැලකිලිමත් වෙන්න.
- ව්‍යවහාරය දැනගන්න.
ස්වින්ගින්වල පාවිච්චි වෙන වචන ගැන දැනගෙන ඉන්න එක වැදගත්. සාමාන්‍ය ස්වින්ගින් රටාව පාර්ට්නර්ස්ලා දෙන්නෙක් තව දෙන්නෙක් එක්ක මාරු වෙලා ලිංගික ආස්වාදයක් ලැබීමයි. එතනදි ඔයාට පුළුවන් ‘සොෆ්ට් ස්වොප්’ එකකට යන්න. ඒ කියන්නෙ ඕරල් සෙක්ස් වෙනකල් විතරක් යන්න අවසර තියෙන සබඳතාවයක්. ‘ෆුල් ස්වොප්’ කියන්නෙ ලිංගික සංසර්ගය දක්වාම යනවා කියන එක.
තනිකඩ කාන්තාවක් විෂම ලිංගික පෙම්වතුන් යුවළක් සමග සෙක්ස් කරන්න විවෘත නම් එයාට කියනවා ‘යුනිකෝර්න්’ කෙනෙක් කියල.
‘ක්ලෝස්ඩ් ඩෝර්’ කියල හඳුන්වන්නෙ ඔබේ සහකරුවාට හෝ සහකාරියට ඔබට නොපෙනෙන තැනක ලිංගිකව හැසිරීමටත් අවසර තියෙනවා කියන එක.
- අපේක්ෂාවන් නිවැරදිව දැනගන්න.
ඔබේ සහකරුවා/සහකාරිය සමග විස්තරාත්මකව කළ හැකි, කළ නොහැකි දේවල් කතා කර එකඟ වී තිබීම වැදගත්. දෙන්නා ගෲප් සෙක්ස්වලට යනවද? නැත්තං තව කපල් එකක් එක්ක විතරද? මොනවද ස්වින්ගින්වලින් බලාපොරොත්තු වෙන්නෙ? මේ දේවල් ගැන විවෘතව කතා කරලා තියාගන්න වෙනවා.
ඒ වගේම කිසිම වෙලාවක අනෙක් කෙනාව බලෙන් පොළඹවන්න යන්න එපා. ඔයා කැමති දේ කොහොම හරි කරවගන්න හදන්න එපා. ස්වින්ගින් ආස්වාදජනක වෙන්නෙ දෙන්නම කැමැත්තෙන් ආසාවෙන් ඒ දේ කරනවා නම් විතරයි.
- ආරක්ෂාව ගැන සැලකිලිමත් වෙන්න.
ස්වින්ගින්වලදි ලිංගිකව බෝවන රෝග සහ අනවශ්‍ය ගැබ් ගැනීම් වළක්වා ගන්න පරිස්සම් වෙන එක වැදගත්. කොන්ඩම් පාවිච්චිය අනිවාර්යයක් කරගන්න. -
චෙක්-ඉන් එකක් සැලසුම් කරන්න.
පළවෙනි වතාවෙ ස්වින්ග් කරාට පස්සෙ ඉමෝෂනල් පෙරලි ඇති වෙන්න පුළුවන්. බොහෝ විට ඒවා ආස්වාදජනක ඒවා වේවි. සමහර විට ඒත් එක්කම පසුතැවීම්, වරදකාරී හැගීම් වගේ ඒවා ඇතිවෙන්නත් පුළුවන්.
මේ නිසා වෙලාව අරගෙන ආපහු දෙන්නා අතර රි-කනෙක්ට් වෙන අවකාශයක් පවත්වාගන්න එක වැදගත්. එතනදි ඒ අත්දැකීම ගැන කතාබහ කරන්න. කැමති අකමැති දේ ගැන විවෘතව බෙදාගන්න. සම්බන්ධතාවයට පොසිටිව් ඉම්පැක්ට් එකක් දෙන්න මේ මො‍හොත වැදගත් වෙනවා.
- නෙට්වර්ක් එකකට සම්බන්ද වෙන්න
ක්ලබ් එකකට හෝ සමූහයකට එක්වීම ස්වින්ගින් අත්දැකීම්වලට ආරක්ෂිත වගේම සංස්කෘතිකවත් හොඳ කාරණයක්. ඒ මිතුරු සබඳතා ලස්සන ඒවා වේවි. හැබැයි ඒ සමූහයේ අය කොයි වගේ පිරිසක්ද, ඒ අය ස්වින්ගින් තුලින් හොයන්නෙ මොනවද කියල දැනගෙන ඉන්න එක වැදගත්. ගොඩක් රැවටිලිකාර වගේම මුදල් වෙනුවෙන් විවිධ අපචාර සිදුකරන සමූහයන් පවතින නිසා පරිස්සම් වෙන්න.
කොහොමද ස්වින්ගින්වලට ආසයි කියල පාට්නර්ට කියන්නෙ?
ඒක ටිකක් අමුතු හැගීමක් දෙන තත්වයක්. ලංකාව වගේ රටක සෑහෙන විප්ලවීය එලිදරව්වක්. මොනවා කිව්වත් මොනොගමි තමයි දැඩිව ස්ථාපනය වෙලා තියෙන ආකෘතිය. ඉතින් මුලදි මේක කිව්වම අපහසුවක් අමුත්තක් ඇතිවෙන්න පුළුවන්.
හොඳ කතාබහක් ඇති කරගන්න. දෙන්නම සැහැල්ලුවෙන් ඉන්න වෙලාවක් තෝරගන්න. මේ ලිංගික සංස්කෘතීන් ගැන අදහස් හුවමාරු කරගන්න. එතකොට ඔයාට දකින්න පුළුවන් අනිත් කෙනා ඒ ගැන හිතන්නෙ කොතනින්ද කියලා. විවෘතව තමන්ගේ කුතුහලය ගැන කියන්න. ඒ කැමැත්ත හංගන්නෙ නැතුව බාරගන්න. හැබැයි ඔයාගෙ පාට්නර් ඒක දකින විදිහ බාරගන්න ලෑස්ති වෙන්න. විනිශ්චය කරන්න යන්න එපා. පාට්නර් අකමැති නම් ඒ කතාව එහෙම්ම පසුකාලයකට අරන් තියන්න. කාලයත් එක්ක ගොඩක් දේවල් අනුවර්තනය වෙනවා.
මේ කියන්නෙ ඔයාට මේක කරන්නම ඕන කියල අනෙකාට කියනවා වගේ දෙයක් නෙමෙයි. අනෙකාගේ ඒ ගැන හැගීම් තේරුම්ගන්නවා කියන එකයි. ආදරෙන් ඒවාට ඇහුම්කන දෙන එකයි.
මේ විවෘත සංවාද කලාපය නිර්මාණය කරගත්තට පස්සෙ ඕනම දෙයක් ගැන විනිශ්චයන්ගෙන් තොරව දෙන්නෙකුට කතාබහ කරන්න පුළුවන් වෙනවා. දෙන්නටම ඒ ගැන ආකර්ශනයක් ඇතිවෙන කල් මේ කතාබහ කරගෙන යන්න.
අවසාන වශයෙන්.
ස්වින්ගින් කියන්නෙ ඉතාම ආස්වාදනීය, නැවුම් අත්දැකීම් ගේන ලිංගික ජීවන විලාසයක්. මේකෙන් ඔබත් ඔබේ සහකරුවා/සහකාරියත් අතර බැඳීම් ඉතාම දැඩි වෙනවා, සමීප වෙනවා. දෙන්නම එකම තැනක ඉන්නවා නම් මේ හැම රාත්‍රියක්ම දහඩියෙන් තෙත්වුනු සතුටෙන් උණුසුම් වුනු රාත්‍රීන් වෙනවා සිකුරුයි.
