Faculty of Sex

Tag: female

  • ගැහැනු සෙක්ස් ගැන විවෘත අඩු ඇයි?

    ගැහැනු සෙක්ස් ගැන විවෘත අඩු ඇයි?

    මම මොකක් හරි ආර්ට් එකක් අඳිද්දි හරි මොනා හරි දෙයක් ලියද්දි මං කැමතියි ඒක erotic පැත්තට බර වෙන්න කරන්න. ඒකෙ සෞන්දර්යය දන්නෙ creative කෙනෙක්ම තමයි. කොටින්ම කිව්වොත් මං R-rated නැති, සෙක්ස් නැති නිර්මාණයක් කියවන්න, බලන්න කැමතිත් නැති තරම්. ඒත් මම ගොඩක් වෙලාවට මගේ නිර්මාණ පෝස්ට් කරන්නෙ නෑ. ඒකට හේතුව එහෙම දෙයක් පළ කරාම පිරිමි පාර්ශවයෙන් එන requests සහ Messages තොගය. එතකොට මට හිතෙන්න ගන්නවා මේ මගේ ආර්ට් එක හරි ඒකෙ යම්කිසි හොඳක් හරි නිසාම ලැබෙන ප්‍රතිචාරද කියල. ඒ වගේම මෙහෙම ප්‍රතිචාර දක්වන බහුතරයක් පිරිමි පාර්ශවය erotic නිර්මාණයක් කරන්න තරම් ගැහැනියක් විවෘත නම් ඇය වෙනත් ඕනෑම දෙයකට විවෘතයි කියලා වරදවා වටහා ගන්නවා. සමහරු එය විවේචනයක් හා අපහාස කිරීමක් දක්වා ගෙන යනවා. මේක මේ මාතෘකාව ගැන නිතර ලියන කියන පිරිමි පුද්ගලයෙකුට පවා සිද්ධ වෙන දෙයක්. එහෙම කෙනෙකුට ‘බඩු කාරයෙක්’ ‘අසහන කාරයෙක්’ වගේ නම් පට බැඳෙන්න පුළුවන්. ගැහැනු කෙනෙක් සෙක්ස් ගැන ලියන කියනවා නම් එය හෙලා දකින පාර්ශවය ඇයට පට බැඳිය හැකි නම් ගැන අමුතුවෙන් කියන්නට අවශ්‍ය නෑ. ඒත් මේ සටහන ඒ පාර්ශවය ගැන නෙවෙයි. මේ කියන්න උත්සහ කරන්නෙ erotic නිර්මාණ කරන ඒ ගැන විවෘතව අදහස් පළ කරන ගැහැණියක්‌ උත්කර්ෂයට නගමින්, (ඒ නිර්මාණ ගුණාත්මක නැති අවස්ථා වලදී පවා) ඇයගේ පෞද්ගලිකත්වයට බාධා කරමින් වෙනත් අරමුණු ඉටු කර ගන්නට උත්සහ කරන පාර්ශවය ගැන.

    දෙදෙනෙකු කැමැත්තෙන් කරන පෞද්ගලික සංවාද හා සබඳතා ගැන කතා කරන්න මට අයිතියක් නෑ. නමුත් කාන්තාවක් සෙක්ස් ගැන යමක් විවෘතව කතා කළ පමණින් ඇයට massages යවමින්, ඒවාට පිළිතුරු නැති විට “පෙන්නන තරම් විවෘත නෑ”, “ලියන ඒවයේ හැටියට කිසි ගැම්මක් නෑනෙ.” කියමින් අපහාස කරමින් හා විවේචනයට ලක් කරමින් සමහරෙකු හැසිරෙන අවස්ථා ගැන ගොඩක් කාන්තාවන්ට අත්දැකීම් ඇති.

    සෙක්ස් ගැන ලියන කාන්තාවකට එසේ ලියන පමණින් ඔබ හා විවෘත වෙන්න අවශ්‍යද? (ඔබ හා පෙර සිටම මිත්‍රත්වයක් තිබෙන තත්වයකදී වුණත්.) ඇයට ඔබ කරන කියන ඕනෑම දේකට එකඟ වෙන්න ගැම්මක් තිබිය යුතුද? උදාහරණයක් විදිහට ඇය ඇයගේ ෆැන්ටසියක් ගැන ලියනවා කියමු. ඇය සැබෑ ජීවිතයේදීත් ඒ ෆැන්ටසිය ක්‍රියාත්මක කිරීමට නොබිය විය යුතුද? එය ඇය සිතින් නිර්මාණය කරන හුදු ෆැන්ටසියක්ම පමණක් විය නොහැකිද? එය ක්‍රියාත්මක කිරීම අවශ්‍යමද? ෆැන්ටසියක් කියන අදහසම ඔබ වැරදියට වටහාගෙන නෙවේද? ක්‍රියාවට නංවන්නට ගියොත් තම ෆැන්ටසිය විනාශ වීමක් වෙයි හරි අප්‍රසන්න වෙයි හරි කෙනෙක්ට හිතෙන්න පුළුවන් නේද? කෙනෙකුට තමන්ගේ ෆැන්ටසි සිතේ මැවෙද්දි හරි porn video එකක බලද්දි හරි පමණක් රසවත් වෙන්න පුළුවන් නේද? ගොඩක් කාන්තාවන්ට ඔවුන්ගේ ෆැන්ටසි ඒ වගේ. මේ අතරේ සියළු දේ අත් හදා බලමින් අත්විඳින්න ආශා කරන කාන්තාවන් කොටසක්ද ඉන්නවා. (ආශාවන් යටපත් කර ගැනීම උරුම වෙච්ච කාන්තාවන්ට ලිංගික නිදහසේ උපරිමය භුක්ති විඳීමට හැකි විය යුතුයි.) මේ සටහන හැබැයි ඔවුන් ගැන නෙවෙයි.

    උදාහරණයකින් පැහැදිලි කරනවා නම්, හැම කාන්තාවක්ම මද වශයෙන් හරි සමලිංගිකයි එහෙම නැත්තන් හැම කාන්තාවක්ම මුළුමනින්ම විරුද්ධ ලිංගික නෙවේ ද්වී ලිංගිකයි කියල කියන තර්කයක් තියෙනවා. හැබැයි මේ උපකල්පනය සංකීර්ණ කරන සාධක කීපයක් සැලකිල්ලට නොගෙනයි ඉහත අධ්‍යයනය කරලා තියෙන්නෙ. එකක් තමයි කාන්තාවකගේ ලිංගික අවයව කරන දේයි ඇගේ මානසික, ආත්මීය මට්ටමේ උද්දීපනයයි අතර ගැලපීම 10%ක්‌ අවස්ථා වලදි පමණක් පවතින එක. අනික් අවස්ථා වලදි කාන්තාවන්ගෙ උද්දීපනයේ නොගැලපීමක් (Arousal nonconcordance) ප්‍රදර්ශනය වෙනවා. ඒත් පිරිමින්ගෙ ලිංගික අවයවයි ඔවුන්ගේ ආත්මීය උද්දීපනයයි, ඒ කියන්නෙ මොළයේ ක්‍රියාකාරීත්වයයි අතර ගැළපීම 50% ක්‌. ඒ නිසා ඔහුට ලිංගිකව ආකර්ශනීය යැයි පෙනෙන දෙයක් නිසා ශිෂ්නය ඍජු වීම 50% ක් අවස්ථා වලදී වෙනවා. ඒත් කාන්තාවන්ගෙ 90% ක්ම ඇගේ ශරීරය හා මොළය සම්පූර්ණයෙන්ම වෙනස් තරංග ආයාමයක පවතින්නෙ. වෙනත් වචන වලින් කිව්වොත්, කාන්තාවකගේ ලිංගික අවයව ලිංගිකව අදාළ යැයි සලකන ඕනෙම උත්තේජකයකට ප්‍රතිචාර දක්වනවා. (චිම්පන්සියන් ලිංගිකව හැසිරෙන අයුරු දැකීමෙන් පවා), ඒත් එයින් අදහස් කරන්නේ කාන්තාවන්ට අනිවාර්යයෙන්ම තමන් දකින උත්තේජක ලිංගිකව ආකර්ශනීය බව හරි රහසිගතව ඒවා අත්හදා බලමින් ක්‍රියා කරන්න අවශ්‍ය බව හරි නෙවේ.

    මේ උද්දීපන නොගැලපීම (Arousal nonconcordance) කාන්තාවන්ට ව්‍යාග්‍රා නිර්දේශ කිරීම වැඩ නොකරන්න එක හේතුවක්‌. ව්‍යාග්‍රා පිරිමි සහ ගැහැනු යන දෙපාර්ශවයේම ලිංගික අවයව වලට රුධිර ප්‍රවාහය වැඩි කරනවා. ඒත් කාන්තාවන්ගේ ලිංගික අවයව වලට සාපේක්ෂව මොළයේ සැබවින්ම උද්දීපනයක් එහිදි සිදු වෙන්නෙ නෑ. මානසික උද්දීපනය කාන්තාවන්ට ඇදහිය නොහැකි තරම් වැදගත් දෙයක්. එය සරලව lubricants වලින් කරන්න පුළුවන් දෙයක් නෙවේ.

    කාන්තාවන් rape scene එකක් animal sex scene එකක් දැකීමෙන් වුණත් ශාරීරිකව උත්තේජනය වෙන්න පුළුවන්. ඒත් එහි අදහස ඇය ඊට කැමැත්තක් දක්වන බව හෝ එය අත්විඳීමට ආශා බව නෙවේ. ඇය අකැමැත්තෙන්ම ඇගේ ලිංගික අවයව එයට ප්‍රතිචාර දැක්විය හැකියි. අනෙක් කරුණ තමයි ගැහැණු ශරීරය ලිංගිකව උත්කර්ෂයට නංවා ඇති සංස්කෘතියක කාන්තාවක් තවත් රූමත් ශරීරයක් හිමි කාන්තාවක් හැම්බර්ගර් එකක් පාව්ච්චි කරමින් ලිංගික ක්‍රියාවලියේ යෙදෙනවා දැකීමෙන් උත්තේජනය වීම සාමාන්‍යයි. ඒත් එයින් කියවෙන්නෙ ඇය තවත් කාන්තාවක් සමග හරි හැම්බර්ගර් එකක් එක්ක හරි ලිංගිකව හැසිරීමට කැමති බව නෙවේ. ලිංගික ආශාව, උද්දීපනය සහ අනන්‍යතාවය කියන සියල්ලම කාන්තාවන් සම්බන්ධයෙන් ගත්තම නිතර එකිනෙකා සමඟ ගැටෙන සංකීර්ණ බලවේග. මේ අනුව හැම කාන්තාවක්ම අඩු වැඩි වශයෙන් ද්වී ලිංගික නැඹුරුතා දක්වනවා යන තර්කයේ ගැටළු සහගත බවක් මතු වෙනවා. කොහොමත් ලිංගිකත්වය කියන්නෙ හැමදාමත් අධ්‍යයන මට්ටමේ පවතින ඉතා සංකීර්ණ විෂයක්. එයිනුත් ගැහැණු ලිංගික ආශාවන් සම්බන්ධයෙන් ගත්තම අපට ඇසට පෙනෙනවාට වඩා නොපෙනෙන බොහෝ දේ තියෙනවා.

    ඔබ ඇතැම් කාන්තාවො සෙක්ස් සම්බන්ධ විවෘත පිරිමින්ව අසහනය යයි කියමින් උපහාසයට ලක් කරන අයුරු දැක ඇතුවාට සැක නැහැ. පුරුෂ ලිංගික උද්දීපනයේ ස්වභාවය ගැන දැනුමක් නොමැති කම ඊට හේතුව වෙන්න පුළුවන්. ඒ වගේම ගැහැණු ලිංගික උද්දීපනයේ සංකීර්ණ භාවය ගැන මැසිවිලි නගන පිරිමිත් ඔබ දැක ඇති. මේ දැනුම ලබා ගන්න හොඳම විධි නම් දෙදෙනා අතර එකිනෙකා ගැන සංවේදී, හොඳ සන්නිවේදනයක් පවත්වා ගැනීමත් අත්දැකීම් තුළින් ඉගෙන ගැනීමත් කියන දේවල්. ඒත් විද්‍යාත්මක කරුණු දැන සිටීම අඟහරු හා සිකුරු ජීවීන්ට සමාන පිරිමියා හා ගැහැණිය අතර සබඳතා වලදි වැදගත් වෙන්න පුළුවන්.

    ඉහත උදාහරණය වගේ උපකල්පන මත රඳා පවතිමින් සෙක්ස් ගැන විවෘතව කතා කරන ගැහැනියක් කාන්තා ලිංගික නිදහස හා විවෘත භාවය නාමයෙන් දේශනා දෙමින් අපහසුතාවයට පත් කරන එක අනුමත කරන්න බැරි දෙයක්. එය එවන් ගැහැනියක් හෙලා දකිමින් අපහාස කරනවා වගේම වැරදි ක්‍රියාවක්. අපි නිදහස පිළිගන්න ගරු කරන, ඒ වචනයේ තේරුම දන්න මිනිසුන් නම් ගැහැනියක් හෝ වේවා හෝ පිරිමියෙක් වේවා ඕනෑම ආකාරයක බලහත්කාරයක් අශිෂ්ටයි. ඕනෑම පුද්ගලයෙක්ට තමන්ගේ terms වලට අනුව නිදහසේ විකසිත වෙන්න දිය යුතුයි. ගැහැනියකගේ ලිංගික ආශාවන් හා කැමැත්තත් ඒ වගේ. බලපෑම් වෙන තැන ඇය හැඟීම් දැනීම් හකුළා ගෙන කිසි දාක විවෘත නොවී සිටින්න පුළුවන්. සෙක්ස් ගැන කතා කරන්න උනන්දු කාන්තාවොත් මේ තත්වය නිසා විවෘත අවකාශයේ ඒ ගැන කතා කරන්න මැළි වේවි. ලංකාව වගේ රටක කාන්තා ලිංගිකත්වය, ආශාව, සුරතාන්තය, ලිංගික නිදහස ගැන අපේ දැනුමට හැමදාම මග ඇහිරිලා තියේවි. විවෘත නෑ කියමින් බලපෑම් කරනවා වෙනුවට ඇයටම විකසිත වෙන්න ඉඩ හරිමින් දිරියක් වෙන්න පිරිමි පාර්ශවයට පුළුවන්. සමාජ මාධ්‍ය අවකාශයේ පමණක් නෙවේ හොඳ සන්නිවේදනයක් එක්ක පෞද්ගලික සබඳතා වලදිත් ඒක උදව්වක් වේවි.

    නැතිනම් ගැහැනු ලිංගිකව විවෘත අඩු ඇයි යන ප්‍රශ්නෙ අපිට හැමදාම අහන්නට වේවි.

  • Take it out, Flaunt it! – Lovehoney

    Take it out, Flaunt it! – Lovehoney

    Have you recently taken out that favourite sex toy of yours, discreetly hidden under your pile of clothes? That piece of bliss that you secretly cherish in the confines of your bedroom? A sex toy is a possession which is considered almost illicit to have, yet we all yearn for the intense bliss a sex toy adds to our routine sexual experience, both when alone and with a partner. A sex toy in your possession is not a crime, rather a gift that helps you gain sexual liberation. A possession to be a proud owner of, a possession that gives you blissful control of your own pleasure, a possession that enhances and intensifies your beautiful relationship with yourself and with your lover and a possession that breaks all stigma around sex. It is no longer meant to be hidden in secret drawers but rather one to flaunt with confidence.

    Though the use of sex toys shows considerable increase in Sri Lanka, it is still treated with a great deal of discretion. Yet the doors of sexual pleasure and liberation these sex toys could open are immense. Those sexual fantasies we erotically weave in our heads are brought to life by these sex toys. Why scorn them when all what they do is tap on our deepest parts of pleasure?

    Porn is where sex toys first made its presence conspicuous. It portrayed how sex toys trigger shuddering and mind-blowing multiple orgasms in both men and women. Yet the mere use of sex toys in porn appeared both confining and almost unattainable to those outside of the fictitious world of porn. An attempt to take it outside of the context of pornography was seen then in 1998 in the TV series Sex and the City, when Charlotte’s obsession with her sex toy is enticingly portrayed. This marks the entry of sex toys into popular culture. It gradually started to ease out of its pornographic context and seep into other forms of media, which was not perceived as exclusively adult content. Fifty Shades of Grey then takes it into a whole new level. The pleasure coined with pain with the use of sex toys reimagines new bounds of eroticism and for some extent normalizing such sex plays.

    Despite these depictions of pleasure through sex toys in popular art forms, sex toys as an industry hadn’t entirely taken its course. Sex toys as an industry was still perceived with illicit and discreet implications. Buy it secretively, from a dubious cite and hide it under piles of clothes. Some sex toys appeared in unusual designs leaving the user utterly confused about its purpose, since instruction manuals weren’t openly shared. It was dodgy in every sense of the term.

    It is in such a context that two individuals – Richard Longhurst a former editor of a magazine and Neal Slateford a former music producer – procure the idea of launching an online retail shop for adult content such as sex toys and lingerie. The idea dawned on then when they watched an erotica show in London. Inspired by the play of erotic they invested £9000, which is every penny they had in their possession, and launched their online adult store purchasing £1500 worth adult content. Their very first office space was Richard’s small bedroom. This marked a crucial step in trying to eradicate the discretion and the stigma surrounding the use of sex toys.

    Yet this attempt to normalize the use sex toys was no easy task. Richard and Neal have claimed that the process was quite a daunting one even for them. They explained how oblivious they were about the purpose and the function of the products that appeared before them. At times even shocked by what they saw. They stated that they too took time to absorb and comprehend the nature of adult contents and that the acceptance was a gradual process. It is then that they realized that sex toys were no different from other products out there.

    That is how Lovehoney, UK’s biggest online adult retailer, currently a £850 million worth company was launched in 2002. This was how the male-centric pleasure play was shattered by a brand and eventually made sexual pleasure accessible and plausible for everyone and no longer in the confines of porn.

    At the point of the launch of Lovehoney, there had been no such retailer to purchase sex toys through confidential and reliable means, hence Lovehoney can be considered to be a trailblazer in the online adult retailer industry. The normalization of the sex toys began through their very marketing strategy. They photographed the products with an artistic touch and presented it to the user with a comprehensive user manual. It was no longer perceived with its initial discretion. The result was being able to sell 1000 sex toys a month and make a profit of £37,000 in its very first year of launch.

    In 2011 Lovehoney is rebranded with the tagline “The sexual happiness people”, with a broader vision “to become the world’s leading sexual happiness brand, synonymous with a healthy, happy sex life”. This can be perceived as a daring act by a company to crush the pretentious notions of cultural morality that hindered the open discourse on sex toys. Sex toys were no longer considered as illicit but rather as facilitators of unimaginable sexual pleasure. Lovehoney plays a pioneering role in redefining sexual pleasure with sex toys, not only can it be intensely pleasurable but it was both safe and healthy too.

    The recognition of this pioneering attempt by Lovehoney was apparent when they were awarded for their conceptualization by Queen Elizabeth herself. Lovehoney is the UK’s biggest online adult retailer with 8 other websites globally including France, Germany, Spain, EU, US, Canada, Australia, and New Zealand. Its 300 strong team is based across the UK, USA and Australia and serves its 2.2m global customer base. Lovehoney is celebrated for the innovative inclusivity as an enhancer of the sexual experience, providing the safest and the most confidential customer care for their wide variety of online sex toys and lingerie.

    A turning point for Lovehoney in 2012 when Lovehoney secures exclusive world rights outside America to design, manufacture and sell adult pleasure products based on the Fifty Shades of Grey trilogy. This allowed Lovehoney to expand its notions of sexual pleasure.

    Lovehoney’s sources for inspiration is quite an interesting one. When founders were questioned about this in an interview they stated that they attend lots of trade shows to keep up with what’s going on in the adult market and holds a “Design a Sex Toy competition” every year to find out what customers want. The winners get the chance to have their toys made and distributed through Lovehoney.

    There has been a surge in the sales of Lovehoney products, especially during the times of Covid. When people were compelled to be confined and isolated, the void they experienced were mainly compensated through food, alcohol and sex toys, as sales statistics indicate. Until the year 2021, Lovehoney had displayed a significant increase in international sales and this contribution was once again recognized and awarded the Queen.

    Another striking feature of Lovehoney is, in addition to customer satisfaction, the company’s growth also relies largely on employee satisfaction. The employees are given considerable decision making power and are also permitted to get any of their products free of charge. The founders believe that if they seek to sell happiness and pleasure to the world, they should first ensure that their employees experience this happiness.

    Lovehoney products are now available in Sri Lanka. For all those who yearn to indulge in a pleasurable sexual journey.

  • රතිකෙළ‍ියේ සොඳුරු කැරැල්ල – Lovehoney

    රතිකෙළ‍ියේ සොඳුරු කැරැල්ල – Lovehoney

    මාස්ටර්බේට් කරන එක නැත්තං ස්වයං වින්දනයේ යෙදීම පිරිමි වැඩක් විදිහට තමයි සමාජෙ බහුතරයක් අතර රෙජිස්ටර් වෙලා තියෙන්නෙ. ඒක කොල්ලන්ගෙ අවශ්‍යතාවයක්. ස්වයං වින්දනයේ යෙදීම කාන්තාවකට සුදුසු නෑ කියල ගොඩක් කාන්තාවන් තමන්වම සීමා කරගන්නවා. ඒක හින්දම කාන්තාවන් ස්වයං වින්දනයේ යෙදීමම එක විදිහකට යම් නිදහසක් අත්පත් කරගැනීමක්. ඒකෙන් ස්වයංවින්දනය පිරිමි අවශ්‍යතාවයක් කියන තැනින් ගලවලා අරගෙන ගැහැණු ස්වාධීනත්වයක් කියන තැන පිහිටුවනවා. මෙතනදි සෙක්ස් ටෝයිස් ලොකු කාර්යභාරයක් ඉටුකරනවා.

    සෙක්ස්ටෝයි එකක් කියන්නෙ හැම වැඩිහිටියෙක් විසින්ම අත්පත් කරගත යුතු, ළඟ තබාගත යුතු දෙයක්. ඒකෙන් ලිංගික ජීවිතයේ කැපී පෙනෙන වර්ධනයක් අත්පත් කරගන්න පුළුවන්. තමන්ගේ ශරීරය පිළිබඳ ආත්ම විශ්වාසය වඩවන්නත්, ලිංගිකත්වයේදි ස්වාධීනත්වය වර්ධනය කරන්නත් සෙක්ස් ටෝයිස් උදව් වෙනවා. ඒ වගේම සම්බන්ධතා ඇතුලෙදි සහකරුවා/සහකාරිය අතර බැඳීම් රසවත් කරනවා. ලිංගික ක්‍රියාව සැහැල්ලු සොඳුරු ක්‍රීඩාවක් බවට පත් කරනවා. වැදගත්ම දේ තමයි සෙක්ස් ටෝයිස් ඉතාම විද්‍යාත්මකව තෘප්තිය වැඩිකිරීම සඳහාම නිපදවලා තියෙන එක. ඒ නිසා අනිවාර්යෙන්ම ඉක්මනින් ඉහළම සුරතාන්තයන් කරා ළඟා වෙන්න මේ සෙල්ලම් බඩු අපිට උදව් වෙනවා. අපි හැමෝගෙම විවිධ ලිංගික දුර්වලතා තියෙනවා. ඒවා ඉක්මවා සතුට අත්පත් කරගන්න සෙක්ස් ටෝයිස් ලොකු පිටුවහලක්. විශේෂයෙන් ප්‍රාණවත්වීමේ සහ දිගු වේලාවක් සංසර්ගයේ යෙදීමේ අපහසුතා ඇති අයට මේ රති මෙවලම්වලින් විස්කම් පාන්න පුළුවන්.

    සෙක්ස්ටෝයිස් කියන දේ මුලින් තිබුනෙ පෝර්න් ඉන්ඩස්ට්‍රි එකට කොටුවුනු තැනක. 98දි Sex and the City වැඩසටහන් මාලාවෙ කුප්‍රකට චාර්ලට් තමන්ගෙ සෙක්ස් ටෝයි එකක් වුනු හාවාට ඇඩික්ට් වුනු කතාවෙ ඉඳන් මේක ජනප්‍රිය සංස්කෘතිය ඇතුලට පොලාපැන්නා. ඇත්තටම මේ අනුරාගයේ රස රහස සාමාන්‍ය සමාජයට අරගෙන ඒමෙදි Sex and the City වගේම Fifty Shades of Grey කතා පෙල විශාල වැඩකොටසක් කරනවා.

    98දි සෙක්ස් ඇන්ඩ් ද සිටි විසින් අලුත් කවුළුවක් විවෘත කළත් ඒ අවශ්‍යතාවය පිරිමහන්න වෙළඳපොල දියුණු වෙලා තිබුනෙ නෑ. සෙක්ස්ටෝයිස් ඒ වෙද්දිත් තිබුනෙ හරිම ඩොජි විදිහකට. ඒ කියන්නෙ රහස්‍ය මට්ටමක. ඒවා කවුරුන් විසින් මොනවා පිනිස පාවිච්චි කරනවද කියන දැනුවත් බව පවා ඇතිවෙලා තිබුනෙ නෑ. මෙන්න මේ කාලෙදි තමයි රිචර්ඩ් ලොන්ග්හර්ස්ට් කියන මැගසින් කතුවරයා සහ නීල් ස්ලේට්ෆෝර්ඩ් කියන මියුසිෂන් එකතු වෙලා සෙක්ස්ටෝයිස් වලට ඔන්ලයින් ෂොප් එකක් දාන්න කල්පනා කරන්නෙ. මේ අදහස මේ දෙන්නට එන්නෙ ලන්ඩන්වල ඉරොටිකා ෂෝ එකක් බැලුවට පස්සෙ. අතේ තියෙන ඔක්කොම හූරලා පවුම් 9000ක් එකතු කරගෙන ඒ ගොල්ලො ඔන්ලයින් ෂොප් එක දානවා. පවුම් 1500ක් වටින බඩු තොගයක් මුලින් ගෙන්න ගන්නවා. ව්‍යාපාරික ස්ථානය වෙන්නෙ රිචර්ඩ්ගේ නිදන කාමරය.

    වැඩේ පටන් ගත්තට දෙන්නටම වැඩේ ගැන කිසිම අවබෝධයක් නෑ. කොටින්ම ‘අපි මේ මොන මඟුලක්ද කරන්න යන්නෙ’ කියල දෙන්නටම හිතෙනවා. බඩු පෙට්ටි ඇවිත් ඒවා විවෘත කරද්දි ඒ ගොල්ලොම බයවෙනවා.

    ‘අපිත් ටික ටික තමයි අපි විකුණන ප්‍රොඩක්ට් එක බාරගන්න පුරුදු වුනේ. ඒකෙ ෂොක් එක නැතිවෙලා යන්න අපිටත් කාලයක් ගතවුනා. ඒත් ඇත්තටම සෙක්ස්ටෝයිස් කියන්නෙත් අනිත් හැමදෙයක්ම වගේ තවත් නිෂ්පාදනයක් විතරයි’

    2002 දි ස්ටාර්ට්අප් එකක් විදිහට ‘Lovehoney’ පටන් ගන්නෙ එහෙමයි. මේ වෙද්දි ඒක පවුම් මිලියන 850ක ව්‍යාපාරයක්.මේ දෙන්නා වැඩ පටන්ගන්න කොට සෙක්ස් සම්බන්ධ කිසිම නිෂ්පාදනයක් විශ්වාසෙන් ගන්න තැනක් නෑ. ඒ ප්‍රොඩක්ට්ස් තිබුනත් ඒවා පාවිච්චි කරන විදිහක්, උවමනාවක් ගැන කවුරුවත් හරියට දන්නෙ නෑ. මේ දෙන්නා මුලින්ම කරන්නෙ හැම ප්‍රොඩක්ට් එකක්ම ලස්සන ෆොටෝග්‍රාෆ් කරන එක. ඊට පස්සෙ තමන්ගේ ලේඛන හැකියාව පාවිච්චි කරලා ඒ නිෂ්පාදන එකින්‍එක විස්තරාත්මකව පාරිභෝගිකයාට හඳුන්වලා දෙනවා.

    පළවෙනි අවුරුද්දෙම මාසෙකට ටෝයිස් 1000ක් අලෙවි කරන්න මේ දෙන්නට පුළුවන් වෙනවා. ඒ අවුරුද්දෙ ආදායම පවුම් 37000ක් වෙනවා.

    ලව්හනී ඉදිරිපත් වෙන්නෙ පෝර්න්වල කොටසක් වෙලා තිබුනු සෙක්ස්ටෝයිස් එදිනෙදා ලිංගික ජීවිතයේදී හැමෝටම හිතකර ආස්වාදනීය දෙයක් බවට පත්කරන්න.

    2011දි ඒ ගොල්ලො සෙක්ෂුවල් හැපිනස් පීපල් කියල තමන්ව හඳුන්වාගන්නවා. ලිංගිකව තෘප්තිමත් මිනිස්සු වෙනුවෙන් පෙනී සිටින නිෂ්පාදනයක් විදිහට ඉස්සරහට එනවා. බොරු සදාචාරයෙන් ‍වහගෙන ඉන්න ලිංගික සංස්කෘතිය ඇතුලෙ සෙක්ස්ටෝයිස් කියන්නෙ විවෘතබව සහ බාරගැනීම වෙනුවෙන් ගහන කැරැල්ලක්. බරපතල, වරදකාරී දෙයක් විදිහට සෙක්ස් මත පනවා තිබුනු බර සැහැල්ලු කරමින් ඒක සොඳුරු ක්‍රීඩාවක් බවට පෙරලන එළඹුමක්.

    2016දි මේ ව්‍යාපාරය වෙනුවෙන් ලව්හනී දෙපොල රැජිණගෙන් සම්මාන ලබනවා. බකිංහැම් උද්‍යාන සාදයෙදි රැජිණ සහ ඩියුක් එඩින්බරෝ මුනගැහෙන්නත් අවස්ථාව ලැබෙනවා. මේ වෙද්දි ලව්හනී කියන්නෙ ලෝකෙ විශාලතම ඔන්ලයින් සෙක්ස්ෂොප් එක. සෙක්ස්ටෝයිස් සහ අනුරාගී ඇඳුම් ආයිත්තම් තමයි ඒ අයගෙ බිස්නස් එක. බ්‍රිතාන්‍ය වගේම ඔස්ට්‍රේලියාව, ප්‍රංශය, ජර්මනිය, ස්පාඤ්ඤය, යුරෝපා සංගමය, කැනඩාව, නවසීලන්තය ආදී රටවල් ගණනාවක මේ රති අරගලය ක්‍රියාත්මක වෙනවා.මිලියන 2.2ක පාරිභෝගික පිරිසක් සහ 300ක කාර්යමණ්ඩලයක් ආදර මීවිත වටේ රැස්වෙනවා.

    ෆිෆ්ටිෂේඩ්ස් ‍ඔෆ් ග්‍රේ කතා මාලාව වෙනුවෙන් සෙක්ස්ටෝයිස් නිෂ්පාදනය කිරීමේ අයිතිය ලබාගැනීමත් එක්ක ලව්හනී තමන්ගේ විප්ලවයේ දැවැන්තම අදියරට එළඹෙනවා. ඒ අනුර‍ාගී කතිකාවට අවශ්‍ය මෙවලම් ඒ අය අතින් නිපදවෙනවා.

    පාරිභෝගිකයන්ට අලුතෙන්ම අවශ්‍ය ශෘංගාර මෙවලම මොකක්ද කියල තේරුම් ගන්නෙ කොහොමද? රිචර්ඩ් සහ නීල්ගෙන් සඟරාවක් ප්‍රශ්න කරලා තිබුන.

    ‘අපි ලෝකෙ වටේම තියෙන ඉරොටික් නිෂ්පාදන සංදර්ශන බලන්න අනිවාර්යෙන්ම යනවා. ඒ ඇසුරෙන් අපිට ශෘංගාරය ගමන් කරමින් තිබෙන යම් යම් දිශානතීන් හිතාගන්න පුළුවන්. ඒ වගේම හැම අවුරුද්දකම අපි ලව්හනී නිමැවුම් තරගයක් පවත්වනවා. ඕනම කෙනෙකුට තමන්ගේ අලුත් ශෘංගාර මෙවලමක් ගැන සංකල්පයක් ඒකට ඉදිරිපත් කරන්න පුළුවන්. ඒකෙන් තෝරගන්න හොඳම නිමැවුම් අපි නිෂ්පාදනය කරනවා’

    කොවිඩ් කියන්නෙ හැමෝගෙම ලිංගික ජීවිතය සංකෝචනය වුනු කාලයක්. සබඳතාවලින් මිනිස්සු දුරස් වුනා. එකිනෙකා අතර පරතරයක් තියාගන්න සිද්ද වුනා. මේ කාලෙදි කෑමබීම, ඇල්කොහොල් සහ සෙක්ස්ටෝයිස් තමයි ලෝකයේ බහුතරයක වැඩිපුර මිළදී ගැනීම් වුනේ. මේ නිසාම ලව්හනී නිෂ්පාදන අලෙවිය මේ කාලෙදි සුවිශේෂී විදිහට ඉහල ගිහින් තියෙනවා.

    2021 අවුරුද්දෙ වසර 06ක් පුරා එකදිගට කැපී පෙනෙන අන්තර්ජාතික අලෙවියක් පෙන්වූ ව්‍යාපාරය හැටියට ලව්හනී නැවතත් රැජිනගේ සම්මාන ලබනවා.

    ලව්හනී ව්‍යාපාරය සමග වැඩකරන සේවකයන්ටත් විශේෂ වරප්‍රසාද තියෙනවා. ඕනම පැමිනිල්ලක් ගැන ස්වාධීනව ක්‍රියාත්මක වෙන්න ඒ ගොල්ලොන්ට පුළුවන්. ක්‍රියා විරහිත යමක් වෙනුවෙන් අලුතෙන් ප්‍රොඩක්ට් එකක් ලබාදීම වගේ තීරණ වුනත් ඒ අයට තනියම ගන්න පුළුවන්. මේ සේවක මණ්ඩලයේ සියල්ලන්ටම තමන්ට අවශ්‍ය සෙක්ස්ටෝයිස් නොමිලේ ලබාගන්නත් අවකාශ තියෙනවා.‘අපේ වැඩකරන අය සතුටෙන් ඉන්නෙ නැත්තං අපි කොහොමද අනිත් අයට සතුට බෙදන්නෙ?’ ආදරමීවිත නිර්මාතෘවරු කියන්නෙ එහෙමයි.

    මේ ලව්හනී බ්‍රෑන්ඩඩ් සෙක්ස්ටෝයිස් දැන් ලංකාවෙත් තියෙනවා. තත්වයෙන් උසස්, වගකීමත් ඇති රතිකෙළි උපාංග, අනුරාගී විලාසිතා හොයන, විඳින රසවත් වෙන අයට ඔන්ලයින් ඒවා ඇණවුම් කරන්න පුළුවන්.

  • කොටට ඇන්දොත් නඩුව පරාදයි

    කොටට ඇන්දොත් නඩුව පරාදයි

    මේ මෑතක වීඩියෝවක් සංසරණය වුනා මුස්ලිම් හාදයෙක් කාන්තාවන් කොටට ඇඳීම අපරාධයක් වන්නේ කෙසේද කියන එක විද්‍යාත්මකව පැහැදිලි කරන.

    ‘මං ආගම, සංස්කෘතිය පැත්තකින් තියන්නංකො. මං විද්‍යාවෙන් පැහැදිලි කරන්නං’ කියල තමයි එයා වැඩේ පටන්ගන්නෙ.

    මෙතනදි මේ උත්තර දෙන හාදයාට වඩා වැදගත් වෙන්නෙ ප්‍රශ්න අහන කාන්තාව. බොහෝ දුරට ඒ මුස්ලිම් කාන්තාවක් වෙන්න පුළුවන්. ඇය අහන්නෙ,

    ‘ඔයගොල්ලො අමුඩයක් ගහ‍ගෙන හිටියට අපිට ප්‍රශ්නයක් නැත්තං අපි කොටට ඇන්දම ඔයගොල්ලොන්ට ප්‍රශ්නයක් වෙන්නෙ කොහොමද ?’ කියල. කාන්තාවක් විදිහට නැගිටලා එහෙම ප්‍රශ්නයක් අහන තරමට මුස්ලිම් සංස්කෘතිය ප්‍රගතිශීලී වෙලා තිබීම ඉතා හොඳ තත්වයක්.

    ඒ මයික් එක ළඟ ඉන්න හාදයා විස්තර කරනවා ගැහැණියකගෙ නිරුවතක් දැකීමෙන් පිරිමින්ගෙ ටෙස්‍ටෙස්ටරොන් ශ්‍රාවය වෙන්න ගන්නවය, එතකොට අම්මා අක්කා පේන්නෙ නැතුව යනවය, ඒ හින්ද කාන්තාව සියල්ල වසා සිටීම සමාජයේ පැවැත්මට අවශ්‍යය කියල.

    මේ වීඩියෝව මුස්ලිම් රැස්වීමක සිදුවීමක් පාදක කරගත්තා වුනාට මේ පිලිගැනීම මුස්ලිම් බෞද්ධ ක්‍රිස්තියානි භේදයක් නැතුව දරන ආගමික අදහසක්. කොටට ඇඳන් යනවට විරුද්ධව උපහාස අපහාස කරමින් ඒවා ධර්ම දේශනා යැයි හඳුන්වපු හාමුදුරුවරු රටේ ඉන්නවා. කිරිබත්ගොඩ ඥානානාන්ද වගේම විද්‍යාත්මකව දොස්තර පාදෙණිය වගේ කෙනෙකුගෙන් ඇහුවත් මේ මතය ඉහළින්ම සාධාරණීකරනය කරනවා විතරක් නෙමෙයි බෙදා හරින්නත් ඉතසිතින් දායක වෙනවා. අගරදගුරු වුනත් එතනදි වෙනසක් වෙන්නෙ නෑ.

    නිරුවත් ශරීරයක් දැක්කම ටෙස්ටස්ටරොන් ශ්‍රාවය වැඩි‍වෙනවා කියන එක ඇත්තක්. දෘෂ්‍ය උත්තේජනයකින් හෝමෝන ශ්‍රාවය වැඩිකරන්න පුළුවන්. හැබැයි ඒ හෝමෝන මගින් විතරක් ලිංගික ආශාව නැත්තං සෙක්ස් ඩ්‍රයිව් එක වැඩි කරනවද කියන එක නිශ්චිත නොවූ කාරණයක්. බලපාන තවත් හේතු ගණනාවක් අතර හෝමෝනත් එක දර්ශකයක්.

    ටෙස්ටස්ටරොන් කියන හෝමෝනය පිරිමින්ගෙ පමණක් තියෙන එකක් නෙමෙයි. පිරිමින්ගෙන් දහයෙන් පංගුවක් විතර ප්‍රමාණයක් ගැහැණුන්ටත් ටෙස්ටස්ටරෝන් තියෙනවා. ඇගේ ලිංගික ආශාව හෙවත් ලිබිඩෝව වැඩි කරන්න ඊස්ට්‍රජන් ප්‍රොජෙස්ටොන් සමග ටෙස්ටස්ටරොන් දායක වෙනවා. ඔසප් කාලය ආසන්න වෙද්දි පිරිමින් වගේම දැඩි ලිංගික ආශාවකින් කාන්තාවත් මුසපත් වෙනවා. ඒත් පිරිමින්ව වහලා තියන්න කවුරුවත් ඉදිරිපත් වෙන්නෙ නෑ.

    ටෙස්ටස්ටරොන් කියන්නෙ මේ කියන විදිහෙ ලිංගික උන්මත්තකභාවය ඇති කරන හෝමෝනයක් නෙමෙයි. මාංශ වර්ධනය සහ ශක්තිමත් කිරීම, රතු සෛල නිෂ්පාදනය, අස්ථිවල ඝනත්වය, සිරුරේ මේදය බෙදාහැරීම ආදී කාරණා ගණනාවටම මේ හෝමෝනය හේතුවෙනවා.මේ ආගමික තර්කනයේ ‍තියෙන ප්‍රධානම අවුල ඒක පිරිමි කේන්ද්‍රීය, විෂම ලිංගික කේන්ද්‍රීය එකක් වීම. ගැහැණු ලිංගික ආශාවේ තර්කය මගහරින අතරම සමලිංගික ආශාව පිළිබඳ තර්කයත් මෙතනදි නොතකා හරිනවා. ඒ වගේම නිරුවත සම්බන්ධ සංස්කෘතික තර්කනයත් සම්පූර්ණයෙන්ම අමතක කරනවා. උදා විදිහට නියුඩිස්ට් සමාජයක කිසි කෙනෙක් නිරුවතක් දැකීමෙන් පාලනය කළ නොහැකි විදිහට ලිංගිකව ආශාවකින් පිස්සු වැටෙන්නෙ නෑ. රැලෙක්ස් රණසිංහ මේ ගැන ලස්සන කතාවක් කියනවා.

    ‘නිරුවතින් සිටින කාන්තාවකගේ රුවට වඩා සිල් රෙද්ද යන්තමින් ඔසවා වැටකින් පනින තරුණ උපාසිකාවකගේ රුවක් අනුරාගී විය හැකිය’ කියල.

    සියලු කාමයන්ගෙන් වසා තැබූ අයෙක් ඉතාම සාමාන්‍ය දේකින් පවා ලිංගිකව උන්මාදයට පත්විය හැකි ආකාරය චුල්ලප‍ලෝභන ජාතකයෙ ලස්සනට විස්තර කරනවා. මේ කුමාරයා වශී වෙන්නෙ රුවක් දැකීමෙන් නෙමෙයි ගායනා කරන ස්ත්‍රී හඩක් ඇසීමෙන්.

    විෂුවල් ස්ටිමියුලස් එක නැති වුනාට ශරීරය තව කොතෙකුත් අනුරාගී උත්තේජන නිර්මාණය කරගන්නවා. යටලීයෙන් නාරිලතා මල් පිපෙන්න පටන් ගන්නවා. තාපසයන්ට ලියතඹරා මල් පිපෙනවා. ගහකින් කොලයකින්, සතෙකුගෙන් හෝ උත්තේජනය වෙන තරමට නොපැසුනු ඉන්ද්‍රිය සංවේදන බලහත්කාරී වෙනවා.

    පිරිමින් ගැහැණුන්ට වඩා දෘෂ්‍යමය දෙයින් උත්තේජනය වෙනවා කියන එක පර්යේෂණවලදි පෙනුනා. ගැහැණියක් දකින යමකින් පමණක් උත්තේජනය ලැබීමේ ප්‍රවනතාවය අඩුයි. ඇගේ ශෘංගාරමය අර්ධය එතනදි වඩාත් පරිණතයි.තමන්ගේ ආශාවන් පාලනය කරගත නොහැකිවීම වෙනුවෙන් සමස්ත සමාජයම වසා තැබිය යුතුයි කියන එකයි මේ ආගමික කොට ඇඳුම් කතාවේ හරය වෙන්නෙ. අතීතයේ බෞද්ධ භික්ෂුන් අඩු තරමේ මේ ආශාවන් පාලනය කරගත නොහැකි නිසා තමන් වනගත වීම යෝජනා කළා. ඒත් වත්මන් භික්ෂුන්ගේ සහ අනෙකුත් ආගමික පූජකයන්ගේ යෝජනාව වෙන්නෙ තමන්ගේ අශිෂ්ට මනස පාලනය කිරීම වෙනුවෙන් සකල සමාජය වසා තැබීමයි. තමන්ගේ දරුවන් හදාගැනීමට නොහැකි නිසා සමස්ත සමාජයේ වැඩිහිටි අයිතිය උදුරාගැනීමයි.

    පුද්ගල නිදහස පිළිබඳ දැක්මක් තිබුනා නම් අඩුම තරමෙ විද්‍යාවෙ දියුණුවත් එක්ක තමන්ගේ ටෙස්ටස්ටරොන් ප්‍රමාණය අඩු කරගැනීමෙන් ඔය කියන ලිංගික ආතිතය මගහරවා ගැනීමේ යෝජනාවක්වත් මේ අයට ගේන්න තිබුන.

    හෝමෝනවලින් පමණක් ලිංගික උත්තේජනය නැත්තං ආශාව පාලනය කරනවා කියන්න සාක්ෂි නෑ. ඒකට තවත් ගොඩක් සංකීර්න මොළයේ ක්‍රියාකාරීත්වයන් බලපානවා කියන එකයි අදහස. අපේ පූර්ව මස්තිෂ්ක කොටසින් අපි දකින යමක් ලිංගිකව ප්‍රමාණවත්ද කියන එක සලකා බලනවා. අපි හැමෝම එකම දේකින් එකම පමණකට උත්තේජනය වෙන්නෙ නෑ. අපේ උත්තේජනය පාලනය කරන ස්නායු ක්‍රියාකාරීත්වයන්ට මොළයේ විවිධ ප්‍රදේශවලින් සංකීර්ණ බලපෑම් ඇතිකරනවා.

    ගැහැණු පිරිමි ලිංගික උත්‍තේජන වෙනසට හෝමෝන, මොළයේ ක්‍රියාකාරීත්වයේ වෙනස්කම් සහ අපි අවට පවතින ලෝකය නැත්තං සංස්කෘතිය කියන තුනම හේතු වෙනවා. නිරුවත සම්බන්ධ ලිංගික සංඥා නිර්මාණය කරන්නෙ සංස්කෘතිය විසින්. නියුඩිස්ට් සමාජයක නිරුවත ලිංගික සංඥාවක් නොවන අතර අපේ සමාජයේ ඒක අධි ලිංගික සංඥාවක් වෙන්නෙ සංස්කෘතික වෙනස්කම හරහා. ඔව් එතනදි ඇත්තටම පිරිමින් කේන්ද්‍ර කරගනිමින් අධිමාත්‍රාවෙන් ස්ත්‍රී නිරුවත පිළිබඳ ලිංගික සංඥා බෙදාහැරීමක් සිද්ද වෙනවා. ඒක නිසා පාලනය කරගත නොහැකි පිරිමි ආශාවේ ගොදුර ගැහැණිය විය යුතුද?

    මිනිසාගේ පූර්ව මස්තිෂ්ක ප්‍රදේශයේ තියෙනවා ඕර්බිෆ්‍රන්ටල් කෝටෙක්ස් කියල කලාපයක්. මේ මගින් ලිංගික ආශාව පාලනය කරනවා. ඉතාම දියුණු ස්නායු ප්‍රදේශයක් වන මෙයින් යමක් කිරීම සුදුසුද නැද්ද කියන එක ගැන දැනීමක් ඇති කරනවා. උදා විදිහට නිරුවතින් සිටින කාන්තාවක් දකින පිරිමියෙකුට ලිංගික උත්තේජනයක් ඇතිවුනාට පිහියක් අතින් අරන් තමන් දිහාවට නිරුවතින් එන උමතු කාන්තාවක් දැකීමෙන් පිරිමියෙකුගේ ශිෂ්නය ප්‍රාණවත් වෙන්නෙ නෑ. ඕර්බිෆ්‍රන්ටල් කෝටෙක්ස් එකෙන් ආරක්ෂාව පිළිබඳ හැඟීම මතුකරනවා. සමහර වෙලාවට මත්ද්‍රව්‍යයක් අරගෙන ඉන්න කෙනෙකුගේ මේ ක්‍රියාවලිය නිසි විදිහට සිද්ද නොවෙන්න පුළුවන්. ඒත් එතනදි තමන්ගේ ක්‍රියාවෙ වගකීම පැවරෙන්නෙ මත්වූ අයට මිස කොටට හැඳි කතට වෙන්න බෑ. තමන්ගේ ලිංගික ආශාව පාලනය කරගත නොහැකියි කියන්නෙ මොළයේ මේ කලාපය අඩුවෙන් සංවර්ධනය වීමක්. ඒ වගේ කෙනෙකුට කෑමක් දැක්කත් අධික ආශාවක් ඇතිවෙලා ඒක පාලනය කරගත නොහී මිනිහෙක් මරලා හරි කෑම එක කන්න හිතෙන්න පුළුවන්.

    තත්වය මෙහෙම වුනත් නිදහස් යැයි සලකන බටහිර රටවල පවා ප්‍රසිද්ධියේ නිරුවතින් හැසිරීම ගැන බොහෝ විවාද ඇතිවෙනවා. බොහොමයක් රටවල තාමත් ඒක දඬුවම් ලැබිය හැකි වරදක්. ඒත් මොකක්ද මේ ගැන පර්යේෂණවලින් කියවෙන්නෙ?

    මිනිස්සු නිරුවත් සමක් දැකීමෙන් අතිශයින් උත්තේජනය වෙන බව ඇත්තක්. අපේ ඇස අනෙක් හැම රූපයක්ම පරදවලා නිරුවත් රූපය ඉක්මනින් අඳුරගන්නවා. හැබැයි නිරුවත් ගැහැණු රූපයක් දකින පිරිමින්ගේ ප්‍රචන්ඩකාරී හැසිරීම් අඩුවෙනවා. ඔවුන් සාමකාමී වෙනවා. ඒ ගොල්ලො ලිංගිකව උත්තේජනය වෙනවා තමයි.

    මේ උත්තේජනය ලිංගික ප්‍රකාශනය නැත්තං ඔරියන්ටේෂන් එක අනුවත් වෙනස් වෙනවා. කාන්තාවන් උත්තේජනය වෙන්නෙ යම් ලිංගික ක්‍රියාවක් දැකීමෙනුයි. නිකංම නිරුවත් රූපයක් ඔවුන් උත්තේජනය කරන්නෙ නෑ. සමලිංගික කාන්තාවන් පිරිමින්ටත් වඩා නිරුවත් කාන්තාවන් දැකීමෙන් උත්තේජනය වෙනවා. විෂම ලිංගික ගැහැණුන් පිරිමි ගැහැණු නිරුවත් දෙකෙන්ම උත්තේජනය ලබනවා.

    සැන්ෆ්‍රැන්සිස්කෝවල ප්‍රසිද්ධ නිරුවත සම්බන්ධ සංවාදයේදි මතුවුනු කාරණය තමයි ඉන්ඇඩ්වර්ටන්ට් විවර් නැත්තං අහම්බ ප්‍රේක්ෂකයා කියන එක. ඒ කියන්නෙ නොදැනුවත්ව මේ දර්ශනයට ලක්වෙන අයට හානියක් වෙනවා කියන අදහස. මේක තමයි ළමයින්ට අසභ්‍ය දර්ශන දකින්න ලැබීමෙන් වෙන හානිය කියල අපි නිතර අහන්නෙ. මේ ගැන කිසිම පර්යේෂණයක් නොකරපු කාලෙදි සම්මත සමාජයේ විශ්වාසය මත පිහිටා විද්‍යාවත් කියන්න ගත්තෙ ‍මේක දරුවන්ට භයානක තත්වයක් ඇතිකරන්න පුළුවන් කියල.

    ඒත් මේ සම්බන්ධයෙන් අවුරුදු 18ක් තිස්සෙ දරුවන් කුඩා අවධියේ පටන් නව යොවුන් වියට එළඹෙන තෙක් පර්යේෂණ සිද්ද කළා. දෙමව්පියන්ගේ නිරුවත දකිමින් වර්ධනය වෙන දරුවන් මේ අධ්‍යනයට පාත්‍ර වුනා. එතනදි පෙනුනෙ එමගින් කිසිදු ආකාරයක මානසික කම්පනයක් හෝ අහිතකර බලපෑමක් ඇති කරන්නෙ නෑ කියන එකයි.

    ඒ වෙනුවට මේ නිරුවත දැකීමෙන් ඇතිවෙන හොඳ ප්‍රතිඵල ගණනාවක් හෙලිදරව් වුනා. මේ දරුවන්ගේ ආත්ම විශ්වාසය ආත්ම සංයමය වර්ධනය වුනා. කායික සම්බන්ධතාවලදි ඒ අය වඩාත් සුවපහසු වුනා. ආදරය සම්බන්ධයෙන් වඩා පරිණත වුනා. පවුලේ සහ පවුලෙන් බාහිර සම්බන්ධතාවලදි ඒ අය කැපී පෙනෙන විදිහට යහපත් ලක්ෂණ පෙන්නුම් කරන්න ගත්තා. නිරුවත දැකීමෙන් මනුස්ස ජීවිතය වඩා යහපත් කරන බවට පෙනී ගියා.

    මේ ආගමික නීති සීමා ආදිය මහා බයකින් කතා කරන්නෙ අනුරාගය හෙවත් සිඩක්ෂන් ගැනයි. ඒ අනුරාගය දරාගැනීමට තමන්ට තියෙන නොහැකියාව ගැනයි. ඇත්තටම මනුස්ස ජීවිතය වඩා රසවත් කරන්නෙ මේ අනුරාගී කලාපයන් විසිනුයි. හුදු ලිංගික ක්‍රියාවෙන් ඔබ්බට ගිහින් විවිධ ශරීර කොටස් හෝ ශරීරයෙන් බැහැර කොටස් උත්තේජන ලෙස ගනිමින් පිබිදෙන්න පුළුවන් වීම හොඳ දෙයක්. ඒක තවත් කෙනෙකුට හිරිහැරයක් නොවන පරිදි පාලනය කරගන්න පුළුවන් වීම ශිෂ්ටත්වයේ නැත්තං සංස්කෘතියේ වැදගත් පුහුණුවක්. ඒ අනුරාගය කලාත්මකව විවිධ ස්වරූපයන්ගෙන් බුක්ති විඳිමින් සංතර්පණය වීම දියුණු මානව සංස්කෘතියක ලක්ෂණයක්.

    ඒ වෙනුවට එයින් බියපත්ව අන්තර්ජාල, සිනමා, කලා සහ කාන්තා ශරීරය පවා වසා දමා, වාරණය කළ ජීවතයක් ගත කරන්න තීරණය කිරීම කියන්නෙ හරිහැටි සංස්කෘතික පරිණාමයක් නොලැබූ දුර්වල මිනිස් ප්‍රජාවක කරුමයක්.

  • සෙක්ස් කරන්න ගැබ් නොගන්න

    සෙක්ස් කරන්න ගැබ් නොගන්න

    උපත් පාලනය කියන්නෙ මිනිසාගේ ලිංගික නිදහස අත්පත් කරගැනීමෙදි වැදගත්ම විප්ලවය. එතෙක් දරුවන් හැදීම සහ ලිංගික සතුට අතර ගැටගැහිලා තිබුනු අගුල ගැලවුනේ මේ විද්‍යාවෙ පෙරලියෙන් පස්සෙ. උපත් පාලනය කියන එකේ මූලික අදහස වෙන්නෙම සෙක්ස් කරන්නෙ තෘප්තිය වෙනුවෙන් මිස දරුවන් හැදීමේ පරමාර්ථයෙන්ම නෙමෙයි කියන එක.

    දැන් අවුරුද්දක කාලයක් ළමයි හදන්නෙ නැතුව ඉන්න කියල ලංකාවෙ වෛද්‍යවරු අවවාද කරනවා. ඒක සලකා බැලිය යුතු ඇත්ත කාරණයක්. වසංගතයෙ අවදානම වගේම වංගතයෙන් බිඳවැටෙන ආර්තිකයෙ අවදානමත් ඒ දරුවට දරන්න වෙනවා. මේක ළමෙයක් මේ ලෝකෙට ඉපදෙන්න හොඳ වෙලාවක් නෙමෙයි. විශේෂයෙන්ම ලංකාව වගේ රටක.

    හැබැයි මේක වෛද්‍යවරු කිව්වට රටේ ජනතාවට උපත්පාලනය ගැන තියෙන්නෙ කොහොම දැනීමක්ද? උපත්පාලනය කියන්නෙ ජාතිය වඳකිරීමේ සැලැස්මක්. ඒක තමයි රාජපක්ෂ ආන්ඩුව විසින් ජනගත කළ මතය. ලිංගික අධ්‍යාපනයට එරෙහිව වගේම හාමුදුරුවරු, පූජකවරු උපත්පාලනයට එරෙහිවත් පාරට බැස්සා.

    කොවිඩ් නිසා ලොක්ඩවුන්වෙලා ගෙදර ඉන්න අතරෙ වැඩිවැඩියෙන් මිනිස්සු සංසර්ගයේ යෙදෙනවා. සමහර විට කොන්ඩම් එකක්, උපත්පාලන පෙති පැකට් එකක් මේ වෙලාවෙ ගෙදරක අවශ්‍යම ලැයිස්තුවෙ නැතුව ඇති. එතකොට ප්‍රායෝගිකව මේක කරන්නෙ කොහොමද? මේ කාරණයෙ වැදගත්කම අවධාරණය කිරීමට සහ ඒක පිළිබඳ දැනුම ජනතාව අතරට අරන් යන්න රජය විසින් කරන වැඩකොටස මොකක්ද? වඳ කොත්තු, වඳ බ්‍රා, පැලෝපීය නාල ගැන භීතිකා ජනිත කළ රජයකට (චන්න ජයසුමන කියන ඇමතිවරයා එහි ප්‍රමුඛයෙක්) උපත්පාලනය කරන්න කියල ජනතාවගෙන් ඉල්ලා සිටින්න සිදුවීම උත්ප්‍රාසයක්. ඒ කොහොම වුනත් අර භීතිය ජනනය කරන්න මීඩියාවල වෙන්කරපු කාලයෙන් කොයිතරම් ප්‍රතිශතයක් උපත්පාලන දැනුම වෙනුවෙන් ලබාදෙයිද?

    ලංකාවෙ උපත්පාලන ක්‍රමවේද පිළිබඳ දැනුම පවතින්නෙ අන්තිම අවම මට්ටමක. කොන්ඩම් එක පැළඳීම රේන්කෝට් ලා නෑමක් වැනිය කියල පැත්තකට දැම්මම බහුලව පවතින්නෙ උපත් පාලන පෙති. එහෙම වුනත් ලෝකෙ මේ වෙද්දි නිර්මාණය වුනු උපත්පාලන ක්‍රමවේදයන් බොහොමයක් තියෙනවා. ඒ ක්‍රමවලින් හොඳම ක්‍රමය තෝරගන්න එක පුද්ගලයාගෙන් පුද්ගලයාට වෙනස් වෙනවා. ඒ වගේම එකම පුද්ගලයෙකුගේ වුනත් ගැලපෙන උපත් පාලන ක්‍රමය කාලය අනුව වෙනස් වෙන්න පුළුවන්.

    ආණ්ඩුව කතා නොකරන හින්ද උපත් පාලනය ගැන අපි කතා කරන්න හිතුවා. උපත් පාලන ක්‍රමයක් තෝරගනිද්දි අපි අපෙන් විමසන්න ඕන ප්‍රශ්න කීපයක් තියෙනවා.

    1. අපි කොයිතරමක විතර ආරක්ෂිත බවක් බලාපොරොත්තු වෙනවද?
    2. ඒ වෙනුවෙන් අපිට දරන්න පුළුවන් වියදම කොයිතරම්ද?
    3. ප්‍රිවසි නැත්තං රහස්‍යභාවය කොයිතරම් වැදගත්ද?
    4. ස්ථිර සහකරුවෙක් ඉන්නවද?
    5. ලිංගික රෝගවලින් ආරක්ෂාව ගැනත් සැලකිලිමත් වීම අවශ්‍යද?
    6. පීරියඩ්ස් නැත්නම් ආර්තවයට එහි බලපෑම අවුලක්ද?
    7. ඒ වෙනුවෙන් කොයිතරමක විතර වෙහෙසක් දරන්න ලෑස්තිද?
    8. ඉදිරියේදී දරුවෙක් ලැබීමට අපේක්ෂා කරනවද?

    මෙන්න මේ ප්‍රශ්න අනුව තමන්ට වඩා ගැලපෙන උපත් පාලන ක්‍රමය තෝරගන්න වෙනවා. උපත් පාලන ක්‍රම වැඩකරන විදි කීපයක් තියෙනවා. ඒ කියන්නෙ ගැබ්ගැනීම පාලනය කරන්න පාවිච්චි කරන ටෙක්නික් එක වෙනස්.
    1. චර්යාමය – මේ කියන්නෙ අපේ චර්යාමය වෙනසකින් ගැබ්ගැනීම පාලනය කරන එකට. යන්න යද්දි එලියට ගන්න එක, සෙක්ස් නොකර ඉන්න එක, පීරියඩ් සයිකල් එක නැත්තං ඔසප් චක්‍රයේ දින අනුව සංසර්ගයේ යෙදෙන එක වගේම විකල්ප ලිංගික ක්‍රම පාවිච්චිය ආදිය වැටෙන්නෙ මේ කාන්ඩයට.
    2. බාධකමය – ඒ කියන්නෙ මොකක් හරි විදිහකින් ශුක්‍රානු සහ ඩිම්බ අතර බාධකයක් ඇති කරන ක්‍රමවේද. මේ නිසා ඩිම්බ සංසේචනය වීම නවතිනවා.
    3. හෝමෝනමය – කාන්තාවගේ ශරීර රසායනය වෙනස් කිරීමේ ක්‍රම. මේ හෝමෝන මගින් ඩිම්බ නිපදවීම වළක්වනවා, නැත්තං ගැබ්ගෙල ප්‍රදේශ රළු කිරීමෙන් ශුක්‍රානු ඇතුල්වීම වළක්වනවා, ගර්භාෂ බිත්තිය තුනී කිරීමෙන් ඩිම්බය රෝපනය වීම වළක්වනවා.
    4. වෛද්‍යමය – යම් ශල්‍යමය මැදිහත්වීමකින් ශරීරයේ වෙනසක් ඇති කිරීමෙන් ගැබ්ගැනීම වළක්වනවා.

    දැන් අපි බලමු අපිට ලබාගන්න පුළුවන් උපත්පාලන ක්‍රම මොනවද කියල. ඒවායේ වාසිඅවාසි එකිනෙකට වෙනස්. ගැලපෙන ආකාර වෙනස්.

    1. වැලකීමඒ කියන්නෙ සෙක්ස් නොකරම ඉන්න එක. එහෙම නැත්තං යෝනි මාර්ගයේ ලිංගික ක්‍රියාවන්ගෙන් වළකින එක. මේක වැටෙන්නෙ චර්යාමය උපත්පාලන කාන්ඩයට. මේ විදිහෙන් කිසිම අතුරු ආබාධයක් නෑ. සෙක්ස් සම්පූර්නයෙන් නවත්තලා ඉන්න එක නම් මානසික සෞඛ්‍යයට ඒ තරම් හොඳ නෑ.

    2. ස්ටෙරිලයිස්මේ

    මේක වෛද්‍යමය මැදිහත්වීමකින් සිද්ද කරන දෙයක්. අර දොස්තර සාෆිව අල්ලගෙන මැරෙන්න හැදුවෙ මෙන්න මේ උපත්පාලනය අනවසරයෙන් කරනවා කියලයි. මෙතනදි කරන්නෙ පැලෝපීය නාල අවහිර කරන එක. ගැටගැසීමක් වගේ දෙයක්. මේක ස්ථාවර එකක්. ආපහු නිවැරදි කරන්න බලාපොරොත්තුවක් නැත්නම් තමයි සුදුසු වෙන්නෙ. සිහිනැති කරලා කරන සැත්කමක්. නරක ප්‍රතිඵල විදිහට සමහර අයට වේදනාව, රුධිර ගලනය, ආසාදන වීම් වගේම සමහර දුර්ලභ අවස්ථාවල ගර්භාෂයෙන් පිටත කළලයක් වර්ධනය වෙන තත්වයන් ඇතිවෙන්න පුළුවන්.

    3. පිරිමි ස්ටෙරිලයිස්

    මේකට වාසෙත්කමී කියලත් කියනවා. ඉස්සර මේ සැත්කම කරගන්න අයට රජයෙන් යම් මුදලක් දුන්නා. මේකත් වෛද්‍යමය කාණ්ඩයේ උපත්පාලනයක්. මෙතනදි කරන්නෙ වෘෂණකෝෂ වලින් එන නාල අවහිර කරන එකයි. ඒ නිසා තරලයක් පිටවුනත් ශුක්‍ර පිටවීමක් සිද්‍ද වෙන්නෙ නෑ. ස්ථාවරයි. අදාල ප්‍රදේශය හිරිවැට්ටීමකින් කරන්න පුළුවන් සරල සැත්කමක්. හැබැයි ආපහු හරවන්න බෑ.

    4. උපත්පාලන රෝපනය

    සම යටට ඉඳිකටුවක උදව්වෙන් ප්‍රොජෙස්ටින් හෝමෝනය අඩංගු ගිනිකූරු හිසක තරම් පොඩ් එකක් ඇතුල්කරනවා. මේක දිගුකාලීන ක්‍රමයක්. නමුත් ආපහු අයින් කරන්න ලේසියෙන් පුළුවන්. අයින් කිරීමෙන් පස්සෙ ගැබ්ගැනීම සිද්ද වෙනවා. අතුරු ප්‍රතිඵල විදිහට මහත් වෙන එක, පීරියඩ්ස් වෙනස් වීම, බඩේ සහ පියයුරුවල වේදනා ආදිය ඇතිවෙන්න පුළුවන්.

    5. ප්‍රොජෙස්ටින් IUD

    නමෙන්ම තේරෙනවා මේක හෝමනල් වැඩක් කියන එක. මෙතනදි කරන්නෙ ප්‍රොජෙස්ටින් අඩංගු ටී හැඩයේ උපකරණයක් ගර්භාෂයේ රඳවන එක. අවුරුදු 3-5ක් අතර කාලයක් ගැබ්ගැනීම් වළක්වාගන්න මේකෙන් පුළුවන්. වාසි පැත්තෙන් බැලුවොත් සෙක්ස් කරන්න කලින් ලෑස්ති වෙන්න දෙයක් නෑ. IUD එක අයින් කළාම ආපහු ළමයි හදන්න පුළුවන්. පීරියඩ්ස් හැදෙන එකත් අඩුවෙනවා හෝ නැති වෙනවා.

    අවාසි පැත්තට තියෙන්නෙ සමහර විට සමහර අයට මේකෙන් පස්සෙ අවිධිමත් පීරියඩ්ස් ඇතිවෙන්න පුළුවන්. වේදනාව වැඩියෙන් එන්න පුළුවන්. ඩිම්බකෝෂවල කුඩා ගෙඩි ඇතිවෙන්න ඉඩතියෙනවා
    (මේවායෙන් අවදානමක් නෑ) ඉතා අඩු අවස්තාවල මේක ඉන්‍ෆෙක්ට් වෙන්න හෝ ගර්භාෂයේ ඇලෙන්න පුළුවන්.

    6. කොපර් IUD

    මේක වෛද්‍යමය මැදිහත්වීමක්. මෙතනදි කරන්නෙ ටී හැඩයෙ තඹ උපකරණයක් ගර්භාෂයේ තැන්පත් කරන එකයි. මේ උපකරණයෙන් ශ්‍රකානු ඩිම්බ ළඟාවෙන එක වලක්වනවා. ඩිම්බ ගර්භාෂ බිත්තියේ ඇලෙන එකත් වලකනවා.

    මේ උපකරණය අවුරුදු 10ක් පාවිච්චි කරන්න පුළුවන්. සෙක්ස් කරද්දි කලින් ලෑස්ති වෙන්න කියල දෙයක් නෑ. හැබැයි සමහර විට ක්‍රෑම්ප් (කෙන්ඩා පෙරලීම්) ඇතිවෙන්න පුළුවන්. අසාමාන්‍ය තත්වවලදි ශ්‍රෝනි ප්‍රදේශයේ ආසාදනවලට මේක උදව්වක් වෙන්නත් පුළුවන්. ඉතා දුර්ලබ අවස්තාවලදි මේක ගර්භාෂයේ ඇලෙන්න ඉඩතියෙනවා.

    7. උපත් පාලන එන්නත – ඩිපොප්‍රොවෙරා

    හෝමොන එන්නතක් මගින් උපත් පාලනය කරන එකයි වෙන්නෙ. වෛද්‍යවරයෙක් මගින් එන්නත ලබාගන්න ඕන. මාස තුනක කාලයකට පිළිසිඳගැනීම් වළක්වනවා. මාස තුනකට පස්සෙ නැවත එන්නත ගන්න ඕන. මේකෙදිත් සෙක්ස් කරද්දි ලකලෑස්ති වෙන්න කියල දෙයක් නෑ. විදපු වෙලාවෙ ඉඳන් පාලනය වැඩකරනවා. කරදරයක් විදිහට නැවත නැවත ගන්න සිදුවීම තියෙනවාත. ඒ වගේම අවුරුදු දෙකක් එක දිගට ගත්තොත් ඇට වල ඝනත්වය අඩුවෙනවා. පීරියඩ් කාල අතර රුධිර ගලනය ඇතිවෙන්න පුළුවන්. හිසරුදාව, මහත්වීම, නොසන්සුන්බව, බඩේ අපහසුව ඇතිවෙන්න පුළුවන්. එන්නතෙන් පස්සෙ සමහර විට අවුරුද්දක් විතර ඩිම්බ නොහැදෙන්නත් පුළුවන්.

    8. යෝනි මුදුව (නුවාරිංග්)

    මේකත් හෝමෝනමය ක්‍රමයක්. මෙතනදි නම්‍යශීලී මුදුවක් යෝනියට දානවා. එයින් ප්‍රොජෙස්ටින් සහ ඊස්ට්‍රජන් හෝමෝන නිදහස් කරනවා.

    එක වලල්ලක් මාසයක කාලයක් පාවිච්චි කරන්න පුළුවන්. වෛද්‍යවරයෙකුගේ සහය ඕන වෙනවා. හැබැයි හරිම ලේසියි. මේක දැම්මම සෙක්ස්වලට කලින් හිතන්න ඕන නෑ. අවාසි විදිහට තියෙන්නෙ හරියට නිසිතැන වළල්ල රඳවාගැනීම අපහසු වෙන්න පුළුවන්. ඒ වගේම නිසිකලට මාරු කිරීම කරන්න වෙනවා. සමහර අයට මේ නිසා යෝනි ශ්‍රාවය වීම් ඇතිවෙන්න පුළුවන්. සියුම් අපහසුතා දැනෙන්න පුළුවන්. කලාතුරකින් හෘදයාබාධ ඇති කරන්න ඉඩතියෙනවා. ඒ වගේම කරදරකාරී විදිහට සංසර්ගය අතර එලියට එන්න පුළුවන්.

    9. වැජයිනා ජෙල් (ෆෙක්සි)

    ‍මේක හෝමෝනමය නොවන ක්‍රමයක්. සංසර්ගයට කලින් මේ ජෙලි ආධාරකයක් මගින් යෝනි මාර්ගයේ තවරන්න ඕන. යෝනි මාර්ගයේ PH අගය අඩුකිරීම මගින් ශුක්‍රානු වලට ඩිම්බය කරා ළංවීමට බාධාවක් ඇතිකිරීමයි සිද්ද වෙන්නෙ. එක පාරයි වැඩකරන්නෙ. ලේසියි. ජෙලි එක හින්ද ලුබ්‍රිකේට් වීමකුත් වෙනවා. පැයක කාලයක් විතරයි මේක වැඩ කරන්නෙ. සමහර අයට සුළු ඉරිටේෂන් එන්න පුළුවන්.

    10. උපත් පාලන ස්ටිකරය

    මේකත් හෝමෝනමය විදිහක්. අඟල් දෙකක විතර පැච් එකක් යටිබඩ ප්‍රදේශයේ හෝ තට්ටම්වල හෝ අතේ හෝ පිටේ අලවන එකයි කරන්නෙ. ‍මේ ස්ටිකරයෙන් පිටවන ඊස්ට්‍රජන් සහ ප්‍රොජෙස්ටින් හෝමෝන සම හරහා ශරීරයට ඇතුල්වෙනවා. සති තුනක් විතර පාවිච්චි කරන්න. ඊට පස්සෙ සතියක් විතර අතාරින්න. එතකොට නැවත පීරියඩ්ස් එනවා.

    එක පැච් එකක් වැඩකරන්නෙ සුමානයයි. මේකටත් වෛද්‍යවරයෙකුගේ සහය ඕනකරනවා. හැබැයි වැඩේ හරිම ලේසියි. සෙක්ස් කරන්න කලින් හොයන්න දෙයක් නෑ. සමහර අයගෙ සමට මේ ස්ටිකරය කහන්න වගේ ගන්නවා. අවදානමක් විදිහට ලේ කැටි ගැසීම් සහ හෘදයාබාධ ඇතිකරන්න පුළුවන්.

    11. අඛන්ඩ උපත් පාලන පෙත්ත

    දිනපතා ලබාගන්නා හෝමෝනමය පෙත්තක්. ප්‍රොජෙස්ටින් සහ ඊස්ට්‍රජන් සහිත පෙත්තක් දිනපතා ගැනීමයි කරන්නෙ. මාස තුනක කාලයක් හෝ අවුරුද්දක කාලයක් වෛද්‍ය නිර්දේශය අනුව ගන්න ඕන. පෙති 84ක් සාමාන්‍යයෙන් එනවා. අමතරව අක්‍රිය පෙති 07ක් එනවා. මේ පෙති ගනිද්දි බ්ලීඩ් වෙන්නෙ අවුරුද්දටම හතරවතාවයි. ඒ අර අක්‍රිය පෙති ගන්න දිනවලදියි. ඇක්ටිව් පෙති විතරක්ම ගන්නත් පුළුවන්.

    සෙක්ස් කරන්න කලින් කරදර නෑ. ඔසප් වේදනා සහ කුරුලෑ ඇතිවීමත් අඩු කරනවා.
    හැබැයි හැමදාම එකම වෙලාවට පෙත්ත ගන්න ඕන. සාමාන්‍ය උපත් පාලනයට වඩා පීරියඩ් අතර රුධිර පිටවීම වැඩි වෙන්න පුළුවන්. පීරියඩ්ස් නැති හින්ද ගර්භනීද නැද්ද කියල බලාගන්න අමාරුයි. කැරකිල්ල, පියයුරු මෘදුවීම, හිසරුදාව, අධික රුධිර පීඩනය, රුධිරය කැටි ගැසීමෙන් හෘදයාබාද ඇතිවීම වගේ අවදානම් තත්වයන් තියෙනවා.

    12. සාමාන්‍ය උපත් පාලන පෙත්ත

    දිනපතා ප්‍රොජෙස්ටින් සහ ඊස්ට්‍රජන් සහිත පෙත්තක් ගැනීමයි සිද්ද වෙන්නෙ.පැකට් එක මාසයයි. සෙක්ස්වලට කලින් කිසි අවුලක් නෑ. පීරියඩ්ස් වේදනා පවා අඩුවෙනවා. අක්‍රමවත් නම් වඩා පිලිවෙල වෙනවා. හැබැයි හැමදාම පෙත්ත ගන්න ඕන. අවදානමක් හැටියට සමහර අයට මේ නිසා අධික රුධිර පීඩනය, රුධිරය කැටිගැසීම. හෘදයාබාද ඇතිවෙන්න ඉඩතියෙනවා. මේ ක්‍රමයෙදි මාස්පතා බ්ලීඩ් වීම සිද්ද වෙනවා.

    13. උපත් පාලන මිනිපිල් එක

    කලින් ඒවා වගේම හෝමෝන පෙත්තක්. මේකෙ තියෙන්නෙ ප්‍රොජෙස්ටින් හෝමෝනය. දිනපතා ගන්න ඕන. මේකෙන් පීරියඩ්ස් සැහැල්ලු කරනවා. වේදනාව අඩු කරනවා. අධික රුධිර පීඩනය, රුධිරය කැටිගැසීම, ඉරුවාරදය වගේ වෙනත් උපත්පාලන පෙති ගන්න බැරි තත්වයක් තියෙනවා නම් මේක සුදුසුයි.

    හැමදාම ගන්න ඕන. අක්‍රමවත් රුධිරවහනය, හිසරුදාව, පියයුරු මෙලෙක් වීම, කැරකිල්ල වගේ තත්වයන් ඇතිවෙන්න පුළුවන්.

    14. ශ්‍රක්‍රඝාතක ඩයෆ්‍රම්

    මේ ක්‍රමය වැඩකරන්නෙ බාධකයක් විදිහටයි. ඩෝම් එකක් හැඩයෙ ශුක්‍ර ඝාතක ජල්ලියක් අඩංගු රබර් හෝ සිලිකන් කප් එකක් යෝනිමාර්ගයේ ගැබ්ගෙල ආවරණය වෙන මෙන් තැන්පත් කිරීමයි කරන්නෙ. ඒ වෙලාවෙම වැඩකරනවා. මේක නිසා සහකරුවාට කිසිම අපහසුවක් දැනෙන්නෙ නෑ. ඔයාට දැනෙන්නෙත් නෑ. සංසර්ගයට පැය කීපයකට කලින් දාන්න පුළුවන්. පැය 24ක් තියෙන්න අරින්න පුළුවන්. හැබැයි ක්‍රියාකාරීත්වය තියෙන්නෙ පැය දෙකයි. සෙක්ස් කරලා පැය දෙකකට පස්සෙ ආපහු කරනවා නම් රිෆිල් කරන්න ඕන. කප් එක හරියට ෆිට් වෙන්න ඕන. සමහර අයට ඉරිටේෂන් ඇතිවෙන්න පුළුවන්. නොනොක්සිනොල් සහිත ස්පර්මිසයිඩ්/ ශුක්‍රඝාතකවලින් HIV ආසාදනය වීමේ අවදානම වැඩි වෙන්නත් ඉඩතියෙනවා. සෙක්ස් කරලා පැය 06ක්වත් ඉවත් නොකර ඇතුලෙ තියන්න ඕන.

    15. කොන්ඩම්

    මේක තමයි සුප්‍රසිද්දම ක්‍රමය. හොඳ බැරියර් එකක්. ලේසිම ක්‍රමයත් මේක. වැදගත්ම දේ ලිංගිකව බෝවන රෝග පවා මේ ක්‍රමයෙන් වළක්වනවා. වාතෙකට තියෙන්නෙ හැමපාරකම අලුතෙන් එකක් දාන්න ඕන. ඒ වගේම වින්දනය අඩු කරනවා කියන එකත් ලොකු චෝදනාවක්. සමහර අයගෙ හමට සුළු ඉරිටේෂන් තත්වයන් ඇතිවෙන්න පුළුවන්.
    ලේසිම වැඩිම ක්‍රමය. එස්ටීඩීත් වලක්වනවා. හැමපාරකම අලුතෙන් දාන්න ඕන. සෙක්ස්වල වින්දනය අඩුකරනවා කියන හැගීම. සමහර විට සුළු ඉරිටේෂන් ඇතිවෙන්න පුළුවන්.

    16. ෆීමේල් කොන්ඩම්

    මෙතනදි කරන්නෙ ශිෂ්නය වෙනුවට වැජයිනා එකට තුනී කොපුවක් දාන එකයි. පිරිමි කොන්ඩම් එකෙන් ලැබෙන ඔක්කොම වාසි තියෙනවා. ඒ වගේම පිරිමින්ට කොන්ඩමයක් නිසා දැනෙන අවුල මේකෙන් අඩුකරනවා. හැබැයි සමහර විට කරද්දි අතරමග ගැලවෙන්න පුළුවන්. දාන්න අමාරු වෙන්න වගේම ගලවන්න අමාරුවෙන්නත් පුළුවන්. ගොඩක්ම අවුල තියෙන්නෙ මේක හොයන්න අමාරු එකයි. පිරිමි කොන්ඩමයට වඩා මිළත් වැඩියි.

    17. එලියට ගැනීම

    ගොඩක් අය සුලබව පාවිච්චි කරන ක්‍රමයක්. යන්න කිට්ටු වෙද්දි එලියට ගන්න එක. එකම අවුල මේක ඒ තරම් ෂුවර් ක්‍රමයක් නොවෙන එක. මේක චර්යාමය ගනයටයි වැටෙන්නෙ.

    18. දින ගනං කිරීම

    හරියට පීරියඩ්ස් දින අනුව සිද්ද වෙනවා නම් ආර්තවය දින ගනං කරමින් සෙක්ස් කරලා ගැබ්ගැනීම් වළක්වන්න පුළුවන්. වඩාත්ම සරුභාවයක් තියෙන්නෙ පීරියඩ් සයිකල් එකේ 12-14 දිනවල. ඩිම්බයක් මෝචනය සිද්ද වෙන දවස්. ඒ කාලෙ තමයි අවදානම වැඩිම. පිරියඩ්ස් සිද්ද වුනු ගමන්ම මුල් සතිය යම් ආරක්ෂිත බවක් තියෙනවා. ඒත් මේ ක්‍රමයත් සාර්ථක වෙනවා කියල නිශ්චිතව කියන්න බෑ. අනිත් පැත්තට දවස් ගැනලා මිසක් උවමනා වෙලාවට සෙක්ස් කරන්න බෑ.

    19. විකල්ප ක්‍රම භාවිතා කිරීම

    යෝනි මාර්ගයෙන් බැහැරව සංසර්ගය සිදු කරන්නත් පුළුවන්. මේ සඳහා ගුද සංසර්ගය, මුඛ සංසර්ගය ආදී ක්‍රමයන් යොදා ගන්න පුළුවන්. ගැබ්ගැනීමක් ගැන කිසිදු බයක් ඇති කරගන්න දේකුත් නෑ. චර්යාමය ක්‍රමයක් නිසා අතුරු ආබාධත් නෑ.

    20. ස්පර්මිසයිඩ් ස්පොන්ජ්

    ස්පර්මිසයිඩ් හෙවත් ශුක්‍රඝාතක ද්‍රව්‍ය අඩංගු කුඩා තැටියක් ආකාර ස්පොන්ජ් එකක් ලිංගිකව එක්වීමට කලින් යෝනි මාර්ගයට ඇතුල් කරනවා. මෙයින් ආකාර දෙකකින් ගැබ්ගැනීම වළක්වනවා. එකක් ශුක්‍රානුවලට ගැබ්ගෙල ප්‍රදේශයට ඇතුල්වෙන්න බාධකයක් හැටියෙන් ක්‍රියාකිරීමෙන්. දෙවැන්න ශුක්‍රඝාතක රසායනයෙන්.

    මේ ස්පොන්ජ් එක පැළඳු වෙලාවෙ පටන්ම වැඩකරනවා. පැය 24ක කාලයක් මේ බලය පවතිනවා. නැවත නැවත ඇඩ් කරන්න දෙයක් නෑ. දරුවන් ලැබූ අලුත අම්මලට මේක හරියටම ෆිට් වෙන්නෙ නැති වෙන්න පුළුවන්. ඉරිටේෂන් ඇතිවෙන්නත්, ඉවත් කිරීම අපහසු වෙන්න පුළුවන්. සංසර්ගයෙන් පස්සෙ පැය හයක්වත් ස්පොන්ජ් එක තියන්න ඕන. හැබැයි පැය 24ට වඩා තියන එක නරකයි.

    21. ස්පර්මිසයිඩ්

    ශුක්‍රඝාතක රසායන කියන්නෙ බාධකයක් පාවිච්චි කරන ක්‍රමයක්. මේ ස්පර්මිසයිඩ් ජෙලි, ක්‍රීම්, පෙන, හෝ පෙති විදිහට එන්න පුළුවන්. එක්වීමට කලින් යෝනි මාර්ගයට ඇතුල්කිරීමයි කළ යුත්තෙ. එකපාරකට විතරයි වැඩකරන්නෙ. දෙවෙනිවර සංසර්ගයේදී නැවත ඇතුල්කරන්න වෙනවා.
    විනාඩි 05ට විතර කලින් දාලා, ඉවර වුනාට පස්සෙත් පැය 6ක් විතර තියන්න ඕන.

    22. මෝනිං ආෆ්ටර් පිල්

    පොස්ටිනො කියල ජනප්‍රිය පෙත්ත මේකයි. මේක හදිසි හෝමෝන බලපෑමක් ඇතිකරන පෙත්තක්. මේක පාවිච්චි කරන්නෙ උපත්පාලනයක් රහිතව ලිංගිකය එක්වීමක් ඇතිවුනාට පස්සෙ. ඒ අතපසු වීමෙන් පැය 72ක කාලයක් ඇතුලත පෙත්ත ගන්න පුළුවන්. මෙමගින් ඩිම්බය ඩිම්බකෝෂයෙන් පිටවීම වළක්වනවා. ඒ වගේම ඩිම්බය ශුක්‍රානුවක් සමග එක්වීමත්, ගර්භාෂ බිත්තියේ රෝපණය වීමත් වළක්වනවා. මේකට කියන්නෙ ප්ලෑන් බී කියල. නිතර පාවිච්චි කරන්න හොඳ ක්‍රමයක් නම් නෙමෙයි. කැරකිල්ල, මහන්සිය, ඔලුවෙ කැක්කුම සහ බඩ රුදාව ඇතිවෙන්න පුළුවන්.

    23. Ella

    මේක තවත් හදිසි හෝමෝන පාලනයක්. අනිත් හැම පියවරක්ම මගහැරුනම ගන්න තියෙන්නෙ මේ පෙත්ත. අතපසු වීමෙන් මුල් දවස් 05ක කාලට ඇතුලත ගන්න පුළුවන්. ‍මේක ගන්න නම් වෛද්‍ය නිර්දේශයක් ඕන වෙනවා. මහත අයට මේ ක්‍රමය වැඩ කරනවා වැඩියි. හැබැයි නිතිපතා පාවිච්චි කරන්න හොඳ ක්‍රමයක් නම් නෙමෙයි.

    ඉතින් මේ අතරින් කෙනෙකුට තමන්ට වඩා ගැලපෙන උපත් පාලන ක්‍රමය තෝරගන්න පුළුවන්. චර්යාමය සහ බාධකමය ක්‍රමයන්ට බැහැර අනෙක් ක්‍රමවල විවිධ අතුරු ආබාධ ඇතිවීමේ ඉඩකඩක් තියෙනවා. උපත් පාලන ක්‍රමයක් තෝරාගනිද්දි ඇයගේ සෞඛ්‍ය ගැන හිතන එක ඉතා වැදගත්. ඇත්තටම මේ තීරණයේ අයිතිය තියෙන්නෙ ඇයටයි. ඒ නිසා නිසි වෛද්‍ය උපදෙස් මත වඩා සරල පහසු අතුරු ආබාධ රහිත ක්‍රමයක් තෝරාගැනීම ආදරය කරන කෙනෙකුගේ වගකීම වෙනවා.

  • මං හරිම කැමතියි එහෙම ගෑනුන්ට

    මං හරිම කැමතියි එහෙම ගෑනුන්ට

    මං හරිම කැමතියි සද්දෙන් හිනාවෙන ගෑනුන්ට
    කතා අතරමැද
    අමුතු විදිහෙ ඇත්ත කියන ගෑනුන්ට

    මං ආසයි කාර් ඇතුලෙ හයියෙන් සිංදු කියන්න ආසයි
    ඒ වගේම එහෙම කෙනෙක් අනිත් පැත්තෙන් තියන් යන්න.

    මං හරිම කැමතියි ගෑනුන්ට ආදරේ ගෑනුන්ට
    දත් අතර තැවරුනු ලිප්ස්ටික් පිසින,
    චූ කරන්න යද්දි උදව්වට එන එහෙම ගෑනුන්ට.

    සංසන්දනය කියන්නෙ සතුට හොරු අරං යන තැන
    කාගෙවත් ඔපයක් නැති කරන එකෙන්
    ඔයාගේ ඔපය වැඩිවෙන්නෙ නම් නෑ

    කිසිම ලැජ්ජාවක් නැතුව
    වෛර්ණ සුන්දරත්වයෙන් බබළන
    තමන් තමන් විදිහටම ඉන්න
    එහෙම ගෑනු කිසිදවසක ඇතිවෙන්නෙ නෑ.

    මං ආසයි උතුරා යන හිනාවට
    ඒ වගේම ඇස්වලින් කඳුළු බේරෙන සතුටට
    ඒ තැන්වලදි දැනෙන ජීවිතයට

    කිසිවක් විනිශ්චය නොකරන
    යාලුවෙක් එක්ක ගත කරන සොඳුරු කාලය
    තමයි මං හිතන්නෙ හොඳම මානසික ඔසුව

    කැඩෙන, බිඳෙන, වැටෙන
    ඒ අතරෙ තමන් සතු දේ බෙදන
    එකිනෙකා ඔසවා තබන
    ප්‍රීති ගෝෂා නගන
    මං හරිම කැමතියි එහෙම ගෑනුන්ට

    ලෝකයෙන් අඩක් සිටින
    ඒ අසිරිමත් ගැහැණුන්ට
    හැමෝටම සහ තනි තනිව
    මාගේ හදවතේ ප්‍රණාමය

    The Right Words
    Donna Ashworth

  • SQUIRT ආශාවේ රිදී වැස්ස

    SQUIRT ආශාවේ රිදී වැස්ස

    ස්ක්වර්ට් කරනවා කියන්නෙ ස්ත්‍රී මෝචනයට. ඒත් ඒ වචනෙන් ස්ක්වර්ට් එකක තියෙන ආශ්චර්ය දනවන්න බෑ. ඒක හින්ද අපි පාවිච්චි කරමු රිදී වැස්ස කියල.

    ගැහැණියකට ස්ක්වර්ට් කරන්න පුරුෂ ලිංගයක් අවශ්‍ය නෑ. ඒකට ඇත්තටම ඕන කරන්නෙ යුරේත්‍රාවක්. යුරේත්‍රාව කියන්නෙ මුත්‍රා එලියට අරන් එන නාලය.

    හැබැයි ස්ක්වර්ට් කරද්දි එලියට විදින්නෙ මුත්‍රා නෙමෙයි. මුත්‍රා යම් ප්‍රමාණයක් එක්ක තවත් ශ්‍රාවයන් මේ මුත්‍රා විවරය තුලින් එලියට විදින එකයි සිද්ද වෙන්නෙ. එහෙම වෙන්නෙ උපරිමයට ලිංගිකව අවදි වෙලා ඉන්න තත්වයකදි හෝ සුරතාන්තයකදි. මේක යෝනි මාර්ගය තෙත් කරන ශ්‍රාවයන්ට වඩා වෙනස්.

    රිදී වැස්ස අපි හිතනවට වඩා සුලබ එකක්. ඉතා සුළු ප්‍රමාණයක් යොදාගෙන කරපු පර්යේෂණයක් අනුව කාන්තාවන් 233කින් 126ක්ම ජීවිතේ එකවතාවක් හරි ස්ක්වර්ට් කරලා තිබුන. ඒ කියන්නෙ 54%ක් විතර ප්‍රතිශතයක්.

    ස්ත්‍රී මෝචනයයි රිදී වැස්සයි කියන දෙකම එකක් විදිහට සලකන්න පුළුවන්ද කියන එක ගැනත් පරස්පරතා තියෙනවා. ගොඩක් අය මේක දෙකක් විදිහට අත්විඳිනවා. රිදී වැස්ස වහින එක ස්ත්‍රී මෝචනය සිද්ද වෙනවට වඩා බහුලයි කියලයි කියන්නෙ.

    එතකොට ස්ත්‍රී මෝචනයක මොනවද පිටවෙන්නෙ? මෝචනයකදි පිටවෙන්නෙ සුදු පැහැති කිරි වලට හුරු ශ්‍රාවයක්. එහි අඩංගු සමහර දේ පිරිමි ශුක්‍රානුවලටත් සමානයි.

    ස්ත්‍රී මෝචනයක් සිද්ද වෙන්නෙ ස්කීන්ගේ ග්‍රන්ථිය කියල හැඳින්වෙන කොටසින්. යුරේත්‍රාව වටේටයි මේ ග්‍රන්ථි පිහිටන්නෙ. මේකට කියනවා ස්ත්‍රී ප්‍රොස්ටේට් එක කියලත්. මේ ග්‍රන්ථිවලින් යුරේත්‍රාවට ශ්‍රාවයන් පිටකළ හැකි විදිහට විවෘත වීම් තියෙනවා. 1800දි ඇලෙක්සැන්දර් ස්කීන් තමයි මේ ග්‍රන්ථි ගැන පළවෙනි වතාවට විස්තර කරන්නෙ.

    ඉතින් මෝචනයකදි පිටවෙන්නෙ මුත්‍රා නෙමෙයි. ගොඩක්ම ප්‍රොස්ටේට් එන්සයිම. හැබැයි රිදී වැස්සකදි මේ මෝචනය වෙන ශ්‍රාවයන් මුත්‍රා සමග මිශ්‍රවෙලයි ඒ වැස්ස නිර්මාණය වෙන්නෙ.

    කෙනෙකුට මිලි 150ක් විතර ප්‍රමාණයක වැස්සක් වස්සන්න පුළුවන් කියලයි පර්යේෂණවලින් පෙන්නන්නෙ. මේ තරම එකඑක්කෙනා අනුව සහ අවස්ථාව අනුව වෙනස් වෙනවා. ඒ වගේම මෝචනයකදි දැනෙන හැඟීමත් ඒ ඒ අයට වෙනස්. සමහර කෙනෙකුට සාමාන්‍ය සුරතාන්තයක් වගේම වෙද්දි තව කෙනෙකුට ඒක කකුල් වෙව්ලන තරමෙ ආස්වාදජනක එකක්.

    මේ රිදී වැහි පැණි රසයි කියලයි කියන්නෙ. ඒ හින්දම පැරණි ඉන්දියාවෙ මේ දියට සුරයන්ගේ අමෘතය කියලත් කිව්වා.

    සැබෑ මෝචනයක් නම් වෙන්න ඕන සුරතාන්තයක් එක්කම වුනත් ජී-ස්පොට් එක උත්තේජනය කිරීම මගින් සුරතාන්තයට බැහැරින් මෝචනය ඇතිවෙන්න පුළුවන්. ඒ කියන්නෙ ඕගසම් එකකට නොගිහින් ස්ක්වර්ට් වෙන්න පුළුවන්. මේකට බලපාන්නෙ ඉන්න ඉරියව්ව සහ තාක්‍ෂණය.

    යෝනිය ඇතුලෙ ඉදිරිපසට වෙන්න ඉහළින් ජී-ස්පොට් එක පිහිටනවා. ඇඟිල්ලක් ඇතුලට දැම්මොත් ස්පොන්ජ්මය ප්‍රදේශයක් විදිහට මේක අඳුරගන්න පුළුවන්. මේ ජී-ස්පොට් එක සහ ක්ලිටෝරිසය එකවර උත්තේජනය කිරීමෙන් ගොඩක් අය ස්ක්වර්ට් එකකට යනවා. ජී- ස්පොට් කිව්වට මේක එහෙම හුදකලා තැනක් නෙමෙයි. ක්ලිටෝරල් නෙට්වර්ක් එකේම කොටසක් විදිහටයි පවතින්නෙ. ඒ කියන්නෙ ඔයා ජී-ස්පොට් එක උත්තේජනය කරනවා කියන්නෙ ඔයා ක්ලිටොරිස් එකේ කොටසක් උත්තේජනය කරනවා කියන එක. මේක එක එක ශරීරවල පිහිටන තැන වෙනස්. ඉවසිලිවන්තව ඒක හොයාගන්න වෙනවා.

    මුල් කාලෙදි ගැහැණු ස්ක්වර්ට් කරන එක ලැජ්ජාවක් කියල හිතලා ඒක පාලනය කළා. පිටවෙන්නෙ මුත්‍රා කියල හිතලා ඒ ගැන ලැජ්ජා වුනා. ඒත් කාලයත් එක්ක ඔවුන් සමග රමණය කරන පිරිමින් මේකෙන් ලබන ආස්වාදය තේරුම් ගැනීමත් එක්ක දැන් රිදී වැස්ස උත්කර්ෂවත් වෙලා තියෙනවා.

    මේකට පුරුෂ ලිංගයක් හෝ ඩිල්ඩෝවක් අවශ්‍යම නෑ. ඒ වෙනුවට ඇඟිලි සහ දිව එකට යොදාගෙන වඩා ආස්වාදනීය රිදී වැසි වස්සන්නත් පුළුවන්.

    එක පාරක් ස්ක්වර්ට් කළොත් ඒක දිගටම කරන්න පුළුවන් වෙනවා. එහෙම දිගට පුහුණු කළ කෙනෙකුට හිතන ඕනම වෙලාවක ඒ වැසි වැස්සීමේ මායා බලය ලැබෙනවා. යෝනියක් තියෙන ඕනම කෙනෙකුට ස්ක්වර්ට් කරන්න පුළුවන් කියලයි කියන්නෙ. ඒත් යෝනියක් තිබූ පමණින් ස්ක්වර්ට් කරනවා කියන එක අනිවාර්යයක් නෙමෙයි.

    ඇඳන් තෙමෙන්න, සමහර වෙලාවට බිත්තිවලට වැදෙන්න මේ ආශාවේ දිය දහර විදිනවා. ඒ වැස්සෙ තෙමෙන්න පෙම්වතුන් ආශාවෙන් පෙළෙනවා.

  • ගැහැනු සුරතාන්තය ගැන ගැහැනු කියවීමක්

    ගැහැනු සුරතාන්තය ගැන ගැහැනු කියවීමක්

    Female Orgasm, ගැහැනු සුරතාන්තය කියන්නෙ වැඩිය කතාබහ වෙන්නෙ නැති මාතෘකාවක්. මේ ගැන වැඩිපුරම කතා කරනවා දැකලා තියෙන්නෙත් පිරිමි. ගැහැනු කතා කරන්නෙම නැති තරම්. ඒ තරම්ම ටැබූ මාතෘකාවක්. අම්මලා මට පීරියඩ්ස් හැදෙන් නෑ, මොකද කරන්නෙ කියන එකේ ඉඳන් පවුල් ප්‍රශ්න, ගර්භණී ප්‍රශ්න, මානසික ගැටළු මේ හැම අල බෝලෙම ගැන කතා කරන ladies group වලවත් ගැහැනුන්ගෙ ලිංගික සතුට ගැන කතා කරනවා මං දැකලා නෑ. ඒ ගෲප් වල ලිංගික සතුට ගැන කතා වෙනවා නම් වෙන්නෙ ආදරය, සෙනෙහස, පවුල, සම්බන්ධතා පවත්වාගෙන යාම කියන සමාජයට මතුපිටට පේන කාරණා ගැන ඇරෙන්න වෙන ගැඹුරු අර්ථයකින් ගැහැනිය මූල්කරගෙන හරි නෙමෙයි.

    ලිංගික සතුට ගත්තම පිරිමින්ට වඩා ගැහැනු ඉදිරියෙන් ඉන්න බව කෙනෙක්ට හිතෙන්න පුළුවන්.

    ඇත්තටම කිව්වොත් පර්යේෂණ වලින් පෙන්වා දෙන්නෙ ගැහැනු සුරතාන්තය අවම වශයෙන් අංශ පහකින් ජනනය කරන්න පුළුවන් කියලා. ක්ලිටරිස්, ජී-ස්පොට්, ගැබ්ගෙල, තනපුඩු හා (විශ්වාස කළත් නැතත්) කන් පෙති කියන අංශ වලින්. සමහර කාන්තාවන්ට ඔවුන්ගේ පරිකල්පනය විතරක් පාවිච්චි කරලා වුනත් සුරතාන්තයට යන්න පුළුවන්.

    සෙක්ස් වලදි මොළයේ ස්ථාන ආලෝකමත් වෙන විදිහ පිරිමින්ගෙත් ගැහැනුන්ගෙත් එක සමාන බවයි පර්යේෂකයන්ගේ මතය. ඒත් එතනදි එක පොඩි වෙනසක් තියෙන බව ඒ අය කියනවා. සුරතාන්තයෙන් පස්සෙ පිරිමි මොළය උත්තේජනයට අඩු ප්‍රතිචාරයක් දක්වන්නෙ. ඒත් කාන්තා මොළය දිගටම ප්‍රතිචාර දක්වනවා. කාන්තාවන්ට බහුවිධ සුරතාන්ත (multiple orgasms) කරා යන්න පුළුවන් හැකියාව තියෙනවා. පිරිමින්ට නැවත සුරතාන්තයකට යන්න විවේකයක් අවශ්‍ය වෙනව.

    දැන් හිතන්න මෙච්චර වාසි තියෙද්දි ගැහැනු පිරිමින්ට වඩා අඩුවෙන් සුරතාන්තයට ළං වෙන්නෙ ඇයි කියල. විශේෂයෙන්ම විෂම ලිංගික කාන්තාවො. female orgasm ඇයි මෙච්චර සංකීර්ණ වෙන්නෙ කියල. අපේ පවුල් වල, වැඩ කරන තැන්වල ගැහැනු ඒ මොකක්ද කියලවත් සමහරවිට දන්නෙ නැත්තෙ ඇයි කියල. ගැහැනියගෙන් ගැහැනියට ඒක වෙනස් වෙන්නෙ ව්‍යාකූල වෙන්නෙ ඇයි කියල. ගැහැනියක් සතුටු කරන්න අමාරු වෙන්නෙ හරි තවත් වෙලාවකදී ගැහැනියක් ඒක fake කරන්නෙ හරි ඇයි කියල. ගැහැනුන්ට රිලැක්ස් වෙන්න ඕනෙ. මූඩ් එක හරියන්න ඕනෙ. අවධානය එක තැනකට ගන්න ඕනේ. (focused attention). මොළයෙ තාවකාලික අක්‍රිය වීමක් වෙන්න ඕනෙ (zone out). උත්තේජනයන් හරියට සිද්ද වෙන්න ඕනෙ. රිද්මය තියෙන්න ඕනෙ. මේ හැමදේම පිරිමි සුරතාන්තයටත් ඕන වෙන්න පුළුවන්. ඒත් female orgasm වලදි ඒක තව ලෙවල් එකක් ඉස්සරහට යන්න වෙනවා, සංකීර්ණ වෙනවා වගේ කෙනෙකුට හිතෙන්න පුළුවන්.

    ගැහැනියක් සතුටු කරන්න පිරිමියෙකුට pornographic skills ඕනෙ වෙන්නෙ නෑ. foreplay නැත්නම් outercourse වලට වැඩි කාලයක් ගත කරන එක, ඔවුන්ගේ වඩා උත්තේජනය වෙන ප්‍රදේශ දැනගෙන ඉන්න එක, orgasm trigger කරන හොඳම ලිංගික ඉරියව් තේරුම් ගැනීම වගේ පොඩි පොඩි රිසර්ඩ් ටිකක් කරා නම් ඇති. මේක ගැහැනියකගෙන් ගැහැනියට වෙනස් වෙන්න පුළුවන්. උදාහරණයක් විදිහට මට foreplay වල ලොකු උවමනාවක් හැම වෙලාවකම දැනෙන්නෙ නෑ. ඒත් තව කෙනෙකුට foreplay නැතුව සෙක්ස් වලට ඔළුව හදාගන්න බැරි වෙන්න පුළුවන්. තව කෙනෙක් මෘදු විදිහට කැමති වෙන්න පුළුවන් වගේම තවත් කෙනෙක් රළු විදිහට. ඔය ඔක්කොමටම කැමති අයත් ඉන්න පුළුවන්. තවත් දෙයක්. සමහර ගැහැනුන්ට සුරතාන්තය කියන්නෙ release කියන එකම නෙමෙයි වෙන්නත් පුළුවන්. සෙක්ස් වලදි climax දක්වා යන මාවතේ high pleasure state එක නැත්නම් edging ඔවුන්ට සුරතාන්තය විදිහට විනෝදකාමී වෙන්න පුළුවන්. ඒ කැමති අකමැති කම් එක් එක් අවස්ථා අනුව වෙනස් වෙන්න පුළුවන්.
    ඒ වගේම සරළ කාරණා කීපයක් ගත්තොත් ශිෂ්නය ඇතුල් කිරීමෙන් (penetration) පමණක් සුරතාන්තයට යන්න ගොඩක් ගැහැනු අයට බෑ. climax එකට යන්න ක්ලිටොරිස් උත්තේජනය (clitoral stimulation) ගොඩක් දෙනාට ඕන වෙනවා. තවත් සමහරුන්ට ඊට වඩා යමක් ඕන වෙනවා. ශිෂ්නය ඇතුල් කිරීමෙන් විතරක් ගැහැනු සුරතාන්තය වෙනවා කියන සාම්ප්‍රදායික මුල් බැහැගත් මතය නිසා තමන්ට එසේ නොවීම තමන්ගෙ වරදක් යැයි සිතමින් ගැහැනියක් orgasm එක ෆේක් කරනවා වෙන්න පුළුවන්. ඒ වගේම ගොඩක් ගැහැනුන්ට සෙක්ස් කියන දේ ඔළුව ඇතුලෙ වෙන දෙයක්.

    ඒ කොහොම වෙතත් ගැහැනු සුරතාන්තය කියන්නෙ මැජික් එකක් නෙමෙයි. තවමත් ඒ ගැන පර්යේෂණ කරමින් තිබුණත් විද්වතුන් එකඟ වෙන කාරණය නම් සුරතාන්තයට වඩා ඊට පෙර වෙන දේ, ඒ කියන්නෙ ඒ කරා යන මාර්ගය එහිදි වැදගත් බවයි.

    ඉතිං තමන් එක්ක ඉන්න ගැහැණියව තේරුම් ගන්න. අනිත් පැත්තෙන් තමන්ගේ පිරිමියාව තේරුම් ගන්න. කැමති අකමැති දේ අතර සම්මුතියකට එන්න. ඒකට සන්නිවේදනය වැදගත් වෙනවා. උත්සාහ කරන්න වෙනවා. සිත් රිදීම්, වැරදීම් එක්ක ෆේල් වෙන්න සිද්ද වෙනවා. එහෙම කරලා සම්මුතියකට එන්න බැරි නම් හොඳම දේ දුක් විඳින්නෙ නැතුව තමන්ගෙ සතුට හොයාගෙන විසිර යන එකයි.

    මාලි හෙට්ටිආරච්චි

  • ගැහැණු ලිංගික ප්‍රජනන පද්ධතිය (Sexology – Chapter 2)

    ගැහැණු ලිංගික ප්‍රජනන පද්ධතිය (Sexology – Chapter 2)

    දෙවෙනි පරිච්ඡේදය විදිහට අපි ගැහැණු ප්‍රජනන පද්ධතිය තේරුම් ගන්න උත්සාහ කරමු. මේ අපි කතා කරන්නෙ සෙක්ස්වල බයොලොජි පැත්ත. අපේ ලිංගික ඉන්ද්‍රියයන් කොහොමද සකස් වෙලා තියෙන්නෙ කියන එක ගැන සර්ව සම්පූර්ණ නැතත් දළ අදහසක් අපිට තියෙන එක වැදගත්. මේ තරම් අපේ අනුරාගය වඩවන ස්ත්‍රී ශරීරයේ ආශාව නිර්මාණය වෙලා තියෙන හැටි ඇගේ සිරුරේ බාහිර පෙනුම වගේම සෞන්දර්යාත්මකයි.

    ගැහැණු ප්‍රජනන පද්ධතිය බාහිර සහ අභ්‍යන්තර විදිහට කොටස් දෙකකින් කියවන්න පුළුවන්. ඇගේ ප්‍රජනනයට සහ ලිංගිකත්වයට අදාල සිරුරේ බාහිරයේ, යෝනි ප්‍රදේශයේ අංග පහක් අඳුරගන්න තියෙනවා. පළවෙනි එක තමයි පියුබිස් කියන යෝනි අස්ථිය වසාගෙන ඇති මාංශමය ප්‍රදේශය. මේක රෝමවලින් යුත් පැතිරුනු කලාපයක්. ගැහැණියක් ළඟින් වැතිරිලා ඔලුව තියාගෙන ඕන වෙලාවක් ඉන්න පුළුවන් තැනක්.

    ඊළඟට ලෙබියා මැජොරා (ලෙබියම් මේජුස්) කියන කොටස. වල්වා කියල ඉංග්‍රීසියෙන් හඳුන්වනවා. යෝනියේ බාහිර තොල් කියලත් අපිට කියන්න පුළුවන්. ඇගේ පිටතට පෙනෙන දෙකට බෙදුනු අධෝමාර්ගය දක්වා දිවෙන කොටස තමයි මේකට අයිති වෙන්නෙ. මේකෙ තියෙනවා ඔයිල් නිපදවන ග්‍රන්ථි, රෝම ආදිය. මේ තමයි යෝනි මාර්ගයට බාහිර දොරටුව. මේ බාහිර තොල් හරිම සංවේදීයි. ඒවායේ ස්නායු කෙලවරවල් පිහිටලා තියෙනවා. ඒ කියන්නෙ හොඳට ස්පර්ශයන් දැනෙනවා.

    ඊළඟට තියෙන්නෙ ලෙබියා මයිනෝරා (ලෙබියම් මයිනුස්) . මේ තමයි ඇතුළත තොල්. මේවා එකිනෙකාගේ එක එක හැඩවලින් පිහිටනවා. හරිම මෘදු ස්පොන්ජිමය පේශීන්. මේ ලෙබියා මයිනෝරා උඩු කෙලවරෙන් ක්ලිටොරිසය පිහිටනවා. මේක හරියට ක්ලිටෝරිස් එකට උඩුහමක් විදිහටත් වැඩකරනවා. ස්නායු අන්ත බහුල නිසා සංවේදනය උපරිමයි. දිවක මෙන් තෙත් සුමුදු ස්පර්ශයකටමයි සුදුසු.

    මේ යෝනි තොල්වල හැඩය ගැන ගොඩක් අය වද වෙනවා. මේවායෙ ප්‍රමාණය හැඩය වෙනස් කරගන්න ප්ලාස්ටික් සර්ජරි කරනවා. ඒත් අපි අපේ ශරීරය ඒ තියෙන හැටියෙන් බාරගන්න එකයි වැදගත්. අපේ ශරීරය ගැන ලැජ්ජාවෙන් පසුතැවීම කියන්නෙ මානසික පීඩාවක්. මේ හින්ද යෝනි තොල්වල විතරක් නෙමෙයි ඕනම තැනක රූපලාවන්‍ය පිණිස කරන ප්ලාස්ටික් සර්ජරියකට කලින් සයිකොලොජිස්ට් කෙනෙක් මුනගැහෙන එක වැදගත්. ඒත් ඇත්තටම විද්‍යාත්මකව බලන, මධ්‍යස්ථව හිතන, මිනිස් පැවැත්මේ ගැඹුරු හැඩයන් තේරුම් ගන්න පුළුවන් එහෙම අය ලංකාවෙ ඉන්නවද කියන එක සැකයක්.

    ඒ කොහොම වුනත් යෝනිතොල්වල දැනෙන අධික වේදනාකාරී තත්වයන් නිසා, ලිංගිකව හැසිරීමේදී වගේම සමහර විට යට ඇඳුමක් හෝ අඳින්න බැරි තත්වයක වේදනාව නිසා වෛද්‍ය උපදෙස් පරිදි සමහරු මේ ප්‍රදේශයේ සැත්කම් කරනවා.
    ක්ලිටෝරිසය. ස්ත්‍රී යෝනියේ සංවේදීම කොටස. මේක ඇත්තටම ස්පොන්ජ් ටිෂූ දෙකක් විදිහට කවාකාරව වැජයිනාව වටේට පිහිටන තරමක් විශාල ප්‍රදේශයක්. අපි මෑ ඇටය කියන්නෙ මේකෙ ඉදිරි කොටසට විතරයි. පස්සෙ තමයි තේරුම් ගත්තෙ ක්ලිටොරිසය අපි හිතුවට වඩා ලොකුයි කියල. මුත්‍රා මාර්ගයට ඉහළින් තමයි මේක පිහිටලා තියෙන්නෙ.

    ක්ලිටෝරිසයෙන් මුත්‍රා කිරීමට හෝ දරුවන් බිහිකිරීමට අදාල කිසිඳු කාර්යයක් කරන්නෙ නෑ. ඒක දැනට හොයාගෙන තියෙන්නෙ තෘප්තිය වෙනුවෙන් පමණක්ම පිහිටියා වූ එකක් කියල. කළල කාලෙදි පුරුෂ ලිංගයයි ක්ලිටෝරිසයයි දෙකම නිර්මාණය වෙන්නෙ එකම පටකවලින්. ඒත් පුරුෂ ලිංගය දරුවන් බිහිකරන්න වගේම මුත්‍රා කරන්නත් පාවිච්චි වෙනවා. ක්ලිටෝරිසය එහෙම නෑ.

    ස්ත්‍රීන් වඩා ගැඹුරු සුරතාන්තයක් ලබන්නේ ක්ලිටෝරිසය ස්පර්ශ කිරීමෙන්ද නැත්තං වැජයිනා පිවිසුමකින්ද කියන සංවාදය ෆ්‍රොයිඩ්ගෙ කාලෙ ඉඳන් තියෙනවා. ස්ථාපිත මතය වුනේ වැජයිනා සුරතාන්තයක් වඩා ගැඹුරුයි කියන එක. නමුත් මෑත කාලෙ කරපු පර්යේෂණවලින් ඔප්පු වෙනවා මේ සුරතාන්ත දෙක අතරම කිසිම වෙනසක් නැති වග. ක්ලිටොරිසයෙන් වුනත් යෝනි මාර්ගයෙන් වුනත් ස්ත්‍රීන් ලබන සුරතාන්තය එකක්.

    දැන් අපිට බලන්න පුළුවන් ලිංගික කාර්යයට සම්බන්ධ අභ්‍යන්තර අවයව සහ ප්‍රදේශ මොනවද කියල. යෝනි මාර්ගය, කන්‍යාසිවිය, ගැබ්ගෙල කියල හඳුන්වන ඉංග්‍රීසියෙන් සර්වික්ස් කියන ප්‍රදේශය, ගර්භාෂය, පැලෝපීය නාල සහ ඩිම්බකෝෂ. මේ දේවල් තමයි එයාගෙ ඇතුලතින් අපිව පිළිගන්න බලාගෙන ඉන්නෙ.

    මේ කන්‍යාභාවය කියන එක මොකකට තියෙනවද කියලවත් තාම හොයාගෙන නැති වුනත් එක එක සම්ප්‍රදායන්ගේ එක එක විශ්වාස ඇදහිළි පිළිවෙත් තහංචි මේ සිවිය වටේ නිර්මාණය වෙලා තියෙනවා. මේක යෝනිදොරටුව ආසන්නයේම පිහිටන තුනී මාංශමය බිත්තියක්. කන්‍යා සිවිය කියන්නෙ සිදුරු සහිත එකක්. ආර්තවයෙදි ඇතුලත රුධිරය පිටවෙන්නෙ ඒ සිදුරුවලින්. කිසිම ගයිනොකොලොජිස්ට් කෙනෙකුට පුළුවන්කමක් නෑ කන්‍යා සිවියක් පරීක්ෂා කිරීමෙන් ඒක උපතින්ම පිහිටි ආකාරයක්ද නැත්නම් යමක් නිසා බිඳී ගිය එකක්ද කියල කියන්න. සමහර අයගේ අර්ධ වශයෙන් මේක පිහිටන අතර තව සමහර අයගෙ මේක පිහිටන්නෙම නෑ. පිහිටලා තියෙනවා නම් ඒක ලිංගික සංසර්ගයකදී, යමක් යෝනි මාර්ගයට ඇතුල් කිරීමේදී මේක බිඳී යනවා. ඒ වගේම සුළු ප්ලාස්ටික් සැත්කමකින් නැවත සකස් කරන්නත් පුළුවන්.

    යෝනි මාර්ගය කියන්නෙ එකමත එක වෙළුනු මාංශමය පේශීන්ගෙන් හැදුනු ගර්භාෂයට අංශක 45ක ආනතියකින් පිහිටන මාර්ගයක්. සෙක්ස් නොකරන වෙලාවට මේක ඇකිලිලයි තියෙන්නෙ. ලිංගික උත්තේජනය ඇතිවෙද්දි මේ මාර්ගයේ මාංශපේශීන් ඉහිල්වෙනවා. ලිහිසි වෙනවා. ඒක නිසයි පුරුෂ ලිංගයක් ඇතුල් කරන්න කලින් ෆෝර්ප්ලේ කියන පූර්ව අනුරාග ඇළුම්වෙළුම් වැදගත්. යෝනි මාර්ගයේ ඉදිරි බිත්තිය සෙමි 8කුත් පිටුපස බිත්තිය සෙමි 6කුත් විතර දික්වෙනවා. මේ මාර්ගයේ ග්‍රන්ථි කිසිවක් නෑ. තනිකරම රුධිර නාලවලින් පිරිලා තියෙන්නෙ. ලිංගික උත්තේජනයකදි මේ මාර්ගය තෙත් කරන්නේ බාර්තොලින් ග්‍රන්ථිය විදිහට හඳුන්වන යෝනි මාර්ග පිවිසුමේ පිහිටන ග්‍රන්ථි දෙකකින්.

    මේ මාර්ගයේ ස්නායු අන්ත පිහිටීමකුත් නෑ. යෝනි මාර්ගයේ ඉදිරිපස කොටසට වෙන්න විතරයි ස්නායු අග්‍ර පිහිටීමක් තියෙන්නෙ. තුනෙන් දෙකක විතර නර්ව් ෆයිබර්ස් නෑ. ඒ නිසා තමයි ශිෂ්නයේ දිග වැඩිවීම ආස්වාදයට බලපාන්නෙ නෑ කියන්නෙ. ඒක මානසික හේතුවක් මිස ඒක පැහැදිලි කරන විද්‍යාත්මක හේතුවක් නෑ.

    ඊළඟට තියෙන්නෙ ගැබ්ගෙල පෙදෙස. මේක හරි හීනි ටියුබ් එකක්. පිටවෙන ආර්තව රුධිරය සහ ඇතුල්වන ශුක්‍රානු ගමන් කරන්නෙ මේක හරහායි. මේ ගැබ්ගෙල නැත්තං සර්වික්ස් කියන ප්‍රදේශයේ ග්‍රන්ථිවලින් ශ්ලේෂ්මලයක් නිපදවෙනවා. මේක ආර්තවය එක්ක සාන්ද්‍රණය වෙනස් වෙන එකක්. ඩිම්බයක් මුදා හරින්නෙ නැති කාලෙට සාමාන්‍යයෙන් මේ ශ්ලේෂ්මලය ගනකම්. ශුක්‍රාණුවලට ඒ හරහා යන්න බෑ. ඩිම්බයක් මුදාහැරීමට ආසන්න වෙද්දි මේක ඉතාම තුනී පැහැදිලි දියරයක් බවට හැරෙනවා.

    මේ ගර්භාෂ පිවිසුම් මාර්ගයට පස්සෙ තියෙන්නෙ අපි ගර්භාෂය කියන මාංශමය මල්ල. ඒක දිගෙන් සෙ.මි 7.5ක් පළලින් සෙ.මි 5ක් විතර වෙන එකක්. මේක හරියටම මිට මොලවපු අතක් විතර ඇති. ගර්භාෂයේ තියෙනවා එන්ඩ්‍රොමෙටි්‍රයම් සහ මයොමෙටි්‍රයම් කියල පටක ලේයර් දෙකක්. එන්ඩොමෙටි්‍රයම් කියන්නෙ ගර්භාෂයේ ඇතුලත ලයනින් එක. මයිමෙටි්‍රයම් කියන්නෙ මැද ලේයර් එක. මේ මැද මෘදු මාංශමය තට්ටුව නිසා තමයි ගර්භාෂය අවශ්‍ය තරමට විශාලවෙන්න ඇකිලෙන්න පුළුවන් වෙන්නෙ. අපි ලේසියට ගර්භාෂයේ ඇතුලත ලේයරය සහ මැද ලේයරය කියමු.

    මේ ඇතුලත ලේයරය ගැබ් ගැනීමේදි වගේම ආර්තවයේදී වැදගත් කාර්ය කොටසක් කරනවා. සංසේචනය වුනු බීජය ඇවිත් ගර්භාෂයේ තැන්පත්වෙන්නෙ මේ ලේයරය මතයි. ඒ වගේම හැම මාසයකදිම ඔසප් වීමත් එක්ක ඒ සරුබීජය බාරගන්න ගර්භාෂය ඇතුලත සකස්වෙන මේ ඇතුලත බිත්ති ගැලවිලා රුධිරය එක්ක පිටවෙනවා. ආයිමත් ඊළඟ මාසෙදි සංසේචනය වුනු ඩිම්බයක් බාරගැනීමේ බලාපොරොත්තුවෙන් අලුතෙන් හැදෙනවා.

    ගර්භාෂයේ ඉඳන් පිටතට විහිදී යන පැලෝපීය නාල දෙකක් තියෙනවා. මේවා සෙ.මි 10ක් විතර දිගයි. මේ නාලවල අනෙක් කෙලවර හැදිලා තියෙන්නෙ පුනීලයක් වගේ. ඒවා ඩිම්බකෝෂ පැත්තට හැරිලයි තියෙන්නෙ. ඒ කෙලවරෙන් ඇඟිලි වගේ ව්‍යුහයන් ඩිම්බකෝෂය දිහාවට දික්වෙනවා. මේ ඩිම්බකෝෂයකින් පිටවෙන ඩිම්බයක් අර පුනීලයක් ඇතුලෙන් පැලෝපීය නාලයට ඇතුල්වෙනවා. ශුක්‍රානුවක් සහ ඩිම්බයක් මුනගැහෙන ලව්ලේන් එක වෙන්නෙ පැලෝපීය නාල. මේ ආදර මාවතේ ඩිම්බයක් ශුක්‍රාණුවක් බලාපොරොත්තුවෙන් දවස් හතක් ඇවිදන් එනවා.

    ඊළඟට අපි එනවා ඩිම්බකෝෂ වලට. මේ ඩිම්බකෝෂ වලින් තමයි ගැහැණු ශරීරයේ ලිංගික හෝමෝන වන ටෙස්ටස්ටරොන් සහ ඊස්ට්‍රජන් හෝමෝන නිපදවීම කරන්නෙ. ටෙස්ටස්ටරොන් කියන්නෙ පිරිමි හෝමෝනයක් කියලනෙ ගොඩක් අහලා පුරුදු. නෑ, ලිංගික ආශාව වැඩි කරන්න, නිරෝගී අස්ථි සහ මාංශ පවත්වාගෙන යන්න ගැහැණුන්ටත් ටෙස්ටෙස්ටරොන් ඕන වෙනවා. වැඩිහිටි පිරිමියෙක් වැඩිහිටි ගැහැණියකට වඩා දහගුණයක් විතරක් මේ හෝමෝනය නිපදනවා. නමුත් ගැහැණු ශරීරය මේකට වඩා සංවේදීයි. වැඩි ප්‍රමාණයක් ඊස්ට්‍රජන් හෝමෝනය නිෂ්පාදනය කළත් නිරෝගී පැවැත්මට මේ හෝමෝන දෙකම අවශ්‍ය වෙනවා. ඒ වගේම පිරිමි ශරීරවලත් ඊස්ට්‍රොජන් තියෙනවා.

    කෙල්ලෙක් වැඩිවිය පත්වෙද්දි ඩිම්බකෝෂයක පරිණත නොවූ ඩිම්බ 400,000ක් තියෙනවා කියලයි කියන්නෙ. ආර්තවය ළංවෙද්දි මේ ඩිම්බ සෛල බෙදෙන්න පටන් ගන්නවා.

    මේ අපරිණත ඩිම්බ නැත්නම් ෆොලිකල් කියල කියන සෛල දාහක් විතර ආර්තව සමයක් ළංවෙද්දි ඩිම්බයක් නිර්මාණය කරන්න මහන්සි වෙනවා. ඒත් එක ඩිම්බයක් විතරයි කෝෂයේ මතුපිටට ළඟාවෙන්න සමත් වෙන්නෙ. ඉතුරු ඔක්කොම අහක යනවා.

    මේ ප්‍රජනන පද්ධතියට සම්බන්ධ කොටසක් නොවුනත් ලිංගික පද්ධතියට සම්බන්ධ කොටසක් තමයි පියයුරු කියන්නෙ. ස්තන ග්‍රන්ථි පිහිටලා තියෙන්නෙ මේවා ඇතුලෙ. ඇත්තටම පියයුරු කියන්නෙ ඒ ස්තන ග්‍රන්ථි ආවරණය කරන මාංශමය කොටසට. මාස්ටර්ස් සහ ජොන්සන්ගෙ කාලෙ වෙනකල්ම මිනිස්සු විශ්වාස කළා මේ පියයුරුවල ප්‍රමාණය ලිංගික සතුටට බලපානවා කියල. ඒත් මාස්ටර්ස්ලා ඔප්පු කළා ඒ දෙක අතර කිසි සම්බන්ධයක් නැති වග. සමහර කෙනෙක් පියයුරු අල්ලනවට කැමති වෙන්න පුළුවන්, තව කෙනෙක් අකමැති වෙන්න පුළුවන්. ඒක ආස්වාදය ගැන පුද්ගලික රුචිඅරුචිකමකට වැඩි දෙයක් නෙමෙයි. ඇත්තටම පියයුරු මිරිකීමේදී බහුතරයක් ගැහැණුන්ට දැනෙන්නෙ යාන්තම් උත්තේජනයක් විතරයි.

    මේ එක පියයුරක් ඇතුළත 15ක් 20ක් අතර ප්‍රමාණයක් ඛණ්ඩිකා නැත්තං පෙතිවගේ ව්‍යූහයන් පිහිටනවා. මේවා ඇතුලෙ දරුවෙකුට අවශ්‍ය කිරි නිෂ්පාදනය වෙන ග්‍රන්ථි තියෙනවා. ඩේසි මලක පෙති වගේ තියෙන මේ ඛණ්ඩිකා විවෘත වෙන්නෙ පියයුරු තුඩ, නිපල් එක දිහාවට. මේ සියල්ල මේද ස්ථරයකින් ආවරණය වෙනවා. අපි බලන්න අල්ලන්න ආස මෙන්න මේ පිරුනු මේදමය පටකය. ඒකට තමයි තනේ කියන්නෙ.

    නිපල් එක නැත්තං ගැහැණියකගේ තනපුඩුව කියන්නෙ කිරි දෙන්න පුළුවන් විදිහට උල්වෙලා සකස්වුනු පටකමය ප්‍රදේශයකට. ඒ වටේට තියෙනවා අරියෝලා කියන තවත් ලස්සන වටරවුමක්. සාමාන්‍ය සමට වඩා තද පාට තුඩට වඩා ළාපාට රවුමක්. ලිංගිකව උත්තේජනය වෙද්දි මේ තනපුඩු උඩට ඉස්සෙනවා. ඒවා දරදඬු වෙනවා. පිරිමියෙකුගෙ වුනත් තනපුඩු හුරතල් කලොත් ඒවා මේ විදිහට ප්‍රතික්‍රියා කරනවා. ස්නායු අන්ත ගොඩක් ඒකරාශී වෙලා තියෙන නිසා තනපුඩු ඉතාම සංවේදීයි. සමහර විට සුරතාන්තයක් පවා ලබාදෙන්න පුළුවන් තරම් ප්‍රබලයි. මේ නිසා දරුවෙකුට කිරිදෙන අතරෙ සුරතාන්තය ලබන ගැහැණු ඉන්නවා.

    ඔන්න ඔය විදිහට අපිට සරලව ගැහැණු ලිංගිකත්වය සම්බන්ධ බයොලොජිය තේරුම් ගන්න පුළුවන්. ඊළඟ කොටසින් පිරිමි බයොලොජිය ගැන කතා කරමු.

  • ගැහැණුකමේ භාෂාව ආදරය

    ගැහැණුකමේ භාෂාව ආදරය

    මම ගැහැණියක් ගැන ලියන්න හදනවා. මට ගැහැණියක් ගැන ලියන්න පුළුවන්ද? මොකද මම පිරිමියෙක් හින්ද. එතකොට මගේ අතින් ලියවෙන්නෙ පිරිමියෙක් විසින් නිර්මාණය කරන ගැහැණියක් ගැනද?
    අනිත් අතට මම පිරිමියෙක්ද? පිරිමියෙක් හෝ ගැහැණියක් කියන්නෙ සම්පූර්ණ නිශ්චිත තත්වයක් නෙමෙයි. ලිංගිකත්වය ස්පෙක්ට්‍රම් එකක් නැත්තං වර්ණාවලියක් නම් අපි ඒකෙ විවිධ තැන්වල වෙනස් වර්ණ. මම පිරිමි ගැහැණු සංකලනයක්. ඒකෙ ප්‍රතිශතය අඩුවැඩි වෙන්න පුළුවන්.

    ඉතින් මම ගැහැණියක් ගැන ලියද්දි මට ලියන්න පුළුවන් වෙන්නෙ පුද්ගලයෙක් විදිහට මට ගැහැණියක් කවුද කියන එක. ඒක මට කියන්න වෙන්නෙ උපතේදී මුනගැහුනු අම්මාගේ සිට ජීවිත කාලයේ මට ඉන්ටිමේට් විදිහට බලපාපු ගැහැණු ජීවිත ඇසුරෙන්. ඒ ගැහැණු හැමෝමත් පරිපූර්ණ ගැහැණුද? කොහෙත්ම නෑ.

    ගැහැණියකගේ ඇසුර මට සුවිශේෂ වටිනාකමක් දෙන්නෙ ඇගේ ඇස්වලින් මම නොදකින ලෝකයක් මට ග්‍රහණය කරගන්න පුළුවන් නිසා. වෙනම සංස්කෘතික කලාපයක්, සංවේදන කලාපයක් ගැහැණු ඇස් ඇතුලෙන් මට ස්පර්ශ කරන්න පුළුවන් වෙනවා. ඒක මගේ පිරිමි ශරීරය සීමාවක් වෙමින් මගෙන් වසන් කළ මිනිස් පැවැත්මක ස්වභාවයක්. ඒ ගැහැණුකම දකිනකොට මට මගේ පිරිමි සීමාවන් මුනගැහෙනවා.
    ඒත් ගැහැණියක් කියන්නෙ වෙනම භාෂාවක්, වෙනම පැවැත්මක් කියන එක තේරුම් ගන්න මගේ ජීවිතේ ගොඩක් කල් ගතවුනා. ශරීරයට අනුරාගයට වඩා එහාට ගිහින් ගැහැණු සිතීම තේරුම් ගන්නවා කියන්නෙ පිරිමියෙක් ගැහැණු ආත්මයක් බවට පත්වෙනවා කියන එක නෙමෙයි. ඒ වෙනුවට පිරිමි තත්වානුරෝපනවලින් යම් තරමකට හෝ ඈත්වෙනවා කියන එක.

    මෙතනදි ගැහැණිය කියන පුද්ගලභාවයට යනවා වෙනුවට මම කැමතියි ගැහැණුකම කියන පැවැත්මේ ස්වභාවය ගැන කතා කරන්න. මේ ගැහැණුකම ඇතුලෙ පිරිමියෙකුට මුනගැහෙන තේරුම්ගන්නම බැරි දේ වෙන්නෙ ඈ කතා කරන ආදරයේ භාෂාව කියලයි මට හිතෙන්නෙ. පිරිමියෙක් තර්කයේ භාෂාවෙන් කියන්න හදන කිසි දෙයක් ගැහැණියකට වැඩක් වෙන්නෙ නෑ. විභාගවලට, උසස්වීම්වලට එහෙම වැදගත් වෙනවා ඇති. ඒත් ජීවිත ගනුදෙනුවකදි ගැහැණියක් බලන් ඉන්නෙ ඒ වචන හෝ ක්‍රියාවෙ තියෙන ආදරයේ මූලය දිහා.


    මොකක් හරි දේකදි ඈ එක්ක ගැටෙද්දි යම් දෙයක් ගැන එයාගෙ වරද අපි කියනවා කියල හිතමු. එතනදි එයා ඒ වරද කරන මනස ගැනත් අපි නොදැනුවත්ව උපකල්පනයකට යනවා. ඒක සිද්ද වෙන්නෙ අපේ මනසිකාරයට සාපේක්ෂව. එයා ඒ කිසි දෙයක් පිළිනොගන්න ඉඩතියෙනවා. එයා අපි එක්ක ගැටෙනවා. අපිට තරහ යනවා. එයා බොරු කියනවා කියල හිතෙනවා. ඒත් එක වෙලාවකදි අපිට එයාට රිදුනු තැන දකින්න පුළුවන් වෙනවා. එයාගෙ සම්පූර්ණ විරෝධයම තියෙන්නෙ අපි නැත්තං මම විසින් එයාව දැකපු විදිහ ගැන. ඒ සිදුවුනු කාරණය හෝ සිද්ධිය ගැන නෙමෙයි. ආදරය ඇතුලෙන් ඈ දිහා නොබලා පිටස්තර ද ෑසින් විනිශ්චය කිරීම ගැන. විනිශ්චය කියන්නෙ පිරිමි දඬුවමක්. ඒක මාරාන්තිකව බලපාන්නෙ ගැහැණුකමට.

    මේ වගේමයි ගැහැණුන්ට නිල ඇඳුම් නොපෙනෙන එකත්. පිරිමියෙක් බයෙන් තිගැස්සෙන පොලිස්කාරයෙකුගෙ තරුපටි ඉස්සරහා ගෑනු එල්ලි එල්ලි රන්ඩුවෙනවා. ගැහැණුන්ට පොලිස් නිලය පේන්නෙ නෑ. ඒ වෙනුවට ඒ ඇතුලෙ ඉන්න මනුස්ස ශරීරය ඈට පේනවා. එයා කතා කරන්නෙ, රණ්ඩු වෙන්නෙ ඒ මිනිහා එක්ක මිස නිලය එක්ක නෙමෙයි. ගැහැණු ලෝකෙ ඇතුලෙ නිල තානාන්තර හිස්.
    පිරිමියෙකුට ගැහැණු ඇසුරක ලැබෙන්න පුළුවන් නිර්වාණය වෙන්නෙ මේ ආදරයේ භාෂාව ඇතුලට යන එක. ඝනීභවනය වුනු පිරිමිකම දියවෙන සුරතාන්ත මොහොතක් ඒක. ඒ පැවැත්ම ඇතුලෙ සමාජය සහ සංස්කෘතිය විසින් පනවපු නීති රීති සීමා කිසිදෙයක් වලංගු නෑ. නිරුවත් පැවැත්මේ මොහොතක් විතරක් මුනගැහෙනවා. ඒක හරියටම ඩ්‍රග් එකක් වගේ. ගැහැණු මනසක ටි්‍රප් කරන එක. හීලෑ නොවුනු වනාන්තර පැවැත්මක භාවනාවක් ඒක.

    ගැහැණුකම කියන්නෙ ගලායන වතුර පාරක් නම් ඒක වීදුරුවක් කෝප්පයක් ඇතුලට පුරවලා ඒ ගැන කතා කිරීම තේරුමක් නෑ. එතකොට අපි කතා කරන්නෙ භාජනේ හැඩය විතරයි. වතුර කියන්නෙ වෙන එකක්. ඒක විඳින්න නම් අපි ඇළක දොළක මුහුදක ගිලිලා නාන්න ඕන. ඒ මහා ජලස්කන්ධයේ පාවෙන අංශූවක් වෙන්න ඕන.

    ආදරේ කියන්නෙ අන්න එහෙම තැනකට දොරටුවක්. නමක් නොදී මලක් දිහා අපිට කොයිතරම් වෙලා බලන් ඉන්න පුළුවන්ද? එතකොට අපි මල බවට පත්වෙනවා. ගැහැණියක් සමග විනිශ්චය පසෙකලා අපිට කොයිතරම් වෙලා බලන් ඉන්න පුළුවන්ද? අපි අපේ අත්හැරුණු ගැහැණුකම වැළඳගන්නවා.

    චින්තන ධර්මදාස