සෙක්ස්/ලයිෆ් කියන්නෙ මේ ජූනි මාසෙ නෙට්ෆ්ලික්ස් වලින් මුදාහැරපු ශෘංගාර සීරිසයක්. ඒක පදනම් වෙන්නෙ බීබී ඊස්ටන් කියන කොන්ඩෙ රෝස පාට ලේඛිකාවගේ 44 Chapters about 4 men කියන නවකතාව මත. ඒකෙ තේමාව වෙන්නෙ ගැහැණියක් විසින් මවක්, ගෘහණියක් බවට පත්වෙන්න කරන තෝරාගැනීම සහ ඒ නිසා මගහැරෙන අනුරාගී සෙල්ලක්කාර ආත්මය ගැන කතාන්දරය. ඒ ලෝක දෙකම අයිති කරගන්න ගැහැණියකට පුළුවන්ද? නැත්නම් ස්වාමියාගේ බිරිඳ හැටියෙන්, දරුවන්ගේ මව හැටියෙන් රාගහරණය කළ ජීවිතය ඇය තටු කපාගෙන බාරගත යුතුද?
බීබී ඊස්ටන් කියන්නෙ සයිකොලොජිස්ට් කෙනෙක්. එයා දරුවන් දෙන්නෙක් සහ සැමියා එක්ක ජෝර්ජියාවෙ ජීවත් වෙන්නෙ. මේ වෘත්තියෙන් අයින් වෙලා එයා පොත් ලියන්න තීරණය කරනවා. එතනදි එයාට හිතෙනවා එයාගෙ පන්ක් රොක් අතීතය සහ හිතාගන්න බැරි තරම් ප්‍රචණ්ඩව ගතවුනු ලිංගික ජීවිතය ගැන ලියන්න. මේ පොත ලියවෙන්නෙ ඊස්ටන්ගෙ ඒ මතකයන් විදිහට. එයාගෙ ෆේස්බුක් පිටුවට ගියොත් බලාගන්න පුළුවන් ඒ දෙබස්, ඒ සිද්ධීන් එයා කොයිතරම් තලුමරනවද කියල.
මේ කතා පෙළ ස්ටේසි රුකේසර් අතින් සීරිස් එකක් විදිහට නිර්මාණය වෙනවා. ඒකෙ නිතර තැන තැන අපේ ප්‍රධාන චරිතය වන සයිකොලොජිස්ට් එයාගෙ පරණ පෙම්වතා එක්ක ගතවුනු සෙක්ස් ගැන මතක් කරනවා. ඒ උමතුව අහිමි මළානික ජීවිතය ගැන කණස්සලු වෙනවා. ඒත් එයාට ඕන නෑ සැමියා සහ දරුවන් අත්ඇරලා ආශාව හඹා යන්න. ඒ වගේම සැමියා සහ දරුවන් වෙනුවෙන් ආශාව මරාදමන්න ඕනත් නෑ.
ඒ එක තැනක කෙල්ලක් උමතු කරන තරමේ ශෘංගාර අනුහසක් සහ දිගු ලිංගයක් හිමි පෙම්වතා සමග රමණය කරන අතර අපේ කෙල්ල බිලී ඒ සෙක්ස් පොසිෂන් එක ගැන කතා කරනවා. ඒක තමයි කොයිටල් එලයින්මන්ට් ටෙක්නික්. බිලී ඒක සැමියා එක්කත් අත්හදා බලනවා. ඒත් සැමියාට කවදාවත් ඒක හරියට කරගන්න බැරි වෙනවා. කිසිම තාක්‍ෂණයක් ගැන නොදැන ඒ අතීත පෙම්වතා ශෘංගාර විස්කම් මැවූ හැටි ගැන බිලී පුදුම වෙනවා.
කොයිටල් එලයින්මන්ට් ටෙක්නික් (Coital Alignment Technique), සිංහලෙන් අමාරුවෙන් කිව්වොත් සංසර්ග ඉරියව්ව ගලපා ගැනීමේ තාක්‍ෂණයට සාමාන්‍ය වහරෙන් කියන්නෙ තිරිඟු ඇඹරීම කියල. මෙතනදි වෙන්නෙ ප්‍රසිද්ධ මිෂනරි ඉරියව්වම ක්ලිටොරිසය උපරිමයෙන් උත්තේජන කරන ආකාරයෙන් සකස් කරගැනීම. උඩ සිටින පිරිමියා හෝ ඩිල්ඩෝවක් පැළඳි ගැහැණිය මඳක් ඉදිරියෙන් තම ශරීරය පවත්වාගනිමින් ඉහල පහළ යාම කරන්න ඕන. ඒ වගේම දෙන්නාගේම අවධානය ලිංගේන්ද්‍රියන් ස්පර්ශ වන තැන රඳවාගනිමින් ඒ ස්පර්ශය උපරිම කරන ආකාරයේ රිද්මයක් ඇති කරගන්න එකත් වැදගත්. මෙතනදි වෙන්නෙ ශිෂ්නය සම්පූර්ණයෙන් යෝනිය තුලට ගමන් කරනවා වෙනුවට එහි බඳ කොටස ක්ලිටෝරිසයේ ඇතිල්ලෙමින් යෝනියේ තරමක් ඇතුලට ගමන් කිරීමේ ප්‍රවේශයක් ගැනීම.
මෙතනදි පිරිමියා විසින් ශිෂ්නය මිෂනරි ඉරියව්වේදී මෙන් ඉහලට යොමු කරනවා වෙනුවට පහල අතට යොමු කිරීමකුයි සිද්ද වෙන්නෙ. පිරිමියා ශරීරය ඉහළට ගෙන යද්දී ගැහැණිය පහළට යමින්ද නැවත පිරිමියා පහලට එන විට ගැහැණිය ඉහළට යමින්ද මේ ඇතිල්ලීමේ රිද්මය පවත්වාගන්නවා. එමෙන්ම බඳ කොටස කරකැවීමෙන් මේ සංවේදනය තවත් උපරිම කරන්න පුළුවන්. මේකට පුහුණුවක් අවශ්‍ය වෙනවා. හොඳින් පුහුණු වුනාට පසුව ගැහැණිය උඩින් සිටින ඉරියව්වෙන් Reverse CAT එකත් අත්හදා බලන්න පුළුවන්.
මේ තාක්‍ෂණය මුලින්ම නිර්වචනය කරන්නෙ ඇමරිකානු සයිකොතෙරපිස්ට් කෙනෙක් වන එඩ්වර්ඩ් අයිෂල්. මේ ගැන කෙරුණු පර්යේෂණ වාර්තාව 1988 දි සෙක්ස් ඇන්ඩ් මැරිටල් තෙරපි ජර්නල් එකේ පලවෙනවා.
මේ තාක්‍ෂණය හොයාගන්නෙම යෝනි සංසර්ගයෙන් පමණක් සුරතාන්තය ලැබීමට දුෂ්කර කාන්තාවන් වෙනුවෙන්. මෙතනදි උපරිම ආස්වාදය ලබන්නෙ බොටම් හෙවත් පහළින් සිටින ගැහැණියයි. යෝනි මාර්ගයේ ආස්වාදයට අමතරව එකවිටම ක්ලිටෝරිසයේ උත්තේජනයත් ලබාදීම මෙතනදි සිද්ද වෙනවා.
මේකට තිරිඟු ඇඹරීම කියන්නෙත් ඒ තාක්‍ෂණයේ ස්වරූපය නිසාමයි. ඇතුලට ගමන් කිරීම වෙනුවට ක්ලිටෝරිසයේ ඇතිල්ලීම ගැනයි වැඩි අවධානයක් යෙදෙන්නෙ. ඒක හරියටම ලෙස්බියන් සම්බන්ධයකදි වගේමයි. මේ ඇතිල්ලීමේ ඉරියව්ව හින්දයි මේකට තිරිඟු ඇඹරීම කියල කියන්නෙ. ලංකාවෙ නම් ආප්ප ගැසීම වගේ එකක් වුනත් හැදෙන්න තිබුන.
මේක මූලිකව ස්ත්‍රී පුරුෂ සංසර්ගයක් වෙනුවෙන් නිර්මාණය වුනත් ඩිල්ඩෝවක් සමග සමරිසි කාන්තාවන් දෙන්නෙකුට වුනත් අත්හදා බලන්න පුළුවන් ඉරියව්වක්.
කලින් සඳහන් කළා වගේ CAT මුලින් යොදාගත්තෙ යෝනි සංසර්ගයෙන් සුරතාන්තය ලැබීමේ අපහසුතා ඇති කාන්තාවන්ට. ඒකට අපි කියනවා ෆීමේල් කොයිටල් ඇනොර්ගස්මියා (female coital anorgasmia) කියල. 1995දි මේ ගැන කරපු පර්යේෂණයකින් තහවුරු වුනා මේ CAT ඉරියව්වෙන් කාන්තාවන් බහුසුරතාන්තයන්ට සහ වඩා පරිපූර්ණ තෘප්තියකට ළඟා වෙනවා කියල.
ඒ වගේම ක්ෂණික මෝචනයටත් මේක ඉතාම ප්‍රතිඵලදායී වුනා. ගැහැණු පිරිමි දෙදෙනාම ඇතිල්ලීම ගැන අරමුණු කරන නිසා බොහෝ වෙලාවක් ඔවුන්ට සංසර්ගයේ යෙදෙන්න පුළුවන් වුනා.
සාමාන්‍ය සමතලා ඇඳකට වඩා කොට්ටයක් තබා ඉන ප්‍රදේශය ඔසවා තැබීමෙන් මේ ඉරියව්ව පහසු කරනවා වගේම වැඩි තෘප්තියක් ලබාදෙනවා. කාන්තාවට පිරිමියාගේ පුළුවන් බඳ වටා කකුල් යවා ගනිමින් පාලනය තමන් අතට ගන්න. ඒ වගේම මේ අතර ඇඟිලිවලින් ඇගේ ශෘංගාර ප්‍රදේශයන් ස්පර්ශ කිරීමෙන් කිතිකැවීමෙන් ආස්වාදය උපරිම කරන්නත් පිරිමියාට පුළුවන්.
මතක තියාගන්න ඕන දේ තමයි හරි ස්ථානගත කිරීම් තේරුම් ගන්නකල් මේක ඉවසීමෙන් පුහුණු වෙන්න වෙනවා. ඒක නිසා එකපාර අතෑරලා දාන්න එපා. ඇත්තටම ඒ පුහුණුව කියන්නෙත් CAT ඉරියව්වෙ තෘප්තියෙන් අඩක්.
රෑට නිදාගන්න කලින් එපිසෝඩයක් බලන්න රමණීය (ඒ කියන්නෙ රමණයෙන් විචිත්‍ර) සීරීස් එකක් අත අරින්න එපා.
