ගැන්ග් බැන්ග් එකක් කියන්නෙ සිංහලෙන් සාමූහික රමණයකට. මේක තුන්දෙනෙක් කරන ත්‍රීසම් හෝ හතර දෙනෙක් කරන ෆෝර්සම්වලට වඩා වෙනස්. ඒ වගේම ගෲප් සෙක්ස් කියන සංකල්පයටත් වඩා වෙනස්. මෙතනදි එක පුද්ගලයෙක් වටා සියලු අවධානය කේන්ද්‍රගත වෙනවා. ඒ අයගෙ සම්බන්ධතාවයක් හෝ අඳුරනබවක් වෙනුවට අහම්බ නාඳුනන ස්වරූපයක් තමයි පවතින්නෙ. හැමෝම කේන්ද්‍රගත චරිතය සමග ලිංගිකව හැසිරෙනවා මිස එකිනෙකා සමග ලිංගිකව ගනුදෙනු කරන්නෙ නෑ. මේක පෝර්න් ඉන්ඩස්ටි්‍ර එක ඇතුලෙ වර්ධනය වෙන කන්සෙප්ට් එකක්. බොහෝ විට පෝර්න් කර්මාන්තයේ යෙදෙන සමාගම් මුදල් වියදම් කරලා ගැන්ග් බැන්ග් සාදයන් පවත්වනවා. ඒවා පටිගත කරලා මුදා හරිනවා.
ලෝකෙ ලොකුම සමූහ රමණය විදිහට සලකන්නෙ වර්ල්ඩ් බිගස්ට් ගැන්ග් බැන්ග් කියන ෆිල්ම් එක. මේක නිර්මාණය වෙන්නෙ 1995දි. ඇනබල් චොන්ග් කියන පෝර්න් නිළිය තමයි මේ ෆිල්ම් එකේ රඟපාන්නෙ. ෆිල්ම් එක පත්තු වෙලා යන්නෙ ඇය පිරිමි 300ක් එක්ක රමණය කරනවා කියන කතාවත් එක්ක. ඒත් ඇත්තටම පිරිමි 251ක ප්‍රමාණයක් තමයි සිද්ද වෙලා තියෙන්නෙ. මේ ෆිල්ම් එක අධ්‍යක්‍ෂණය කරන්නෙ ජෝන් ටී බෝන් කියන අධ්‍යක්‍ෂවරයා. එයාගෙ ඇත්ත නම ජෝන් ගිල්බර්ට් බෝවන්. මේ ෆිල්ම් එක තියන ආදායම් වාර්තා මත එයා 1996දි මේකෙ දෙවෙනි කොටසත් මුදාහරිනවා. තාමත් මේ නමින් සීක්වල් හැදෙනවා.
මේ ෆිල්ම් එක අද වෙන තුරුත් ලෝකෙ වැඩියෙන්ම ආදායම් ඉපැයූ පෝර්න් ෆිල්ම් අතර එකක්. මේ ගැන ගෆ් ලුවිස් කියන අධ්‍යක්‍ෂවරයා 1999දි ඩොකියුමෙන්ටි්‍රයක් කරනවා. ඇනබල් චොන්ග් ස්ටොරි කියන නමෙන්. ඒක සන්ඩාන්ස් උළෙලේ ග්‍රෑන්ඩ් ජූරි අවෝර්ඩ් එකට නොමිනේට් වෙනවා. ඒ ඩොකියුමෙන්ට්‍රියේ චොන්ග් කියනවා ඇයට කිසිම මුදලක් මේ චිත්‍රපටය වෙනුවෙන් ලැබුනෙ නෑ කියල.
මේ ෆිල්ම් එක පටන් ගන්නෙ සෙක්ස් කරන්න ඇවිත් ඉන්න අය සමග කතා කරන වීඩියෝ සංවාද පෙලකින්. ඊට පස්සෙ ඇනබල් චොන්ග් සෙට් එකට එනවා. ඩිරෙක්ටර් බෝන් එයාට සිද්ද වෙන්න ඕන දේ පැහැදිලි කරනවා. ඊට පස්සෙ සෙක්ස් කරන්න ඇවිත් ඉන්න අනිත් අයටත් සිද්දිය වෙන විදිහ විස්තර කරනවා. මේ ඉවෙන්ට් එක කරගෙන යන්නෙ රොන් ජෙරමි කියන සුප්‍රසිද්ධ පෝර්න් විරුවා. ජෙරමි ඊට පස්සෙ ෆ්ලෆ් ගර්ල්ස්ලව හඳුන්වාදෙනවා.
ෆ්ලෆ් ගර්ල්ස් කියන්නෙ පෝර්න් එකක ශිෂ්නය ප්‍රානවත්ව රඳවාගැනීම බාර පිරිස. අවශ්‍ය ජවනිකාව සූදානම් වුනාම නළුවාගේ ශිෂ්නය අවශ්‍ය ප්‍රමාණයට ප්‍රාණවත් කරලා දෙන්නෙ මේ අය. මුඛ සංසර්ගය සහ තවත් යෝනිය භාවිතා නොකරන ක්‍රම මගින් ෆ්ලෆ් ගර්ල්ස්ලා මේ වැඩේ කරනවා. ෆිල්ම් එකක මේ කොටස අයිති වෙන්නෙ මේකප් ඩිපාර්ට්මන්ට් එකට. මේ වෙද්දි ප්‍රොස්තෙටික් ප්‍රයෝග සහ වයග්‍රා තියෙන හින්ද ගොඩක් පෝර්න්වලට ෆ්ලෆ් ගර්ල්ස්ලා පාවිච්චි වෙන්නෙ නෑ. ඒත් ගැන්ග් බැන්ග් වලට නම් අවශ්‍යම වෙනවා.
ඇනබල් සමග සමූහ රමණය සිද්ද වෙන වේදිකාව හදලා තියෙන්නෙ රොමානු ක්‍රීඩා පිටියක් වගේ. ඒ මැද්දෙ තියෙනවා ඇඳක්. මෙසලිනා රෝම අධිරාජිනියගේ සමූහ රමණයක් වගේ හැඟීමක් දෙන්න තමයි මෙතනදි උත්සාහ කරලා තියෙන්නෙ. මෙසලිනා කියන්නෙ ක්ලෝඩියස් අධිරාජයාගෙ තෙවෙනි බිරිඳ. නීරෝගෙ සහ කලිගියුලාගේ ඥාති සොයුරිය. ඇගේ තිබුනු නොනිමෙන කාමගින්න සුප්‍රසිද්ද එකක්. ඇගේ සැමියාට විරුද්ධව කුමන්ත්‍රණයක් කිරීම නිසා ඇයට මරණ දඬුවම හිමිවෙනවා.
මේ ෆිල්ම් එක කරද්දි චොන්ග් නොදැනුවත්ව දැඩි අවදානමක් ගන්නවා. ඇයට කියන්නෙ ඇය සමග ලිංගිකව හැසිරෙන හැම දෙනාවම ලිංගික රෝග සඳහා පරීක්ෂා කළ අය කියලයි. නවකයන් විසින් කොන්ඩම පැළඳුවත් ප්‍රවීනයන් කොන්ඩම පළඳින්නෙත් නෑ. නමුත් අවසානයේදී හෙළිවෙනවා මේ අයගෙන් බහුතරයක් රෝග පරීක්ෂාවක් කරගෙන නෑ කියල. කළ අය වුනත් පරීක්ෂා කරගෙන තිබුනෙ එච්අයිවී සඳහා පමණයි. ඇනබල් නොදැන ඇයව ජීවිත අවදානමක හෙලීමක් මෙතනදි නිෂ්පාදක කණ්ඩායම විසින් කරනවා.
ඇයට පොරොන්දු වෙනවා ඩොලර් 10000ක මුදලක්. නමුත් මේ තරම් ආදායම් ලැබූ චිත්‍රපටයෙන් ඇයට ඒ මුදලවත් හිමිවෙන්නෙ නෑ. පෝර්න් කර්මාන්තය ඇයට සළකපු විදිහ ගැන ඇනබල් චොන්ග් පසුවෙන්නෙ දැඩි කළකිරීමකින්. ඒත් ඇය ශක්තිමත් ගැහැණියක්.
“පිරිමියෙක් ගෑනු 251ක් එක්ක කැමරාව ඉස්සරහ සෙක්ස් කළා නම් එයා මාර පිරිමියෙක් වෙනවා. ඇයි පිරිමි 251ක් එක්ක සෙක්ස් කරපු ගෑනියෙකුට ඒ ගෞරවය ලැබෙන්නෙ නැත්තෙ. මං ස්ටඩ් කෙනෙක්”
– ඇනබල් චොන්ග් –
ඇනබල් චොන්ග් ගේ කලින් නම වෙන්නෙ ග්‍රේස් ක්වෙක්. ඇය ස්ත්‍රීවාදිනියක්. සදර්න් කැලිෆෝනියා යුනිවර්සිටියෙ ෆයින් ආර්ට්ස් උපාධිධාරිනියක්. පස්සෙ එයා තීරණය කරනවා එයාගෙ ඇතුලෙ පොරබදන අසම්මත නිදහස්කාමී ගැහැණියට ඉඩදෙන්න. එයා ඇනබල් චොන්ග් බවට පත්වෙන්න තීරණය කරනවා. ස්ටි්‍රප් ක්ලබ්වල නර්තනයෙ යෙදෙනවා. පැය දහයක් ඇතුලත පිරිමි 251ක් එක්ක සෙක්ස් කරලා වාර්තාවක් තියනවා.
සිංගප්පූරු සාම්ප්‍රදායික සංස්කෘතියක හැදෙන, හොඳ පාසැල්වල හොඳ අධ්‍යාපනයක් ලබන කෙල්ලෙක් පෝර්න් ඇක්ට්‍රස් කෙනෙක් වෙලා වැඩිපුරම පිරිමි සමග නිදාගැනීමේ වාර්තාවක් තියන්න පෙළඹීම අමුතු කතන්දරයක්. මේ රෙකෝර්ඩ් එක තිබ්බට පස්සෙ එයා නැවත සිංගප්පූරුවට ගිහින් දෙමව්පියන්ට හෙලිකරනවා ඇගේ රස්සාව මොකක්ද කියල. එතනදි ඇතිවෙන හැඟීම්මය පුපුරා යාම ලුවිස්ගෙ ඇනබල්ගෙ කතාව ෆිල්ම් එකේ තියෙනවා.
මේ සන්ඩාන්ස් සම්මාන ගන්න චිත්‍රපටිය කරන ගෆ් ලුවිස් ඇනබල් එක්ක අවුරුදු දෙකක කාලයක් එකට ගත කරනවා. එයා යන එන තැන්වල හැමදේම වීඩියෝ කරනවා. ඉන් අවුරුද්දක විතර කාලයක් ඔවුන් ආදරවන්තයන් වෙනවා. ඒත් ලුවිස් ඒ කතාව ෆිල්ම් එකේදි කියන්නෙ නෑ. ඒ වගේම සමහර සිදුවීම් එයාගෙ ආරක්ෂාව පිනිස වසන් කරනවා. උදා විදිහට දෙන්නා වෙන්වෙන තැනදි ඇනබල් විසින් ඇයට හිංසා කරගැනීම වීඩියෝගත කරන ලුවිස් ඊට මඳක් එපිටින් තමන්ටම ඒ හිංසාව කරගනිමින් හිටපු වග ෆිල්ම් එකට ගේන්නෙ නෑ. ඇය තමන්ගේ ජීවිතය ගැන ලුවිස් කරපු චිත්‍රපටයට චෝදනා කරනවා. නමුත් සන්ඩාන්ස්වලදි ඒ අවුරුද්දෙ සම්පූර්ණයෙන් අලෙවි වෙලා අවසන් වුනු චිත්‍රපටි 200 අතරට මේ ෆිල්ම් එක එනවා.
ඇනබල් වැඩිහිටි චිත්‍රපටිවලට යොමුවෙන්නෙ ඇයට ඒ ගැන තිබුනු බුද්ධිමය කුතුහලයක් නිසාමයි. එයා ඇනබල් චොන්ග් කියන නම හදාගන්නෙත් එඩ්ගා ඇලන් පෝගෙ කවියකින්. ඇනබල්ට අනුව පෝර්න් කියන්නෙ ඉඩ් නැත්තං අපේ ප්‍රාථමික මනසේ සෙල්ලම් පිට්ටනිය. වර්ල්ඩ් බිගස්ට් ගැන්ග් බැන්ග් ෆිල්ම් එකට පස්සෙ එයාව සංවාදයකට ගෙනැත් අහනවා ‘ඇයි මෙහෙම එකක් කළේ’ කියල. එයා අනිත් පැත්තට අහනවා, ‘ඇයි මං එහෙම එකක් නොකරන්නෙ’ කියල. ඇනබල් එයාගෙ ෆිල්ම් එක දකින්නෙ ස්ත්‍රී ලිංගිකත්වයේ බලය නැවත අත්පත් කරගැනීමක් සහ ගැහැණුන් අප්‍රාණික ද්‍රව්‍ය ලෙස සැලකීමට විරෝධයක් හැටියෙන්.
ඒත් මාධ්‍ය ඒක දකින්නෙ ඒ විදිහට නෙමෙයි. ඒ මාධ්‍යවල ඇනබල්ට කියන්න ඕන වුන කතාව පළවෙන්නෙ නෑ. අද වගේ ඒ දවස්වල ඇනබල්ගෙ අදහස කියන්න සමාජ මාධ්‍ය තිබුනෙත් නෑ.
ඇනබල්ට සිංගප්පූරුවෙ ජනතාව සාප කරනවා. තමන්ව ඇහැටවත් දැකලා නැති අය පවා තමන්ට ඒඩ්ස් හැදිලා මැරෙන්න කියල ප්‍රාර්ථනා කරනවා දැකලා ඇය පුදුම වෙනවා. ඒ ප්‍රතිචාර මුලින් එයාව ඩිප්‍රෙස් කරනවා. පස්සෙ යාලුවො එක්ක බීපු වෙලාවට ඒවා හඬ නගා කියවලා හිනාවෙන්න එයා පුරුදු වෙනවා.
එක රැයින් මේ තරම් ජනප්‍රිය වීම තමන්ට ඉතාම අහිතකර එකක් වුනා කියලයි ඇනබල් කියන්නෙ. එයාට ඒ සම්පූර්ණ ප්‍රතිරූපයම අත්අරින්න ඕන වෙනවා. ඒ අතීතය එක්ක තිබුනු සියලු සම්බන්ධතා නවත්වන්න ඕන වෙනවා. මගේ ශරීරය වෙනුවට මගේ බුද්ධිය ගැන උනන්දු වෙන මිනිස්සු ඇසුරු කරන්න මට ඕන වුනා කියල ඇනබල් කියනවා.
එයා 2003දි පෝර්න් ඉන්ඩස්ටි්‍ර එකත් එක්ක තියෙන සියලු සම්බන්ධතා නතර කරනවා. ස්ටි්‍රපර් කෙනෙක් විදිහට එකතු කරපු සල්ලි වලින් ගෙදරක් අරන් එයා සොෆ්ට්වෙයාර් ඉන්ජිනියර් කෙනෙක් විදිහට ඉගෙන ගන්න පටන් ගන්නවා. ඇනබල් මේ වෙද්දි සොෆ්ට්වෙයාර් ඉංජිනේරුවෙක්.
“බෝයිෆ්‍රෙන්ඩ්ලා ඇවිත් යනවා. ඒක් එක්ස්-බෝයිෆ්‍රෙන්ඩ්ලා හැමදාම ඉන්නවා”
ඇනබල් කියන විදිහට එයාගෙ හැම පරණ පෙම්වතෙක් එක්කම එයා තාමත් හොඳටම යාලුයි. සම්පූර්ණයෙන්ම අමතක කළා කිව්වට පරණ අතීතයේ නටඹුන් දකින්න තාමත් එයා ඉඳහිට යනවා.
හවායිවල ඇනබල් ස්ටි්‍රප් ඩාන්ස් කරපු ක්ලබ් එකක් තියෙනවා. එතන එයාව නිතර මුනගැහෙන්න ආපු කස්ටමර් කෙනෙක් ගැන එයාගෙ ලස්සන මතකයක් තියෙනවා. ඒ කස්ටමර් මිෂෙල් ෆුකො ගැන සංවාද කරමින් ඇනබල් ලවා ලැප් ඩාන්ස් ගන්න ආසා කළා. මෑතක නැවත ඒ අතීතය හොයාගෙන ඇනබල් එහේ ගියත් මේ තැන හොයාගන්න බැරි වෙනවා.
ඒ කොහොම වුනත් ඇය ඇගේ අතීතය මරාදමනවා. ඇය ඇනබල්ව මරාදමමින් වෙබ් අඩවියෙ අවසාන වතාවට පළ කරන පණිවුඩය මෙහෙමයි.
“ඇනබල් මියගියා. ඇයගේ නපුරු අවතාරය මෙතැන් පටන් පූර්ණ වශයෙන් ඇය විදිහට පෙනී ඉන්න පටන් ගන්නවා. ඇනබල්ගෙ සම්පූර්ණ සංකල්පයම මට මේ වෙද්දි ඇතිවෙලා තියෙන්නෙ. මං කැමතියි වෙන අලුත් දෙයක් කරන්න”
