පහන්තුඩාවෙ දියඇල්ල පසුබිම් කරගෙන වීඩියෝවක් නිර්මාණය කරලා ලංකාවෙ සියලු සදාචාරවාදීන් සංස්කෘතිය රැකගැනීමට එකාවගේ පාරට බැස්ස දවස මතකද? පැය 48 විශිෂ්ට මෙහෙයුමකින් ජනාධිපති, පොලිස්පති පවා ක්රියාත්මක වීමෙන් ඒ යුවළ අත්අඩංගුවට ගත්තා මතකද? ඊට පස්සෙ කොවිඩ් ආසාදනය වී ඇති නිසා ඒ අයව නිරෝධායනයට යොමු කළානෙ. ඊට පස්සෙ මොකද වුනේ කියල දන්නවද?
ඒ අය තමන් නිවැරදිකරුවන් ලෙස පෙනී සිටිමින් නීතිය අභියෝග කරන්න පසුබානවා. ඒක ලංකාවෙ හැටි. එහෙම නීතිය එක්ක හැප්පුනා නම් හැම නඩුවාරයක් පාසාම මාධ්යවේදීන් කියන අය ෆොටෝ දදා ඒ අයව විනාස කරනවා. ඉතින් කිසි කෙනෙක් මේ යටත්විජිත කාලෙ නීති වෙනස් කරන්න ඉස්සරහට එන්නෙ නෑ.
මේ නඩුව තිබුනෙ බලංගොඩ. ඒ මහේස්ත්රාත්වරයා වරද පිලිගැනීම නිසා මේ යුවළට රුපියල් 10,800ක දඩයක් නියම කරනවා. මාස තුනක සිර දඬුවමක් නියම කරලා ඒක වසර හතකට අත්හිටුවනවා. ඒ යුවළ නිදහස් වෙනවා. රටක් කළඹන මහා මෙහෙයුම් කරපු වරදක් පිටිපස්සෙ තියෙන ඇත්ත නීතිමය තත්වෙ ඔච්චරයි. දිගට නඩුවක් කියනවට වඩා වරද පිලිගෙන යන එක චූදිතයන්ට වාසියි.
ඒත් නැවත නැවත මේ වගේ කාම ප්රවෘත්ති මගින් රටක මිනිස්සුන්ගෙ කුණු චෛතසිකය පිනවමින්, වික්ටෝරියානු කුහකත්වය සන්තර්පනය කරමින් මාධ්ය රැඟුම් පෑමේ අවකාශය දිගටම පරිස්සම් වෙනවා.
Leave a Reply