Category: Sex Education

බහුතරයක් විෂම ලිංගික පිරිමි ඒනල් සෙක්ස්වලට බයයි. තමන්ගේ ගුද මාර්ගය ආශ්‍රිතව තියෙන පිරිමිකම පිළිබඳ මොකක්ද එකක් ඒ අය විශ්වාස කරනවා. කවුරු හරි තමන් සමග ගුද සංසර්ගය කලොත් ඒ පිරිමිකම නැති වෙනවා වගේ එකක්.

‘මට පු.. අරින්නද එන්නෙ?’

මේ වගේ යෙදුම් පවා හැදෙන්නෙ මේ ගුදය සමග බැඳුනු පිරිමිකමෙන්. පිරිමින්ගෙ ගුද සංසර්ගය සලකන්නෙ සමලිංගිකයන්ට සීමාවුනු දෙයක් විදිහට. මෙන්න මේ මරිමෝඩ පිරිමි සංකල්පය නිසා ගුද සංසර්ගයෙන් ලැබෙන විශාල ආස්වාදයක් විෂම ලිංගික පිරිමින්ට මගඇරෙනවා.

මෙතනදි ගුද සංසර්ගය කිව්වට මේක ඉංග්‍රීසියෙන් හඳුන්වන්නෙ ඈස්ප්ලේ කියල. ඒ කියන්නෙ සංසර්ගයට අමතරව ඇඟිලිවලින් දිවෙන් ආදියෙන් ඒනසය (ගුදය) ආශ්‍රිතව කරන තවත් බොහොමයක් ශෘංගාර ක්‍රියාකාරකම්.

1. ඒක ආස්වාදනීයයි.
ඒනල් සෙක්ස් වේදනාකාරීයි කියන එක මිත්‍යාවක්. හරි සූදානමකින් තොරව, හදිස්සියෙන් කරන ඒනල් සෙක්ස් වේදනාකාරීයි තමයි. ඒත් ඕනම ලිංගික ක්‍රියාකාරකමක් ඒ විදිහෙන් කලොත් වේදනාකාරීයි. ලූබ්රිකන්ට් පාවිච්චි කරලා, ටිකෙන් ටික ඒනසය එක්ක ශෘංගාර හැසිරීම් පුහුනු වුනොත් ඒක පුදුම තරම් ආස්වාදජනකයි.

2. සංසර්ගය විතරක් නෙමෙයි
කලින් සඳහන් කළා වගේ මේක අනිවාර්යෙන්ම ශිෂ්නයක් ඇතුල් කිරීමක්ම වෙන්න අවශ්‍ය නෑ. මොකක් හරි විදිහකින් උදා විදිහට බට් ප්ලග් එකක්, සෙක්ස් ටෝයි එකක් පාවිච්චි කරලා, ප්‍රොස්ටේට් උත්තේජනයක් ලබාදෙන්න පුළුවන් නම් මේ තෘප්තිය ලබාගන්න පුළුවන්.

3. පෙගින්
පෙගින් කියන්නෙ කාන්තාව කෘතිම ශිෂ්නයක් පැළඳගෙන පිරිමියා සමග ඒනල් සෙක්ස් කරන එකට. ඒක වෙනම විදිහක ෆැන්ටසියක්. ගැහැණුබව ගැන පිරිමිබව ගැන අපේ ඔලුවල කන්ඩිෂන් කරපු සීමාවන්, මනස්ගාතයන් පැත්තකට දාලා නිදහසේ සෙක්ස් කරන්න අපිට පුළුවන් නම් අපේ තෘප්තියත් අසීමිත එකක් වෙනවා. කැමති විදිහකින් ශරීරය විඳින්න. සෙක්ස් කියන්නෙ ඒකට.

4. ඈස්ප්ලේ කරන්න නම් ඇඟ ගැන හොඳට දැනගන්න.
පිරිමියෙකුගේ හෝ ගැහැනියකගේ ගුද මාර්ගය කියන්නෙ වැජයිනා එකකට වඩා වෙනස් කලාපයක්. යෝනි සංසර්ගයේදි ලුබ්රිකන්ට් අවශ්‍ය නොවෙන්න පුළුවන් වුනත් ඒනල් සෙක්ස්වලදි ලුබ්රිකන්ට් අවශ්‍යමයි. ඒ වගේම ඒනල් සෙක්ස් කරන අය ඒ මාර්ගය පිරිසිදුව සූදානම්ව තියාගැනීමත් පුහුනු කරන්න ඕන. සෞඛ්‍ය සම්පන්න ආහාර කියන එක එතනදි වැදගත්.

5. සතුට වැඩියි
පිරිමින්ගේ ජී-ස්පොට් එකක් තමයි ප්‍රොස්ටේට් ග්‍රන්ථිය. ඒක තියෙන්නෙ අපේ ගුදයෙ අඟල් දෙකක් විතර ඇතුලෙන්. ඒක වෝල්නට් එකක් තරම ඇති. මේ ග්‍රන්ථිය ඇතිල්ලෙනකොට තදවෙනකොට දැනෙන ආස්වාදය ඉතා වැඩියි.

ඒ වගේම තව තෘප්ති කලාපයක් තමයි ඒනල් රිංග් එක. මුලින් මේක හරිම තදට දැනෙන්න පුළුවන්. ඒක එහෙම වෙන්නෙ ජීවිත කාලෙ පුරාම නොදැනුවත්වම මේක තද කරගෙන සිටීම නිසා. මේ මාංශපේශීන් ඉහිල් කිරීම සහ විවර කිරීම ලොකු තෘප්තියක් ලබාදෙනවා. සුරතාන්තයකට පත්වෙන තරමෙ තෘප්තියක් මේ වළල්ලෙන් විතරක් ගන්න පුළුවන්.

ඒ වගේම ක්ෂනික මෝචනය ගැන ගැටලුවක් තියෙනවා නම් මේ ගුද මාර්ගය ඇඟිල්ලක් හෝ සෙක්ස් ටෝයි එකක් මගින් උත්තේජනය කිරීමෙන් සුරතාන්තය පමා කරන්නත් පුළුවන්. ශිෂ්න තෘප්තියෙන් ගුද තෘප්තියට මාරු වෙන්න පුළුවන්. පිරිමියෙක් තමන්ගේ ශිෂ්නයෙන් විතරක් තෘප්තිමත් වෙන එක හරියට කාන්තාවක් එයාගෙ ක්ලිටොරිස් එක විතරක් පාවිච්චි කරනවා වගේ වැඩක්. සංසර්ගයකදී පරිපූර්ණ තෘප්තියක් හොයාගෙන යන එකයි වටින්නෙ.

6. පී ස්පොට්
මේ ප්‍රොස්ටේට් එකට කියනවා පී ස්පොට් කියල. මේ වෙනුවෙන්ම හැදුනු සෙක්ස් ටෝයිස් තියෙනවා. මොකද පී ස්පොට් එක ආශ්‍රිත සුරතාන්තය අසමසම එකක්.

7. සෙක්ස්වලදි සාම්ප්‍රදායික වෙන්න එපා
සෙක්ස්වලදි අත්හදාබැලීම් කරන එක අපි හිතනවට වඩා ලොකු ආත්මීය නිදහසක් ලබාදෙනවා. ආගමෙන් සම්ප්‍රදායෙන් සමාජයෙන් පැනවුනු සීමාවන් බිඳගෙන යාමේ නිදහස එතන දැනෙනවා. අපේ සංසර්ගයට පවා පනවා ඇති ව්‍යවස්ථා උල්ලංඝනය කිරීමේ තෘප්තිය සුරතාන්තමය එකක්. පෙම්වතිය එක්ක ඔබේ ආශාවන් කුතුහලයන් බෙදාගන්න. ඔයාව තෘප්තියේ අනෙක් කෙලවර දක්වා ගෙනියන්න එයාට ඉඩදෙන්න. ඔබ ඇය තුලට ඇතුල්වෙනවා වගේම ඔබ තුලට ඇය ඇතුල්වීමේ තෘප්තියත් විඳින්න.

8. අනෙක් ලිංගිකයන් තේරුම් ගන්න උදව්වක්.
විෂම ලිංගික සීමාවෙන් එලියට ඇවිත් ඒනල් සෙක්ස් ආස්වාදය විඳින කෙනෙකුට පුළුවන් ‘ගේ’ හෝ ‘බයි’ අයව වඩා හොඳින් තේරුම් ගන්න. විෂම ලිංගික සදාචාරයේ විනිශ්චයන් බැහැර කරන්න. ඇත්තටම තෘප්තියෙන් ඔබ්බට හොඳ වටහාගැනීමක් ඇති සමාජ සම්බන්ධතාවලටත් පිරිමියෙක් විදිහට ඒනල් සෙක්ස් විඳීම බලපානවා.

9. ප්‍රොස්ටේට් කැන්සර් වළක්වන්න
ප්‍රොස්ටේට් පිළිකා වළක්වන්න ප්‍රොස්ටේට් ග්‍රන්ථිය මසාජ් කිරීම හොඳ විදිහක් කියල විශේෂඥයො කියනවා. ඉතින් ඒනල් සෙක්ස් කියන්නෙම ප්‍රොස්ටේට් මසාජ් එකක්. පිළිකාව වළක්වන්න. ඒනල් ට්‍රයි කරන්න.

ගැහැණියක් තමන්ගේ පෙම්වතාට හෝ පෙම්වතියට කියලා දෙන්න ඕන එයාව ස්පර්ශ කරන්න ඕන කොහොමද, එයාව අවදි කරන්න ඕන කොහොමද කියන එක. මේ ඉගැන්වීම තමයි හොඳ සම්බන්ධතාවයක් හදන්නෙ. පොත්වලින්, වීඩියෝවලින් ඉගෙන ගන්න පුළුවන්. ඒත් හැම ගැහැණියක්ම එකිනෙකාට වෙනස්. තෘප්තිය ලබන අත්විඳින විදිහ වෙනස්. තමන් සතුට ලබන කලාව තමන්ගේ පිරිමියාට හෝ සමරිසි නම් අනෙක් කාන්තාවට හෝ ඉගැන්වීම ආදරේ කොටසක්. ලිංගික සම්බන්ධයකදි තමන්ගේ තෘප්තිය අත්පත් කරගැනීම ගැහැනියකගෙ වගකීමක් වෙනවා.

විශේෂයෙන්ම අද තරුණ තරුණියන් පුහුණු වෙන්න ඕන, ඉගෙන ගන්න ඕන දෙයක් තමයි සංවාදයක් පවත්වාගෙන යාමේ කලාව.  මෝබයිල් ෆෝන්, සෝෂල් මීඩියා නිසා අපිට නැතිවෙලා යන ඉතාම වටිනා ආර්ට් එකක් මේක. අනෙකා සමග ඉන්ටිමේට් සංවාදයක් අරගෙන යන එක. හොඳ ලිංගික ජීවිතයක් කියන්නෙ හොඳ සංවාදයක් පැවතීම කියන එකයි. පුළුවන් තරම් සංසර්ගය කිරීම කියන එක නෙමෙයි.

මිනිස්සු කියනවා ඒ ගොල්ලොන්ගෙ වැඩ සහ ප්‍රශ්න නිසා සෙක්ස් කරන්න වෙලාවක් නෑ කියල. ඒක විනාශයක්. සෙක්ස්වලට වෙලාවක් හදාගන්න එක අතිශයින්ම වැදගත්. ගැහැනියකට ලිංගිකව අවදි වෙන්න පිරිමියෙකුට වඩා වෙලාවක් යනවා. අනිවාර්යෙන්ම ඒ වෙලාව පිරිමියා විසින් හදාගන්න ඕන.

ඔයා සම්බන්ධතාවයක ඉන්නවා නම් ඒ අනිත් කෙනාව නැවත දැකීමේ ආශාවෙන් ඔයා පිරිලා ඉන්න ඕන. එයාව දකින මොහොතේදී කිසිම ආයාසයක් නැතුව ඔයාගෙ මුවට සතුටු හිනාවක් නැගෙන්න ඕන. ඔයාගෙ සහකරුවා හෝ සහකාරිය දැනගන්න ඕන එයා ඔයාගෙ ජීවිතේ ඉන්න එක ගැන ඔයා කොයිතරම් සතුටුද කියල.

ආචාර්ය රූත් වෙස්ට්හයිමර්

ඒනල් සෙක්ස් සිංහලෙන් කිව්වොත් ගුද සංසර්ගය, මේ පොලොව මත මිනිස්සු බිහිවුනු කාලෙ ඉඳන්ම තියෙන්න ඇති කියලයි කියන්නෙ. ගුද සංසර්ගය කිව්වම ඒක නිකං කැත කරලා දාන ගතියක් තියෙන හින්ද මේ ලිපියෙදි ඒනල් කියන වචනෙම පාවිච්චි කරන්නම්. අවුරුදු 4000ට විතර කලිනුත් ඒනල් සෙක්ස් කරන මූර්ති හම්බුවෙලා තියෙනවා.

ඒනල් සෙක්ස් වඩාත්ම පාවිච්චි වුනේ උපත් පාලනය වෙනුවෙන් කියලයි කියන්නෙ. ගෝත්‍ර සමාජවල ඉඳන්ම මිනිස්සු මේ විකල්පය පාවිච්චි කිරීමෙන් අනවශ්‍ය ගැබ් ගැනීම් වළක්වන්න පුළුවන් කියල දැනගෙන හිටියා.

හැබැයි ඒනල් සෙක්ස් කියන එක අනිත් උපත් පාලන ක්‍රම හොයාගන්න කලින් පාවිච්චි වුනු උපත් පාලන සංසර්ගයක් නිසාම ලෝකෙ ජනප්‍රිය වුනා කිව්වොත් වැරදියි. ගොඩක් අය ඒකට ආස වෙන්න ගත්තා. ඒක වඩාත් ප්‍රචලිත වුනේ ඒ හින්ද. සමරිසි අය අතර මේක කොහොමත් දිගටම පැවතුනා.
මෙහෙම සමහරු අතර තිබුනට මීට අවුරුදු විස්සකට විතර කලින් බැලුවොත් ඒනල් කියන එක ලොකු ටැබූ එකක්. තමන්ගෙ බිරිඳ එක්කවත් එහෙම දෙයක් ගැන කතා කරන්න මිනිස්සුන්ගෙ තිබුනෙ බයක්. ඒක වරදක් කියන හැඟීමක්. ඒත් මේ වෙද්දි ඒනල් කියන එක ඉතාම සාමාන්‍ය දෙයක් බවට පත්වෙමින් යනවා. අස්සක් මුල්ලක් නෑර ජනප්‍රිය වෙන පෝර්න් නිසා මේක නාගරික දුෂ්කර ප්‍රදේශ හෝ උස් පහත් හෝ බෙදීමත් නැතුව හැමෝගෙම අත්හදා බැලීමක් වෙනවා. ඇත්තටම වෙන විදිහකට කිව්වොත් අපි ඉස්සරට වඩා ලිංගිකව විවෘත සමාජයක් බවට පත්වෙලා තියෙනවා. ඒකට අවශ්‍ය ලිංගික අධ්‍යාපනය ලැබුනෙ පෝර්න් වලින්.

ඒනල් කියන එක ආස්වාදජනක ලිංගික අත්දැකීමක් වුනාට ඒක හැම ගැහැනියක්ම කැමති වෙන විදිහෙ එකක් නෙමෙයි. සමහරුන්ට මේක වේදනාකාරීයි. තෘප්තියක් ලබා දෙන්නෙ නෑ. ඒ වගේම සමහරුන්ට මේක දිව්‍යමය අත්දැකීමක්. මෙතෙක් අත්නොවිඳි තරමෙ සුරතාන්තයක්. ඒක නිසා තමන්ට ඒනල් කියන එක කොහොමද කියල තමන්ගෙ අත්දැකීමෙන් තීරනය කරන්න ඕන.

ඒනල් අත්හදා බලනවා නම් සැලකිලිමත් විය යුතු කාරනා පහක්.

1. ඉස්සෙල්ලා පුරුදු කරන්න – එකපාර ශිෂ්නය ඇතුල් කරනවා වෙනුවට බට් ප්ලග් එකක් හෝ ඇඟිල්ලක් මගින් ටිකින් ටික ඒ අවට මාංශපේශීන් ඉහිල් කරන්න. ඇතුල්වෙන්න ඉඩදෙන තරමෙ රිලැක්ස් බවක් දැනෙන කල් පමා කරන්න. එක පාර මේක බැරි වෙන්න පුළුවන්. ඒත් හෙමින් උත්සාහ කරන්න.

2. ලූබ් පාවිච්චි කරන්න. එයින් ලිස්සා යාම පහසු කරනවා. අතට අහුවෙන ඕන ක්‍රීම් එකක් පාවිච්චි කරන්න එපා. සමහර රසායනික ඒ සංවේදී ප්‍රදේශයන්ට හානිකර වෙන්න පුළුවන්. ඒ සඳහාම නිපදවන ලද ලූබ් එකක් පාවිච්චි කරන්න. වැඩි මිලක සිට ඊසි ග්ලයිඩ් වගේ අඩු මිළක් දක්වා ලූබ් ෆාමසිවල තියෙනවා.

3. බඩ සූදානම්ව තබාගන්න. වැසිකිලි යාමේ අපහසුතා ඇතිනම් ඒනල් උත්සාහ කරන්න එපා. ඉතා සැහැල්ලු කුසක් ඇති වෙලාවක් තමයි මේ අත්හදා බැලීමට වඩා සුදුසු වෙන්නෙ. උණු තේ කෝප්පයක් පානය කිරීම වගේ දෙයක් වඩා හොඳින් අභ්‍යන්තරය සූදානම් කරනවා.

4. කතා කරන්න. අනිත් කෙනාට දැනෙන විදිහ, වේදනාව, ආස්වාදය ගැන නිරවුල්ව කතාබහ කරන්න. ඒනල් කරන්න කලින් වගේම ඊට පස්සෙත් මේ කතාබහ වැදගත්. මේක සිද්ද වෙන්න ඕන දෙන්නම ඉන් ආස්වාදයක් ලබනවා නම් විතරයි.

5. පිරිසිදුබව වැදගත්. ඇතුල් කරන්න කලින් වගේම ඒනල් සෙක්ස්වලින් පස්සෙ නැවත වැජයිනා එකට ඇතුල් කරනවා නම් හොඳින් නැවත හොඳින් පිරිසිදු වෙන්න වගබලාගන්න. ගුද මාර්ගයේ ඇති බැක්ටීරියාවලට පුළුවන් යෝනි මාර්ගයේ ආසාදන ඇති කරන්න. ඒ නිසා පිරිසිදු බව ගැන වගබලාගැනීම ආසාදනවලින් වැලකීමට හේතුවෙනවා.

අපේ හිතවත් පර්යේෂක කණ්ඩායමක් ලංකාවෙ කාන්තාවන් සහ ඒ අය ඒනල් සෙක්ස් දකින විදිහ ගැන ඔන්ලයින් සමීක්ෂනයක් කළා. ලංකාවෙ ඔන්ලයින් පාවිච්චි කරන අයගෙ සීමාවත්, මේ වගේ පර්යේෂනයකට කැමැත්තෙන් සහභාගිවන කාන්තාවන්ගෙ සීමාවත් නිසා මේ ගැන ඔන්ලයින් පර්යේෂනයක් සාර්ව මට්ටමේ ලා සලකන්න බෑ. ඒ වගේම එක දවසක් තුල කෙරුනු මේ කටයුත්තට සහභාගි වුනේ කාන්තාවන් 30කගෙ සුළුතර කණ්ඩායමක් විතරයි. ඒ හින්ද මේක ඉතා සීමිත වපසරියක කෙරුනු ඩිප්ස්ටික් රිසර්ච් එකක් වෙනවා.

මේ පිරිසෙක් 89%ක් කාන්තාවො ඒනල් සෙක්ස් ගැන දැනගෙන හිටියා. එහෙම එකක් නොදැන හිටපු 11%ක් හිටියා. ඒනල් සෙක්ස් ගැන සමීප යාලුවො එක්ක කතාබහක් ඇතිවෙලා තියෙනවද කියල අහපු ප්‍රශ්නෙට 73%ක් ඔව් කියල උත්තර දුන්නා. 27%ක් කිසිම දවසක කා එක්කවත් ඒනල් ගැන කතා කරලා තිබුනෙ නෑ.

ඒනල් සෙක්ස් නොකලත් ගොඩක් අයට ඒනල් උත්තේජනයක් ලබන්න පුළුවන්. ඇඟිල්ලෙන් දිවෙන් ටෝයි එකකින් මේක සිද්ද කරන්න පුළුවක්. මේ පිරිසෙන් 78%ක් කාන්තාවෙ ජීවිතේ කවදම හරි ඒනල් උත්තේජනයක් ලබලා තිබුන. 10% ක් කිසි දවසක එහෙම එකක් ලබලා තිබුනෙ නෑ. තවත් 10% එවන් උත්තේජනයක් ලබන්න කුතුහලෙන් පසුවුනා.

මේ උත්තේජන මොන විදිහෙ ඒවද කියල පර්යේෂකයො ඇහුවා. මෙතනදි ඇඟිලි ඇතුල්කිරීමෙන් 76%ක් ඒ ප්‍රදේශය ලෙවකෑමෙන් දිවගෑමෙන් 67%ක් ශිෂ්නයක් ඇතුල් කිරීමෙන් 59%ක් සෙක්ස් ටෝයිස් පාවිච්චි කිරීමෙන් 47%ක් උත්තේජන අත්දැකීම් ලබලා තිබුන.

මේ අයගෙන් වැඩිම පිරිසක් කැමති වුනේ දිවෙන් උත්තේජනය කරන එකට. ඊලගට ඇඟිල්ල පාවිච්චි කරන එකට. ඊට පස්සෙ සෙක්ස් ටෝයි එකක් යොදාගන්නවට. ශිෂ්නය ඇතුල් කිරීමේ උත්තේජනයට කැමති වුනෙ 19%ක කොටසක් විතරයි.

මේ කාන්තාවන්ගෙන් 57%ක් ස්වයං වින්දනය කරන අතරතුර ඒනල් උත්තේජන අත්දැකීමක් ලබා තිබුන. 34%ක් කිසි දවසක එහෙම ට්‍රයි කරලා තිබුනෙ නෑ. ට්‍රයි කරන්න කැමති 7%ක පිරිසකුත් හිටියා.

ඒ වගේම 42%ක පිරිසක් ඒගෙන් උත්තේජනය අසීමිතව වැඩිවෙනවා කියල කිව්වා. 13%ක් ඒක සම්පූර්ණයෙන්ම ප්‍රතික්‍ෂේප කළා. ට්‍රයි කරලත් ඒක හරියටම දන්නෙ නැති 7%ක් හිටියා. කරලත් නැති දන්නෙත් නැති 36%ක් හිටියා.

මේ පිරිසෙන් 69%ක් ඒනල් අත්හදා බලන්න තව යාලුවෙකුට නිර්දේශ කරන බව කිව්වා.

මේ කාන්තාවන් තමන්ගෙ අත්දැකීම ගැන විවිධ සටහන් තියල තිබුන.

“ක්ලිට් එක ස්පර්ශ කරන අතරෙ පිටිපස්සෙන් යමක් ඇතුල්කිරීම අතිශය ආස්වාදජනකයි. හැබැයි ඒ වෙලාවට අපි කැමති කෙනෙක් හිතෙන් මවාගන්න ඕන. එහෙම නැතුව කිසි වැඩක් නෑ.”

“ඒක හරිම කින්ක් අත්දැකීමක්. ඒක මරු”

“ඒනල් ප්ලෙෂර් එක වැජයිනල් ප්ලෙෂර් එකට වඩා වෙනස්. ඒක කෙනෙක් ලබන්න වටින අත්දැකීමක්. වේදනාව තුලින් ලබන අමුතුම සතුටක් ඒක”
“මට නං දිව්‍යමයයි. ඒකට සම කරන්න වෙන එකක් නෑ”

“ගොඩක් අය බයයි”

ක්‍රොස්ඩ්‍රෙසින් කිව්වම පිරිමි විදිහට අඳින්න පළඳින්න කැමති ගැහැනු සහ ගැහැණු විදිහට අඳින්න පළඳින්න කැමති පිරිමි කියන දෙවර්ගයම අයිති වෙනවා. හැබැයි ගැහැණු විදිහට අඳින්න කැමති පිරිමි කියන එක සමාජයෙ අපවාදයට උපහාසයට සහ අපහාසයට ලක්වෙනවා වැඩියි. පිරිමියෙක් ගෑනියෙක් වගේ ස්ටොකින්ස් දාන්න, ගවුමක් අඳින්න පෙළඹුනොත් ඒක උසුළුවිසුළු කිරීමකින් පටන් අරන් සමහර විට සදාචාරය වෙනුවෙන් කරන මරා දමීමක් දක්වා වුනත් යන්න පුළුවන්. තමන්ගෙ සැමියා තමන්ගෙ යට ඇඳුමකින් සැරසී ඉන්නවා දැක්කොත් බිරිඳක් ඒක කොහොම බාරගනීවිද? ඔෆිස් එකේ බොස් මස්කාරා ගාන්න, අයි ලයිනර්ස් අඳින්න කැමති බව දැනගත්තොත් ඔෆිස් එකේ සේවකයො බොස්ව කොයිතරම් සීරියස්  බාරගනීද? මේ හැමවෙලාවකම ක්‍රොස් ඩේ‍රසින් කියන එක පිරිමිකම පාවා දීමක්, ලොකු අහිමිවීමක්, පරාජිතවීමක් විදිහටයි සමාජය  බාරගන්නෙ.

මේක මාර අවුලක් විදිහට දකින්න පෙළඹුනාට ඇත්තටම මේ ආශෘව විශ්වීය මට්ටමේ අන්තිම සාමාන්‍ය එකක්. අපි ඉතාම ආසා කරන, කුතුහලයෙන් පෙලෙන විරුද්ධ ලිංගිකයෙකුගෙ ඇඳුමෙන් සැරසෙන එක ශෘංගාරාත්මක අත්දැකීමක්. ඇත්තටම එක ඩ්‍රැමටික් වැඩක්. අපි පොඩි කාලෙදි කව්බෝයි කෙනෙක් හරි ටාසන් රොබින්හුඩ් හරි වගේ වෙන්න ආසාවෙන් ඒ විලාසය ගන්නවා වගේමයි. තමන් ආශා කරන විරද්ධ ලිංගිකයාගෙ හම ඇතුලට රිංගලා ඒ අත්දැකීම විඳීමේ ප්‍රහර්ෂයක් ක්‍රොස් ඩේ‍රසර් කෙනෙක් විඳිනවා.

 මේක ඔන්ලයින් අවකාශයෙ අපි නිතර දකිනවා. කෙල්ලොන්ගෙ නම් වලින් ඉන්න කොල්ලො. ඒ ගොල්ලො කෙල්ලො විදිහට චැට් කරනවා. සමහර විට අනුරාගී විදිහට චැට් පවා කරනවා. විනෝදයක් විදිහට කළත් මේක ඇතුලෙත් ක්‍රොස්ඩේ‍රසින් හා සමාන අශාවක් සංතර්පනය වෙනවා.

 හිර ටයිට් ස්කර්ට් එකක් ඇන්දම කොහොමද, හයි හීල්ස් දාලා මාබල් පොලොවක ඇවිදිද්දි කොහොමද, බ්‍රා එකක් පටි තමන්ගෙ උරහිස්වල තෙරපෙද්දි කොහොමද, වැක්ස් කරපු කකුල් දෙකක් අතගෑවෙද්දි කොහොමද, මේ විතරක් නෙමෙයි සමහර විට ගැහැනියක් විදිහට පිරිමියෙක් සිපගනිද්දි දැනෙන හැගීම කොහොමද වගේ දෙයක් වුනත් කෙනෙකුට විඳින්න හිතෙන්න පුළුවන්. ක්‍රොස්ඩේ‍රසර් කෙනෙක් එකම වෙලාවක තමන් සහ තමන්ගේ ආශාවෙ වස්තුව කියන තැන් දෙකේම එකවිට පවතිමින් තියුණු ශෘංගාර ආස්වාදයක් ගන්නවා.

ට්‍රාන්ස්වෙස්ටයිට්ලව (ක්‍රොස් ඩේ‍රසින්වලට කියන තව වචනයක්) මහා සමාජය විසින් මේ බාහිර පෙනුම අනුකරණය කිරීම නිසා පිළිකුල් කළාට සාහිත්‍යයෙදි එහෙම ඉතා ගෞරව සහිතව පිලිගන්නවා.

 සාහිත්‍යකරුවෙක් තමන්ගේ ගැහැනු චරිතයක් නිරූපනය කරද්දි කරන්නෙත් මේකමයි.  තොලස්තෝයි ඇනා කැරනිනාව ලියද්දි ඒ කඩවසම් හමුදා නිලධාරියා එක්ක ආදරය කරන විවාහක ගැහැනිය බවට රූපාන්තරණය වෙනවා. ගුස්ටාව් ෆ්ලොබෙයා මේ ගැන එයාගෙ පෙම්වතියට කියනවා. එමා බෝවරි ලියද්දි එමා කියන්නෙ තමන් පිටින් බලාගෙන ඉඳලා ලියපු බාහිර චරිතයක් නෙමෙයි කියල එයා කියනවා. එයා එමා බවට පත්වෙනවා. හරි නං ෆ්ලෝබෙයා කියන්න ඕන, එමා රොඩොල්ෆ් එක්ක සෙක්ස් කරද්දි එයා එමාගේ පරිකල්පනීය රූපය ඇතුලට වැදිලා කොයිතරම් මාස්ටර්බේට් කළාද කියල.

ට්‍රාන්ස්වෙස්ටිසම් කියන්නෙ අපිට අපේ විශ්වීය පුරවැසිබව විඳින්න තියෙන අයිතිය සැමරිමක්. ලිංගිකත්වය මත බෙදීමෙන් සමාජය විසින් පනවපු පරිකල්පනීය සීමාවලට එරෙහි ප්‍රොටෙස්ට් එකක්. ක්‍රොස්ඩේ‍රසින් අපිට රෝමානු මහා නාට්‍යකරු ටෙරන්ස්ගෙ දාර්ශනික අදහසක් මතක් කරනවා.

‘මම මනුස්සයෙක්. මනුස්සයන්ගෙ කිසිම දෙයක් මට ආගන්තුක නෑ.’ (මෙතනදි මිනි ස්කර්ට් ජී ස්ටි්‍රන්ග් වගේ දේවල් වුනත් අයිතියි)

කවුරු හරි කෙනෙක් උත්පත්තියෙන් ලබපු, අපිට අඳුරගන්න පුළුවන් නිශ්චිත ලිංගිකත්වය ඇතුලට  සම්පුර්නයෙන් රාමුවෙලා නෑ කියල දැනුනම පොඩි අප්සෙට් එකක් එන්න පුළුවන්. ඒත් එහෙම කෙනෙක්ව,  හිතාගන්න බැරි අන්තයන් දෙකක තමන්ගේ ඇතුලතින් ජීවත්වෙන, පරාසයන් දෙකක එකවිට පවතින,  නිකංම පිරිමියෙක් හෝ ගැහැනියක් නොවෙන කෙනෙක් විදිහට තේරුම්ගත්තම ඒක ආස්වාදනීය වෙන්නත් පුළුවන්.

ගෑනු පිරිමි ඇඳුම් මාරුව කියන්නෙ  සමාජයක් තැතිගන්න, කම්පනය වෙන්න ඕන දෙයක් නෙමෙයි. අපේ ඔරිජිනල් කියල සම්මත කරපු අනන්‍යතාවයට අපි කොටුවෙලාම ජීවත් වෙන්න ඕන කියල එකක් නෑ. ඒ වගේම ආර්ට් ඇතුලෙන්, පරිකල්පනයන් ඇතුලෙන් අපේ අනෙකා බවට පත්වීම හොඳ දෙයක්. ඒක අපේ එම්පතිය නැත්තං මානුෂීය තේරුම් ගැනීම අනෙක් ලිංගිකත්වයන්ගේ ඉවුර දක්වා දිගු කිරීමක්. ඇඳුම් පැළඳුම්වලින් අපි සසල වුනත් අනෙක් බොහෝ වියමන්වලදි අපි මේක සුවපහසුවෙන් බාරගන්නවා.

ආධ්‍යාත්මික කලාපයෙ ශිව වගේ හින්දු විශ්වාසයක් ගත්තොත් අපි වැඳුම් පිදුම් කරන ඒ රූපය නිර්මාණය කරන්නෙ එකවිට ගැහැනියක් සහ පිරිමියෙක් විදිහට. පිරිමි බුද්ධ රූපයක් අපි නිර්මාණය කරන්නෙ බොහොමයක් ස්ත්‍රී ලක්ෂන ඇතුව. ඒත් කවුරු හරි පිරිමියෙක් ගෑනු බ්‍රා එකක් ඇන්දම අපි කැලඹෙන්න ගන්නවා. ඒක අපි ඇතුලෙ කන්ඩිෂන් කරපු ලිංගිකත්වයන් ගැන සංකල්ප විශ්වය හොල්ලන්න ගන්නවා.

 ඇත්තටම අපි නිරවුල්ව බැලුවොත් ක්‍රොස්ඩේ‍රසින් කියන එක ඉතාම සරල සාමාන්‍ය දෙයක් විදිහට බාරගන්න ඕන.