1992දි මැඩොනා සෙක්ස් කියල පොතක් ලියනවා. ඒක කොෆි ටේබල් බුක් එකක්. වෝනර් බ්‍රදර්ස්ලගෙ පොත් සමාගම සහ මැවෙරික් කියන මැඩොනාගෙ එන්ටර්ටේන්මන්ට් කොම්පැනිය එකතු වෙලා පොත කරන්නෙ. ඒකෙ ගොඩක් තියෙන්නෙ ෆොටෝස්. ඒවා සැඩොමැසොකිසම් නැත්තං ස්ව/පරපීඩකකාමය පැත්තට බර නිරුවත් ඡායාරූප.
මැඩොනා මේ පොත වෙනුවෙන් තමන්ට චරිතයක් නිර්මාණය කරනවා. එයාගෙ නම මිස්ට්‍රස් ඩීටා. 1930 ගණන්වල ජර්මානු නිළියක් වුනු ඩීටා පාර්ලොගෙන් තමයි එයා මේ නම ගන්නෙ. මේ පොතේ බිග් ඩැඩි, වැනිලා අයිස්, නයොමි කැම්බල් වගේ අය ගරු නිරූපණ කරනවා. පොත එන්නෙ ඇලුමිනියම් කවරයක් එක්ක.
පොතත් එක්ක මැඩොනාගෙ ඉරොටික් කියන සිංදුවෙ තනි සීඩී එකක් තිබුන. ඒ සිංදුවත් ඇතුලත් ඉරොටිකා ඇල්බම් එක රිලීස් වුනදාට පහුවෙනිද තමයි පොත එලියට එන්නෙ. පලවෙනි දවසෙ විතරක් පොත් 150,000ක් විකිනෙනවා. වැඩිම වේගයකින් අලෙවි වුනු කොෆි ටේබල් බුක් එක විදිහට සෙක්ස් ඉතිහාසගත වෙනවා. ඊටපස්සෙ පිටපත් මිලියන 1.5ක් අලෙවි කරමින් නිව්යෝර්ක් ටයිම්ස් බෙස්ට් සෙලර් ලිස්ට් එකේ උඩට එනවා.
සෙක්ස් පොතට පුදුම තරමෙ අවධානයක් ලැබෙනවා. ඒ වගේම සදාචාරවාදීන් සහ ස්ත්‍රීවාදීන් පන්න පන්නා පහර දෙන්නත් ගන්නවා. ඒත් මැඩෝනා තමන්ගෙ නිර්මාණය වෙනුවෙන් නොසැලී පෙනී ඉන්නවා. පහුවෙද්දි විචාරකයො අතර මේ පොතෙන් ඇති කරන සංස්කෘතික බලපෑම ගැන කතිකා ඇති වෙන්න පටන් ගන්නවා. ඉතාම නිර්භීත පශ්චාත් ස්ත්‍රීවාදී- පෝස්ට් ෆෙමිනිස්ට් වැඩක් විදිහට පොත සළකුනු වෙනවා. මුද්‍රිත පොත් අතර වඩා ඉක්මණින් මුද්‍රණ අවසන් වෙන පොතක් විදිහටත් සෙක්ස් වාර්තා තියනවා
මේ පොතට ආපු දැඩි විරෝධයට මැඩෝනා එයාගෙ ආර්ට් ඇතුලෙන්ම උත්තර දුන්නා. එයා හියුමන් නේචර් කියන සිංදුවෙ මෙහෙම කියනවා.
මම මොනවා හරි වැරදි දෙයක් කිව්වද? ඌප්ස්.. මම දැනගෙන හිටියෙ නෑ මට සෙක්ස් ගැන කතා කරන්න බෑ කියල.. මම සොරි කියන්නෙ නෑ. ඒක මනුස්ස ස්වභාවය – හියුමන් නේචර්
මේ පොතට ෆොටෝ 80000ක් විතර අරගෙන තියෙනවා. ඒත් පාවිච්චි කරලා තියෙන්නෙ මේකෙන් අල්පයයි. මේ පොතේ එන ප්‍රචන්ඩ ෆොටෝ ගැන සෑහෙන කතාබහ ඇතිවුනා. මේක ආර්ට් නෙමෙයි පෝර්න් කියල කිව්වා. මැඩෝනා සෙක්ස්වලට ගිහින් ඉවර වුනා කියල කිව්වා.
මේ ගැන මැඩෝනා එක්ක කරන එම්ටීවී ඉන්ටවිව් එකකදි අහනවා. මිනිස්සු මේක බාරගන්න එකක් නෑ කියල හිතුවෙ නැද්ද කියල. මොකද ඒ කාලෙ සෙක්ස්වලට තිබුන සංස්කෘතික වාරණයත් එක්ක.
මැඩෝනා කියනවා,
“මං ඒක කළේම මට එහෙම මිනිස්සු මේක බාරගන්න එකක් නෑ කියල නිකං ඉන්න බැරි වුන හින්ද. මේ පොතෙත් ඇල්බම් එකෙත් මං කතා කරන්නෙ ඇමරිකාවෙ තියෙන සෙක්ෂුවල් රිප්‍රෙෂන් එක ගැන. මං හිතන්නෙ මේක තමයි ඒක කතා කරන්න හරිම වෙලාව..
යුරෝපය ඇත්තටම මේ වගේ දේවල් ගැන අපිට වඩා විවෘතව බාරගන්නාසුලුයි. ඒ ගොල්ලො වැඩක ආර්ටිස්ටික් වටිනාකම තේරුම්ගන්නවා. ඇමරිකාවෙ අයට බෑ තමන්ගෙ අගතීන් වලින් එලියට ඇවිත් මේ දේවල් සාකච්ඡාවට ගන්න”
එතනදි නිවේදකයා අහනවා “ඒ කියන්නෙ ඔයා පිළිගන්න ලිංගික සදාචාරය යුරෝපියානු එකක්. ඇමරිකානු එකක් නෙමෙයි?”
මැඩෝනා කියනවා ඔව් ඒක එහෙම පිළිගන්න වෙනවා කියල.
මැඩොනා විශ්වාස කරන්නෙ සුන්දරත්වය නැත්තං අනුරාගයම තමයි කාන්තාවකගේ බලය කියල.
“ඔයාට පුළුවන් ලස්සන කෙල්ලෙක් වෙලා ඕන නං නියපොතු පාට කර කර ගෙදරට වෙලා ඉන්න. නැත්තං ඔයාට පුළුවන් එලියට ඇවිත් සමාජයට මොනවා හරි දෙයක් කියන්න. මිනිස්සු හිතන විදිහ වෙනස් කරන්න. ඒ තමයි ඔයා ඔයාගෙ බලය පාවිච්චි කරන විදිහ”
තමන්ගෙ ආර්ට් ඇතුලෙ ඇමරිකානු සමාජය වෙනස් ලිංගිකත්වයන්, වෙනස් ආශාවන් පිළිගන්න දිශාවට යම් හෝ වෙනස්කමක් ඇති කළා කියල මැඩෝනා විශ්වාස කරනවා.
“මේ ඉරොටික් වීඩියෝවෙන් සෙක්ස් ග්ලැමරයිස් කරනවා කියල කෙනෙක් කියන්න පුළුවන්. ඒ වගේම තව කෙනෙක් ඒක පිලිකුල් සහගතයි කියන්නත් පුළුවන්. හැබැයි මං ඒකෙ කොතනවත් අනාරක්ෂිත සෙක්ස් ප්‍රමෝට් කරන්නෙ නෑ. කවුරු හරි සෙක්ස් ෆැන්ටසියක මාව සතෙක් වගේ දම්වැලකින් බැඳගෙන ගියා කියල ඒක අනාරක්ෂිත දෙයක් විදිහට මං දකින්නෙ නෑ…
මගේ පොත මගේ වීඩියෝ එක කියන්නෙ ෆැන්ටසියක්. මං කියන්නෙ නෑ කාටවත් ඔයා ගිහින් මේක කරලා බලන්න කියල. ඒ වීඩියෝ එක බලලා පොත කියවලා ගන්න ආස්වාදය තමයි ඒ නිර්මාණයේ පරමාර්ථය. එතනින් එහා දෙයක් නෙමෙයි….
මේ පොතේ මගේ දේවලුත් තියෙනවා. තව අයගෙ දේවලුත් තියෙනවා. ඕන කෙනෙක් ලියද්දි එහෙමයි. අන්තිමේදි ඒකෙ ෆැක්ට්ස් මොනවද ෆැන්ටසි මොනවද කියල වෙන් කරන්න බෑ…
මේ පොත සහ වීඩියෝ එක මට මාව නිදහස් කරන අත්දැකීමක් වුනා. පොඩි ළමයින්ට විතරයි එහෙම නිරුවතින් ඉන්න පුළුවන් වෙන්නෙ. ඒ මුලු කාලය පුරාම මං හිටියෙ හිනාවෙවී. මට ආපහු මං පොඩි එකෙක් වුනා වගේ දැනුනා. පාරවල් දිගේ හෙළුවෙන් දුවන්න පුළුවන් වුනා…
වෝනර් සමාගමෙන් මට සීමා තුනක් දුන්නා. ළමයි එක්ක සෙක්ස් බෑ. සත්තු එක්ක සෙක්ස් බෑ. ආගමික දේට නිග්‍රහ කරන්න බෑ. ඒ එකක්වත් මගේ සෙක්ෂුවල් ෆැන්ටසි නෙමෙයි. ඉතින් ඒවා ඇත්තටම මට සීමාවන් වුනේ නෑ….
මගේ ප්‍රකාශනය මියුසික්ද, පොතක්ද, මොකක්ද කියල අදාල නෑ. මොකක් හරි ප්‍රකාශනයකින් මට ඕන දේ මං කියනවද කියන එක විතරයි අදාල. ඒක මිනිස්සු කොහොම ගන්නවද කියන එක ගැන මට කරන්න දෙයක් නෑ. මීඩියා ගැන මට පාලනයකුත් නෑ. ඒත් මං දන්නවා මට කියන්න ඕන වුනේ මොකක්ද කියල. ඒක විතරයි මගේ පාලනය යටතේ තියෙන්නෙ….
සෙක්ස්වලදි අතපය බඳින එකේ දැනෙන සනීපයක් තියෙනවා. ඒක හරියට ඔයා පොඩි කාලෙ අම්මා කාර් සීට් එකට තියලා බෙල්ට් එක දානවා වගේ. එයාට ඕන ඔයාව පරිස්සම් කරන්න. ඒක ආදරයේ ක්‍රියාවක්…”
– මැඩෝනා
සෙක්ස් පොතෙන් වදන් හයක්
- හයිය වෙන්න. නිදහස සහ දෙවියන් විශ්වාස කරන්න. ඔයාට ආදරය කරන්න. ඔයාගෙ ලිංගිකත්වය තේරුම් ගන්න. හිනාවෙන් කල්ගත කරන්න. මාස්ටර්බේට් කරන්න. මිනිස්සුන්ව ඒ අයගෙ ආගමෙන්, පාටෙන්, ලිංගික පැවතුම්වලින් විනිශ්චය නොකරන්න. ජීවිතේට ආදරේ කරන්න.
- හැමෝම හිතනවා මං නිම්ෆොමේනියැක් කෙනෙක් කියල. සෙක්ස් හොයාගෙන පිස්සුවෙන් දුවනවා කියල. ඒත් ඇත්තටම මං වැඩිපුරම කරන්නෙ පැත්තකට වෙලා පොතක් කියවන එක.
- මං දන ගහන්නෙ යාඥා කරන්න නෙමෙයි.
- යවන්න ළංවෙද්දි හැමෝම ඔයාට ආදරෙයි
- සික් පර්වර්ට් අයට තමයි මං හැමදාම කැමති
- හොඳ හයිය ගෑනු ලොකු හිකීස් තියනවා.
