මට නිතර නාඳුනන යාළුවො කතා කරනවා. ඒ අයට වෙන කාත් එක්කවත් කියන්න බැරි කතා බෙදාහදාගන්නවා. සමහර අය ඒ අයගෙ ආශාවන් රුචිකත්වයන් නිසා ඒ අය විපරීතද කියල බයෙන් සැකෙන් ඉන්නවා. තමන්ගේ ආශාව මානසික රෝගයක්ද කියල තැවෙනවා.
ලංකාවෙ මනෝ උපදේශනය තියෙන්නෙ ඉතාම පහළ මට්ටමක. උදා විදිහට සංක්‍ර‍ාන්ති ලිංගිකයෙක් නව යොවුන් වයසෙදි තමන්ට දැනෙන වෙනස කියන්න මනෝ උපදේශකයෙක් මුනගැහුනම කොහොම හරි විෂම ලිංගිකයෙක් වෙලා සාමාන්‍ය වෙන්න උත්සාහ කරන්න කියන වර්ගයේ උපදෙස් ලැබුනු අය මට මුනගැහිලා තියෙනවා. බහුතරයක්ම මේ උපදේශකයන් අනෙකාව සංස්කෘතිකව විනිශ්චය කරනවා. තමන්ගේ සංස්කෘතික අගතීන් අනෙකා මත පටවනවා.
එහෙම ලේසියෙන් තමන් රෝගී යැයි පිළිගන්න අකමැති ශක්තිමත් ගැහැණු පිරිමි සහ වෙනත් අය මට කතා කරනවා. මං විධිමත්ව මනෝ විද්‍යාව හෝ වෙනත් කිසිම විෂයක් හදාරා සහතික ලද්දෙක් නෙමෙයි. වෛද්‍යවරයෙක් විසින් නිර්දේශ කරන ප්‍රතිකාර කිරීමේ හැකියාවක් මට නෑ.
නමුත් මං ඉතා හොඳ සවන් දෙන්නෙක්. විනිශ්චය නොකරන්නෙක්. මිනිස් ජීවිතේ විවිධත්වයට ආදරය කරන්නෙක්. විශ්වාසවන්ත යාලුවෙක්. ඒ හින්ද ඔයාව පෙළන ආදරය හෝ ලිංගික කාරණා සම්බන්ධ ඕනෑම දෙයක් අපිට බෙදාහදාගන්න පුළුවන්. හොඳ නරක යැයි සම්මත සීමාවලින් ඔබ්බෙහි මිනිස් අවකාශයක අපිට මිතුරන් හැටියට මුනගැහෙන්න පුළුවන්. බොහොමයක් තැවුල් පීඩනවල දැරිය නොහැකි වේදනාව වෙන්නෙ විවෘතව අසා සිටින හෝ බාරගන්නාසුලු මිත්‍රත්වයක් නැතිකමයි.
ඒ වගේ කතා කරන්න දේවල් තියෙනවා නම් පහත ලින්ක් එකෙන් පැයක් වෙන් කරගන්න ඔයාට පුළුවන්. සතියෙ හැම බදාදාම පැය දෙකක් මං මේ වෙනුවෙන් වෙන් කරන්න කල්පනා කළා. කිසිම මුදල් අයකිරීමක් නෑ. එක්කෙනෙක් පැයකට වඩා වෙන් කරන්න එපා.
මුනැගහෙන තැන තිඹිරිගස්යායෙ, ස්පැතෝඩියා ඇවනියුහි ෆ්‍රීඩම්හබ් ආයතනය.
වෙලාවක්ලි වෙන් කරගැනීමට Link එක මෙන්න.
https://calendly.com/chinthana/60min
