මනුස්සයෝ දෙන්නෙක් සෙක්ස් කරන වීඩියෝ එකක් දැක්කම සාමාන්යය මනසක් තියෙන කෙනෙක් කරන්නේ ඒක රසවිඳින එක. මොකද ඒ වගේ දේවල් දකිද්දි සාමාන්යය මනසට ලිංගික උත්තේජනයක් ලැබෙන්නෙ. එහෙම නැත්නම් එහෙම වීඩියෝවක තියෙන්නෙ තමාට ඒ විදියේ උත්තේජනයක් නොලැබෙන ආකාරයේ තමාගේ ටේස්ට් එකේ නොවන දෙයක් නම්, සාමාන්යය මනස කරන්නේ අහක බලාගන්න එක. අපි ඔන්ලයින් පෝර්න් බලද්දි කොච්චර නම් අපි ආශා නොකරන විදියේ පෝන් වීඩියෝ දකිනවද? ඒත් අපිට කවදාවත් ඒකෙ පේන්න ඉන්න මිනිස්සු එක්ක කේන්ති ගිහින් ඒ මිනිස්සුන්ගේ ජීවිත අවුල් කරල විනාශ කරන්න හිතිල තියෙනවද? සාමාන්යය මනස කරන්නෙ ඒ වගේ අපිට සෙට් නොවන ඒවා ස්කිප් කරන එක.
එච්චර සිම්පල් ප්ලෑන් එකක් විකල්පයක් විදියට තියෙද්දි ඒ වෙනුවට මනුස්සයෝ දෙන්නෙක් සෙක්ස් කරනව දැක්ක ගමන් කේන්ති යන්නෙ, මුංට දැඩි දඬුවම් දෙන්න ඕන, මෙහෙම ඒවා වෙන එක නවත්තන්න ඕන, රටේ ලොකුම පුටුවෙ ඉන්න එකාට ලියන්න ඕන, වගේ හිතෙන්න වැඩිහිටි මනසක් මොන වගේ තත්වයකට පත් වෙන්න ඕනද කියන එකයි මං කල්පනා කලේ.
තමාගේ ආශාවල් සහ උවමනාවල් මුදුන් පත් කරගන්න බලාපොරොත්තුවෙන් වැඩ කරන මිනිස්සු ඒ ආශා ඉෂ්ඨ කරගන්න සාධාරණීයකරනය කිරීම් විදියට උතුම් කියල පිළිගැනෙන හේතු හොයාගන්නවා. මේ දේ දැනගෙන වගේම නොදැන දෙවිදියටම වෙනව. ‘ළමයි ආරක්ෂා කරගන්න නිසා’ වගේ හේතුවක් ඉදිරිපත් වෙන්නෙ ඒ ආකාරයෙන් වෙන්න පුළුවන්. මොකද ළමයි කියන මිනිස් කොටස ගැන ඔය තරම් සහකම්පනයක්, කරුණාවක් තියෙනව නම් ඒ උන්දැලා වසන තැන් වල සිදු වෙන තරම් ශාරීරිකව සහ මානසිකව දෙආකාරයෙන්ම ළමා අපයෝජන රටේ වෙන කොහෙවත් සිදුනොවෙන බව ඒ උන්දැලා නොදැන ඉන්න විදියක් නැහැනෙ. ළමයි ආරක්ෂා කරන එක නම් මූලික අරමුණ, එහෙනම් මේ වෙද්දි පහන්තුඩාව ගැන එක ලියුමක් නෙමෙයි, පන්සල් වල කෙරෙන අපයෝජන ගැන ලියුම් සියදහස් ගණනක් ජනපතිවරුන්ට යවලා ඒවා නවත්තපු හැටි ගැන මිනිස්සු අතීත කතන්දර කියන තත්වයකුයි තියෙන්න ඕන.
මිනිස් සමාජයක් වුනාම ළමයින්ට සුදුසු ආකාරයේ අවකාශ වගේම ළමයින්ට නුසුදුසු, වැඩිහිටි අවශ්යතා වෙනුවෙන් සැකසුනු සමාජ අවකාශ නඩත්තු කිරීමත් අත්යාවශ්යය දෙයක්. ළමයින්ව කොතනටද කොයි මට්ටමකයද කොයි කාලයේද කොයි තරමකටද ඒවාට නිරාවරණය කරන්නේ කියන වගකීම් සහගත වැඩිහිටි ප්රවේශය වෙනුවට මේ යෝජනා කෙරෙන්නේ සමාජයේ ළමයි ඉන්න නිසා අපි ඔක්කොම ළමයි වගේ ඉමු කියන විසඳුමයි. අන්තිමට වෙන්න ඉඩ තියෙන්නේ ළමයි දකියි කියල හැමිනෙන්නේ නැතුව ඉන්නයි.
සමාජයේ තියෙන මොකක් හෝ ආකල්පවල අඩුපාඩුවක් හේතුවෙන් තමන්ගේ භාරයට ලැබෙන ළමයි ටික පරිස්සම් කරගන්න බැරුව ගෙවල් වල දෙමව්පියන් එක්ක හැදෙන වැඩෙන දරුවන්ව සෙක්ස් වලින් ආරක්ෂා කරගන්න පොලිසි යනවා. මොනවද මේ විහිලු?
මේ වගේ සෙක්ස් වීඩියෝ නිසා කෙනෙක්ට තමන් මතුපිටින් අශිෂ්ඨය කියල තමන්ට තහවුරු කරගෙන ඉන්න තමන්ගේම ආශාව තමන්ටම අභිමුඛ වෙන නිසා ඒ දෙය දෑහැට නොපෙනෙන තැනකට තල්ලු කරල නැති කරලම දාන්න හිතෙනව වෙන්න පුලුවන්. නැත්නම් සමාජය තමන්ට අහිමි කරනු ලැබූ දෙයක් හොරෙන් හොරෙන් කරනව වෙනුවට ප්රසිද්ධියේ(?) කරල තමන්ගෙ මූණෙ උලන්න එනව වගේ කියල හිතල කේන්ති යනව වෙන්නත් පුළුවන් (“අපිට කරන්නත් නෑ. කරනව නම් කරන දෙයක් ලයිට් ඕෆ් කරන් අපිට නොපෙනෙන්න හොරෙන් කරනව වෙනුවට දැන් මුන් මේවා එළිපිටම කරන්න අරන්. අපි පව් නැද්ද? ඇයි අපිව මෙච්චරම නොසලකා හරින්නෙ. අපි ඉන්නව කියල උඹලට මතක නැද්ද?”)
ඔය කිසිවක් නෙමේ නම් ඉතුරු වෙන්නේ තලෙයිබාන් පැහැදිලි කිරීම.
මිනිස් ජීවිතය විඳීමේ සියලු ආකාර අකැපය කියන අවකාශයකට තල්ලු කරල ඒ දේවල් සදාචාරය කියන මහා දොරෙන් වහල සංස්කෘතිය කියන අගුලෙන් අගුලුදාන ප්රවේශය. මොන ආකාරයෙන් හෝ ඒ දොර කඩාගෙන ඒ විඳීම් එළියට එන්න හදන හැම විටකම නීතිය, තුවක්කුව හෝ තමාගේ ආගමික පොතපත අවි බවට හරවගෙන මොන ක්රමයකින් හෝ ඒවා අර අඳුරු මුල්ලට තල්ලු කිරීමේ උවමනාව. සමහර පුද්ගලයන්ට අදාලව සලකපුවම මේක ඇත්තටම “හොඳ” කිරීමේ අරමුණින් හටගත්ත සදාචාරය පිලිබඳ විකෘති සහගත රාමුවකට සීමා වීමේ ප්රතිපලයක් වෙන්න පුලුවන්.
මීට කලින් කිහිප වතාවක්ම ලියල තියෙන කරුණක් ආයෙම මතක් කරනව නම් සි.බෞ ගෝත්රික වටිනාකම් සහ ඔවුන් තමන්ගේ ප්රතිවාදියා කරගෙන ඉන්න අරාබිකරයේ වටිනාකම් වල තියෙන්නේ පුදුම ආකාරයක ගැලපීමක්. දෙපිරිසේම සදාචාරාත්මක ආකෘතීන් සෑහෙන දුරකට සමානයි. ආකෘති සමානයි ගැඹුරින් පමණයි වෙනස්.
පැහැදිලි කරනව නම්; දෙපිරිසම වැරදි කියල හඳුනාගන්නේ එකම ආකාරයේ මිනිස් හැසිරීම්. ඒ වැරදි එක්ක ගනුදෙනු කරන විදිය, ඒ කියන්නේ ඒ වැරදි වලට දෙන දඬුවම් ආකාර ගැන පමණයි වෙනස්කම් තියෙන්නෙ. මානව අයිතීන් ගැන, කාන්තා නිදහස ගැන, සමරිසි අයිතීන් ගැන, ප්රකාශනයේ නිදහස ගැන, කන්යාභාවය ගැන, සෙක්ස් ගැන.. මේ මොක ගැන ආකල්ප ගත්තත් අරාබිකරය සහ සි.බෞ ගෝත්රිකයන් කියන්නේ නෑදෑයෝ.
මේ සමානකමට හේතුව සි.බෞ ගෝත්රිකයන් බුදුන්වහන්සේ සමඟ තියෙන සම්බන්ධයට වඩා වැඩි සම්බන්ධයක් ක්රිස්තියානි බයිබලය සමඟ තිබීමයි. ක්රිස්තියානි බයිබලයේ පැරණි ගිවිසුම ඇසුරෙන් ගොඬනැගුනු වික්ටෝරියානු සදාචාරයට බුදුන්ගේ ලේබලය අලවගෙන දශක ගාණක් පුරා නටන මේ නාඩගම ඇත්තටම විනාශකාරී විකෘතියක්.
මේ සටහනට පාදක වුන වීඩියෝවේ හිටිය යුවල සොයා පොලිස් පරීක්ෂණ සිදුවෙන බවයි දැන් වෙද්දි දැනගන්න තියෙන්නෙ.
අපේ සමාජයට මේ වගේ පරිප්පු කන්න වෙලා තියෙන්නෙ විහින්මයි.
පොඩි කාලෙ ඉඳල පිරිසක්ව ජීවිතය විඳින දේවල් වලින් ඈත් කරල ඒ දේවල් අහිමි කරවල ඒ මදිවට ඒ පිරිසට සමාජීය දේවල් ක්රියාත්මක වන ආකාර වලට බලපෑම් කරන්න සිවිල් බලයකුත් මෙන්න කියල වැඳලම දුන්නම ඒ මිනිස්සු මොනව කරයි කියලද අපේ මිනිස්සු බලාපොරොත්තු වෙන්නෙ?
අන්තිමට සිද්ධ වෙලා තියෙනෙ උන් නොරකින සිල් අපිට රකින්න උන්ම කරන බලපෑම් වලට යටත් වෙන්න.
ඉතිහාසයේ කිසිදා නොවුන මට්ටමකට හැම පැත්තෙන්ම මේ තරම් රටක් අවදානමට ලක් වෙලා ඉද්දි සෙක්ස් වීඩියෝවක් දැකීම නිසා ඇතිවුන කම්පන ඇරියස් කවර්කරගන්න දඟලන උන්දැලාගේ කීම අහලා අර ඔක්කොම ප්රශ්න තියෙද්දි, ඒ වචනයට අනුව මෙහෙයවෙන රජයක් එක්ක ජීවත් වෙන්න වෙලා තියෙන ජනතාවකට ඉතින් අබ සරණ හැර කුමන සරණක්ද?
ඊට ගොඩකාලෙකට පස්සෙ මේ මල් කියන සියුමැලි සුවඳ ජීවීන් තවත් වර්ගයකගේ සවිඥානකත්වයේ වැදගත්ම පරිවර්තනයක් ඇති කරනවා. මානවයො මේ මල්වල අලංකාරයට වශී වෙනවා, ඒවායින් ආස්වාදයට පත්වෙනවා. මානවයාගේ සවිඥානය වර්ධනය වෙද්දි තමන්ට උපයෝගීතාවයක් නැති නමුත් ඔවුන් වටිනාකමෙන් සළකපු පළමු දේ බොහෝවිට මල් වෙන්න ඉඩතියෙනවා. මල්වලින් මානවයාගේ ජීවිතය ගලවා ගැනීම වගේ දේකට උදව්වක් නෑ. ඒත් ඒවා ගිණිය නොහැකි තරම් කලාකරුවන් කවීන් මුනිවරයන් අවදි කරලා තියෙනවා. ඉන්ස්පයර් කරලා තියෙනවා. මල් දෙස බලා සිට ජීවත්වෙන හැටි උගන්නැයි ජේසුස් අපිට කියනවා. බුදුන් මලක් පාවිච්චි කරලා නිහඬ දේශනාවක් කරනවා. එයා මල අල්ලාගෙන ඒ දෙස බලා සිටින්නැයි කියනවා. ටික වෙලාවකට පස්සෙ ඒ පිරිස අතර හිටපු මහා කාශ්යප තෙරුන්ගෙ මුවට මදහසක් නැගෙනවා. එතන හිටපු අයගෙන් මේ දේශනය වැටුහුනු එකම කෙනා මහා කාශ්යප. පුරාවෘත්තයෙ හැටියට මේ අවබෝධයේ මදහස ආචාර්යවරුන් වහන්සේලා විසි අටකට උරුම වෙනවා. එතැනින් සෙන් දහමේ උපත සිදුවෙනවා.
ඕනම ජීවිත ආකෘතියක් අවබෝධයට පත්වෙනවා කියල අපිට කියන්න පුළුවන්. ඛනිජයක් වුනත්, එළවලුවක් වුනත්, සතෙක්, මනුස්සයෙක් වුනත් මේ අවබෝධයට පත්වීමේ ක්රියාවලිය තුලින් ගමන් කරනවා. ඒත් ඒක අන්තිම විරල සිදුවීමක්. මොකද ඒක පරිණාමීය ක්රියාව ඉක්මවා යන්නක්. එක විදිහකට ඒ පරිණාමීය භෞතික ක්රියාවෙන් ඛන්ඩනයක් සලකුනු කිරීමක්. වෙනම පැවැත්මකට ගන්නා වූ පිම්මක්. වැදගත්ම දේ ඒක භෞතිකත්වයෙන් අඩුවීමක් දුරස්වීමක් දැනෙන තැනක්.
