අද අගෝස්තු 13 ලෝක වමත්කරුවන්ගේ දවස. ඇත්තටම මගේ ජීවිතේ මුනගැහුනු ගොඩක් වමත්කරුවන් විවිධ දේවලින් වඩා නිර්මාණශීලී අය. ඒ අය පංතියේ ලියන මේසෙ ඉඳන් කන තැන්වලදි, ගිටාර් ගහද්දි, කොටින්ම කෑන් ඕපනර් එකක් පාවිච්චි කරද්දි පවා අපහසුතාවයට පත්වෙනවා. හැබැයි ඒ හින්දම ඒ ගොල්ලො ගොඩක් දේවලදි නිර්මාණශීලී වෙනවා. විශේෂයෙන්ම සෙක්ස් වලදි.
2014 ලෝකයේම 10,000ක් දෙනා සම්බන්ධ කරගනිමින් කරපු පර්යේෂණයකට අනුව වමත්කරුවන් දකුණත් හුරු අයට වඩා තෘප්තිමත් ලිංගික ජීවිතයක් ගතකරනවා. ඒ පර්යේෂණයෙදි වමත්කරුවන් 86%ක් තමන්ගේ ලිංගික ජීවිතය ගැන අතිශය තෘප්තිමත් කියල කිව්වා. ඒත් දකුණත්කරුවන්ගෙන් ලිංගික ජීවිතය තෘප්තිමත් කියල කිව්වෙ 15%ක පිරිසක් විතරයි. මේක බරපතල පරතරයක්.
ලෝක ජනගහනයෙන් 10%ක පිරිසක් වමත්කරුවන් වෙනවා. ඇයි මේ අයගේ ලිංගික ජීවිතය වඩා හොඳ වෙන්නෙ? මේකට හේතුව විදිහට කියන්නෙ වමත්කරුවන් වඩා තෘප්තිමත් වෙන්නෙ තමන්ගෙ මොළයෙ දකුණු අර්ධයෙන් කියන එකයි. මොළයේ මේ දකූනු පැත්ත තමයි නිර්මාණශීලීත්වයට, කලාත්මකබවට සහ අනුරාගයට මුල්වෙන්නෙ. මේ නිසා ඒ අයගෙ ලිංගික ජීවිතයත් ඒ දේවල්වලින් පොහොසත් වෙනවා. අනිත් පැත්තට දකූණ හුරු අය වැඩි තෘප්තියක් ලබන්නෙ තමන්ගෙ මොළයෙ වම් අර්ධයෙන්. ඒ කියන්නෙ ගණිතයට, තර්කයට, විශ්ලේෂණයට බර කොටස. ඉතින් සෙක්ස්වලදි තෘප්තිය අඩුවීම අහන්නත් දෙයක්ද?
මේ හින්දම LELO කියන සමාගම Detrux කියල ස්ටේරස් බෝලයක් වගේ සෙක්ස් ටෝයි එකක් නිර්මාණය කරලා තියෙනවා දකුණත් හුරු අය වෙනුවෙන්ම. ඒ වමත්කරුවන් ලබන ලිංගික තෘප්තිය පුහුණු වෙන්න. ඒක වම් අතේ මිරිකගත්තම වයිබේ්රට් වෙමින් මොළයේ දකූණු අර්ධය උත්තේජනය කරනවා කියලයි කියන්නෙ. එතකොට දකුණත්කරුවන්ට වමත්කරුවන් ලබන අසීමිත ලිංගික තෘප්තිය අත්දකින්න පුළුවන් වෙනවලු.
දැන් කෙනෙකුට ඕන නම් පුළුවන් තමන්ගේ සහකරුවා හෝ සහකාරිය තෝරාගැනීමේදී මොන අතද වඩා හුරු කියන එකත් වලංගු කාරණයක් කරගන්න. කොහොම වුනත් මගේ පෙම්වතියත් ඇතුලු සමස්ත සෙක්සි වමත්කරුවන්/කාරියන්ට සුබ දවසක් වේවා.
ඉස්සර අපේ අම්මා ගේ හැදුවෙ කෑමක් දෙන්න, දානයක් දෙන්න ලොකු සාලයක් තියෙන්න ඕන කියන අදහසින්. ගෙදරක දාන ශාලාවක් හදන ආසාවක් කොහෙන් ආවද කියල මං තාම පුදුම වෙනවා. ගොඩක් බිසී නැති වුනත් අපේ අම්මලාගේ පරම්පරාවට එහෙම විවේකයක් තිබුනෙ නෑ. ඒ ගොල්ලො ගොඩක් වැඩ කළා. ගේ හදන්න ගත්ත ලෝන් එකත් අවුරුදු පහලොවක් විතර ගෙව්වා.
ඉංග්රීසියෙන් හවුස් සහ හෝම් කියල වචන දෙකක් තියෙනවා. සිංහලෙන් නිවස සහ ගෙදර කිව්වොත් හරිද මං දන්නෙ නෑ. ඒත් හවුස් කියන්නෙ ගොඩනැගිල්ලට. හෝම් කියන්නෙ හැඟීමට. ගොඩක් අයට තියෙන්නෙ නිවස කියන ගොඩනැගිල්ල. ගෙදර කියන තමන් සමවදින අවකාශය නෑ.
කොන්ෆරන්ස් කෝල් කියන්නෙ ඔහේ කාලය කාදමමින් අහගෙන ඉන්න එකටය. වැදගත් කාරණයක් කවුරුන් හෝ කියතොත් ඒ ඉතාම අහම්බයකි. කොහොමත් කතා කරන සියල්ල පටිගත වෙයි. එබැවින් කතා කරන කෙනෙකුට කියවාගෙන යන්න ඉඩදෙනවා මිස කළ යුතු වෙන මොකුත් නැත. කනේ ෆෝන් එක තිබුනට කන ඕෆ් කර තබා ගත හැක. එය කාලයක් තිස්සෙ දුරකතන පනිවුඩවලින් හිරිහැරයට පත්වෙන කන් විසින් සොයාගන්නා තාක්ෂණයකි.
ඇය ඇඬෙන හිනා පෝලිමක්ද අගට එකතු කළාය. ස්ටාලින් වැඩකරන්නෙ බැංකුවකය. පුළුවන් හැමතැනම ස්ටාලින්ගේ රෙදි ගැලවීම අමන්දාගෙ ඒ මොහොතේ ඒකායන පරමාර්ථය වුනේය. පෝස්ට් බොත්තම ඔබන්න ඔන්න මෙන්න තියෙද්දි අරලියා එතනට කඩාපාත් වුනාය.
කොහොමත් සෙක්ස් කියන්නෙ තවත් කෙනෙක් එක්ක කයින් මනසින් එකතු වෙන මොහොතක්. ඒක ශරීර දෙකක හෝ වැඩි ගණනක මුහුවීමක්. ඒ මානසික කායික අත්දැකීම මාස්ටර්බේෂන් එකකට සමාන කරන්න බෑ.
පොලිසිය කියන්නෙ ලිංගිකත්වය සම්බන්ධ කාරණාවලදි කොහොමත් අන්තිම ග්රාම්ය තැනක පවතින ආයතනයක්. වෙරලක ඉන්න පෙම්වතුන් අල්ලාගෙන යාමත් සදාචාරය රකින මෙහෙවරක් හැටියෙන් සළකන පොලිසිය අතින් වෙනස් ලිංගිකත්වයන් ඇති පිරිස් නිතර අතවර, අපහාස සහ අපහරණයන්ට ලක්වෙනවා. පොලිසියට ඒ දේවල් උගන්නන්නෙ, ඒ පිරිහුනු මතවාදයන් සනාථ කරන්නෙ, ඔවුන්ට ඒවා සමාදන් කරවන්නෙ අමා දිසානායක වගේ කට්ටිය.
සිග්මන්ඩ් ෆ්රොයිඩ් මේ හොමොෆෝබියා හෙවත් සමරිසිභීතිකාව තේරුම් ගන්න හොඳ පැහැදිලි කිරීමක් ගේනවා. කෙනෙක් විෂම ලිංගික වෙන්නෙ ජීව විද්යාත්මක කාරණා නිසා පමණක් නෙමෙයි කියල ෆ්රොයිඩ් කියනවා. මේ දැඩි විෂම ලිංගිකත්වය පිටිපස්සෙ තියෙන්නෙ දෙමව්පියන්ගෙන් සහ සමාජයෙන් ලැබෙන සමරිසි විරෝධය බව එයා කියනවා. ඒ කියන්නෙ අපි විෂම ලිංගික වෙන්නෙ සමලිංගිකත්වයට ඇති බය නිසා.
මේ සමරිසිභීතිය පිටිපස්සෙ තියෙන තව කාරණයක් තමයි සිම්බොලික් රේසිසම් නැත්තං සංකේතමය වර්ගවාදය කියන එක. කලුසුදු භේදය, දෙමළ සිංහල භේදය ආදී විදිහට අපි හදාගත්ත අපේ කල්පිත වටිනාකම් පද්ධතියක් වඩා උසස් සහ මාරයි කියන හැඟීම මේ ලිංගික ප්රශ්නෙදිත් තියෙනවා. සමරිසිභාවය එක්ක අපි ස්වභාවිකයි කියල පිළිගන්න පවුල, ලිංගිකත්වය, අපේ ලිංගික තත්වය වගේ සංකේතීය කාරණා අර්බුදයට යනවා. අපේ ආගම්වලින් ගොඩනගපු ගතානුගතික විශ්වාස අවුලට යනවා. එතකොට අපිට අනාරක්ෂිත තත්වයක් ඇතිවෙනවා. අපි බය වෙනවා. ප්රචන්ඩ විදිහට ඒක යටපත් කරන්න හදනවා. සමරිසි විරෝධය පිටිපස්සෙ තියෙන්නෙත් ජාතිවාදය ආගම්වාදය පිටිපස්සෙ තියෙන වර්ගවාදයම තමයි. එක විදිහක වෙනස් කොට සැලකීමක් තියෙන කෙනෙක් ළඟ අනිත් සියල්ලත් අඩුවැඩි වශයෙන් තියෙන්නෙ ඒකයි. උදා විදිහට ජාතිවාදියෙක් නම් බොහෝවිට එයා සමරිසි විරෝධියෙක්. මේ හෝමොෆෝබියාව රාජපක්ෂ මතවාදය එක්ක ඉබේටම ගැටගැහෙන්නෙ මෙතනදි. ඇත්තටම මේ ලිංගිකත්වය පිළිබඳ අර්බුදය තමයි ජාතිය ආගම රකින්න කියල සිංහ වෙස් අරගෙන හපන්න පනින්නෙ.
